Música Flor dAugua va lleva güei los sos sones al Tierra Astur de Cualloto by asturnet 22 d'agostu, 2007 Redacción. Güei xueves y dientros del ciclu de conciertos de música folk qu’ufierta la sidrería Tierra Astur de Cualloto va poder disfrutase de l’actuación de ‘La Flor d’Augua’, un dúu formáu por dos hermanes, Aurora y Maite Pazos, que nel añu 2006 sacó’l so primer discu ‘Na tsariega’. El discu taba producíu pol gaiteru Xuacu Amieva y ye que les dos hermanes de Zarreu formen parte d’un grupu de baille nel que conocieron a Amieva, pal que faen coros nos sos conciertos. En ‘Na tsariega’ les hermanes Pazos amuesen el folclore de Degaña con una escoyeta de lo que más-yos gustaba y nel conciertu van poder enseñar el poder de les sos voces y la gracia de los sos toques de pandereta. Con ‘Flor d’Augua’ van tar dos pareyes de baille y dos gaiteros de la zona: Aitor García y David y van poder sentise los cantares del so discu y dalgún nuevu. 22 d'agostu, 2007 0 FacebookTwitterPinterestEmail
Música La nueche del vienres 24 enllénase de rock y sones celtes nes cuenques by asturnet 21 d'agostu, 2007 Esti vienres 24 dagostu les cuenques mineres van enllenase de sones celtes y rock de la man de Llangres y Dixebra en Sotrondio y Doctor Explosión, Amon Ra, Sonido Alfredo y Helltrip en Baiña, en conceyu Mieres, xunta una bona riestra de cites musicales que percuerren Asturies. Esti vienres, a partir de les doce de la nueche, Llangres y Dixebra van dar un conciertu nes Fiestes del Pote en nueche, en Sotrondio (Samartín del Rei Aurelio), pero esti mesmu día, dos hores enantes,les fiestes de Baíña (Mieres) van ser la cita de los aficionaos al rock asturianu reciente coles actuaciones de representantes de les más estremaes tendencies musicales de Doctor Explosión a Amon Ra, pasando por Sonido Alfredo y Helltrip. Pa finar, l’oriente asturianu ufre una ufierta que va de la música sinfónica de la OSPA na Ilesia parroquial de Llanes dende les 20 hores al primer Festival Vadiniense Kabralesrock qu’entama a les 22 hores nel polideportivu dArenas, en conceyu Cabrales, con Manolo Kabezabolo, Envidia Kotxina y Los Muertos de Cristo. 21 d'agostu, 2007 0 FacebookTwitterPinterestEmail
Música Delfo, de La Tarrancha y K-nalón, estrénase en solitariu by asturnet 16 d'agostu, 2007 Delfo (Delfín Valdés Álvarez) miembru de La Tarrancha (SKA-FUSIÓN) y de k-Nalón (HIP-HOP COMBATIVU) saca el so primer single en solitario. El cantar baxo’l títulu de AMORIANDO, fue grabáu nos estudios PAFF de L’Entregu cola participación de Silvia a la guitarra y baxu (Delagua, Acontratiempo), Jose (Faraón Félix) tamién a les guitarres y Nacho (Delagua, Latimba, Dark la eMe y mas grupos) a les percusiones y Delfo a la voz y la xiblata y grabáu por Jgel y Jman de PAFF. Sigún la compañía discográfica trátase posiblemente de la primer rumba en llingua asturiana. El cantar que tién llicencia Creative Commons pué descargase llibremente nesti enlace de MySpace. La idea de Delfo que hasta’l momento tién collaborao con grupos como ESCUELA DE ODIO, STONED ATMOSPHERE, LA COL.LÁ PROPINDE, ASPEROS Y EL COLECTIVU DE MUSICOS POLA OFICIALIDÁ, ye de sacar periódicamente singles, pasando por estremaos estilos musicales, de momento podemos disfrutar d’esta rumba d’amor. Per otru llau Delfo participa tamién nel nuevu proyectu musical de Sergio Rodríguez y Xune Elipe (DIXEBRA) llamáu SONCAI SYSTEM que verá la lluz estos dies y que ta formau por dellos artistes de la escena musical alternativa asturiana. My Space de Delfo 16 d'agostu, 2007 0 FacebookTwitterPinterestEmail
Música El VII Festival Internacional de Bandes de Gaites Villa de Xixón llega a Xixón by asturnet 2 d'agostu, 2007 Redacción. Esti vienres entamaben los actos del VII Festival Internacional de Bandes de Gaites ‘Villa de Xixón’, que va durar hasta’l domingu y va enllenar les cais y places de la Villa de Xovellanos cola participación d’una montonera de bandes de tol arcu atlánticu y col homenaxe a Pepe Veriña ‘El Gaiteru Veriña’, muertu l’añu pasáu y a Hevia. Nos tres díes del Festival van participar más de 300 músicos y 9 bandes, que va entamar cola actuacion del grupu Tayside Police Pipe Band, que va actuar per primer vegada n’Asturies a les 20:00 hores na Plaza’l Parchís. A la mesma hora nel Paseu Begoña van participar los gallegos Nova Frontera & Cartelle, la