Música ‘Vamos que nos vamos’ de Muchachito Bombo Infierno, nes fiestes de San Agustín d’Avilés by asturnet 20 d'agostu, 2006 L’aparcaderu del Complexu Deportivu d’Aviles va ser l’escenariu que mañana a partir de les diez de la nueche acueya, de manera gratutita, un conciertu de Muchachito Bombo Infierno. La banda lliderada por Jairo Perera presenta con esta actuación ‘Vamos que nos vamos’, el primer discu de so nel qu’entemecen sones de la rumba catalana, del swing y del reggae, con pingarates d’inspiración funky. Jairo Perera, esperimentáu músicu de grupos como La Banda del Disfiladero, Los Tronchos o Trimelón de Naranjus, va tar acompañáu nel escenariu por El Lere (al baxu), Hector Bellino (a la batería), Josue ‘El Ciclón’ García (cola trompeta), El Tito Carlos (col pianu) y la sección de vientos de La Gigoleto Brass. Asina, na nueche de mañana, celebrando la selmana de festeyos que conmemoren el San Agustín, los avilesinos van poder esfrutar al ritmu de canciones como ‘Si tú, si yo, si, no’, ‘Más que breve’, ‘Eima’ o ‘Será mejor’, convertíes yá en grandes esitos de Muchachito Bombo Infierno. 20 d'agostu, 2006 0 FacebookTwitterPinterestEmail
Música Muerre’l famosu constructor de tambores asturianos Andrés el d’Insiertu by asturnet 20 d'agostu, 2006 El constructor de tambores Jose Andres Valdes Vázquez, más conocíu como Andres el de L’Insiertu, morrió prematuramente esti sábadu pasáu a cuenta d’una grave enfermedá. Valoráu como ún de los meyores artesanos del tambor asturianu y fabricante amás de tou tipu de panderetes, panderos o banos, Andres Valdes va ser despidíu esta tarde nun funeral que se va celebrar a les cinco na ilesia de Valdecuna. 20 d'agostu, 2006 0 FacebookTwitterPinterestEmail
Música El ‘flamenco chill’ del Chambao llega esti sábadu a Xixón by asturnet 16 d'agostu, 2006 La visión del llamáu ‘flamenco chill’ de Chambao llega esti sábadu 19 d’agostu, a partir de les diez de la nueche, al Palaciu los Deportes de Xixón. ‘Pokito a poko’, el tercer album d’estos malagueños llideraos pola so cantante, conocida como La Mari, supunxo la consolidación del grupu como ún de los más innovadores tocante a la fusión del flamenco cola ellectrónica, meciendo estilos y tendencies de lo más estremaes. La Mari, a la voz; Toni Cantero con varies guitarres varias y faciendo coros; Toni Romero a los teclaos y los coros; Roberto Cantero, llevando’l saxu tenor y sopranu, flauta y secuencies; Coki Gimenez a la percusión y cola batería; Juan Heredia tamien a la percusión; Oliver Sierra a la guitarra y tres cubanu; y Eva Jimenez faciendo coros, Chambao llega esti sábadu al Palaciu los Deportes nún de los últimos conciertos qu’apuren el branu xixones. 16 d'agostu, 2006 0 FacebookTwitterPinterestEmail
Música El Festival Intercélticu d’Occidente celebra esta selmana la so décima edición by asturnet 15 d'agostu, 2006 El Festival Intercelticu d’Occidente celebra esti añu la so decima edición, efemeride pa la que la organización, los miembros del Grupu de Gaites Marino Tapiega, de Tapia de Casariego, tienen preparao una completa amuesa de música tradicional, conferencies, esposiciones, proyecciones, talleres y desfiles, ente los que nun van faltar la clásica Noite Máxica y la misa folclórica. El festival, que va ser inauguráu esta tarde nel Salón de Plenos del Ayuntamientu de Tapia pol director xeneral de Cultura, Carlos Madera, l’alcade, Gervasio Acevedo, el conceyal de Cultura, Francisco Perez Sanjurjo, y el director del Festival, Martín Fdez. Cascudo, va durar hasta’l prósimu llunes 21 d’agostu. Na inauguración que va tener llugar a les ocho la tarde van intervenir les bandes Isla Cumbrae RBLS Pipe Band, la Banda de Gaites Noceda, la Bagad Penhars y la Banda de Gaites Villa de Mieres. De siguío, nel Insitutu Marques de Casariego va proyectase’l videu ‘Arboles y bosques de Asturias’ mentes que nel Salón de Plenos del Ayuntamientu Pablo González va ufiertar una conferencia sobre’l folclore gallegu. A les once de la nueche, Los Llanzones van dar una verbena tradicional asturiana nel Puertu de Tapia de Casariego. Mañana xueves, a les doce, va proyectase’l videu ‘Instrumentos