Mocedá Xixón entama mañana la celebración de la sesta Fiesta de les Asociaciones by asturnet 21 de xunetu, 2010 El paséu de la Playa Poniente yel llugar escoyíu pa la celebración, entel 22 y 25 de xunetu, de la sesta edición de la Fiesta de les Asociaciones, quorganizal Conseyu de Mocedá de Xixón. Poniente torna a convertise en puntu d’alcuentru ente mozos y asociaciones, un espaciu que los organizadores califiquen como una gran plataforma d’espresión llibre pa tresmitir a la ciudá tolo que queramos. A lo llargo d’estos cuatro díes va haber torneos deportivos de futbol, balonmano, basket, skate, exhibición de grafitis, charres, talleres infantiles, talleres, etc. Les actividaes entamen mañana, xueves 22 de xunetu, a les 17.30 hores con un exhibición de Capoira pol Ximnasiu Xtrem. Ente les 17.30 y 18.30 hores cuentacuentos, a cargu de l’Asociación Xuvenil Esnala. La inauguración institucional va celebrase a les seis, presentando a y media, lInforme d’Amnistía Internacional “L’Estáu de Los Derechos Humanos nel Mundu”. A les 20.30 hores, charra sobre’l Festival Mundial de la Mocedá y los Estudiantes, cola participación de los delegaos asturianos qu’allegaron nos últimos eventos (Cuba, Venezuela…), lactu entámalu la Secretaría de Mocedá de CCOO. La xornada piésllase con conciertu de Seidad a les siete, y conciertu de Felpeyu a les diez de la nueche. El vienres entamal día con talleres infantiles dende les doce la mañana. A la una, fállase na Fiestal Premiu Astragal 2010. De 17.30 a 18.30 hores, cuentacuentos de l’Asociación Xuvenil Esnala: y a les seis, doble actividá: gymkhana de xuegos tradicionales de Cruz Encarnada Mocedá; y una mesa redonda sobre L’Internacionalismu: Sah.ara – Colombia Hondures. A les siete la tarde, exhibición de Caxón Flamencu de l’Asociación Xitana de Xixón, nel escenariu secundariu, y yá a partir de les ocho y media, conciertu de L.G.D.C y TONE; y a les diez y media, Latex Diamond. El sábadu, 24 de xunetu, a les doce celébrase una caravana del reciclaxe de Cogersa y el xuegu “La Máquina del Reciclaxe”. A les cinco, desfile de perros ensin llar. Media hora más tarde, a les 17.30, sesión de cuentacuentos de l’Asociación Xuvenil Esnala, como cada xornada. A les siete, mesa redonda sobre los problemes de Gaza; y lacción antimilitarista Nun ye lo mesmo, de la Coordinadora de ONGD d’Asturies. Pela nueche, conciertu de La Tarrancha y Dixebra. La xornada cabera de la sesta Fiesta va entamar a la hora de siempres, con Animación Manumanué. A les 12.00 hores va celebrase un Tornéu de Liriu d’esquierda soberanista>fai! y pol CNL (Conceyu Nacional de Liriu) y d’Espor[a]. A la una, charra sobre la toponimia de Xunta Moza. A la una y media, repártense bollos preñaos y sidra. Pela tarde vuelven los cuentacuentos dEsnala 13.30, y de seis a ocho, Xuegos Tradicionales Asturianos dEl Garrapiellu. Na mesa redonda del día, que se celebra a les seis y media, va falase de Drechos Humanos “Los 5”. Cuba. Terminal día y la sesta Fiesta, col espectáculo d’animación “L’Encantador de culiebres” por Manumanué, la entrega de premios de les actividaes deportives y una folixa cubana, a les ocho. 21 de xunetu, 2010 0 FacebookTwitterPinterestEmail
Mocedá La organización moza Darréu remocica la so páxina web by asturnet 12 de xunetu, 2010 El mediu dixital oficial d’espresión de la organización Darréu, mocedá venceyada a Andecha Astur, ta acabante estrenar imaxe nueva. Nesti momentu ta en peridu de pruebes yá questos díes van siguir rematando la páxina y ye posible que dea dalgún erru de xemes en cuando. Pel momentu, anuncien, puen vese yá un bon garrapiellu de semeyes de Darréu na galería y dalgunos videos. Na sección dactualidá atópense los últimos comunicaos, convocatories y actividaes. La páxina cunta amás dun foru pa la militancia, duna zona abierta a les persones rexistraes na páxina. Darreu.org ufre tamién un serviciu de soscripción via corréu lletrónicu, dando anuncia de les novedaes de la páxina. Páxina de Darréu 12 de xunetu, 2010 0 FacebookTwitterPinterestEmail
