Música La Tarrancha saca QLT? by asturnet 30 de payares, 2006 El grupu La Tarrancha ta acabante asoleyar el so discu maqueta QLT?. Títulu que fai referencia la forma d’escribir en mensaxe telefónicu “Culete?”, faciendo un convite a la xente pa sentir la música, y l’espectáculu, de La Tarrancha. La Tarrancha ye un grupu fundamentalmente de directu, con esti discu maqueta ufre a los seguidores del grupu la oportunidá de poder escuchalos allá au fueren. El discu ta autoproducíu pol grupu y contién ocho cantares, dos de les cuales son una reedición pos ya apaecieran nel recopilatoriu de L’Aguañaz “Rock`n`llingua”. Los temes, que son toos composiciones de grupu van del reggae al ska con tintes de soul, funk y otres influencies, interpretaes n’asturianu sacante la canción qu’abre’l discu que ye en castellano. El publicu ya pudo saborguiar un adelantu d’esti trabayu cola edición via internet del tema “exit-encia” que salió a la rede en forma de single con portada incluyida pa que la xente la pudiere descargar. Esa filosofÍa va tar presente tamien en “QLT?” pos aparte de tar a la venta el discu, va tar tamién a disposición del publicu na so paxina nun plazu que s’espera non mui llargu en cuanto el grupu cambie l’actual paxina del grupu latarrancha.com por una mas remozada. Con esta idea pretenden que QLT? llege al mayor numberu de xente posible dientro y fuera d’Asturies, onde un grupu con un discu autoproduciu tendria mui dificil llegar. El discu fue grabau por por Jgel y Jman de FF PRODUCCIONES a entamos del branu col so estudiu movil nos llugares de El Pontón (Sotrondio) L’Escobal (Valle Santa Barbola) y nel llocal del grupu en Llaranes, pa ser editau dempues namas u na menos en El Japon (L’Entregu). Los temes que componen el discu son: reggae sound reggae reggaeman orbayu manolín exitencia xiringüelu fin de karrera o ska de la muerte. presente indicativu del verbu nuntrabayar planta La Tarrancha son Mayo bateria Chabi baxu Nano guitarra Martín guitarra Mónica percusiones Arturo saxos Colino trompeta Javi trombon Vito voz y coros Delfo voz, coros y xiblata. La Tarrancha 30 de payares, 2006 0 FacebookTwitterPinterestEmail
Música Música étnica nel Ciclu Música del Sieglu XX by asturnet 29 de payares, 2006 El Ciclu Música del Sieglu XX de Caxastur acueye güei, a partir de les 20,00 hores nel Centru Cultural d’Uviéu, l’actuación de Jbara, guitarrista y cantante marroquín. Jbara ye un compositor, cantante y guitarrista marroquín que vive ente Marruecos y España. La so formación musical autodidacta, tuvo como mayestros a grandes artistes de la esfera internacional del blues, rock, reggae y flamencu. El so estilu ye un amiestu ente la tradición y la modernidá musical, abarcando un perampliu abanicu de rexistros. Consideráu como’l representante de la música d’anguaño marroquina, y perbón conocedor de la tradición gnawa, música marroquina con influencia del África subsah.ariana. Na so música fusiona los sones bereberes y árabes col flamencu, el rock y la música begro norteafricana. Collabora davezu con formaciones d’estilu étnicu, d’ámbitu estatal ya internacional. Ye perimportante la so participación nos festivales d’Agadir, Casablanca, Marrakech, Rabat y Essaouira. El so últimu trabayu musical “Alcántar Salam fi alalam” foi publicáu en 2005. La formación musical qu’acompaña a Jbara ta compuesta por Moussaid Jama, percusiones; Illi Abdelhadi, bajo; Fakir Marwan, violín y percusiones; Alberto Rionda, guitarra; Roberto Junquera, piano, flauta y gaita. 29 de payares, 2006 0 FacebookTwitterPinterestEmail
