Plástiques Convócase un concursu de pintura y dibuxu col Afuegal pitu como protagonista by asturnet 20 de xunu, 2012 L’Asociación de Restoranes de la Villa de Grau convoca l’I Concursu de Pintura y Dibuxu que va tener como tema’l quesu Afuegal pitu. La técnica ha ser pintura o dibuxu sobre papel, cartón, tabla o llenzu. Van poder presentase hasta un máximu de dos obres por autor. El tamañu va poder ser en formatu A3 o A6, vertical. Les obres han ser orixinales y el motivu principal el quesu Afuegal pitu en tolos sos conceutos, dende’l procesu d’ellaboración hasta’l consumu. El trabayu ganador va ser el cartelu qu’anuncie les Xornaes Gastronómiques del quesu Afuegal pitu que se van celebrar en Grau del 27 al 30 de setiembre de 2012. El plazu de presentación de los trabayos va ser hasta’l 15 de setiembre de 2012 na see de TURISMESA, Palaciu Fontela, cai Eduardo Sierra, 10, 33820, Grau. Los teléfonos d’información son: 985754783, 636235591 y 625094574. Bases completes del concursu 20 de xunu, 2012 0 FacebookTwitterPinterestEmail
Plástiques Xurde Margaride inaugura una esposición de semeyes revelaes con sidra by asturnet 7 de xunu, 2012 Na Sidrería La Galana, na Plaza Mayor de Xixón, tendrá llugar la inaguración de la esposición de Sidrografíes del fotógrafu Xurde Margaride. Sedrá esti xueves 7 de xunu a les 20 hores, y permanecerá espuesta del 7 al 24 d’esti mes. La Sidrografía ye una anovación artísitca obra del mencionáu fotógrafu na que la propia sidra forma parte del procesu de reveláu de la semeya, de tala miente que, comu diz l’autor “cuando la sidra forma parte d’una imaxe da llugar a una obra única, una sidrografía”. 7 de xunu, 2012 0 FacebookTwitterPinterestEmail
Plástiques Yá hai ganador del concursu de creación de trasgos pa la Fiesta de la Sidra de Xixón by asturnet 18 de mayu, 2012 David García Ferrero ye’l ganador del primer concursu de diseñu de los personaxes (trasgos) de la Fiesta de la Sidra, convocáu pol Teatru Xovellanos. Esti concursu púnxose en marcha col enfotu de fomentar la creación artística nel marcu de la Fiesta de la Sidra Natural. L’oxetivu del mesmu ye escoyer los trasgos representativos de la edición númberu XXI de la citada Fiesta Los trasgos ganadores, que los sos nomes son Berto y Berta, van formar parte de la imaxe oficial que se va utilizar en distintos soportes, como vasos, programes o camisetes. Nun ye la primer vegada que’l xixonés David García Ferrero gana un concursu convocáu pol Teatru Xovellanos, yá que en 2010 la imaxe qu’ilustró’l Antroxu xixonés foi obra so. Col so diseñu, que lleva por lema Trasgos a la sidra, alzóse colos quinientos euros colos qu’esti premiu ta dotáu. El so interés pol dibuxu vien-y dende pequeñu. Y anque en principiu decantar por estudiar Bioloxía, finalmente la so vocación llevó-y a la Escuela d’Arte d’Uviéu, onde estudió Ilustración y espertóse el so interés pol diseñu. David ye l’autor del Osu Pericu de Bomberos d’Asturies, y con al respective de los trasgos de la Fiesta de la Sidra, afirma que buscó da-yos una llínea gráfica más actual, que tuvieren ciertu appeal, pero que caltuvieren traces tradicionales nos sos traxes. Tienen una gama cromática llindada, pero efectiva, con cuenta de facilitar la so implantación como mascotes. 18 de mayu, 2012 0 FacebookTwitterPinterestEmail
Plástiques La Univerisdá celebral III Ciclu Camín de Santiago, L’arte nel camín by asturnet 16 de mayu, 2012 Esti miércoles, 16 de mayu, a les 19:30 hores, lAula Magna del Centru Cultural d’Estensión Universitaria, na cai San Francisco, 1. dUviéu, Laureano García Díez, Presidente de l’Asociación d’Amigos del Camín de Santiago Ástur-Galaicu del Interior, va impartir la conferencia “L’arte nel Camín Primitivu. El muséu de Tinéu”. El xueves, 17 de mayu, a la mesma hora y nel mesmu llugar, Mª Josefa Sanz Fuentes, profesora de la Universidá d’Uviéu, va impartir la conferencia “De Villaviciosa a Avilés. Arte y Camín”. 16 de mayu, 2012 0 FacebookTwitterPinterestEmail
Plástiques Sidoro Villa espón la so obra en Candás by asturnet 2 de mayu, 2012 Nel pisu baxu del edificiu polivalente La Baragaña de Candás, va ofrecese al públicu, dendel 25 dabril al 18 de mayu, una esposición de dibuxos del autor escritor y ilustrador Sidoro Villa Costales, que cunta con obres como Nun-yos tengas perceguera o Mael al debalu ente otres munches, y quamuesa un refileru dilustraciones orixinales fechos pa dalgunu de los sos llibros, y otros trabayos que van dende los empobinaos al públicu más mozo hasta otros padultos. El mesmu espaciu, y nes mesmes feches, va acoyer otra esposición de delles campañes en llingua asturiana dirixíes al públicu infantill y entamaes pol Serviciu de Normalización Llingüística de la Mancomunidá dEl Cabu Peñes. Otra de les meses de la esposición tará destinada a della información al rodiu de la Selmana de les Lletres Asturianes questi añu 2012 va tar dedicada a la Ilustración. 2 de mayu, 2012 0 FacebookTwitterPinterestEmail