Mocedá El Conseyu de Mocedá de Xixón celebra en xunetu la Fiesta de les Asociaciones by asturnet 6 de xunetu, 2010 Per sestu añu consecutivu, el Conseyu de Mocedá de Xixón celebra la Fiesta d’Asociaciones , colo que la sablera de Poniente vuelve convertise nun puntu d’alcuentru ente mozos y asociaciones, una gran plataforma que dendel CMX califique de llugar de llibre espresión pa tresmitir a la ciudá tolo que queramos. L’oxetivu ye que la fiesta seya un elementu dinamizador del movimientu asociativu, capaz de llevar ante les as nueves toa una amuesa de les posibilidaes qu’abre la participación. A lo llargo de cuatro díes, 22, 23, 24 y 25 de xunetu de 2010, Xixón recibe a asociaciones de toa Asturies que busquen dase a conocer y esparder los sos mensaxes. Los horarios orientativos van ser, en principiu, xueves de 17 a 24 hores, vienres de 12 a 14 hores y de 17 a 1 hores, sábadu de 12 a 14 hores y de 17 a 1 hores y domingu de 12 a 17 hores y de 17 a 24 hores. 6 de xunetu, 2010 0 FacebookTwitterPinterestEmail
Mocedá Fai! refuga públicamente aconceyar cola estaya moza del PSOE d’Uviéu by asturnet 28 de xunu, 2010 La organización d’esquierda soberanista, que recibió un convite al traviés del corréu electrónicu pa tratar problemátiques del conceyu, y tres d’aconceyar la so Asamblea Xeneral, asoleya un comunicáu nel que se desplica que nun se dan les condiciones mínimes necesaries pa entamar nengún contautu con MSU mientres qu’esta organización “tea vinculada col PSOE y siga los sos entamos ideolóxicos” polo que llamó a la so militancia a “que si de verdá tienen interés n’afondar na oposición a estos proyeutos faigan un apueste seriu y valiente pola ruptura col so partíu” y “trabayar dende un bloque social alternativu al malgobiernu d’Asturies y d’Uviéu”. Comunicáu completu de Fai! 28 de xunu, 2010 0 FacebookTwitterPinterestEmail
Mocedá El CMPA asesora hastal 18 de mayu sobre les sovenciones a entidaes xuveniles by asturnet 5 de mayu, 2010 Hastal 18 de mayu les Asociaciones y Entidaes Xuveniles del Principáu d’Asturies pueden solicitar sovenciones pa la realización dactividaes, servicios a la mocedá y funcionamientu internu por un importe de 220.763 euros, en total. Amás, esiste otra llinia pa la contratación de mozos menores de 30 años que faigan xeres n’asociaciones y entidaes xuveniles por un importe de 101.772 euros. Cola fin de facilitar la presentación de proyectos, el CMPA pon en marcha un añu más el serviciu d’asesoramientu nel que va poder solicitase información, mesmo en persona como telefónicamente y al traviés d’internet, sobro delles cuestiones d’interés: qu’elementos básicos tienen que contemplar los proyectos, cómo rellenar los formularios correchamente, cómo presupuestar -yos actividaes, etc… Díes y horarios de l’ Asesoría: -Nel Conseyu de la Mocedá del Principáu d’Asturies el llunes 3 de mayu de 11:00 a 14:00 h. Nel Conseyu de la Mocedá de Xixón el martes 4 mayu de 17:00 a 20:00 h. Nel Conseyu de la Mocedá d’Uviéu’l miércoles 5 de mayu de 17:00 a 20:00 h. Nel Conseyu de la Mocedá de Llaviana (Edif. CIDAN) el vienres 7 de mayu de 12:00 a 14:00 h. Na OIX Siero’l xueves 13 mayu de 18:00 a 20:00 h. Serviciu Itinerante: en función de demanda n’otros Conceyos. Serviciu UVI: llunes 18 de mayu de 17:00 a 20:00 h. Asesoría On-Line: www.cmpa.es 5 de mayu, 2010 0 FacebookTwitterPinterestEmail
Mocedá Avilés celebra les VII Xuntes d’Escolines y Escolinos by asturnet 3 de mayu, 2010 Los díes 4 y 5 de mayu van celebrase les VII Xuntes d’Escolines y Escolinos d’Avilés y Comarca. Esta ye una actividá que xune a 600 neños, neñes y mocedá al rodiu de la figura a la que se dedica cada añu la Selmana de les Lletres Asturianes, nesti casu, al poeta Xose Antonio González y a la xeneración del Surdimientu, a la que pertenecía. El martes y miércoles, pondráse a comuña nel Auditoriu de la Casa Municipal de Cultura, lo trabayao en talleres nos centros escolares, teniendo como puntu central la figura del nomáu escritor. 3 de mayu, 2010 0 FacebookTwitterPinterestEmail
