Música Conciertu de Los Gatos del Fornu n’Avilés by asturnet 23 de febreru, 2007 L’Auditoriu del Centru Cultural Los Canapes va acoyer esta nueche un conciertu de Los Gatos del Fornu a partir de les 23:00 hores. Xunta a Los Gatos del Fornu participarán les voces de Dulcamara. Los Gatos del Fornu van volver a los estudios a grabar el so segundu discu, que va tar producíu por Jim Sutherland. Los Gatos del fornu axuntáronse en xineru de 1996 y hasta’l momentu tienen un discu publicáu “Gatos del fornu”, editáu por FonoAstur y producíu por Ígor Medio; asina mesmo los sos sones tamién tán presenten nel discu recopilatoriu Xeneración Folk, editáu por L’Aguañaz, y nel que compartíen espacios con bandes como Corquiéru 23 de febreru, 2007 0 FacebookTwitterPinterestEmail
Música Toli Morilla algama’l Premiu al Meyor Cantar en Llingua Asturiana por “Azul y gris” by asturnet 22 de febreru, 2007 El cantautor Toli Morilla llevóse’l Premiu al Meyor Cantar en Llingua Asturiana por “Azul y gris”, con lletra de Marta Mori, publicáu nel so últimu discu “Entropia”. El director xeneral de Promoción Cultural y Política Llingüística Carlos Madera entregó esti primer, premiu al tiempu que se facía la convocatoria pa la siguiente edición. La Gala d’entrega del Premiu entamó con una alcordanza a Carlos Redondo y Ígor Medio, los dos componentes de Felpeyu fallecíos na nueche de San Xuan. Darréu d’esta alcordanza Naciu Varillas y Sonia Fidalgo conduxeron la presentación de los grupos finalistes que tocaron en directu cola escepción de los Hermanos Tejedor pol avanzáu estáu del embarazu d’Eva Tejedor. Darréu de la entrega del Premiu la cantautora Maria del Bonet entamó la so actuación col cantar “Adios casa de mios padres” pa siguir darréu con bien de los sos temes de la música del mediterráneu. 22 de febreru, 2007 0 FacebookTwitterPinterestEmail
Música Cultura va entregar esti miércoles el Premiu al Meyor Cantar en Llingua Asturiana by asturnet 21 de febreru, 2007 Esti miércoles, día 21 de Febreru, la Conseyería de Cultura va celebrar una gala musical na que va entregase’l Premiu al Meyor Cantar en Llingua Asturiana, pol que compiten cinco cancios preseleccionaos d’ente tolos que se editaren y comercializaren en 2006. El premiu conoceráse nesta gala, que tresmitirá la TPA y cuntará cola actuación d’un grupu o artista invitáu y de los cinco candidatos: Tejedor, Carlos Rubiera, La Tarrancha, Toli Morilla y Asgaya. La Conseyería de Cultura preseleccionó cinco cantares que van optar al Primer Premiu al Meyor Cantar en Llingua Asturiana d’ente tolos editaos y comercializaos en 2006 que cumplíen les bases de la convocatoria qu’afiten que’l cantar premiáu tien de ser “obra musical de creación orixinal de cualesquier xéneru, descartándose les pieces tradicionales yá esistentes y les versiones o adaptaciones d’obres de creación publicaes de mano n’otrra llingua”. Les obres y el xuráu Les obres preseleccionaes pela Conseyería de Cultura son “La Maleta al agua”, de Tedejor, con lletra de Ruma Barbero; “Yá nun van a La Camocha”, de Carlos Rubiera, con lletra del cantautor; “Exit-encia” de La Tarrancha, “Azul y Gris” de Toli Morilla, con letra de Marta ori y el propiu Toli Morilla; y “Asgaya”, con lletra de Sergio Álvarez. Los encargaos d’escoyer ente estes cinco composiciones a la ganadora del Premiu al Meyor Cantar en Llingua Asturiana 2006 van ser el Direutor Xeneral de Cultura, Carlos Madera, el Xefe de la Oficina de