Lorient 2006 Ventolín entusiasma nel Cabaret de Lorient by asturnet 3 d'agostu, 2006 Con abonda satisfación finaron la so actuación los componentes del grupu Ventolín de Siero nun conciertu nel Cabaret de Lorient nel que compartieron actuación ente otros con Roddy McCleod y su Pitlochry& Blair Atholl Pipeband”. Y nun yera pa menos, como dexaron afitao los aplausos cariñosos del públicu qu’enllenaba la sala. El grupu tradicional de Siero lleva faciendo delles actuaciones esta selmana de munchu ésitu, pero la d’esti miércoles foi ensin dubies la meyor. Abondo ambientada y perfeutamente escenificada, l’actuación entamó a les 5 la tarde col desfile pol escenariu de los componentes, qu’enriestraron una bona amuesa del folklor tradicional asturianu de la Xota al Xiringuelu, ensin escaecer la Danza Prima cola qu’entamaron el conciertu. Ventolín entá tien d’actuar xunta la Banda de Gaites Llacín nes dos Nueches Máxiques que queden por cellebrar na selmana. 3 d'agostu, 2006 0 FacebookTwitterPinterestEmail
Lorient 2006 Llangres desembarca en Lorient con muncha fuercia by asturnet 3 d'agostu, 2006 Llangrés cuayó una perbona actuación nel so estrenu nel Festival Intercélticu de Lorient na tarde d’esti miércoles nel Palaciu de Congresos. El grupu tien prevista otra actuación esta selmana, depués d’actuar no postrero de xunetu en Warwick (Inglaterra). El grupu entamó esnalando pa ufiertar al públicu’l canciu “Pastorina” pa siguir con Naciu y La Carnbonera, pa finar, depués de trers cancios más con “Memoria los Carbayos”. Enantes de viaxar a Lorient, Llangres actuó el fin de selmana pasáu nel festival folk de Warwick (Inglaterra) onde dio dos conciertos, nún d’ellos compartió escenariu cola mítica banda “The Battlefield Band” y tuvo’l gustu de conocer amás a los sos miembros. Les semeyes d’esti viaxe puen vese na seición “Semeyes” de la so web. D’otru llau tán a puntu confirmase dellos conciertos más pa esti branu de los que se va informar na seición “Conciertos” de la so páxina web. El grupu preséntase oficialmente nun conciertu nel Teatru Llangréu de Sama, nel que ficieron un llenu total. A partir d’esi omentu’l grupu entama a medrar. Xúnense a Llangres Viriu y Borja. Nel añu 2000 el grupu afítase. Nesti tiempu faen varies actuaciones poles nueches folk d’Asturies, algamen el primer puestu nel concursu “Cuarto de los Val.les” de Navelgas y graben dos temes nel recopilatoriu “Xeneración Folk”. D’esti mou llogren convertise nuna de les promeses del folk asturianu. Anguaño inda se-yos clasifica asina, a pesar de que lleven unos cuantos años tocando xuntos. El 2001 ye tamién un añu perimportante pa Llangres. Actúen por primera vegada n’Italia, nel “Trigallia Celtic Festival” (ver cartel). Esti fue l’escomienzu d’una xira italiana que se repite dende entós tolos años. Llangres coincidió n’Italia con dalgunos de los grupos más importantes de la música folk d’anguaño: Alan Stivel, Wolfstone, Skolvan, Tanahill Weavers, Lunasa, etc. Prósimos Conciertos de Llangres 3 d'agostu, 2006 0 FacebookTwitterPinterestEmail