Plástiques Crítica d’esposición: Un viaxe de dir y tornar by asturnet 21 de marzu, 2012 La Galería privada Espacio Líquido, asitiada na cai Xovellanos númberu 3 de Xixón acueye nes sos sales del 1 de marzu al 13 d’abril dos esposiciones de la moza ibicenca Irene de Andrés (1986): Habitaciones para mirar del 2011 y El primer viaje. Dambes amueses vienen acompañaes de dos folletos esplicativos. El percorríu articúlase en dos plantes nes que sacuta la planta principal pa la so amuesa más recién. Les obres vienen acompañaes de carteles col títulu, la fecha y les técniques utilizaes. Posiblemente’l mundu nel que güei vivimos tenga muncho más de románticu qu’aquel en que vivieron Friedrich o Ruskin. Les entidaes nacionales poles que los románticos del sieglu XVIII abogaron, ven güei como’l so papel va faciéndose cada vegada más pequeñu frentes a les entidaes supranacionales que paecen querer tomar el control. Los seres humanos qu’habitamos el mundu actual, paecemos facer tolo posible por intentar fuxir d’esta sociedá afogadiza en que, magar tar globalizada n’estremu, el conceutu de viaxe románticu ta más vixente que nunca. Con esti referente, el del Romanticismu, siempres presente de manera clara y sincera, Irene de Andrés convídanos a la reflexón col mar y el viaxe como elementos constantes en toles sos obres. Coincidiendo cola amuesa de les sos Habitaciones para mirar, 2011 la galería Espacio Líquido tráinos, en collaboración con La Llaboral, El primer viaje, una amuesa retrospectiva que, al traviés de les sos obres más señalaes, va ayudanos a introducinos nes obsesiones d’esta artista. Obsesiones qu’utilicen distintos soportes pa manifestase, yá seya al traviés de videoinstalaciones, fotografía o intervenciones directes sobre mapes. Una amuesa, polo xeneral, non demasiao fácil de dixerir, na que nun fallen tanto los conteníos conceptuales o la so plasmación visual como la información y les ferramientes que s’apurren al espectador pa poder averase a les obres. Asina la Ocean chart II,2010 queda absolutamente descontestualizada al amosase en solitariu y ensin nengún tipu d’información adicional, que fai que l’espectador perciba más bien un trabayu de papiroflexa qu’una reflexón a cerca de la barrera ente lo real y lo conceptual, ente’l mundu en que vivimos y la so representación nun cachu de papel. Nun asocede lo mesmo con navegación por estima,2010 na que l’artista amuésanos tres imáxenes de paisaxes costeros tomaos de cámares de video-vixilancia sobre los que grabó navíos de trés obres de Friedrich. Un evocador chisgu al pasáu dende’l presente. Los pantasmagóricos barcos del pintor encaxen a la perfección nos afaraos paisaxes costeros de presente a los que fueron parar dempués de sieglos de saléu al debalu pela mar de la hestoria. Pero si l’amuesa de les anteriores obres resulta un tanto fría y en ciertes ocasiones nun tresmite con claridá’l mensaxe deseyáu, nun asocede lo mesmo col so trabayu últimu. De forma directa y cenciella, pa nada artificiosa, pero realmente bella, Irene de Andrés afigura de nuevu les mentaes obsesiones: una sigue referencia al viaxe, o la fuxida, col mar como elementu simbólicu y siempres cola Hestoria del Arte presente. Asina, l’artista toma doce ventanes de cuadros de los sieglos XIX y XX y asitiáles delantre de pantalles de web-cams que conecten al traviés d’internet ,en directo, con distintes partes del mundu. Con unes cencielles impresiones en poliéster tresllúcidu y unos paspartús negros que cubren el restu de la pantalla, l’artista tresgredel tiempu y l’espaciu tresportando al espectador a dalgún llugar esistente al traviés d’un elementu conceptual del pasáu pero con tecnoloxía del presente. La obra va dexar de tener sentíu, amás, nel momentu que dixebremos el paspartú de la pantalla sobre la que s’asitia, pero volverá tenela en cuanto l’espectador lu coloque en dalguna pantalla de la so casa. Revísase asina’l conceutu d’obra d’arte, implicando al espectador como parte activa por que la obra tea totalmente completada. El paisaxe va ser siempres cambiante, va depender