Música El Centru Cultural de Riegu cellebra’l Festival de la Canción Asturiana by asturnet 22 d'avientu, 2006 El Centru Cultural de Riegu, Vidiago, va cellebrar un Festival de la Canción Asturiana a partir de les 20,00 hores de güei 22 d’avientu. L’actu faese dientro del programa de nadal del Conceyu de Llanes. Los participantes d’esti actu son miembros de l’Asociación d’Interpretes de la Canción Asturiana. L’actu va tar presentáu por José Luís Fernández, “Trubia”, y va cuntar cola presencia de los cantantes Carmen Camporro, Julio Mallada y Sergio Agüeros, acompañaos a la gaita por Óscar Fernández. L’Humor asturianu tamién va tar presente nesti Festival cola participación del monologuista Pin de la Cotolla. 22 d'avientu, 2006 0 FacebookTwitterPinterestEmail
Música Tejedor presenta Música na Maleta nel Teatru Campoamor by asturnet 21 d'avientu, 2006 Los hermanos Tejedor presenten el so nuevu trabayu, Música na Maleta, nel Teatru Campoamor d’Uviéu’l día 4 de xineru de 2007, a partir de les 21,00. Nesti conciertu de presentación amás de la so banda habitual, van participar los músicos que colaboraron nel trabayu de Tejedor. La entrada tendrá un preciu de 10, habiendo descuentos pa estudiantes universitarios y socios de la Sociedá Uvieina de Festeyos. Ente los músicos que van acompañar a los hermanos Tejedor na presentación pública de Música na Maleta alcuéntrense Niall Vallely, concertina; Arantxa Hernández, cello; Héctor Braga, cello, bandurria; Jon Garmendía y Iñaki Plaza txalaparta; Faltriqueira voces, Miguel Herrero, trompeta; y la Banda Gaites Tabladar. La formación qu’acompaña a Tejedor nesti conciertu compónenla Horacio A. García, contrabaxu; Ramón G. Morán, teclaos; Jesús Castro, batería; Alberto Ablanedo bouzouki; y Rubén Álvarez guitarres. 21 d'avientu, 2006 0 FacebookTwitterPinterestEmail
Música Palabres de Muyer de Joaquín Pixán by asturnet 21 d'avientu, 2006 El tenor asturianu Joaquín Pixán acaba d’asoleyar “Palabres de Muyer” un discu nel que pon voz a los poemes de 6 poetes asturianes. El discu ta musicáu por Ramón Prada y Jorge Muñiz. Nesti trabayu de Joaquín Pixán los poemes de Lourdes Álvarez, Ana Vanessa Gutiérrez, Berta Piñán, Esther Prieto, Nené Losada y Taresa Lorences fueron los escoyíos p’amuesar la fuerza de la lliteratura asturiana en clave de muyer. Ente los músicos que collaboren nesti trabayu tán José Ángel Hevia, Mario Bernardo, Jennifer Muñiz y Mikhail Milman. El formatu del trabayu ye en CD y DVD, nel que s’amuesen imáxenes de la grabación del discu. La edición de Palabres de Muyer ye de la estaya musical de la editorial Trabe, Trabe Musicae. La so distribución busca llegar a tola población asturiana, polo qu’amás de nos establecimientos musicales podrá comprase en quioscos y establecimientos asemeyaos. 21 d'avientu, 2006 0 FacebookTwitterPinterestEmail
Música Xuacu Amieva presenta “Seis” nel Forum de la FNAC by asturnet 20 d'avientu, 2006 El Forum de la FNAC acoyerá la presentación del últimu discu del gaiteru Xuacu Amieva “Seis”. L’actuación en directu fadráse güei, miércoles 20 d’avientu, a partir de les 20,00 hores. Esti trabayu que ye’l sestu de la carrera del gaiteru Xuacu Amieva representa la internacionalización de la música del gaiteru de grupos míticos de la música asturiana como Ubiña. Seis ye el so sestu trabayu discográficu nel que recueye composiciones propies y tamién daqué son tradicional. El discu complétase colos dibuxos y diseñu del gran ilustrador Neto, asína como la collaboración especial nalgunos temes del músicu asturianu Sergio García (percusiones llatinas) y del hindú Tapán Bhattacharya (tabla hindú). 20 d'avientu, 2006 0 FacebookTwitterPinterestEmail
