Música La Casa de Cultura d’Avilés acueye un conciertu de la Camerata Moravia by asturnet 31 d'ochobre, 2007 La Camerata Moravia continua col so programa d’actuaciones n’Asturies y nesta ocasión va actuar na Casa de la Cultura d’Aviles. El conciertu, que ta organizáu pola Sociedá Filarmónica Avilesina va cellebrase esti miercoles 31 d’ochobre a partir de les 20:15 hores. Embaxo la dirección del vilinista Ivan Zenay la orquesta va tocar ante’l públicu avilesín obres de Bach, Mozart, Dvorakm Wieniawski y C. de Berrito. Dende 1987 cuando ñaz embaxo’l nome d’Orquesta de Cámara d’Olomouc, la Camerata Moravia vien nutriendose de los meyores solistes de la Filarmónica de Moravia y col tiempu lllegó a ser una de les formaciones más prestixoses de la República Checa xirando por toda Europa. Nel so repertoriu hai dende piezes dende piezes barroques hasta música del sieglu XX, dende los maestros clásicos hasta los sones de The Beatles y Piazzolla. 31 d'ochobre, 2007 0 FacebookTwitterPinterestEmail
Música El ciclu “Música a escena” lleva a Avilés a la Sinfónica de Kazajastán by asturnet 30 d'ochobre, 2007 “Conciertu pa violín n.º 1 en re mayor, op. 19” de Prokofiev; “Caprichu brillante sobre la jota aragonesa” de Glinka y la “Sinfonía n.º 5 en mi menor, op. 64”, de Tchaikovsky, componen el menu que’esta nueche ufre la Orquesta Sinfónica de Kazajastána partir de les 20:15 hores na Casa de Cultura d’Aviles. El conciertu, en principiu programáu pal 19 d’ochobre, pertenez a l ciclu d’actuaciones “Música a escena”. Embaxo la dirección del maestru Aidar Torybaev la Sinfónica de Kazajastán tamien cunta cola participación de la violinista Aiman Mussajodzhaeva , solista d’altu nivel tecnicu y merecedora d’abondos premios pola so llabor interpretativa. Per otra parte la organización informó a todos aquellos espectadores qu’habiendo comprao la entrada pal recital del día 19 decidan nun dir al conciertu d’esti martes se-yos abonará l’importe de la mesma. 30 d'ochobre, 2007 0 FacebookTwitterPinterestEmail
Música La FNAC presenta un documental sobre los finlandeses Sigur Ros by asturnet 29 d'ochobre, 2007 Los lunes musicales del Fórum de la FNAC de Parque Principado (Siero) agospien esta tarde a partir de les 19:00 hores la proyección de “Heima”, documental sobre la banda finlandesa Sigur Ros dirixíu por Dean DeBlois, autor de obres como Lili y Stitch, que va ver la lluz el prósimu 6 de payares. “Heima” asoleya imaxenes de la xira finlandesa de Sigur Ros. Incluí actuaciones d’estos puntales del pop con tintes ellectrónicos por pequeños llocales, fábriques abandonaes o parques amás d’entrevistes cola banda y con vecinos del barriu. El DVd ta acompañáu d’un CD doble con dos ep’s Hvarf / Heim. 29 d'ochobre, 2007 0 FacebookTwitterPinterestEmail
Música SUATEA denuncia’l “Sabotax a la nuesa gaita” by asturnet 29 d'ochobre, 2007 Nun duru ya irónicu comunicáu, es sindicatu mayoritarriu de la enseñanza n’Asturies, SUATEA denuncia’l “Sabotax a la nuesa gaita” que supón el fechu de que “los futuros titulaos del Conservatoriu seyan instruyios por gaiteros gallegos”. Según SUATEZ “Mentantu fardamos de que nAsturies los nuesos gaiteros y la peculariedá del so instrumentu son una perimportante seña didentidá, daquién tuvo la feliz idega de que los futuros titulaos del Conservatoriu seyan instruyios por gaiteros gallegos. Lañu pasáu fízose una bolsa de trabayu con gaiteros especialistes na nuesa gaita. Sabemos quel nivel de les prebes foi de lo más esixente por mor de la calidá de los aspirantes. Agora bien, si se trata de facer un sabotax a la formación de los alumnos del Conservatoriu podriémos proponer a gaiteros escoceses. Como los gallegos, tienen un instrumentu diferente, pero podríen dar les clases ninglés. Tendremos gaiteros con aires internacionales, pero con poco aire de gaiteros asturianos.” SUATEA entrúgase si “¿Dende la alministración daquién pescanciará questo ye una llocura?” y pide darréu d’ello un podo de xacíu. 29 d'ochobre, 2007 0 FacebookTwitterPinterestEmail