Tradicionales II’ mentes qu’a les once y media, na Sala de talleres del Institutu Marques de Casariego, David Varela va dar un cursu intensivu de curdión diatónica. Pela so parte, la Banda de Gaites de Maceda va desfilar per Tapia y el Puertu, mentes que la Bagd Penhars va facer una muestra de folclore bretón na Plaza l’Ayuntamientu. La tarde de mañana va siguir col cursu de David Varela, asina como con un desfile de la Banda de Gaites Villa de Mieres y una conferencia sobre’l futuru de la gaita en Galicia de mano del director de la Banda de Gaites Maceda, pa terminar a les once la nueche, na Playa del Murallón, cola celebración de la Noite Folk. El vienres 18 d’agostu va empezar cola proyección del videu ‘Picos de Europa’, mentes que nel aula del Insitutu una charra-coloquiu sobre la gaita escocesa va dar pasu a un cursu de tambor a cargu de Manuel Durán, que siguirá a les seis de la tarde, hora na que tamien se va celebrar un concursu de postres tradicionales. A les ocho y media la tarde, el folclore dende la emigración va ser la conferencia a celebrar na Sala del Institutu Marques de Casariego. A les once la nueche va volver celebrase una Noite Folk na Playa del Murallón col grupu Filska d’Escocia. El sábadu 19 d’agostu’l vidiu a proyectar ye ‘La sidra de Asturias’ mentes que la Plaza l’Ayuntamientu va acoyer un taller de dances gallegues. Tres de l’actuación de la Banda de Gaites de Maceda y Bagad Penhars, el programa tien previsto a les seis de la tarde una carrega de Galochos, un torneu de xuegu de la rana y una carrera d’anducas. Yá de nueche, na Playa del Murallón, va celebrase l’espectáculu de la Gran Noite Máxica. El domingu 20 d’agostu tendrá llugar la Misa Folclórica celebrada por Eugenio Maseda, tres de la que siguirán los desfiles y talleres previstos, hasta’l final del festival, el llunes 21 d’agostu. 15 d'agostu, 2006 0 FacebookTwitterPinterestEmail
Música In Extremo, Avalanch y Vendaval, esti vienres nel Palaciu de Deportes de Xixón by asturnet 15 d'agostu, 2006 El Palaciu de Deportes de Xixón va acoyer esti vienres 18 d’agostu a partir de les diez de la nueche un conciertu dedicáu al públicu heavy, nel que les bandes Avalanch y Vendaval van servir d’aperitivu a los alemanes In Extremo, grupu de cultu nel so país que sigue l’estilu inconfundible de Rammstein. El grupu Avalanch llega a Xixón depues d’un añu repletu d’exitos, depues de publicar el so primer DVD, Cien Veces, el CD Mother Earth, destináu al públicu europeu y americanu; y el que yá se considera’l meyor discu de tola so carrera: El Hijo Pródigo. Vendaval sacaba tamien l’añu pasáu ‘Mi otra mitad’, un nuevu trabayu nel que la banda formada nel añu 2002 por miembros del grupu Nörthwind amosábase más maduru, compactu y profesional, consolidándose asina como ún de los grupos heavy metal más importantes d’España. Pero quiciás los más esperaos de la nueche sían los alemanes In Extremo. Consideraos un grupu de cultu nel país teutón, convierten los sos directos nun verdaderu espectáculu, nel que destaca la so fusión de la música folk, cola gaita como principal instrumentu, colos sones más puros del rock y del heavy. 15 d'agostu, 2006 0 FacebookTwitterPinterestEmail
Música Les fiestes de Llanera celebren un añu más el festival Rock in Lugo by asturnet 15 d'agostu, 2006 L’asociación cultural y de festeyos Perllugo, dientro del programa de les fiestes de Santa María de Llugo Llanera, organiza pal prósimu llunes 21 d’agostu, a partir de les siete la tarde, una nueva edición del festival Rock in Lugo 06. Los conciertos, nos que van sonar Skunk DF, Caskarrabias, Karbon 14, Desakato y Doctor Skroto, van ser de baldre. 15 d'agostu, 2006 0 FacebookTwitterPinterestEmail
Música Urban Poison, La Tarrancha y Akatz presenten l’Asociación ‘Astur Soundsystem’ pola promoción de la música xamaicana by asturnet 15 d'agostu, 2006 L’Asociación Cultural pola promoción de la música xamaicana ‘Astur Soundsystem’ va presentase al travies d’un eventu musical que se va celebrar el prósimu vienres 19 d’agostu na Sala Savoy (C/ Pelayo 2, Xixón). A partir de les doce, una selección musical a cargu d’Urban Poison va abrir y pesllar una nueche de sones xamaicanos nos que van actuar el grupu de ska-reggae astuiranu, La Tarrancha, y los vascos Akatz. 15 d'agostu, 2006 0 FacebookTwitterPinterestEmail
