Lliteratura Xixón recupera la figura de Rosario Acuña nun llabor d’arqueloxía feminista by asturnet 26 de xunu, 2006 La Casa d’Encuentros de muyeres de Xixón acueye esta tarde, a les siete y media, l’actu de presentación del llibru ‘Rosario Acuña. Literatura y transgresión en el fin de siecle’ de la mano de Marta Fernández Morales, nun llarbor d’arqueoloxía feminista col que l’Ayuntamientu xixones quier recuperar la figura de diferentes pensadores. Nel actu tamien van participar Dulce Gallego, conceyala de la Muyer del Ayuntamientu de Xixón, Ana Suárez, presidenta del colectivu Milenta Muyeres, y Ana Díaz Marcos, Doctora en Filoloxía. ‘Rosario Acuña. Literatura y transgresión en el fin de siecle’ ye un trabayu resultáu d’una de les beques concedies nel añu 2004 pa facer un estudiu sobre la figura de Rosario de Acuña (Pinto 1851-Xixón 1923), poeta, dramaturga, periodista, montañera, pensadora, masona y feminista temprana, que siempre tuvo vinculada a Asturies y n’especial a la ciudá de Xixón. Rosario de Acuña foi pionera en munchos aspectos de la so vida y de la so obra, y a lo llargo d’estos últimos años foi recobrando importancia na historia del feminismu y nes cróniques de los llugares que vieron vivir y trabayar. Na so política de beques d’investigación sobre’l movimientu pola igualdá de derechos ente homes y muyeres, de les que ye frutu esti proyectu, l’Ayuntamientu de Xixón comtempla esti llabor d’arqueoloxía feminista como una de les sos llinies maestres. 26 de xunu, 2006 0 FacebookTwitterPinterestEmail
Lliteratura ‘La noche feroz’ de Ricardo Menéndez Salmón algama’l Premiu Casino de Mieres de Novela by asturnet 21 de xunu, 2006 El xuráu del premiu de novela Casino de Mieres fizo ayeri pública la so decisión, otorgándo-y el premiu al escritor asturianu Ricardo Menendez Salmón (Xixón, 1971) pola obra ‘La noche feroz’. A esta nueva edición que fai la ventisiete d’esti certame, presentáronse más de cien obres dende países como EEUU, l’Arxentina o Cuba. Ricardo Menendez Salmón (Gijón, 1971) yá ganó esti añu’l VI Certame Nacional Lliterariu de Relatu Breve Alfonso Martínez-Mena (Murcia) cola obra ‘La vida en llamas’ y cola novela ‘Gritar’ fízose cola XIV edición del Premiu de Relatos Cortos Jose Nogales (Huelva). El xuráu del premiu tuvo presidíu pol escritor, novelista y biógrafu Víctor Alperi y, ente otros miembros, tuvieron el periodista Faustino F. Alvarez, el profesor Alejandro Fernández , l¡escritor Ramón Hernández y l’abogáu Celso Antuña. 21 de xunu, 2006 0 FacebookTwitterPinterestEmail
Lliteratura LAsturianá. De la magia a la desolación nel Teatru de LEntregu by asturnet 20 de xunu, 2006 El Teatru Municipal de LEntregu acueye esta tarde a les 20:00 hores la presentación del llibru LAsturianá. De la magia a la desolación, un estudiu profundu sobre la canción asturiana que pon al día la vixencia y la historia desti xéneru musical asturianu. El actu de presentación va contar cola presencia del autor, Oscar Roces Arboleya, de Gabino Busto Hevia y Pablo Rodríguez Medina, como presentadores, y coles actuaciones de Bibiana Sánchez García y Francisco José Fernández. Óscar Roces Arboleya (La Texuca, Bimenes, 1963) presenta un ensayu fondu y estensu, que dacuando ye polémicu por esponer idees tresguesores y novedoses, pero siempre dendel rigor y con argumentaciones de pesu. LAsturianá: De la Magia a la desolación. Un siglo de canción asturiana, ye un llibru escritu en clave histórico-social y mui comprometíu, nel quel so autor trata de facer homenax a la canción asturiana como ún de los heriedos de mayor importancia que nos llega de los nuestros antepasaos y como mediu de comunicación y espresión de la realidá socio-cultural asturiana. Estructuráu en tres partes, analizal mundu de lAsturianá y la so evolución dende munchos puntos de vista, dende lanalis de les sos lletres, les distintes escueles, el valor antropolóxicu, la realidá xeográfico-social, la téunica, les grabaciones, les categoríes, el papel de los concursos y les escueles. Dende la maxa a la desolación, Óscar Roces, analiza y interpretal pasáu y el presente de lAsturianá pa rematar definiendol so futuru como mui poco esperanzador pol devenir de la propia sociedá asturiana y pola falta descuela, causes que torguen tou tipu desperanza pa esti xéneru y falen dun momentu de desolación nel que se fai necesario una intervención que posibilite la involución desta situación. 20 de xunu, 2006 0 FacebookTwitterPinterestEmail
