Mocedá La Fiesta de les Asociaciones acueyel fallu del Premiu Astragal by asturnet 15 de xunetu, 2011 Esti vienres, 15 de xunetu, la Feria de les Asoaciones, organizada pol Conseyu de la Mocedám de Xixón na Playa de Pando, va acoyer la realización de dellos talleres de pintura, modelaxe organizaos a partir de les doce la mañana por delles asociaciones. A la una, va fallasel Premiu Astragal 2011. Yá de tarde, a les cinco, va cuntase con grafiteros y raperos nuna actividá conxunta. A les siete la tarde preséntase lInforme DDHH Colombia per parte de la Delegación Asturiana, pa siguir darréu con una amuesa y preba de productos de Colombia. A les nueve toquen Paisa & Fermo (Mieres), CaNi & Buenavista Movement (Uviéu) y L.G.D.C. (Xixón). Les actividaes siguen el sábadu y el domingu, pudiendo consultasel programa completu. Programa completu d’actividaes 15 de xunetu, 2011 0 FacebookTwitterPinterestEmail
Mocedá Entama en Xixón la Fiesta de les Asociaciones by asturnet 13 de xunetu, 2011 Ente los díes 14 al 17 de xunetu de 2011 la Playa de Pando, en Xixón, acueye la 7ª Fiesta d’Asociaciones. A les cinco y media la tarde va inaugurase lactividá con un monólogu de Carlos Alba, Cellero La llei del Cuchu. A les seis y media va presentase lInforme de Trabayu esclavu en Brasil per parte de la Coordinadora dONGD d’Asturies. A les ocho va facese una charra sobre’l Festival Mundial de la Mocedá y los Estudiantes de Suráfrica, entamada pola Área Moza d’Izquierda Xunida. A les nueve, piésllase la xornada con un conciertu de La Tarrancha. Programa completu d’actividaes 13 de xunetu, 2011 0 FacebookTwitterPinterestEmail
Mocedá Manifestación “por unes cuenques pa vivir y trabayar dignamente” by asturnet 8 de xunetu, 2011 Darréu y CSI-Mocedá entamen pal prósimu 9 de xunetu una xornada “por unes cuenques pa vivir y trabayar dignamente”. Pela mañana una marcha percorrerá delles llocalidaes de la cuenca dEl Nalón, dende La Felguera hasta LEntregu. Pela tarde, nel Centru Social La Semiente de L’Entregu va celebrase una espicha popular pa dempués, a partir de les 17:00 hores, celebrar unes charres baxo’l títulu de “Les cuenques: una cirsis estructural, nes que van participar dellos ponentes del ámbitu sindical, políticu, xuvenil y social. El testu de la convocatoria de Darréu y CSI-Mocedá ye’l siguiente: Les comarques mineres arrecostinen una fonda crisis estructural que mos lleva a falar d’una crisis permanente nestes últimes décades. El pieslle d’empreses, la precariedá, el paru xuvenil y la emigración forciada dexen a estos conceyos nuna situación socioeconómica y los políticos gobernantes y los sindicatos amariellos nun dan salides a tala situación. Per otru llau son rápidos pa aprovechase d’esta crisis y sacar beneficios personales y personalistes, pa ellos y los sos allegaos nel Réximen. Poro, la mocedá, farta d’esta situación dicimos basta. Les cuenques necesiten un cambeu radical y esti solo pue llegar cola movilización y la llucha contra’l hipotecamientu del nuesu futuru. Asina dende Darréu y CSI-Mocedá entamamos pal prósimu sábadu día 9 de xunetu una xornada por unes cuenques pa vivir y trabayar dignamente. La xornada va acoyer pela mañana una marcha a pie contra’l desmantelamientu del Nalón y el Caudal y pol futuru de los nuesos conceyos. La marcha saldrá a les 12:00 hores dende’l Parque Vieyu de La Felguera (Llangréu) y percorrerá bona parte del Valle del Nalón hasta L’Entregu (Samartín del Rei Aurelio), onde finará énte’l Centru Social La Semiente. Dempués de la marcha tola xente ta convidada a una espicha con precios populares pa reponer fuercies nel centru social entreguín. Darréu d’esto, tamién en La Semiente van cellebrase unes charres baxo’l llema Les cuenques: una crisis estructural. La charra-alderique, programada pa les 17:00 cuntará con dellxs ponentes del ámbetu sindical, políticu, xuvenil y social que se dirán anunciando nos díes vinientes. Dende la organización de mocedá revolucionario y soberanista Darréu y la Corriente Sindical d’Izquierda-Mocedá llamamos a tola población d’Asturies y sobremanera de les cuenques a participar con nós activamente nesti día en toles actividaes programaes. Ye perimportante amás la implicación de la mocedá, yá que va ser esti coleutivu’l más afeutáu pol desaniciu socioeconómicu que viven les comarques mineres nun futuru prósimu. Ye más, la mocedá lleva siendo la mayor afeutada dende fai munchu tiempu. Asina los convocantes llamamos a la participación y a caltener la llucha día si día tamién en defensa d’un futuru dignu pa les cuenques y tamién pal conxuntu d’Asturies. La ofensiva neolliberal sigui avanzando y nun mos va regalar nada, namái queda movilizase contra ella. ¡ Por unes cuenques pa vivir y trabayar ! ¡ Non al desmantelamientu ! Mocedá nun te rindas: ¡llucha pol to futuru! 8 de xunetu, 2011 0 FacebookTwitterPinterestEmail
