Música El Centru Asturianu de Castellón celebra’l “I Festival Celta Rock” by asturnet 27 de xunu, 2007 La ciudá de Castellón va agospiar el día 7 de xunetu, la primer edición del “Festival celta rock”organizáu pol Centru Asturianu de Castellón. Nel eventu van participar “Felpeyu”, na que va ser la primer actuación d’esta cabera banda de folk dempues del so regresu (fuera d’homenaxes), el grupu “Celtibers” perteneciente al Centru Asturianu de Castellón, y l”Escuela d’Asturianía de Levante”, un grupo sofitau pol Principáu d’Asturies y que ye la primer escuela d’esti calter iguada fuera d’Asturies. Los conciertos van dase de baldre pa tou aquel que quiera acercase y la bebida y la comida van tar a precios populares. 27 de xunu, 2007 0 FacebookTwitterPinterestEmail
Música La rede europea de escueles de música tradicional aconceya en Nava by asturnet 21 de xunu, 2007 La Casa de Cultura del Ayuntamientu de Nava va agospiar güei y mañana los participantes de la iniciativa comunitaria “Entramus” (European net of traditional music schools). Nesti proyectu europeu, qu’entamó en 2004 enbaxo l’aición europea Grundvig del programa Sócrates, colaboren escueles de música tradicional d’España, Italia, Finlandia y Portugal. Pa festeyar el fin d’esta iniciativa van cellebrase un ciclu de conferencies y los conciertos de la Bandina de la Escuela de Música de Nava, la agrupación de baile tradicional de la Escuela de Música Tradicional Los Yerbatos de Bimenes, la Loimaan Seudun Musiikkiopisto de Finlandia y les escueles de música de Charente (Francia). Los conciertos van cellebrase güei a partir de les 20:00 hores na Casa de Cultura de Nava y la xornada de conferencies va tener llugar mañana nel Museu de la Sidra. Ente los conferenciantes que van intervenir mañana alcuentrense los profesores de los centros europeos que participaron nel programa “Entramus”. Enantes del entamu de la xornada de conferencies va presentase un llibru que repara el trabayu fechu durante estos tres años. “Entramus” nació col oxetivu d’iguar un espaciu para que los paises participantes truquen les sos esperiencies acerca de la música tradicional dende un enfoque europeu. Tamien se quier fomentar la investigación nel campu de la música tradicional y de les sos metodoloxíes d’enseñanza y promover futuros planes d’estudiu que favorezcan l’aparecimientu de músicos tanto profesionales como aficionaos. 21 de xunu, 2007 0 FacebookTwitterPinterestEmail
Música Más docho hores de música nalcordanza dÍgor Medio y Carlos Redondo by asturnet 21 de xunu, 2007 El vienres pela tarde abriéronse los dos escenarios preparaos na Playa Poniente de Xixón y a lo llargo d’unes d’ocho hores xubieron más de 150 músicos. Los escenarios llevaben los nomes d’Ígor y Carlos, músicos del grupu Felpeyu que morrieron va agora un añu nun accidente de tráficu que sufrió’l grupu cuando viaxaba p’hacia Cataluña. El conciertu organízalu l’asociación ‘N’alcordanza’ y va entamar a les 6 de la tarde. El conciertu va cuntar con música pop, rock y folk, con un repás especial pelos temes de ‘Los Locos’ y ‘Felpeyu’, a los que pertenecíen Carlos ya Ígor. Dalgunos grupos que lleven años ensin xuntase nun quixeron perder la oportunidá d’axuntar pa recordar la figura de los dos músicos. L’escenariu ‘Ígor’ va cuntar coles actuaciones de folk, con grupos como Gatos del Fornu, La Bandina’l Tombo, Tejedor, N’arba, Llan De Cubel, Corquieu y Felpeyu, amás d’una actuación de lo que nomen ‘Felpeyu’s Old Stars’, colos antiguos miembros que pasaron pel grupu, los hermanos Cástor y Felix Castro, Elías García, Isidro Suárez, Toño Gómez, Xel Pereda, Dudu Puente y Ruma Barbero. Van participar tamien nel escenariu folk Toli Morilla, Xurde Fernández, Ruben Bada, Flavio Rodríguez, Antón Barquero, Ramón Prada, Chus Pedro, Fonsu Fernández, Edi Word, Lorena García, Indalecio Santos, Pedro Pangua y Manolo Durán. Per otru llau, nel escenariu ‘Carlos’, espaciu rockeru, van tocar Los Huracanes de Montiana, Lucas y Los Patosos, Mamy Carter, Holiday Fleet, Edwin Moses y la formación Los Manguanes. El conciertu rock van rematalu los músicos de Los Locos tocando los temes de la banda. 21 de xunu, 2007 0 FacebookTwitterPinterestEmail
