Mundu El Grupu de Baille San Félix de Candás entama un nuevu cursu na so Escuela de Baille Tradicional by asturnet 23 de setiembre, 2012 Les clases pa rapacinos (a partir de 5 años), d’una hora de llargor, van facese los sábados a les 11 hores la mañana nel llar de l’asociación en La Baragaña (Candás). La sesion inaugural y la matrícula sedrán el sábadu 6 d’ochobre a les 11 hores la mañana. El cursu dura un añu enteru y tien un preciu de 10 euros al mes. Les clases p’adultos, d’hora y media de llargor, van facese los xueves a les 19:30 hores nel llar de l’asociación en La Baragaña (Candás). La sesion inaugural y la matrícula sedrán el xueves 4 d’ochobre a les 19:30 hores. El cursu dura hasta’l mes de mayu y tien un preciu de 20 euros al cuatrimestre. 23 de setiembre, 2012 0 FacebookTwitterPinterestEmail
Mundu Iniciativa pol Asturianu xúnese a la rede European Lesser-Used Languague by asturnet 20 de setiembre, 2012 Iniciativa pol Asturianu vien de convertise en nuevu miembru dELEN (European Lesser-Used Languages), una ONG que trabaya pa la promoción, protección y desenvolvimientu de les llingües minoritaries n’Europa. Nesti sen, ELEN funciona como una rede de los principales defensores de les llingües a nivel européu. ELEN tien una trayeutoria sólida y esitosa nel exerciciu de la presión en favor de les llingües minoritaries na Xunión Europea xunto con una estensa rede d’organizaciones del ámbitu llingüísticu dende los sos cimientos y na actualidá actúa representando a los falantes de les llingües minoritaries de la XE col mandatu de los comités estatales y ONGs miembros de la yá desaniciada EBLUL (Oficina Europea de Llingües Minoritaries). Eurolang-ELEN tamién funciona como un serviciu d’información sobre temes rellacionaos coles llingües minoritaries, la diversidá llingüística y les minoríes nacionales n’Europa. Amás, Eurolang-ELEN ufre un serviciu d’información online al traviés d’Europa y pa tol mundu a ONGs, medios de comunicación, gobiernos (a niveles dende la XE al ámbitu llocal), académicos, investigadores y el públicu en xeneral. D’esta manera, Iniciativa pol Asturianu xúnese a un ambiciosu proyeutu col enfotu de faer que’l conflictu llingüísticu asturianu llegue a tolos niveles n’Europa y por que la voz de tolos falantes d’asturianu sía escuchada nel continente. 20 de setiembre, 2012 0 FacebookTwitterPinterestEmail
Mundu Sánchez Vicente y Cañedo presenten una edición nueva del Refraneru Asturianu by asturnet 12 de setiembre, 2012 Últimos díes del alcuentru lliterariu de La Vagamar en Xixón. Esti xueves presentáse a les seis y medial númberu 32 de la revista Asturies, memoria encesa dun país, de la Fundación Belenos, presentando de siguío la novela policiaca Sangre na braña, de Roberto González-Quevedo. A les siete y media una mesa redonda sobre El hard-boiled en llingua asturiana, cuntará con Roberto González-Quevedo, Xuan Xosé Sánchez Vicente, Vicente García Oliva y Humberto Gonzali. La xornada rematará cola presentación de la nueva edición del Refraneru asturianu, de Xuan Xosé Sánchez Vicente y Xesús Cañedo Valle. El vienres 14, a partir de les seis, presentaránse los llibros Algunhas maos, de Belén Rico Prieto enllaz a información del llibru y El camino de Gijón a Covadonga, de Xurde Morán. De magar les siete habrá tiempu pa la proyección de Popeye y as 1001 noites (versión en gallego-asturianu) y lactuación de Kuarentena, que zarral día. 12 de setiembre, 2012 0 FacebookTwitterPinterestEmail