Política Llingüística, Ramón d’Andrés, el executivu de la TPA, Javier Asenjo, el filólogu Fernando A. Balbuena, el escritor Dolfo Camilo Díaz, el críticu Manolo Abad y Sergio Rodríguez. El xuráu escoyerá’l cantar ganador na mesma nueche de la gala esti día 21 de Febreru y nun lu asoleyará hasta’l final de la gala. El galardón consiste nuna escultura o figura orixinal y esclusiva d’un artista plásticu asturianu de reconocíu prestixu y el Gobiernu del Principáu mirará pola promoción y difusión del cantar nos medios de comunicación y nos eventos entamaos o promovíos pol propiu Gobiernu, editándose amás nun soporte esclusivu. 21 de febreru, 2007 0 FacebookTwitterPinterestEmail
Música José Ángel Hevia va sacar el so nuevu discu en primavera by asturnet 20 de febreru, 2007 El nuevu trabayu del gaiteru maliayés va asoleyase na prósima primavera. Esti trabayu sal nueve años años depués de “Tierra de Nadie”, el so primer discu en solitariu, y col qu’algamó’l reconocimientu mundial. L’últimu discu del gaiteru José Angel Hevia foi “Etnico ma non troppo”. El prósimu 30 de mayu el gaiteru tocará nel Teatru Xovellanos de Xixón, nun conciertu nel que podría facer la presentación mundial d’esti nuevu trabayu. La discografía en solitariu d’Hevia entama en 1998 con “Tierra de Nadie”, nel 2000 asoleyaría “Al otro lado”, y en 2003 “Etnico ma non troppo”. Hevia 20 de febreru, 2007 0 FacebookTwitterPinterestEmail
Música Skama la Rede entra a grabar “Echaos a la mar” by asturnet 20 de febreru, 2007 Ayeri llunes 19 de febreru’l grupu Skama la Rede entró nos estudios Tutu de Los Campos pa entamar la grabación del so nuevu trabayu. El discu va entitulase “Echaos a la mar” y va tar editáu por Discos L’Aguañaz y producíu por Sergio Rodríguez. El trabayu tendrá doce cantares nos que se fadrá un repasu a l’actualidá social del país. Los temes del nuevu discu de Skama la Rede son “Villaska”, “Querémoste equí”, “Nun ye tarde”, “Llatinoamérica”, “Un destín”, “Nunca llovió que nun abocanare”, “Nin un pasu atrás”, “Mierdina d’or”, “Echa a correr”, “Odio al presidente”, “La música nun va aparar” y “El cantar de la banda”. Skama la Rede 20 de febreru, 2007 0 FacebookTwitterPinterestEmail
Música El conceyu de Llanes entama’l Festival “Espacio Llanes” by asturnet 20 de febreru, 2007 El prósimu 3 de marzu a partir de les 20.00 hores entamará’l festival “Espacio Llanes”. Esti festival traerá a la villa llanisca l’actuación del grupu Los Ronaldos y la participación de les bandes del conceyu Los imposibles, A.I. Band y Lam. La intención del ayuntamientu de Llanes ye consolidar una cita añal na que promocionar a los nuevos grupos del conceyu. El conciertu fadráse en La Bombilla. Espacio Llanes ñaz cola intención de promocionar a los nuevos grupos de música locales aporvechando’l tirón de bandes de gran tirón como ye’l casu de Los Ronaldos. L’aición d’esti festival enmárcase dientro del programa “Primavera Técnica” que tien por aciu destacionalizar el sector turísticu del conceyu, ufriendo conteníos con un conceptu similar al “Otoño Temático”. 20 de febreru, 2007 0 FacebookTwitterPinterestEmail
Música “Un pasu alantre” ente los finalistes al meyor cantar n’asturianu de los Premios de la Música by asturnet 19 de febreru, 2007 El single asoleyáu pola Xunta pola Defensa de la Llingua Asturiana y fechu pol Colectivu Músicos pola Oficialidá ta ente los finalistes al meyor cantar n’asturianu de los Premios de la Música qu’añalmente convoca l’Academia de les Artes y les Ciencies de la Música. Los otros dos finalistes son Toli Morilla por “Cuando naide lo ve” y Rosaleda Jazz Cuartet por “Na fonte”. Xunta pola Defensa de la Llingua Asturiana 19 de febreru, 2007 0 FacebookTwitterPinterestEmail