Lorient 2006 Brenga Astur cuaya una pergrande actuación nel Espace Bretagne en Lorient by asturnet 2 d'agostu, 2006 Col meyor de aliendos foi como se despidió de Brenga Astur de los escenarios de Lorient, cuayando una perbona actuación nel Espace Marine, dientro d’una nueche folk compartida colos vecinos gallegos d’Unión das Terras. Brenga Astur ya ufiertó un conciertu mui aplaudíu nel Palacio de Congresos de Lorient na tarde del llunes. Nel 1994, una riestra músicos d’estremaos conceyos d’Asturies entamaben esti grupu, Brenga Astur, que doce años depués amuesa equí en Lorient la calidá y veteranía de los años de trabayu. El so enfotu nel aniciu’l camín yera esparder el conocimientu de la música celta d’orixe asturianu, mesmo na so llinia más tradicional que notres estayes más averaes al folk, ya inclusu al folk-rock, y esa sigue siendo la so llinia como pudo vese nel Festival Intercélticu de la ciudá bretona nestos díes. Los instrumentos emplegaos por Brenga Astur encartien cola llinia que güei ta puxando más nestos y otros países, esto ye que xunto a dalgunos tradicionales dafechu como les gaites asturianes en Si bemol, les xiblates irlandeses, el panderu asturianu, o’l curdión, tóquense dellos otros qu’arramen per dayuri como la guitarra acústica y elléctrica, el bouzouki, el baxu elléctricu, o la batería. En cualisquier casu cúriase con pricuru que les igües de los cantares seyan bien a xeitu col espíritu célticu que’l grupu quier tresmitir y que ye l’aliendu que lu fixera biltar. Les actividaes públiques de Brenga Astur son mui bayuroses, participando en cuásique tolos alcuentros de folk célticu y tradicional que se faen n’Asturies, n’España o per otros países. Nesi sen, Brenga percorriera yá abondos llugares d’España, Sur de Francia, Italia ya Túnez, asina como delles xires pelos Estaos Xuníos d’América. 2 d'agostu, 2006 0 FacebookTwitterPinterestEmail
Lorient 2006 Brenga Astur cuaya una pergrande actuación nel Espace Bretagne en Lorient by asturnet 2 d'agostu, 2006 Col meyor de aliendos foi como se despidió de Brenga Astur de los escenarios de Lorient, cuayando una perbona actuación nel Espace Marine, dientro d’una nueche folk compartida colos vecinos gallegos d’Unión das Terras. Brenga Astur ya ufiertói un conciertu mui aplaudíu nel Palacio de Congresos de Lorient na tarde del llunes. Nel 1994, una riestra músicos d’estremaos conceyos d’Asturies entamaben esti grupu, Brenga Astur, que doce años depués amuesa equí en Lorient la calidá y veteranía de los años de trabayu. El so enfotu nel aniciu’l camín yera esparder el conocimientu de la música celta d’orixe asturianu, mesmo na so llinia más tradicional que notres estayes más averaes al folk, ya inclusu al folk-rock, y esa sigue siendo la so llinia como pudo vese nel Festival Intercélticu de la ciudá bretona nestos díes. Los instrumentos emplegaos por Brenga Astur encartien cola llinia que güei ta puxando más nestos y otros países, esto ye que xunto a dalgunos tradicionales dafechu como les gaites asturianes en Si bemol, les xiblates irlandeses, el panderu asturianu, o’l curdión, tóquense dellos otros qu’arramen per dayuri como la guitarra acústica y elléctrica, el bouzouki, el baxu elléctricu, o la batería. En cualisquier casu cúriase con pricuru que les igües de los cantares seyan bien a xeitu col espíritu célticu que’l grupu quier tresmitir y que ye l’aliendu que lu fixera biltar. Les actividaes públiques de Brenga Astur son mui bayuroses, participando en cuásique tolos alcuentros de folk célticu y tradicional que se faen n’Asturies, n’España o per otros países. Nesi sen, Brenga percorriera yá abondos llugares d’España, Sur de Francia, Italia ya Túnez, asina como delles xires pelos Estaos Xuníos d’América. 2 d'agostu, 2006 0 FacebookTwitterPinterestEmail