Mundu Avilés organiza un cursu d’afondamientu en llingua asturiana by asturnet 10 de setiembre, 2012 La Estaya de la Llingua del Conceyu dAvilés tien abiertul plazu dinscripción pa les persones interesaes en participar nun cursu de llingua asturiana pa persones adultes (mayores de 16 años), nivel dAfondamientu hastal día 5 dochobre. Esti cursu entamarál prósimu 9 dochobre pa terminar el 29 de payares, los díes martes y xueves, nhorariu de 19:00 a 21:00 nel Palaciu de Valdecarzana (cai Sol, numb. 1). La duración sedrá de 30 hores. Ye imprescindible tener fecho un cursu anterior de nivel Aniciu de cualquier organismu oficial: Academia de la Llingua, Servicios de Normalización Llingüística, Universidá, Aules Populares o IAAP. Les inscripciones deberán facese na oficina de la Estaya la Llingua, allugada na Casa Cultura del Conceyu dAvilés (Plaza Domingo Álvarez Acebal, numb. 2, primer pisu); tamién al traviés del corréu electrónicu de la Estaya: estayallingua@ayto-aviles.es, o llamando al númberu de teléfonu de la Estaya 985 54 55 08. El cursu ye de baldre. 10 de setiembre, 2012 0 FacebookTwitterPinterestEmail
Mundu Convoquen una edición más del concursu de rellatos mineros Manuel Nevado by asturnet 5 de setiembre, 2012 La Fundación Juan Muñoz Zapico, de CCOO, yá abrió la convocatoria del Concursu de Microrellatos mineros Manuel Nevado Madrid al que podrán presentase a esti concursu escritores de cualquier nacionalidá, siempre y cuando que les obres presentaes tean escrites n’asturianu o en castellán, seyan orixinales y ensin asoleyar y nun fueren premiaes enantes en nengún otru concursu. Pue presentase un máximu de dos microrrellatos por cada autor o autora, teniendo que falar el conteníu de dalgún aspeutu (motivos temáticos, personaxes, argumentu o ambientación) venceyáu col mundu de la minería de cualquier país. La estensión nun podrá perpasar les 40 llinies en lletra de cuerpu 12 y tipu Times New Roman o asemeyada, pudiendo ocupar el microrrellatu un máximu d’una páxina en formatu foliu o DIN-A4 por dambes cares. Les obres hai que les unviar per corréu postal a: Fundación Juan Muñiz Zapico (Concursu de Rellatos Mineros Curtios “Manuel Nevado Madrid”) cai Santa Teresa 15, CP 33005 Uviéu. El plazu d’entrega d’orixinales acaba’l día 22 d’ochobre de 2012. La organización nomará al xuráu competente, presidíu pol caderalgu Benigno Delmiro Coto. El xuráu nun conocerá los nomes de los/les autores o autoras, namás el títulu de los rellatos y l’acuñu del autor. Del fallu del xuráu, al que nun se podrá retrucar, daráse conocencia pública’l 4 d’avientu de 2012 coincidiendo cola fiesta minera de Santa Bárbola. Va dase un primer premiu de 600 euros, y dellos accésits. Bases completes del concursu 5 de setiembre, 2012 0 FacebookTwitterPinterestEmail
Mundu Últimes selmanes pa presentase al concursu de cómic Alfonso Iglesias by asturnet 20 d'agostu, 2012 El IV premiu de cómic Alfonso Iglesias acaba’l plazu pa presentar orixinales el 15 de setiembre.El concursu ta abiertu a obres escrites en llingua asturiana con una estensión mínima de 50 páxines. La obra presentada va poder entender el desenvolvimientu duna hestoria única o un conxuntu dhestories (rellacionaes o non ente sí). Les obres han presentase nun formatu non inferior al A4 y non superior al A3. Presentaránse les obres en 2 sobres zarraos onde se va escribir Premiu “Alfonso Iglesias”, de lliteratura comic, el títulu de la obra y el nomatu del autor. La Conseyería de Cultura y Turismu reserval derechu despublizar nesclusiva la primer edición de la obra premiada, entendiendo retribuyíos col premiu los derechos del autor por esa primer edición. 20 d'agostu, 2012 0 FacebookTwitterPinterestEmail
Mundu Sigue’l branu más lliterariu cola visita d’escritores a Corvera by asturnet 12 d'agostu, 2012 Dempués de contar na primer selmana de “Veranu lliterariu. Alcuentros con escritores en Corvera” cola presencia de trés veteranos na lliteratura infantil n’asturianu (Sidoro Villa, Chechu García y María Luz Pontón), nesta segunda selmana van participar Inaciu Galán y Jorge Fernández, que vienen d’espublizar con Asturtoons les sos primeres referencies dirixíes al públicu más pequeñu. Inaciu Galán va intervenir mañana martes 14 d’agostu na Biblioteca de Les Vegues falando de Nel, el coríu que nun sabía nalar, mentanto que Jorge Fernández va tar el xueves 16 d’agostu nel Centru Sociocultural de Les Vegues, onde va falar d’El lladrón de galletes, cuentu qu’escribió en xunto con Amparo Elena Sarrión. Entrambes dos visites van facese ente les 11:30 y les 12:30 hores, y son d’asistencia llibre y gratuita. 12 d'agostu, 2012 0 FacebookTwitterPinterestEmail