Música Maná llega güei a Xixón con un espectáculu musical de más de dos hores by asturnet 19 de xunu, 2007 Redacción. Güei miercoles a les 22:30, el grupu mexicanu Maná va ofrecer un conciertu en Xixón. L’espectáculu va durar más de dos hores. L’Ayuntamientu de Xixón toma midíes especiales de seguridá al mesmu tiempu que refuercia los autobuses municipales con servicios especiales pa facilitar el retornu del numberosu públicu que s’espera va asistir al conciertu. Unos 400.000 watios pa lluces, 200.000 watios pa soníu, 150.000 watios pa vídiu, 6 cañones de lluz, tres carretes elevadores y grua de 50 tonelaes pal montaxe del escenariu, amás de 12 trailers ( 9 pa producciones y 3 pa escenariu) con más de 100 persones trabayando, unes 70 del Teatru Xovellanos y 30 de xira col grupu conformen parte del montaxe pal espectáculu del grupu mexicanu. Los trabayos previos entamaron el miercoles pasáu y a lo llargo de la selmana fueron instalándose les distintes infraestructures. 4 llinies ADSL y 6 analóxiques, tanques de CO2 pa los efectos especiales de confetti y un tanque con agua de 400 llitros. El dispositivu de seguridá va cuntar güei con 100 persones de seguridá privada y ente 80 y 100 persones de fuercies de seguridá, ente policia llocal, policia nacional, bomberos, proteccion civil y 3 puestos sanitarios y 2 ambulancies con medicu. Too preparao pa que los asturianos disfruten del cuartu conciertu de Maná na península. 19 de xunu, 2007 0 FacebookTwitterPinterestEmail
Música FNAC Asturies celebra la Selmana de la Música con conciertos diarios by asturnet 17 de xunu, 2007 Redacción. La tienda de música y llibros FNAC organiza esta selmana na so sede del Centru Comercial Parque Principáu una selmana de conciertos y presentaciones musicales dende güei a les 19:30, cuando va presentase’l llibru ‘El fado, desde Lisboa a la vida’ d’Ángel Gª Prieto y otros autores. Mañana martes, a les ocho la tarde, van tocar Chalaneru Sound Sistem. El miercoles 20 a les 19:30 va presentase’l llibru ‘No se salva nadie Crónica del pop-rock en Asturias 1979-1990’ de Rafa Balbuena y van tocar ‘Hotel Vaqueros’ faciendo versiones de la decada. El xueves 21 a les 20:00 hores, conciertu de ‘Hard spirit’, ganadores del ‘Concursu Villa de Bilbao 2007’, que van presentar el so próximu discu ‘Walk the wild’. Pa la fin de selmana tán programaos dos conciertos. El primeru va ser el vienres 22 a les ocho la tarde cola participación de ‘Tush!’, ganadores del concursu ‘Abierto hasta el amanecer 2007’. L’últimu de los conciertos va ser el sábadu 23 a les 20:00 h. con Pablo Valdes y los ‘Crazy lovers’. 17 de xunu, 2007 0 FacebookTwitterPinterestEmail
Música Hevia va tocar esta tarde na estación de Llamaquique dUviéu by asturnet 14 de xunu, 2007 Redacción. Jose Ángel Hevia, el gaiteru asturianu que más esitos acollechó fuera d’Asturies va dar un conciertu güei vienres a les ocho y media la tarde na estación ferroviaria de Llamaquique. Lor organizadores del conciertu pretenden promocionar esti nuevu equipamientu intregáu nel sistema de trenes de cercaníes d’Asturies. Les invitaciones tán repartiendose, hasta mil unidaes, na propia estación de Llamaquique, dende les diez de la mañana hasta las seis de la tarde, namás con presentar el billete o dalgún títulu de tresporte. L’actu remata la promoción publicitaria d’esta nueva estación. Jose Ángel Hevia va siguir esti branu dando conciertos per tol mundiu y continua col so llabor como empresariu, na fabricación de gaites, na planta que tien instalada en Madrid. 14 de xunu, 2007 0 FacebookTwitterPinterestEmail