Mocedá Entama una temporada nueva de “La nueche ye tuya” by asturnet 7 de marzu, 2011 La Conceyalía de Mocedá d’Uviéu entama una temporada nueva del proyectu d’Ociu Xuvenil “La nueche ye tuya”, un programa con actividaes deportives, lúdiques y culturales gratuites y ensin inscripción, que se desenvuelve nesta ocasión dende’l 25 de febreru hasta’l 16 d’abril pa mozos con edaes comprendíes ente los 18 y 30 años. Les actividaes faense los vienres y sábados n’horariu nocherniegu nel Centru Xuvenil Santullano, Centru Social de Pumarín y nos deportivos de Pumarín y Vallobín. Programa completu d’actividaes 7 de marzu, 2011 0 FacebookTwitterPinterestEmail
Mocedá Xixón celebral Día Internacional del Idioma Marternu by asturnet 21 de febreru, 2011 La Oficina de la Llingua de Xixón celebral celebrar el Día Internacional del Idioma Maternu, colos escolinos y escolines de sestu de primaria del colexu Jacinto Benavente, de Vega-La Camocha. Lactu va cuntar col cuentu “Arroz, agua y maíz” de fondu, amás dunes llectures en dellos idiomes y un xuegu musical mui políglota que va dar a los neños el “Pasaporte de les Llingües”. Lactividá va entamar a les diez y media la mañana. 21 de febreru, 2011 0 FacebookTwitterPinterestEmail
Mocedá Los neños xueguen cola toponimia de Xixón en La Llaboral by asturnet 1 de febreru, 2011 La Llaboral de Xixón acueye una actividá pa la reciella centrada na difusión de la toponimia oficial del conceyu de Xixón. Los neños de 9 a 12 años van poder participar en Xugando cola Toponimia, una actividá entamada pola Oficina de la Llingua y el Conceyu de Xixón, na quun rompecabeces xigante sirve pa conocer la hestoria de les 26 parroquies del conceyu. 1 de febreru, 2011 0 FacebookTwitterPinterestEmail
Mocedá Xuventú Asturianista tampoco nun quier la Selmana Negra nel Campus de Xixón by asturnet 24 de xineru, 2011 Les voces contra lasitiamientu de la Semana Negra siguen sumándose. El Rector Vicente Gotor, el Colectivu Estudiantes contra la Selmana Negra y agora tamién, la Xuventú Asturianista del PAS, que repite’l so sofitu a la Universidá dUviéu, yá que creemos que dientro d’un campus universitariu, nun tien cabida una actividá d’estes característiques. XA recuerda que yá lañu pasáu amosó la so posición sobre esta cuestión y critiquen que ayuntamientu entre nuna confrontación d’esti tipu con una institución académica por cabezonería y aneciando na defensa d’un supuestu certame lliterariu, que d’esto nun tien nada. Amás creen necesario denunciar públicamente’l fechu de que cuando les alministraciones tán retayando gastos de los sos presupuestos, lasignación municipal a esti eventu sigue medrando. Pa finar, dende Xuventú Asturianista amuesen el so total sofitu a la Universidá dUviéu y al Colectivu d’Estudiantes contra la Selmana Negra y anuncien que si hai movilizaciones la organización va xunise a elles. 24 de xineru, 2011 0 FacebookTwitterPinterestEmail
Mocedá Organicen un taller de montaxe y arreglu d’equipos informáticos by asturnet 14 de xineru, 2011 El Conceyu d’Uviéu ufierta a los mozos, ente 13 y 18 años, esti taller de montaxe y arreglu d’equipos informáticos, gratuitu, que s’imparte de llunes a vienres, del 17 al 28 de xineru y de 5 a 7 de la tarde. Va Ser nel Centru Xuvenil y Telecentru de La Corredoria. La inscripción ha facese nel Centru Xuvenil y Telecentru de La Corredoria, na cai José Requejo, 16. 14 de xineru, 2011 0 FacebookTwitterPinterestEmail
Mocedá Convóquense los premios estatales del INMOE by asturnet 7 de xineru, 2011 LInstitutu de la Mocedá (INJUVE/INMOE) convoca los Premios Nacionales de Mocedá pal añu 2011. Nellos va concedese un únicu premiu en caúna de les siguientes categoríes: Iniciatives entamadores en materia d’empléu, Tolerancia y promoción de la comunicación intercultural, Voluntariáu y Promoción de los valores d’igualdá ente la mocedá. Los Premios Nacionales de Mocedá tán dirixíos a mozos de nacionalidá española y a toos aquellos con residencia llegal nel territoriu estatal, que nun superen la edá de 35 años na fecha na que remate’l plazu pa la presentación de les candidatures, que ye l8 de febreru de 2011. Más información nel BOE de 30 d’avientu de 2010 7 de xineru, 2011 0 FacebookTwitterPinterestEmail
Mocedá El CMPA busca informador xuvenil interinu by asturnet 1 d'avientu, 2010 El Conseyu de la Mocedá del Principáu d’Asturies CMPA, convoca una plaza de informador xuvenil con calter dinterinidá. La plaza esixe titulación de bachiller, valorándose la esperiencia, la presentación dun proyectu de funcionamientu de la oficina dinformación y la defensa del proyectu xunto con una entrevista. La inscripción pue facese hastal 14 davientu. Les bases completes pueden consultase na web del CMPA. 1 d'avientu, 2010 0 FacebookTwitterPinterestEmail