Mundu Andecha amuésase escontra lasfaltáu de la carretera al Cuitu Nigru pa la Vuelta Ciclista a Españ by asturnet 6 d'agostu, 2012 Andecha Astur considera impresentable que se priorice lasfaltáu pa la Vuelta cuandu hai munchos pueblos l.lenizos que lo precisen más. AA pide lapertura duna consulta ambiental pa ver la viabilidá desta obra que ta nun Espaciu Protexíu. Énte lanunciáu asfaltáu dun nuvu tramu dunos 2,8 Km de la carretara al Cuitu Nigru (L.lena) por cuenta de la llegada de la Vuelta Ciclista, Andecha Astur considera impresentable dafechu que se priorice dichu asfaltáu cuandu hai acesos a munchos pueblos l.lenizos que lo precisen muncho más. Per otra parte Andecha Astur entiende que, “en tocu casu, primeramente al asfaltáu ye necesariu lapertura dun trámite de consulta ambiental pa ver si ye vidable dicha obra, darréu que se realiza nun terrén clasificáu como dEspecial Proteición, incluyíu nel Parque Natural de Les Ubiñes y la Mesa, atopándose dientru del Corredor Biolóxicu del Güerna, polo quel PORNA y otres normes obliguen a una evaluación ambiental previa a cualisquier obra”. Asina mesmu, AA diz que “trátase dun llugar asitiáu dientru de la recién declarada como Reserva de la Biosfera”. Y por too ello, y enantes de proceder a tala obra, Andecha pide “seya reconsiderada la so prioridá frente a otres similares dientru del conceyu y, siquier, aplíquese lartículu 16 de la Llei 27/2006, pol que se regulen los drechos dacesu a la información, de participación pública y dacesu a la xusticia en materia de mediu ambiente”. 6 d'agostu, 2012 0 FacebookTwitterPinterestEmail
Mundu LEntregu celebra la octava edición del Alcuentru Medieval by asturnet 9 de xunetu, 2012 Esti próximu vienres 13 L’Entregu vuelve a la Edá Media col VII Alcuentru Medieval, quorganiza la Sociedá Cultural y de Fiestes de L’Entregu. El primer día va representase la obra de teatru “Bienveníu Rei Aurelio”, de la escritora llangreana Elisabet Felgueroso, escrita a costafecha pa esta ocasión. L’Alcuentru inclúi mercáu, desfiles, teatru na cai, cetrería a caballu y otres munches actividaes. Porgrama completu dactividaes 9 de xunetu, 2012 0 FacebookTwitterPinterestEmail
Mundu Faceira asoleya una guía gramatical de lleonés by asturnet 5 de xunetu, 2012 L’Asociación Cultural Faceira publica’l llibru Xurdir. Guía gramatical de Leonés, que pretende ufiertar un preséu prácticu pa conocer los elementos esenciales de la gramática lleonesa. La obra estructúrase en dieciocho capítulos onde se sinteticen de manera rigorosa cuestiones ortográfiques, morfolóxiques y sintáctiques, cuenta con abondosos exemplos qu’ilustren les esplicaciones, y complétase con una amplia bibliografía que recueye los principales estudios llingüísticos realizaos sobre la variedá lleonesa del asturianu. Esti manual ye, según espiiquen dende Faceira un trabayu imprescindible mesmo p’aquellos que s’interesen pol lleonés como para quien quieren empecipiase nel estudiu d’esta llingua. Con esta obra Faceira inaugura la colección Biblioteca Llionesa na que se van dir publicando obres sobre’l lleonés y llibros redactaos nesti idioma. Xurdir va presentase esti vienres 6 de xunetu, a les 20:00 hores, nel Salón Región del Institutu Lleonés de Cultura (Cai Santa Nonia 3, Llión) y nel marcu de les II Xornaes de Patrimoniu Llingüísticu qu’entama El Teixu. Rede pal estudiu y defensa de la llingua asturllionesa. 5 de xunetu, 2012 0 FacebookTwitterPinterestEmail