Música El vienres 19 de xineru la gaita sonó nel Conservatoriu by asturnet 22 de xineru, 2007 La primer clase de gaita nun Conservatoriu púnsose’l pasáu 19 de xineru. El Conservatoriu Eduardo Martínez Torner, d’Uviéu, acoyó la primer de les clases d’estos estudios, que dignifiquen al instrumentu más destacáu de la música asturiana. Anque les clases teóriques yá dieren entamu a mediaos de setiembre nun sería hasta’l pasáu vienres 19 de xineru, cuando entamaren los primeros sones de les enseñances práctiques. El cursu de gaita entama con 16 alumnos, que recibirán una instrucción y un conocimientu del llinguaxe musical diferente a la qu’hasta agora se venía faciendo, y ayena dafechu a la tresmisión oral tradicional. Iñaqui Santianes ye un de los dos profesores que tán impartiendo’l primer cursu de gaita asturiana nun Conservatoriu, ye ganador del Troféu MacCrimmon, antiguu MacCallan, asina como del Concursu de Folklore Ciudá d’Uviéu, tien publicáu’l discu “Foncalada”. La llegada de la gaita a los Conservatorios ye una llarga aspiración de la música asturiana. Como daba anuncia Asturnews el Conservatoriu del Valle del Nalón va entamar a partir del prósimu setiembre a poner les clases de gaita.. La gaita incorpórase el prósimu cursu a los estudios reglaos de los conservatorios 22 de xineru, 2007 0 FacebookTwitterPinterestEmail
Música Cursu de Jazz pa Febreru na Escuela Música de Llanera by asturnet 21 de xineru, 2007 La Escuela Municipal de Música de Llanera va a facer en febreru un cursu de jazz ente los días 16,17,18,19 y 20. El cursu va tener como mayestros a Horacio Icasto, Jacobo de Miguel, Joaquin Chacón, Alfredo Morán, Andreas Prittwit, Mathew Simon, Noah Shaye y Daniel Casielles. El coordinador del cursu ye Baldomero Gutiérrez (profesor de flauta y saxofón de la Escuela de Música de Llanera). 21 de xineru, 2007 0 FacebookTwitterPinterestEmail
Música Entamen les votaciones pa los Premios de la Música Asturiana by asturnet 19 de xineru, 2007 Les votaciones populares pa los Premios AMAS 2006 tán abiertes hasta’l 6 de febreru. Lo mesmo que na primer edición les votaciones per internet sedrán les que concedan estos premios. Na gala d’entrega de los premios que se fadrá’l prósimu 16 de febreru nel Teatru Filarmónica otorgaránse los AMAS Honoríficos a Carlos Redondo ya Igor Medio. Les categoríes, nes que se dividen los Premios AMAS, son Grupo Revelación, Meyor Baxista, Meyor Batería, Meyor Cantar Folk, Meyor Canción Rock-Pop, Meyor Cantante, Meyor Directu, Meyor Discu Folk, Meyor Discu Rock-Pop, Meyor Gaiteru, Meyor Guitarrista, Meyor Intérprete instrumental, Meyor Lletrista, Meyor Portada, Meyor Productor, Meyor Teclista y Meyor Vídeoclip. 19 de xineru, 2007 0 FacebookTwitterPinterestEmail
Música Toli Morilla presenta Entropia en Xixón by asturnet 18 de xineru, 2007 Toli Morilla presenta esta tarde Entropia nel espaciu Ámbitu Cultura d’El Corte Inglés de Xixón. Na presentación del discu participarán los autores de los cantares del nuevu discu del cantautor. La presentación tendrá sitiu a partir de les 19.30 hores. El sábadu 20 de xineru presentará’l trabayu nel Forum de la FNAC en Paredes (Siero). Nos dos acústicos que va dar Toli Morilla nestes presentaciones el cantautor tará acompañáu por George Knoll y Paul Bertrand, dos de los músicos de la banda que grabó Entropia. A lo llargo de los 14 cortes d’Entropia Toli Morilla da voz a los poemes d’autores como David González, Marta Mori, Xuan Santori, Aurora García Rivas o Pablo Texón. 18 de xineru, 2007 0 FacebookTwitterPinterestEmail