Música La Tarrancha llanza nel ciberespaciu el so primer single maketeru “EXITencia”, by asturnet 10 d'agostu, 2006 El grupu de ska-fusión La Tarrancha ta acabante de sacar a la cai y mas concretamente d’espublizar nel ciberespaciu el so primer “single maketeru” “EXITencia”, tema esbillau del so trabayu QLT? que va ver la lluz en prosimes feches. La idega de La Tarrancha ye dar a conocer “EXITencia” atraves dinternet a tol mundu posible polo que recomienda la so masima llibredifusión. El tema foi compuestu por La Tarrancha y grabáu por Jgel y Jman de FF Producciones y semeya y diseñu portada de Delfo. El grupu va tar actuando dientro poco nel festival Solarana Rock de Burgos, el 12 dAgosto, y una selmana depués, el 19, nel festival entamau pola Asociación Cultural Astur SoundSystem na sala Savoy. El grupu hebo desmentir hai un par de meses la so desapaición, faciendo al mesmu tiempu l’anuncia de cambios na so formación. Presente d’indicativu del verbu nun trabayar 10 d'agostu, 2006 0 FacebookTwitterPinterestEmail
Música Preséntase’l grupu de música folk astur-arxentín ‘Antroxu’ by asturnet 10 d'agostu, 2006 El grupu ‘Antroxu’, nacíu en l’Arxentina y con raigaños asturianos, mesmo pola condición de descendientes d’emigrantes de parte de los sos miembros como pol gustu pola tierra del restu, aterrizaron na rexón hai díes (llegaron polos pelos a la espicha-alcuentru del conseyeru cola Asturianía Moza Americana) y esta mañana anunciaron un programa de varies actuaciones pa los prósimos díes en varias localidaes del Principáu. La so música busca tender pontes ente l’Asturies de los sos ancestros y la so Arxentina de güei. El grupu arxentín ‘Antroxu’ ta encantáu per tierres astures. Los seis mozos que formen el grupu alienden asturianía pelos cuatro costaos. De fechu, pesie a nacer toos nel país americanu sientense mui allegaos al Principáu. Alejandro (gaita, flauta y bodrhan) ye l’únicu miembru de Paraná. Los otros cinco componentes: Ruth (gaita, flauta, percusión y voz), Mauro (batería, percusión y guitarra), Fernando (guitarra, tambor tradicional y baxu), Diana (gaita, flauta, trin, percusión y voz) y Víctor (voz, baxu, guitarra, gaita y percusión) nacieron en Rosario Faen música celta y a ella llegaron pela música tradicional asturiana. Llegaron a la rexón pa participar nel III Congresu Mundial d’Asturianía y allargaron la so estancia pa conocer meyor la tierra que quieren y almiren dende llonxe. Los sos integrantes, que participen activamente nos Centros Asturianos de Rosario y Paraná, aseguren que “queremos estrenchar los llazos ente l’Arxentina y Asturies porque son dos tierres que tienen muncho qu’aportase la una a la otra”. 10 d'agostu, 2006 0 FacebookTwitterPinterestEmail
Música Asturies celebra la fin de selmana más sonora del añu by asturnet 10 d'agostu, 2006 El I Festival ‘Fecho n’Asturies’, celebráu na villa candasina ente los díes 5 y 12 d’agostu, va echar mañana’l piesllu al so progama d’actos con una nueche dedicada’l folk que se fai na tierra. Lliberdón, Chus Pedro, Xera y Skama la Rede van ser los encargaos de representar les distintes tendencies y estilos que manden nel panorama musical asturianu d’anguaño. Pero non solo la villa candasina y la citada Carabanzo van celebrar conciertos esta fin de selmana. L’Occidente asturianu, pela so parte, reparte pela so xeografía una serie de nueches folk nos que se va poder sentir lo meyor de la música asturiana. Asina, esta nueche va celebrase en Pormenande (Á Caridá) una nueche na que van tocar Brisas del Navia, Cádaba, Divertimento Folk, Los Llanzones y Llangres. Los Llanzones repiten mañana conciertu en Navia acompañaos de Gueta na Fonte, mentes qu’Ibias va rendise cola música de Llan de Cubel, Corquieu y Pepe Vaamonde Grupo. Llan de Cubel volverá a actuar el domingu día 13 en Grandas, pesllando d’esta manera unes de les fin de selmanes más sonores del añu. 10 d'agostu, 2006 0 FacebookTwitterPinterestEmail