Música Unomasuno, hip-hop asturianu de calidá na FNAC de Siero by asturnet 26 d'ochobre, 2007 Los asturianos Unomasuno, un de los referenres de la escena hip-hop de la rexón vac actuar esti sábadu a les 20:00 hores nel Forum de la FNAC de Siero (Parque Principado). Nel actu el grupu va presenter un nuevu videoclip del discu “Plenitud” grabáu xunto col productor Sergio Rodríguez, responsable de los discos de bandes como Dixebra o DarkLaEme, en Tutu Estudios. Unomasuno ye un grupu formáu polos MCs Mensaje MC, Ruboh, Jhon y el dj JouMy, Cunten con varios trabayos na cai como les demos “Aún hay más” y “Cuenta cuántos son”. Na so última referencia entreguen 17 cortes alrodiu de la situación del planeta hasta les sos propies vivencies. 26 d'ochobre, 2007 0 FacebookTwitterPinterestEmail
Música El rockabilliy de los mexicanos Kompadres muertos enllenará l’escenariu de la sala Albéniz by asturnet 26 d'ochobre, 2007 A partir de les 22:00 hores el grupu mexinanu Kompadres Muertos lleven el so rockabilliy a la Sala Albeniz de Xixón dientro de la xira que tan faciendo pa conmemorar los sos 14 años de vida titulada “Gira de Vida y Muerte”. Amñás ta n presentando’l discu “13 kompadres muertos”, grabáu recientemente n’España. Kompadres Muertos debutaren a finales de 1998 col discu “La Muerte Chiquita” y dende entonces amesten el rock n’ roll más primitivo con influencies del punk y la cultura mexicana. 26 d'ochobre, 2007 0 FacebookTwitterPinterestEmail
Música La banda de folk asturiana “Mur” actuen nel Cafe Dam de Xixón by asturnet 26 d'ochobre, 2007 La banda de folk asturiana “Mur” actuen nel Cafe Dam de Xixón Esti sábadu a partir de le 22:00 hores la nueche xixonesa acueye los sones del quintetu Mur dientro de la programación d’actuaciones del Cafe Dam de Xixón. Mur ye un quintetu de música folk xixones que ñació en 2004 y nel que participen los músicos Fernando Oyagüez, Jose Frances, Andrea Lobo, Carlos Ibias y Raúl Luis. Una de les señes d’identidá deñ grupu ye’l so soníu acústicu, averáu a la música popular, anque con delles influencies d’otros estilos como’l jazz o’l rock. 26 d'ochobre, 2007 0 FacebookTwitterPinterestEmail
Música El llaniscu Diego Purón participa esti sábadu en Glasgow nos World Solo Drumming Championships by asturnet 25 d'ochobre, 2007 El tamboriteru llaniscu de la Banda de Gaites de Villaviciosa, Diego Purón, va ser el primer asturianu y el primer músicu del Estáu Español nacceder al “World Solo Drumming Championships, los mundiales oficiosos de tamboriteros, questi añu se celebren en The Glasgow Caledonian University, el 27 dOchobre. El “World Solo Drumming Championships ye un campeonatu que se celebra tolos años dende la Segunda Guerra Mundial y desde valora al tamboriteru que meyor acompangue la melodía tocada pol gaiteru que fai pareya con elli. Esa ye la so calterística cimera, ya que ye un campeonatu de solistes que nun consiste en tocar solu, sinon nuna especie de concursu de pareyes de gaita y tambor, nel que namái se valora al tamboritero. Na competición tiénse en cuenta la técnica, la espresividá, los matices y la esactitñu cola quencaxel toque cola melodia. El concursu fo ganáu 16 veces, na so historia recién, pol gran tamboriteru Jim Kilpatrick, leyenda viva y xefe de percusión