Música Los AMAS de la música homenaxearon a Felpeyu by asturnet 19 de febreru, 2007 Los premios de la Música Asturiana homenaxeen a Felpeyu entragndo los AMAS d’honor a les figures de Carlos Redondo y Ígor Medio. Los Hermanos Tejedor, Dixebra y AltoVolto algamen dos premios convirtiéndose en ganadores d’unos premios que tuvieron mui repartíos. Dixebra algamó los premios AMAS al meyor directu y al meyor batería, Jorge Camabarelli; los hermanos Tejedor ganaron el premiu correspondiente al meyor discu folk y al meyor cantar folk; pela so parte Alto Volto algamaron los premios al meyor baxu, Luiggi Tudermis, y al meyor discu de rock. El premiu al meyor videoclip del añu foi pa La Bandina pol so tema “Na caleya” realizáu por Javier Lueje y Juan Tizón; el premiu de gaita, empobináu a los nuevos gaiteros, foi pa Iñaki Santianes. Otros de los premios concedíos fueron pal cantautor uvieín Pablo Moro, meyor lletrista, o a los meyores teclaos pal pianista de jazz Isaac Turienzo. Premios Amas 19 de febreru, 2007 0 FacebookTwitterPinterestEmail
Música Música del Sieglu XX na Caxa by asturnet 14 de febreru, 2007 A partir de güei y hasta’l 17 de mayu les sales culturales de Caxastur d’Uviéu, Xixón, Mieres y Llangréu acoyerán a dalgunos de los interpretes más importantes de l’actualidá musical d’anguaño. Ente los artistes que van participar nesti ciclu tán dende Eva Durán col so flamencu-tango hasta los perconocíos Llan de Cubel. Más información 14 de febreru, 2007 0 FacebookTwitterPinterestEmail
Música Les Canciones de Xixón de Carlos Rubiera enllenaron el Teatru Xovellanos by asturnet 12 de febreru, 2007 LAutor de «La Capitana» y de tantos otros ésitos y ún de los representantes principales del llamáu Nueu Canciu Astur, Carlos Rubiera, enllenól Teatru Xovellanos de Xixón de los cantares del so discu últimu, «Canciones de Xixón», un trabayu dedicáu a la villa y conceyu que lu vio ñacer. Dientro de los actos del Festival de la Pallabra, abrió Rubiera esti vienres un recital nel que presentó les canciones del discu nuevu, dalgún de les sos canciones clásiques y otres composiciones nueves coles que sorprendió al numberosu públicu quasistió al conciertu nel coliséu xixonés. Amás de les «Canciones de Xixón», Rubiera tuvo acompañáu por Mari Luz Cristobal Caunedo, quamás de cantar col cantautor, fízolo en solitario con una composición que Rubiera ficiera pa ella. El cantautor Rafa Lorenzo participó tamién nel conciertu cantando xunto al protagonista de la nueche dellos cantares, ente ellos un dúu de «Semos de Pumarín», una de les composiciones del discu nuevu de Rubiera. Rubiera sorprendió al públicu con una composición infantil, interpretada por cinco de les sos escolines nel Colexu El Bosquín, onde ye maestru de música y llingua asturiana. Carlos Rubiera tuvo arropáu tol conciertu por una orquestación formada por dalgunos de los meyores músicos dAsturies, comol pianista Gabino Antuña, coristes y un públicu entregáu quacompañó al cantautor con ánimu nes cuasi dos hores despectáculu musical quacabó cola interpretación de La Capitana, un llargu aplausu y un par de canciones a mou de bis. 12 de febreru, 2007 0 FacebookTwitterPinterestEmail