Mocedá L’Institutu Asturianu de la Mocedá convoca la concesión sovenciones a entidaes xuveniles by asturnet 27 d'abril, 2010 Hastal 18 de mayu les Asociaciones y Entidaes Xuveniles del Principáu d’Asturies pueden solicitar sovenciones pa la realización dactividaes, servicios a la mocedá y funcionamientu internu por un importe de 220.763 euros, en total. Amás, esiste otra llinia pa la contratación de mozos menores de 30 años que faigan xeres n’asociaciones y entidaes xuveniles por un importe de 101.772 euros. La presentación de les instancies de solicitú ha facese nel Rexistru Xeneral Central de l’Alministración del Principáu d’Asturies (edificiu alministrativu, calle Coronel Aranda, s/n, llanta plaza, sector central, Uviéu) o pol Rexistru Telemáticu del Principáu d’Asturies nel portal corporativu de l’Alministración del Principáu d’Asturies. 27 d'abril, 2010 0 FacebookTwitterPinterestEmail
Mocedá Culturaquí 2010 abre los plazos pa presentar obres y proyectos a concursu by asturnet 26 d'abril, 2010 L’Institutu Asturianu de la Mocedá acaba de convocar los distintos certames que componen el programa Culturaquí. Como cada añu convóquense premios darte, música, cine y lliteratura: -Premio ‘Asturies Mozu’ d’Artes Plástiques y Amuesa d’Artes Plástiques (20.000 ). Plazu: 30 de xunu. -Concursu de Maquetes Pop-Rock (6.000 ). Plazu: 11 de xunu. -Premio ‘Asturies Mozu’ de Poesía, Narrativa y Testos Teatrales (6.000 ). Plazu: 30 de setiembre. -Premiu Nuevos Realizadores del Principáu d’Asturies (15.000 ). Plazu: 29 d’ochobre. -Premiu Astragal (8.000 ). Plazu: 30 d’ochobre. -Certame Mozu de Graffitis del Principáu d’Asturies (3.000 ).Plazu: 16 de xunetu. -Programa d’esposiciones pa nuevos artistes plásticos. Sala Borrón 2010. Plazu: 29 d’ochobre. -Premiu LLAB_MOZU_ESPERIMENTA pa la ellaboración d’un proyectu específicu pa La Llaboral Centru d’Arte y Creación Industrial (18.000 ). Plazu: 10 de setiembre. Les bases completes espublizáronse nel BOPA de 23 d’abril de 2010. 26 d'abril, 2010 0 FacebookTwitterPinterestEmail
Mocedá Xixón celebra los VII Alcuentros de la mocedá cola llingua by asturnet 26 d'abril, 2010 Mañana, 27 d’abril, van celebrase nel Muséu del Pueblu d’Asturies los sétimos Alcuentros de la Mocedá cola Llingua: Saca la Llingua, nos que participarán alredor de seiscientos rapazos que dan llingua asturiana nos Institutos de Xixón del IES Calderón de la barca, IES Doña Ximena, IES Emilio Alarcos, IES Fernández Vallín, IES Xovellanos, IES Mata Xove, IES Montevil, IES Roces, IES Rosario Acuña, IES Universidá Llaboral, IES Númberu 1, IES Padre Feijoo y del Colexu San Llorienzo. Ente les actividaes: xuegos tradiciones, yinkanes y un karaoke nasturianu. El tendayu del pueblu dAsturies acueye les celebraciones. Los xuegos tradicionales van celebrase nel prau del muséu, ente los que se van practicar tán los bolos, la llave, los zancos, la rana, tiru cuerda, tiru al palu…Los guah.es van poder participase tamién nuna Yinkana cultural y biolóxica, na que, en grupos, tendrán que trabayar a comuña pa dir pasando per distintes pruebes que consisten en dir atropando dalguna información y alcontrar dellos oxetos que tengan que ver cola diversidá biolóxica. La Oficina de la Llingua tien preparaos amás dellos talleres de rap, baille, cocina, doblaxe, cómic, cuentacuentos y cifres y lletres. Amás, del yá citáu, karaoke nasturianu, quentamó lañu pasáu y que cunta con cantares como Tengo de rondar to valle y So vaqueiru, pieces tradicionales popularizaes pol dúu Nuberu; Chacho y Nun yes tu del grupu de Tolivia (Llaviana) Los Berrones; la versión de Chalaneru fecha a comuña ente los hermanos Tejedor y el cantante Chus Pedro; Rapaza nacionaliega y Canciu damor de Dixebra; Mexé na caleya, La capitana, ún de los cantares más populares del músicu xixonés Carlos Rubiera; Sonia y Los suaños, suaños son de la formación de ska-punk de Candás Skama la Rede; y el tema de lagrupación infantil Xentiquina Bocadillu rock. 26 d'abril, 2010 0 FacebookTwitterPinterestEmail
Mocedá Cuentacuentos con maxa y con globos na Casa Cultura de Grau by asturnet 19 d'abril, 2010 El llunes, 19 d’abril, d’11 a 13 hores, Casa Cultura de Grau va acoyer un cuentacuentos y actividaes pa neños d’1 a 3 años. Ente les actividaes programaes van tar un cuentacuentos con maxa, un canta-xuegos colos sos cantares favoritos y un cuentacuentos con globos. 19 d'abril, 2010 0 FacebookTwitterPinterestEmail