de “The House of Edgar Shotts&Dykehead Pipe Band”, una de les bandas más nomáes na historia. Lañu pasáu celebrose en Belfast y ganolu un mozu irlandes, Steven MacWirther, quedando segundu clasificául 16 veces campeón. Esti añu celebrase en Glasgow, en The Glasgow Caledonian University, el 27 dOchobre, col so tradicional sistema de liguilla: hai cuatro grupos de 18 competidores en ca grupu y pasen los cuatro primeros a semifinales. Nesi momentu fainse dos grupos de semifinalistes y aparte de los 8 procedentes de la fase previa súmense seis competidores mas en ca grupu, que son los 12 finalistes del añu anterior. Destos dos grupos de semifinales sal el grupu finalista formáu por doce competidores. Ye obligatorio interpretar musica escocesa y llevar preparaos tres sets de musica escocesa, sorteándose minutos enantes de tocar el quhai que interpretar. Diego Purón yel primer asturianu y primer músicu del Estáu Español, que participa nestos mundiales oficiosos de tamboriteros. 25 d'ochobre, 2007 0 FacebookTwitterPinterestEmail
Música Niundes estrena formación y amuesa la so evolución nos xueves musicales de Tierra Astur by asturnet 25 d'ochobre, 2007 El grupu llaniscu Niundes, formáu nel añu 2001 y que ta acabante de reformar la so composición, actuaba esti xueves 25, na sidrería-restorán de Tierra Astur en Cualloto, con un gran éxitu de públicu y una bona amuesa del trabayu que ta desendolcando la banda, dexando de llau la presencia permanente de la gaita en beneficiu d’otros instrumentos de vientu. La actuación del xueves pue seguise en dellos vídeos qu’ufre Asturnews xunta la galería de fotos de l’actuación. Dientro de los xueves musicales organizaos pola sidrería Tierra Astur de Cualloto, el grupu llaniscu Niundes llevó por tercera vegada a escena nesti escenariu’l so folk nel que la base son los soníos tradicionales asturianos. En directu usen gaita, violín y flauta travesera de madera amas de guitarres acústique, teclaos y, delles veces, buzuki. Esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. Poro, anguañu tan empobinando los sos caminos musicales per otros derroteros que darán a conocer darréu na remozada páxina web que preparen. Niundes espublizaron el so primer discu en 2006, cola producción del guitarrista de Llan de Cubel Xel Pereda, embaxo’l titulo “Enxamás ye pa siempres”. 25 d'ochobre, 2007 0 FacebookTwitterPinterestEmail
Música Los Príncipes d’Asturies presiden la la clausura de la XVI Selmana de Música de Cajastur by asturnet 24 d'ochobre, 2007 El Auditoriu Príncipe Felipe d’Uvieu va ser l’escenariu que acueya esti xueves 25 el conciertu de clausura de la XVI Selmana de Música, organizada por Cajastur y la Fundación Príncipe de Asturias. El conciertu,embaxo dirección d’Alberto Zedda, va entamar a les 20:00 hores (namás con invitación) y va cuntar cola presencia de los Príncipes d’Asturies. Alberto Zebda va dirixir el xueves a la Orquesta Moza del Principáu d’Asturies que va interpretar xunto la Sinfonía n.º 2 de Mendelssohn xunto col Coru de la Fundación Príncipe de Asturias, la soprano María Jose Moreno, la mezzo Francesca Provvisionato y el tenor Jose Manuel Zapata. Na XVI Selmana de Música entamó’l pasáu 19 d’ochobre y durante estos díes ufrió un totalñ de 18 conciertos n’Uvieu, Xixón, Aviles, L’Entregu, Llangreu, Llanes, Mieres, Tapia y Villaviciosa. Dellos de los participantes fueron l’Octeto Iberico de Violonchelos, los ganadores Premiu Fin de Carrera ” Ángel Muñiz Toca” del conservatoriu “‘Eduardo Martínez Torner”, el pianista Juan Jose Muñoz Cañivano o el duu Cavatina de flauta y guitarra. 24 d'ochobre, 2007 0 FacebookTwitterPinterestEmail