Música La Fundación de Música Moderna cellebra’l so X Aniversariu n’Avilés by asturnet 20 d'avientu, 2006 Juan José Fernandez Fernández, conceyal de Cultura d’Avilés, presentó’l programa d’actos previstu por mor del X aniversariu de la Fundación de Música Moderna que se va facer el 22 d’avientu dende les 18,00 nel Palaciu de Valdecarzana. Nel actu participó’l presidente de la Fundación Gonzalo Casielles Juan José Fernandez Fernández, conceyal de Cultura d’Avilés, presentó’l programa d’actos previstu por mor del X aniversariu de la Fundación de Música Moderna que se va facer el 22 d’avientu dende les 18,00 nel Palaciu de Valdecarzana. Nel actu participó’l presidente de la Fundación Gonzalo Casielles La Fundación de Música Moderna surde hai 10 años col obxetivu de crear una infrastuctura independiente pal desedolcu de la música moderna que permitiere formar, asesorar, editar y promocionar a los grupos de jazz, folk, pop y rock, asina como crear puestos de trabayu en condiciones dignes pa los artistes asturianos. La Fundación fizo programes de música na cai con una ventena de Conceyos asturianos y dellos cursos de formación en producción y xestión cultural empobionaos a desempleaos. La Fundación de Música Moderna entama más de 150 conciertos añales y cuenta con casi 300 alumnos na so escuela d’Avilés Programa d’actos (Palaciu de Valdecarzana) 18.30 hores: Mesa redonda: Asturies suena bien. Coordina: Aique Rodríguez, periodista radiofónico. Participen David Serna (RNE), Alberto Toyos (SER), Sonia Fidalgo (RTPA), Sonia Avellaneda (Radio Vetusta) y Gonzalo Casielles (Fundación de Música Moderna). 19. 30 hores: Presentación del DVD Cola música pa esta parte. 20.00 hores: Jam session 21.00 hores: Vino asturiano 23.00 hores: Conciertu de música de los 60 con diversas formaciones de la FMM na Plaza Maspalomas. 20 d'avientu, 2006 0 FacebookTwitterPinterestEmail
Música La mina que nun cierra by asturnet 19 d'avientu, 2006 El colectivu Foru pola Poesía asoleyó el llibru discu La mina que nun cierra, un trabayu musical de Xulio Arbesú nel que se musiquen poemes de 16 escritores de la Cuenca del Nalón. El Foru pola Poesía ye un colectivu formáu por escritores de la Cuenca del Nalón, que cuenta col sofitu de delles asociaciones culturales. Con esti tipu d’iniciatives esti colectivu amuesa la vitalidá de la cultura asturiana na Cuenca del Nalón. Ente los autores que participen nesti discu llibru alcuéntranse Pablo Rodríguez Medina, Ricardo Labra, Ana Vanessa Gutiérrez, Chechu García, Alberto Vega, Eli Felgueroso, Javier Cellino, Xurde Alvarez, Casimiro Palacios o Pablo Antón Marín Estrada El llibru presentaráse’l 12 de xineru a partir de les 20,00 nel teatru de La Felguera, nesta presentación participarán los escritores llangreanos; y darréu fadráse la presentación nel Teatru de L’Entregu au presentarán los autores de Samartín. 19 d'avientu, 2006 0 FacebookTwitterPinterestEmail
Música La reina del Truébano presenta “Diez años esmelgando sones” by asturnet 19 d'avientu, 2006 La Banda de gaites “La Reina del Truébano” ta preparando la presentación del so tercer discu nel que cellebren los diez años del so nacimientu. El discu tituláu “Diez años esmelgando sones” presentaráse na Casa Conceyu de Navia el vienres 22 d’avientu a partir de les 20 hores. 19 d'avientu, 2006 0 FacebookTwitterPinterestEmail