Banda de Agarimo de Catabois en La Plazuela y los británicos Bagad Konk Kerne na Plaza d’Italia. El sábadu van siguir les actuaciones de los gruipos, que van dir cambiando peles distintes places de la ciudá. Y pela destaca l’actuación de la Banda de Gaites Infantil Villa de Xixón ‘La Magüeta’ que va interpretar les sos pieces na Plaza’l Parchís, ente otros actos. El domingu va celebrase’l Desfile del Arcu Atlánticu 2007 nel que van desfilar pel muru de la playa de San Llorienzo les bandes de gaites participantes nel Festival: Banda de Gaites Villa de Xixón, Banda Infantil ‘La Magüeta’, Agarimo de Catabois, Bagad Konk Kerne, Banda de Gaites de Candás, Tayside Police Pipe Band, Banda de Gaites La Reina del Truebanu y Nova Frontera & Cartelle. L’actu final va ser el domingu a les 21:45 na Plaza Mayor de la ciudá. 2 d'agostu, 2007 0 FacebookTwitterPinterestEmail
Música La delegación asturiana aporta al Festival de Lorient by asturnet 2 d'agostu, 2007 La delegación asturiana que participa nel Festival Intercélticu de Lorient, cola Banda de Gaites Villa de Mieres y el grupu D’Escarpinos de cabezaleros, coló esti xueves pela nueche pa Bretaña nos autobuses de la organización ente xaréu y música. La delegación salió de la Plaza la Xesta d’Uviéu como ye tradicional a les 10 de la nueche y aportó a Lorient pa xintar y disfrutar de les primeres actuaciones del festival. El primer día del Festival Intercélticu de Lorient arranca con una completa xornada na que se van poer degustar los más típicos pexes de la Bretaña, mentantu actúen delles de les bandes qu’esti añu amenicen la selmana. A les 20.00 hores, en Port de Páche, dase’l pistoletazu al Festival 2007 con una xinta popular xunta la mary cola presencia de Le Bagad dHennebont (la banda más moza de la rexón de Lorient), Les Boucaniers (tradición marina con munchos instrumentos), Bob et Mimosa (un dúo que repasa col su peculiar humor clásicos de la canción de mar) y Union das Terras (dúo gallegu de munchu prestixu por mor de les sos pieces a la gaita y l’acordión). A partir de les 22.00 en el Espace Marine y por unos 10 euros, podrá disfrutase d’una autentica fiesta del rock, na que participen Frizbee, Red Hot Chilli Pipers y The Mahones. Estes tres bandas van poner el toque de modernidá y ritmo al festival. A esa misma hora, notru allugamientu (Espace Bretagne y de forma totalmente gratuita), danse cita otras tres formaciones: Sron (colos sos sonidos típicamente irlandeses), Krigosse (y les sos influencies jazz) y Pevar Den, que prolongarán la fiesta inaugural a lo llargo de tola nueche. 2 d'agostu, 2007 0 FacebookTwitterPinterestEmail
Música El Festival Euroyeyé llega al so segundu día dactuaciones en Xixón by asturnet 1 d'agostu, 2007 Redacción. El Festival ‘Euroyeye’ llega güei a la segunda xornada d’actividaes alredor de la música de los sesenta col conciertu del grupu ‘The Crazy World of Arthur Borwn’ a les diez de la nueche na Plaza Mayor de Xixón. L’actuación ta conformada por un amiestu de música y teatru fecha por un personaxe peculiar que ye ún de los pesos pesaos de la edición d’esti añu del ‘Euroyeye’. Ayeri entamó’l Festival cola actuación del grupu ‘The Phanton Keys’ y nos próximos díes van poder vese proyecciones de cine nel salón d’actos del Centru de Cultura Antiguu Institutu, qu’esta nueche va a ufiertar la ‘Beddazled’. Y a les once y media la nueche, na discoteca Oasis, un pase de modelos. 1 d'agostu, 2007 0 FacebookTwitterPinterestEmail
Música La música de Ramón Prada va tar esti sábadu nel Xardín Botánicu Atlánticu de Xixón by asturnet 1 d'agostu, 2007 Redacción. El Xardín Botánicu Atlánticu de Xixón va acoyer esti sábadu 4 un espectáculu audiovisual basáu na obra ‘Keltikhè’ de Ramón Prada dientro del ciclu ‘Música con Raigaños’. L’actuación va ser a la una y cuartu la nueche nel escenaru instaláu nun claru de la viesca boreal del Botánicu de Xixón. Esa mesma nueche a les 22:30 hores, va entamar la fiesta col conciertu de Pedro Vigil nel escenariu de La Pradera, onde fadrá un repás a los sos tres trabayos anteriores ‘Música para hacer la digestión’, ‘Exquisita decadencia’ y ‘China soul’, la interpretación va tar acompañada pola so banda y por una orquesta sinfónica de 30 músicos. Amás va tocar el grupu Tomara, qu’ufiertará al públicu presente un conciertu de Bossanova nel escenariu principal. Les entraes tán a la venta nel propiu Xardín y nes taquilles del Ayuntamientu de Xixón. 1 d'agostu, 2007 0 FacebookTwitterPinterestEmail