Música Bras Rodrigo va dar un conciertu esti sábadu nel Auditoriu dA Veiga by asturnet 14 de xunu, 2007 Redacción. Esti sábadu 16 a les ocho y media la tarde, el gaiteru Bras Rodrigo va llevar les pieces del so discu ‘Xermandía’ al Auditoriu d’A Veiga. Esti discu ye’l primer trabayu del grupu del gaiteru Bras Rodrigo y cunta con trece temes que percorren la tradición asturiana y otres foriates. Rodriguez ye director de les bandes de gaites de Corvera y Lluanco. El so primer discu soleyólu con Grabaciones Pola y nel ufierta “una mui personal visión de la música tradicional asturiana que fusiona con múltiples influencies”. Bras Rodríguez tien fechos viaxes al frente de les sos bandes de gaites a Corea, Cabu Verde y Nueva York, ente otros. 14 de xunu, 2007 0 FacebookTwitterPinterestEmail
Música El cantante Bob Dylan va recibir el premiu Príncipe d’Asturies de Les Artes by asturnet 12 de xunu, 2007 Redacción. El fallu del xuráu del Príncipe d’Asturies de Les Artes otorga’l premiu al cantautor Bob Dylan. La candidatura de Dylan taba xunto a la d’artistes como María Joao Pires, pianista portuguesa, Andrew Lloyd Weber o la de los arquitectos Frank Gueri y Rafael Moneo. Robert Allen Zimmerman ñaz el 24 de mayu de 1941 en Minnesota, Estaos Xuníos y más tarde diba ser conocíu como Bob Dylan. A llargo de la so carrera Dylan consiguió tar consideráu como ún de los autores más celebres de la música internacional. 12 de xunu, 2007 0 FacebookTwitterPinterestEmail
Música Tán a la venta les entraes pa ver a Paulina Rubio y a Pignoise en Xixón by asturnet 12 de xunu, 2007 Redacción. Yá tán a la venta les entraes pa dos de los conciertos más importantes que van celebrase esti branu n’Asturies, el del grupu Pignoise y l’actuación de Paulina Rubio, dambos dos en Xixón nel mes de xunetu. El conciertu de los primeros va tener un preciu de 15 euros y el de la mexicana 28 y hasta 30 pal día del conciertu, el 14 de xunetu próximu. La mexicana Paulina Rubio va cantar na plaza toros d’El Bibio, los esitos del so trabayu últmiu ‘Ananda’. Rubio yá consiguió con esti discu un gran esitu de ventes, yá que lleva vendíes más seiscientes mil copies. El conciertu ta dientro de la xira ‘Amor, lluz y soníu’. En cuantes a ‘Pignoise’, el conciertu va ser el sábadu 7 de xunetu, tamien na plaza toros xixonesa. Esti grupu madrilanu va dir acompañáu pola presencia de los ‘El Mentón de Fogarty’. Les entraes tán a la venta igualmente nel Teatru Xovellanos, asina como per otros medios habituales. ‘Pignoise’ tien yá tres discos na cai: ‘Melodías desafinadas’, ‘Esto no es un disco de punk’ y ‘Anunciado en televisión’. 12 de xunu, 2007 0 FacebookTwitterPinterestEmail
Música Mus suspende conciertos y decide tomase un descansu de llargor indefiníu by asturnet 11 de xunu, 2007 Redacción. El dúu asturianu Mus suspende los sos conciertos pa esti branu. Los primeros conciertos afectaos son el previstu pa esti xueves nel pieslles del Festival Intersecciones y el que teníen zarráu pal mes del Xardín Botánicu de Xixón. El grupu decidió tomase “un parentesis nel tarren musical por un períodu de tiempu ensin determinar”. Nel comunicáu, Fran Gayo y Mónica Vacas, miembros del grupu, “piden disculpes al públicu asturianu y a la organización del festival”. El grupu taba acabante de sacar al mercáu un discu, ‘La vida’ y taba en plena promoción, polo que sorprende tovía más esti parentesis. Mus ye ún de los gruppos con más esitu n’Asia, Estaos Xuníos, Rusia y Francia. A lo llargo de la so carrera lleven fechos más conciertos fuera d’Asturies que nes llendes del país. Agora dexen güerfanos a los sos seguidores “per un tiempu indefiníu”. Páxina personal de Mus 11 de xunu, 2007 0 FacebookTwitterPinterestEmail