Música Conciertu de Los Berrones na Casa la Cultura d’Avilés by asturnet 28 de payares, 2006 Esti miércoles, 29 de payares, a partir de les 20,15 hores Los Berrones van tocar nel Auditoriu de la Casa la Cultura d’Avilés. El conciertu va ser de baldre, anque primero hai que retirar la entrada que yá s’alcuentra nes taquilles de la Casa municipal de la Cultura. Los Berrones tienen cinco discos asoleyaos dende aquel Voi Dicitelo, que suposo una revolución musical yá non sólo n’Asturies sinon nel restu del Estáu, hasta “República Independiente de Tolivia”, asoleyáu en 2003. 28 de payares, 2006 0 FacebookTwitterPinterestEmail
Música Toli Morilla saca a la cai “Entropía” by asturnet 27 de payares, 2006 El 30 de payares saldrá a la cai’l nuevu discu del cantautor asturianu Toli Morilla “Entropía”. Esti nuevu trabayu ye un exerciciu de fusión d’estilu ya influencies, nel que se mecen la música de raigañu americanu, el pop, el folk y el llau intimista del rock. Los catorce cantares d'”Entropía” con lletres de diez poetes contemporáneos escrites n’asturianu, una en castellano y dos que firma Toli Morilla. L’apartáu musical ta compuestu dafechu por Toli Morilla a la qu’añede dos igües de temes tradicionales asturianos. Ente los lletristes alcuéntrense Luís García Montero, Xuan Bello, David González, Pablo Texón, elías Veiga, Pablo R. Medina, xuan Santori, Marta Mori, Elvira Laruelo, Aurora G. Rivas y el despapaecíu hai bien poco tiempu Mánfer de la Llera. Toli Morilla tien asoleyaos los trabayos “Nunca des la espalda”, “Entre el barro y las preguntas”, “Nueche d’insomniu”, “Nueche d’insomniu: L’espectáculu” y dende’l 30 de payares “Entropía”. Toli Morilla fadrá la presentación d'”Entropia” esti xueves, 30 de payares, na sé de la SGAE n’Uviéu. El Palaciu de Congresos de Xixón acoyerá un conciertu del cantautor dende les 19,30 hores del 1 d’avientu. La Carpa del Parque Xovellanos de Mieres el 2 d’avientu y dende les 19,30 recibirá tamién a Toli Morilla col so nuevu trabayu discográficu. Toli Morilla 27 de payares, 2006 0 FacebookTwitterPinterestEmail
Música Xabel Vegas & Las Uvas de la Ira fichen por Mushroom Pillow by asturnet 27 de payares, 2006 Xabel Vegas y el so grupu Las Uvas de la Ira caben de fichar col sellu Mushroom Pillow. Esti proyectu en solitariu de Xabel Vegas y Las Uvas de la Ira busca la relevancia de los testos, en bona parte autobiográficos, nos que se fala de la depresión, l’adicción o’l dolor. Las Uvas de la Ira ye la banda que va acompañar a Xabel Vegas nel so estrenu en solitariu, la formación ta compuesta por John Álvarez, Eras Sánchez, Juan Rodríguez ya Iker González. Xabel Vegas inspírase y exwerce d’émulo de los cantautores del folk americanu como Bob Dylan, Leonard Cohen o Johny Cash. Como aperitivu del so prósimu discu Xabel Vegas & Las Uvas de la Ira tienen nel so espaciu web una riestra temes pa poder escuchar. Xabel Vegas 27 de payares, 2006 0 FacebookTwitterPinterestEmail