Música La banda de Gaites de Corvera algama’l Premiu a la meyor formación estranxera nel pasucais de San Patricio de 2006 by asturnet 17 de xineru, 2007 La Banda de Gaites de Corvera algamó, per segunda vegada, el premiu a la meyor formación estranxera nel pasucais qu’añalmente se cellebra en Nueva York en conmemoración de la festividá de San Patriciu, patronu d’Irlanda. El prósimu 26 de xineru la banda recoyerá esti galardón nun actu que se va facer n’Uviéu. El desfile de San Patricio cellébrase tolos 17 de marzo en Nueva York dende 1762, añu nel que soldaos irlandeses marcharon sobre la ciudá. Esti desfile tien alredor d’unos 2 millones d’espectadores y ye una de les grandes cites añales del mundu celta. La Banda de Gaites de Corvera entamó’l so trabayu en 1999, teniendo como base a les y los alumnos de la Escuela Municipal de Música de Corvera. El so primer trabayu discográficu “Al debalu”, asoleyáu en 2006 por Grabaciones Pola, vendió les primeres 4.500 y yá sacó na cai la so segunda edición. Nesti trabayu discográficu faese un recorríu por sones perestremaos como les habaneres, norteamericanos, irlandeses… ensin escaecer los sones tradicionales asturianos como “Cuando yo fui a Cuadonga” o l”Himnu d’Asturies”. Bras Rodrigo, director de la Banda de Gaites de Corvera, considera que la so banda entamó un camín nel desfile de San Patriciu. Esti camín ye’l que tan siguiendo otres bandes del restu de les naciones celtes, en referencia a la participación na edición de 2007 d’una banda de gaites bretona. 17 de xineru, 2007 0 FacebookTwitterPinterestEmail
Música Conciertu de Xabel Vegas y Las Uvas de la ira en la sala Tribeca d’Uviéu by asturnet 15 de xineru, 2007 El próximu vienres 26 de xineru, a partir de les 20.30 hores, el cantautor xixonés, y batería de Manta Ray, Xabel Vegas dará un conciertu na sala Tribeca d’Uviéu. La entrada ye de baldre, hasta llenar l’aforu. Xunta a Vegas, tará nel escenariu el grupu de Mieres FMM (Fantástico Mundo de Mierda). Xabel Vegas, Nacho Vegas y Xel Pereda tán preparando una grabación sobre’l cancioneru tradicional asturianu, esti discu podría asoleyase na primavera. 15 de xineru, 2007 0 FacebookTwitterPinterestEmail
Música Pal son instrumentos d’una tradición by asturnet 15 de xineru, 2007 La Biblioteca d’Asturies “Ramón Pérez de Ayala” entama una amuesa d’averamientu a la tradición musical asturiana, titulada “Pal son. Instrumentos d’una tradición”. La esposición podrá visitase dende güei y hasta’l 28 de febreru. La esposición asoleya bien de los instrumentos musicales más característicos de los sones tradicionales del país 15 de xineru, 2007 0 FacebookTwitterPinterestEmail
Música La canción asturiana y los instrumentos musicales by asturnet 12 de xineru, 2007 “La Canción asturiana y los instrumentos musicales” charra de Juan Alfonso Fernández García, director del Muséu de la Gaita de Xixón. Na charra participarán tamién Marisa Luque, Armando Fernández y Tino Braña. La charra fadráse’l día 14 de xineru, a partir de les 12.00 nel Antiguu Institutu Xovellanos de Xixón. 12 de xineru, 2007 0 FacebookTwitterPinterestEmail
Música El Conservatoriu del Nalón anuncia la impartición de cursos de gaita a partir del prósimu setiembre by asturnet 12 de xineru, 2007 El Conservatoriu de la Mancomunidá del Valle del Nalón entamará colos cursos de gaita a partir del próximu añu escolar. El centru cuenta cola aprobación de la Conseyería d’Educación pa impartir l’asignatura de gaita. L’asignatura tendrá dos niveles, entamando en setiembre’l primer d’ellos Según los responsables del centru yá hai una bona demanda pa estos cursos, mesmo pa impartir como pa recibir les clases. La plaza de profesor/a de gaita tará cubierta en setiembre, enantes del entamu del cursu académicu. Noticia relacionada: La gaita incorpórase el prósimu cursu a los estudios reglaos de los conservatorios BOPA nel que s’autoriza la impartición de la especialidá de gaita 12 de xineru, 2007 0 FacebookTwitterPinterestEmail
Música Castrillón quier abrir les puertes de la escuela de baille tradicional by asturnet 8 de xineru, 2007 Énte los proyectos del gobiernu del conceyu de Castrtillón ta’l de volver a abrir les puertes d’esta escuela, que foi de les primeres que la Fundación Municipal de Cultura entamara hai yá dos décades. Nel añu 2006 les clases dexaron de ponese pola falta d’alumnáu. Los talleres de baille tradicional fadránse con un mínimu d’ocho alumnos. El llugar pensáu pa la impartición de les clases sedrá’l colexu de Campiello, mientres se construye la nueva Casa de la Cultura de Piedras Blancas. El nuevu edificiu d’equipamientu cultural nel conceyu de Castrillón tara inauguráu pal branu de 2008. 8 de xineru, 2007 0 FacebookTwitterPinterestEmail