Lorient 2006 La Banda de Gaites Llacín triunfa pel día nos desfiles y nes jam-session pela nueche by asturnet 2 d'agostu, 2006 La Banda Gaites Llacín , del Conceyu Llanes ( Asturies ), surde nel añu 1998 pente los escolinos de la Escuela de Música Tradicional que pertenez a l’Asociación Cultural y Etnográfica Llacín de Porrúa. Esta asociación convirtiose pasu ente pasu nun referente como promotora d’iniciatives güei reconocíes, como’l Muséu Etnográficu del Oriente d’Asturies, el Mercáu de Porrúa y el Pueblu Cultural d’Europa, arriendes d’otres. Too ello fizo-y algamar un llugar cimeru nel desendolcu y nel estudiu de les manifestaciones culturales del conceyu llaniscu, y ser un puntu d’alcuentru pa tolos/es que tengan daqué enfotu nel conocimientu de los vezos y la hestoria d’Asturies. Dende los sos anicios , la Banda ta dirixida por Vítor Carbajal y Nuria Tarodo medrando a lo llargo’l tiempu de los 28 a los 87 componentes de los nuesos díes faciendo asina una de les bandes más numberoses d’Asturies. Como diz na so páxina web, “el repertoriu qu’executa xune temes tradicionales colos d’anguaño asturianos, tien composiciones propies, y en delles ocasiones tamién fai fusiones afayadices colos temes de los paises de la cultura del Arcu Atlánticu, de la que la Banda ye parte”. Y eso ye precisamente lo que ta amuesando en Lorient, tanto nes sos participaciones más series nes que lluz al mayor nivel, como nos momentos de lo qu’equí nomen como “Kitchen music” cuando l’alborecer ya se va arrimando. 2 d'agostu, 2006 0 FacebookTwitterPinterestEmail
Lorient 2006 Asturies cuaya un perbon papel na Lliga Gallega by asturnet 1 d'agostu, 2006 Dos bandes ente les seis primeres de la meyor competición n’España ye un balance perbonu pa la gaita asturiana. Xunta la Banda de Gaites de Villaviciosa, ganadora por tercera vegada de la Lliga, esti añu sorprendió’l cuartu puestu de la Banda Gaites Xácara, que yera la primera vegada que se presentaba. Nesti campeonatu presentáronse otres dos bandes de gaites asturianes na misma categoría que Villaviciosa (concretamente la Banda Gaites Xácara y la Banda Gaites Candás) algamando la Banda Gaites Xácara el cuartu puestu nel primer añu que se presentaba. De les 21 bandes que se presenten nel Primer Gráu (hai cinco graos o categoríes), les seis primeres son les premiaes, polo que ye perimportante que ente eses seis primeres tean dos bandes asturianes. La Banda de Gaites de Villaviciosa algamó na cabera fase, cellebrada esti domingu, el tercer títulu de meyor banda na Lliga Gallega.La Banda Gaites de Villaviciosa yá ganara nes dos últimes ediciones del certame y nesta ocasión bastó-y con mantener la so ventaxa sobre la segunda banda clasificada, Ledicia de Mos, pa repetir la victoria. La Banda Gaites de Villaviciosa gana otra vuelta la Lliga Gallega 1 d'agostu, 2006 0 FacebookTwitterPinterestEmail
Lorient 2006 Rubén alba desplica-y a Asturnews la manera de ganar el McCrimmon by asturnet 1 d'agostu, 2006 Rubén Alba persabe que la meyor forma de ganar el Troféu McCrimmon, l’antiguu McCallan, ye preparar perbien la pieza bretona qu’hai de tocar nel concursu, amás de la pieza asturiana y la gallega. Asina lo desplica a Asturnews nuna pequeña conversación que caltuviere depués del festival. Alba, que ganara yá dos vegaes el troféu más nomáu pa solistes de gaita, desplicalo de forma cenciella: “Si un gaiteru, seya gallegu o asturianu fai la meyor interpretación cola música bretona y nun falla na so propia música tien toles papeletes pa ganar”. Pero lo meyor ye escuchar como lo cuenta’l propiu Rubén. 1 d'agostu, 2006 0 FacebookTwitterPinterestEmail