Música Benjamín Escoriza nel Centru Cultural de Caxastur de Mieres by asturnet 24 de payares, 2006 El componente de “Radio Tarifa” acerca’l so flamenco-fusión a la villa de Mieres güei vienres 24 de payares dende les 20,00 nel Centru Culturak Caxastur. Granadín y madrileñu d’adopción entamó xunta Vicente Molino y faín Sánchez Dueñas el grupu Radio Tarifa a entamos de los años 90 del sieglu pasáu. El so primer trabayu “Rumba argelina” ta consideráu como un discu de cultu y una de les obres mayestres de la música española de los últimos años, nesi discu refléxase lo que ye Radio Tarifa, una fusión de la música árabe, con sones de la música medieval, andaluza y sefardí, asina como guiños al flamenco y a la música tradicional andaluza. Depués d’esti primer discu vieno “Temporal”, “Cruzando el río” y a lo cabero “Fiebre” que se grabara en Toronto. Paralelamente Benjamín Escoriza siguió buscando influencies ya idees pal so primer discu en solitariu que se plamó en “Alevanta” un trabayu nel que participen Jaime Muela, Vicente Molino, Fernando Mejías o Juan Alberto Arteche. 24 de payares, 2006 0 FacebookTwitterPinterestEmail
Música Alto Volto y Marieband ganen el Concursu de Maquetes de los 40 principales by asturnet 22 de payares, 2006 El Concursu organizáu pola emisora de radio 40 principales cola collaboración del Institutu Asturianu de la Mocedá presentó ayer a les dos bandes ganadores de la edición d’esti añu Alto Volto y Marieband. Amás d’estes bandes los finalistes fueron Mystereo, Esmussein y Desakato. El Concursu de Maquetes ufre la grabación d’un discu a les bandes ganadores, asina como la realización d’un videu musical d’un de los temes de los discos, pa la grabación d’esti videu fadráse un Concursu de guiones. Esti añu hebo venti bandes que se presentaron al Concursu. 22 de payares, 2006 0 FacebookTwitterPinterestEmail
Música Carlos Rubiera presentó dos nueves tonaes nes xornaes de l’asturianada d’AICA by asturnet 21 de payares, 2006 L’autor de clásicos como “La Capitana”, Carlos Rubiera, presentó dos nueves tonaes nel marcu de les Xornaes d’Asturiana y Folclor asturianu entamaes pola Asociación d’Inteérpretes de la Canción Asturiana (AICA) nel Antiguu Institutu Xovellanos de Xixón. Rubiera fizo esta presentación acompañáu por Gabino Antuña, que yá collaborara con elli nel discu “Viaxe al Silenciu” y por Mari Luz Cristobal Caunedo. Les Xornaes de l’Asturianada van siguir los díes 17 d’avientu, cola conferencia d’Óscar Roces Arboleya que va falñar sobre les variantes de territoriales de la tonada; y tendrán el so caberu día’l 14 de xineru cola conferencia del director del Muséu de la Gaita, Alfonso Fernández, sobre los cantares asturianos y los instrumentos tradicionales. 21 de payares, 2006 0 FacebookTwitterPinterestEmail
Música Los premios de la música asturianos van homenaxear a Carlos Redondo ya Ígor Medio by asturnet 16 de payares, 2006 La segunda edición de los Premios de la Música Asturiana va homenaxear a Carlos Redondo ya Ígor Medio músicos del grupu Felpeyu, fallecíos n’accidente de tráficu n’Euskadi la nueche de San Xuan, que recibirán a títulu póstumu un premiu honoríficu. La gala d’entrega de los premios fadráse’l próximu 9 de febreru nel teatru Filarmónica d’Uviéu. 16 de payares, 2006 0 FacebookTwitterPinterestEmail
Música Acaba’l ciclu “Más músicas” entamáu por “Nosepara” by asturnet 16 de payares, 2006 Esti vienres y el sábadu l’Asociación Nosepara clausura’l so primber festival “Más músicas”. El vienres actuará Quality nel pub Flamin’ a partir de les 21, y el sábadu en La Calleja La Ciega fadrá lo propio Hábitat. El festival entamó’l 14 d’ochobre cola actuación de Paul Collins Beat. El ciclu organizáu por 8 establecimientos hosteleros d’Uviéu cuntó cola actuación de 14 grupos asina como delles “performances”. 16 de payares, 2006 0 FacebookTwitterPinterestEmail