Música Entama la grabación del discu Alebrix, basáu nos poemes de Mª Esther García López by asturnet 31 de xunetu, 2007 Redacción. Esta mañana entamó la grabación del discu ‘Alebrix’, interpretáu al pianu pol compositor y pianista Ernesto García García de Piedras Blancas y con residencia agora en Mexico y cola voz del barítonu David Menendez, tamien de Piedras Blancas y que tien feches actuaciones en munchos puntos del Estáu y del mundiu. Les lletres tán basaes en poemes de l’academica y poeta Mª Esther García López y son nueve temes en total, formaos por una esbilla de los poemarios ‘L.luribaga’ y ‘Tiempu d’iviernu’. El discu ta producíu por Fonoastur y ta grabándose nel Auditoriu de Caxastur, na cai Argüelles d’Uvieu. Amás, Asturnews.com pudo saber que García López va recibir el próximu martes 7 a les 19:00 hores na Feria Muestres de Xixón, el premiu ‘Urugallu de Bronce’ qu’entrega’l Centru Asturianu de Madrid. 31 de xunetu, 2007 0 FacebookTwitterPinterestEmail
Música Xixón acueye esta nueche la final del V Concursu de Gaita de Xixón by asturnet 30 de xunetu, 2007 El V Concursu de Gaites de Xixón entama la recta final cola cellebración de la fase final tres una selmana d’eliminatories. Les actuaciones nes diferentes categoríes van tener llugar güei na Plaza Mayor de Xixón a partir de les siete la tarde. El certame, del que se cellebra esti añu la quinta edición, ta organizáu pol departamentu de festeyos del Teatru Jovellanos de Xixón al travies de l’Asociación Cultural Banda de Gaites Noega. Na categoría d’adultos, los gaiteros que van optar al triunfu son Ruben Alba, Pablo Carrera, Ángel Domingo, Llorián García, Daniel González, David Granda y Borja Rodil. D’ente los participantes infantiles llegaron a la gran final Francisco Fernández, Jesús Fernández, Ruben García, Hugo López, Adrián Múñiz, Germán Peralta y Juan Yagüe. Por últimu na especialidá de pareyes con gaita y tambor el trofeu dirá a parar a les menes d’una de les siguientes formaciones: Ruben Alba y Marcos García, Pablo Carrera y Jose Antonio Carrera, Ángel Domingo y Sergio Rubio, Jesús Fernández y Jose Antonio Bustamante, Daniel González y Marco A. Guardado e Iván González y Arsenio Ruiz. Na modalidá de pareyes instrumentales, van disputar Jesús Fernández y Lucía Menendez, Sergio García y Hector Castro y Llorián García y Andres García. Nesta fase final, que se va disputar güei martes 31 y mañana miercoles 1 d’agostu, los participantes van tener qu’interpretar dos temes, un de llibre elección y otru obligatoriu a escoyer d’ente los siguientes: Saltón 335 del Cancioneru de Torner, Xiringüelu, El saltón de centro, Marcha Vaqueira, Muñeira d’antón, Muñeira de Tormeleo, Muñeira de Lliberdón, Alborada del Paxarín, Jota de la Madalena, Jota dos Cautas, y Jota de la Rosa. Los participantes tocarán un másimu de 10 minutos y tendrán qu’usar la gaita tradicional asturiana d’un roncón en cualquiera de les sos modalidaes: grillera, rednda o tumbal. La lista genadores d’esti V Trofeo de Gaites de Xixón va asoleyase el 5 d’agostu durante la cellebración del Día d’Asturies en Xixón y la entrega de premios va ser el Domingu 12 d’agostu durante la Selmana Grande de Xixón. 30 de xunetu, 2007 0 FacebookTwitterPinterestEmail
Música LAquaseya Music Festival 2007 quier axuntar a más de 20.000 persones by asturnet 29 de xunetu, 2007 Redacción. La organización del festival de música lletrónica ‘Aquaseya’ quier axuntar esti añu a más de 20.000 persones ente los díes 3 y 4 d’agostu, na villa de Les Arriondes. L’Aquaseya ye ún de los festivales más importes de música lletrónica que se celebren n’Asturies cada añu. Nel escenariu d’esti añu van tar Dave Clarke, Kevin Saunderson, Ben Sims, British Murder Boys o Joey Beltram ente otros. L’Aquaseya, organizáu por La Real Producciones entamó a celebrase nel añu 1997 col enfotu d’axuntar a los dj y productores cimeros del panorama estatal ya internacional. Nestos díes años pasó de los 1000 asistentes de la primer edición a los cerca de 20.000 qu’axuntó na edición de 2006. Los precios de les entraes tán alredor de los 35 euros pa un día y 52 pa los dos que dura’l Festival. 29 de xunetu, 2007 0 FacebookTwitterPinterestEmail