Lorient 2006 Galeria de la presencia de la Banda Llacin en Lorient by asturnet 30 de xunetu, 2006 30 de xunetu, 2006 0 FacebookTwitterPinterestEmail
Lorient 2006 Lorient cellebró ún de los meyores desfiles no que va de sieglu by asturnet 30 de xunetu, 2006 La Gran Parada de les Naciones Celtes aconceyó a miles de persones y d’artistes nun de los meyores desfiles que se recordaben y que llogró a lo postrero evitar la lluvia, brilló como hacía años que nun lo ficiere. EL grupu Ventolín y la Banda de Gaites Llacín de Porrúa foron los representates asturianos nesti defiles del que puen vese equí dellos momentos de la participación d’otres naciones celtes. 30 de xunetu, 2006 0 FacebookTwitterPinterestEmail
Lorient 2006 Ruben Alba gana otra vuelta’l Troféu McCrimmon by asturnet 29 de xunetu, 2006 El Troféu McCrimmon de gaita, enantes nomáu McCallan, viaxó otra vuelta pAsturies de la man de Rubén Alba que cuayó una perbona actuación y algamól primer puestu por mor de la puntuación otorgada pol xuráu bretón. El resultáu foi polémicu pol descontentu los xuraos gallegos y los gaiteros desi país poles puntuaciones de los asturianos. La suerte foi esquiva con munchos delos favoritos nel sortéu previu al concursu. Rubén Laba, quexábase de tener que tocar lúltimu y a Daniel Bellón y Daniel Lumbreras tocába-yos entamar darréu de xintar, lo que suel dar más problemes que ventaxes. La competición entamó cola participación dún de los meyores gaiteros de la nueva mocedá musical del país vecín, Daniel Bellón, que tuvo una actuación asemeyada a les que nos tien avezaos, con munchu procuru y bon ritmu. Un poco más nerviosu vióse darréu a otru de los concursantes gallegos, Daniel Lumbreras, que tuvo acertáu na interpretación gallega anque un poco menos seguru na asturiana y bretona. Tres de los dos primeros concursantes del país vecín, xubió al escenariul primer representantge asturianu, Marco Antonio Guardado del Valle, quamuesó also veteranía y cuayó una actuación muncho meyor que la del añu pasáu, anque nun foi a arrequexar del too los nervios en delles fases de la so interpretación. Una bretona ente astures y gallegos La única bretona que satreve a competir con gallegos y asturianos cola gaita quempleguen los celtes del sur, Marie Le Cam, de Lorient, tuvo nesta segunda participación nel concursu munchu más segura que lañu pasáu. Favorecida pol fechu de que se tea dinterpretar una pieza bretona en primer llugar, tranquilizóse y tuvo a munchu meyor altor na intepretación asturiana y na gallega, perdifícil pa una escuela musical como la de los bretones avezaos a sones más repetitivos y ensin munchos floreaos. Iñaki Santianes foi lasturianu que siguió na intepretación afintando na salal por qué de la so victoria lañu pasáu nesti concursu. Pieces bien preparaes, un nivel dexecución cásique perfeutu y la veteranía que dal pasar dellos años por Lorient y perconocer los requexos del concursu. Darréu Alberto Coya ufiertó una bona actuación, como tamién lo fizo lasturianu Jorge Suárez Carbajal. Munchu más aposentáu que lañu pasáu y dexando bien nidiul so altor interpretativu. Tres de Pablo Dalama, el caberu de los gallegos nactuar, Rubén Alba García, segundu lañu pasáu y ganador hai dos, punxo un broche doráu a un concursu que foi consideráu ensin dubies como ún de los meyores de los caberos años. 29 de xunetu, 2006 0 FacebookTwitterPinterestEmail