Música Presentóse l’Anuariu de la Música Asturiana 2006 by asturnet 18 d'avientu, 2006 El vienres 15 d’avientu presentóse l’Anuariu de la Música Asturiana 2006. Inaciu Iglesias, editor d’Ámbitu, y Xune Elipe, responsable de discos L’Aguañaz presentaron la nueva edición d’esta guia de la música fecha n’asturianu. La edición de 2006 ye’l primer frutu de la de la xuntura de La discográfica L’aguañaz cola editorial Ámbitu. La edición de 2006 ta dedicada a Ígor Medio y Carlos Redondo. Nesti puntu Xune Elipe reivindicó un ameyoramientu de les condiciones de trabayu de los músicos asturianos. Considerando que por mor d’esta desgracia pa la música asturiana dende la sociedá entamóse una reflexón sobre les mesmes. L’artículu principal d’esti Anuariu ye un artículu d’Inaciu Llope sobre Felpeyu, nel que se desenvuelve la historia d’esti grupu faciendo al tiempu una comparanza coles llinies del comic. Xune Elipe destacó la bayurósa producción musical asturiana señalando qu’en 2006 s’espublizaron 41 discos, 16 llibros y 4 audiovisuales sobre la música n’asturianu. Xune Elipe nesti puntu remarcó la necesidá de la implicación de l’Alministración asturiana nel procesu de difusión de la música asturiana, “tien de trespasar les fronteres” pa ello puso d’exemplu la campaña “Galicia Calidade” na que tamién se promociona la música gallega. Dientro del Anuariu y ente los artículos que s’amuesen, Rafael R. Valdés desarrolla un perintersante trabayu sobre l’Actividá Musical na Asturies de la guerra. Rubén Ardura realiza un dossier sobre l’actividá del movimientu hip-hop n’Asturies, col títulu Del Bornx a Blimea. Berto Peña pola so parte ufre un estudiu sobre la posible música na Edá del Fierro nel territoriu asturianu. Xune Elipe colabora tamién na producción de conteníos col so artículu De la gaita a la telecaster nel que s’analicen les evoluciones de la música celta y la so relación cola música asturiana. L’Anuariu de la Música Asturiana duplicó la so tirada, llegando a los 4000 exemplares, que va repartise de baldre xunta’l selmanariu Les Noticies y nos chigres, tiendes de música nos que yá se venía faciendo, a partir del vienres 22 d’avientu. 18 d'avientu, 2006 0 FacebookTwitterPinterestEmail
Música Cultura presenta la primer edición de Cuadernos del Archivu de Música d’Asturies” by asturnet 18 d'avientu, 2006 El Director Xeneral de Promoción Cultural y Política Llingüística, Carlos Madera, presentó güei la primer edición de los Cuadernos del Archivu de Música d’Asturies, dedicada a Pedro Braña. Esta publicación añal tien por obxetu difundir l’Archivu de Música d’Asturies. La publicación que tará dedicada a los músicos asturianos, y en pallabres de Carlos Madera yá se ta preparando la edición de 2007 que tará dedicada a la figura del compositor Facundo de la Viña Les obres recoyíes nesta publicación son dos temes pa instrumentu solista, el vigulín y el violonchelo acompañaos de pianu, un triu y dos pieces pa un cuartetu de cuerda. Con estes obres recompilaes avérase a la música del compositor Pedro Braña. El destín d’esta nueva colección de la Conseyería de Cultura ye los centros d’enseñanza de música asturianos, asina como les biblioteques públiques y los centros d’investigación, conservación y documentación del país. 18 d'avientu, 2006 0 FacebookTwitterPinterestEmail
Música Xuacu Amieva publica “Seis” by asturnet 15 d'avientu, 2006 Xuacu Amieva presentó’l so últimu trabayu “Seis” col que tien la intención de “dar el saltu fuera d’Asturies y ser un referente internacional”. El gaiteru d’El Mazucu presentará esti trabayu’l próximu día 20 d’avientu nel Teatru Filarmónica d’Uviéu. Pal autor de “Seis” esti ye un de los meyores discos de la so carrera en solitariu, qu’entamara con “Onde l’agua ñaz” y tien, ente otros, discos de la categoría de “Xostrando” au’l gaiteru amuesa la so fuerza vocal que nesti últimu trabayu tamién aparez. Xunta a Xuacu Amieva nesti trabayu participen músicos del altor d’Emilio Fidalfo, Luís Rodríguez, Rubén Rodríguez o Paula Alonso. Pa Xuacu Amieva “siguir faciendo discos d’esti tipu sólo p’Asturies ye difícil yá que nun esiste mercáu abondo, poro, ye fundamental una bona distribución más allá de les nueses fronteres” 15 d'avientu, 2006 0 FacebookTwitterPinterestEmail