de la cámara escoyida, de la hora del día o de la situación meteorolóxica; la ventana, sicasí, va ser siempres la mesma, va permanecer intacta como’l posu inamovible de la hestoria que trata de danos perspectiva sobre un presente cambiante y que namás se detendrá cuando seya pasáu, esto ye, hestoria. Les ventanes escoyíes, que van dende Friedrich a Magritte, convídennos a viaxar a cualesquier parte del mundu. Gracies a la revolución qu’internet supón podemos ver lo qu’asocede a miles de quilómetros de nós, sentinos conocedores de tol planeta y visitar espacios de manera instantánea superando les barreres del espaciu-tiempu. Sicasí esta sensación va poder durar namás unos minutos, quiciabes segundos. El viaxe foi solo mental, un viaxe románticu. 21 de marzu, 2012 0 FacebookTwitterPinterestEmail
Plástiques El Muséu de Belles Artes edital so calendariu nasturianu by asturnet 23 de xineru, 2012 Un añu más el Muséu de Belles Artes dAsturies asoleyal so calendariu nasturianu, gallego-asturianu y castellán. Nel desti añu apaecen 13 semeyes de la esposición sobre Xovellanos que ta agora espuesta nes sos instalaciones. 23 de xineru, 2012 0 FacebookTwitterPinterestEmail
Plástiques El fotógrafu inglés Bill Bradshaw ganó’l V Concursu de Semeyes de la revista La Sidra by asturnet 6 d'avientu, 2011 Tres llargues delliberaciones motivaes pol altu nivel de les semeyes presentaes, el Xuráu aconceyáu nun actu públicu nel Llagar El Mancu (Xixón) decidió dar el primer premiu d’esta edición del V Concursu Semeyes de la revista La Sidra al fotógrafu inglés Bill Bradshaw pola so obra Falling Apples. El segundu premiu foi pa “Astigarraga”, el terceru pa “Silueta I” y el premiu especial J.R (que ye’l llagar que sofita esti concursu), pa “Mayando Fuerte”. Nesta convocatoria presentárense un total de 145 fotógrafos con 563 semeyes, y comu yera desperar la participación foi mayoritariamente asturiana, si bien hai obres presentaes de tol Estáu, destacando Madrid; dEuropa destacó Inglaterra y Rumania; y dAmérica Llatina, Colombia. El Xuráu tuvo costituyíu pol fotoperiodista, Xurde Margaride, el Xefe de fotografia d’El Comercio, Jose Simal, Jerome Muñoz Direutor del cientru Integráu d’imaxe y soníu de Llangréu CISLAN y los fotógrafos destudiu Lorena Ayala y Carlos Manuel López. El V Concursu Semeyes LA SIDRA cunta col sofitu del Llagar JR, y ta dotáu colos premios: 1er premiu 600 (500 en metálicu y 100 en llibros), 2u premiu 350 (300 en metálicu y 50 en llibros), 3er premiu 150 (125 en metálicu y 25 en llibros) y Premiu especial Sidra JR dotáu con dos caxes de sidra a la meyor semeya en rellación con dichu llagar y/o los sos productos. 6 d'avientu, 2011 0 FacebookTwitterPinterestEmail
Plástiques Últimos díes pa ver la esposición de Sidoro Villa en Blimea by asturnet 1 d'avientu, 2011 Hatal 9 davientu puede visitase na Casona Bravial de Blimea la esposición de Sidoro Villa Costales (Lieres, 1962), escritor ya ilustrador, colos dibuxos orixinales fechos pa dellos de los sos llibros, como ¡Nun-yos tengas perceguera! o El llibru de los suaños, amás d’ilustraciones feches pa llibros dotros autores o les destinaes a empreses, asociaciones y otres entidaes. 1 d'avientu, 2011 0 FacebookTwitterPinterestEmail
Plástiques Ciañu tien abierta la esposición Una mirada al este by asturnet 10 d'ochobre, 2011 La esposición Una mirada al este del artista llangreanu Javier Rodríguez Linera va poder visitase na Casa los Alberti de Ciañu (Llangréu) hastal xueves 28 dochobre. Una Mirada al Este quier amosar la vida n’Ucrania y en Rumanía al traviés d’una mirada interesada y empática qu’afaya la vitalidá de les sos xentes nel día a día. Estes semeyes quieren ser, según esplica lautor, un ventanucu abiertu pel qu’entrever a esa familia de llabradores nos montes de los Cárpatos, a esi arguyosu home qu’enseña’l mapa de lo que foi la Gran Rumanía, a eses paisanes que ven pasar el mundu frente al so bancu Xente que trabaya, que va al mercáu, que charra colos collacios, que fuelga nun parque. Xente normal a lo que-y debo abondo. Desque na seronda de 1998 Javier Rodríguez Linera llegara a Lviv, ciudá nel occidente dUcrania, surdió nelli un interés especial pol este d’Europa, una zona acabante de dexar de ser l’otru llau del telón d’aceru. Compartir la vida con ellos primero y visitalos dempués, pero con otros güeyos bien estremaos de los del turista, dio como resultáu una colección de fotografíes de les cuales esta esposición ye una amuesa. 10 d'ochobre, 2011 0 FacebookTwitterPinterestEmail