Lliteratura Pablo Rodríguez Alonso recueye’l XVI Premiu de Poesía Teodoro Cuesta de Mieres by asturnet 15 de xunu, 2006 L’alcalde y la conceyala de Cultura del Ayuntamientu de Mieres fixeren ayeri entrega del cheque con 4000 euros al escritor ganador de la última edición del Premiu de Poesía Teodoro Cuesta, Pablo Rodríguez Alonso. Na entrega del premiu, l’alcade mierense, que valoró ‘la importancia pa les lletres asturianes d’esti premiu, de referencia nes biografíes de los gracies escritores asturianos que lu algamaron nos últimos años’, anunció nueves actividaes rellacionaes cola lliteratura asturiana pa esti añu nel que se cumple’l 177 aniversariu de la muerte de Teodoro Cuesta. Luis María García, alcalde de Mieres, reiteró’l compromisu del so conceyu col asturianu ‘cola so normalización, col so usu y cola so dignificación’. Y al tiempu agradeció a Pablo Rodríguez Alonso la so participación nesti premiu, que ye’l más veteranu y prestixosu de les lletres asturianes, recordando los nomes de dalgunos de los ganadores como Berta Piñán, Lourdes Álvarez y Alfonso Velázquez, Xuan Bello, Antón García, Martín López-Vega y Chechu García, Pablo Antón Marín Estrada, Esther Prieto, Xuan Santori, Xabiero Cayarga, Ánxel Álvarez Llano, Marta Mori, Vanessa Gutierrez y Xose Ánxelu Gutierrez. Nacíu en Xixón nel añu 1979, Pablo Rodríguez Alonso ye llicenciáu n’Historia pola Universidá d’Uvieu. Como historiador tien ganáu’l premiu d’Investigadores mozos del Conceyu de Cáceres, mientres que la so dedicación a la poesía llevólu a ganar nel añu 2005 el prestixosu certame “Teodoro Cuesta”. 15 de xunu, 2006 0 FacebookTwitterPinterestEmail
Lliteratura Xosé Ánxelu Gutiérrez presenta ‘Países’ na Llibrería Asturiana de Trabe by asturnet 15 de xunu, 2006 L’escritor avilesín Xose Ánxelu Gutierrez Morán presenta güei a les siete y media la tarde na Llibrería Asturiana de Trabe, el so poemariu ‘Países’, col qu’algamó’l premiu Teodoro Cuesta de Poesía na edición del añu 2004, ‘ex aequo’ cola poeta Marta Mori d’Arriba. La presentación de ‘Países’ va correr a cargu del tamien escritor y profesor na Universidá d’Uvieu, Xulio Viejo. Xose Anxelu G. Morán (Aviles, 1969) ye doctor en Bioloxía pola Universidá d’Uvieu y trabaya como investigador nel Centru Oceanográficu de Xixón. Autor d’una ventena d’artículos científicos, esta ye la so primer incursión na lliteratura a nun ser por un relatu premiáu nel Concursu de Cuentos pola Oficialidá de Bimenes en 2002. ‘Países ye un intentu arraimente empíricu d’aplicar el metodu poeticu pa ordenar el mundu’, asegura’l comentariu editorial, nel que ‘los diferentes poemes, marcaos por una señaldá posada, conformen un atles de los países que, dacuando con permisu de residencia y dacuando ensin papeles, foron faciendo la biografía del autor’. 15 de xunu, 2006 0 FacebookTwitterPinterestEmail
Lliteratura Pablo X. Suárez presenta ‘Asturiana Beat’ na Llibrería Asturiana de Trabe by asturnet 13 de xunu, 2006 Na solapa del poemariu ‘Asturiana Beat’ dizse que l’autor, Pablo X. Suárez, emigró a Wesfalia depues de terminar los sos estudios de Filoloxía Hispánica, onde trabayó un añu na empresa automovilística. Tamien se diz que de vuelta a Asturies publicó dellos cuentos y poemes, enantes de morrer en circunstancies non esclariaes na Vega d’Arcenoriu (Ponga) con 24 años. Solapa provocadora pa un poemariu provocador que va ser presentáu esta tarde, a les siete, na Llibrería Asturiana d’Ediciones Trabe, responsable de la espublización d’esta obra. El yo del poema n’Asturiana Beat ye un yo ficcional. Nun tien dengún filtru moral pa esti yo n’estáu de llibertá absoluta y que busca de contino la tresgresión. Poesía social dacuando egoísta, escrito por ‘un yo pervertíu, drogadictu y cuasi siempre cerca del total desesperu’. Pilar Fernández va ser la encarga de presentar el primer poemariu de Pablo X. Suárez, esta tarde, a les siete, na Llibrería Asturiana de Trabe, na Cai Padre Buenaventura de Paredes, 4. Uvieu 13 de xunu, 2006 0 FacebookTwitterPinterestEmail
Lliteratura La Cátedra Emilio Alarcos trai mañana al centenariu Francisco Ayala by asturnet 12 de xunu, 2006 Baxo’l títulu de ‘Corversación con Francisco Ayala’ la Cátedra Emilio Alarcos Llorach de la Universidá d’Uvieu trai mañana, a les ocho la tarde, al academicu centenariu y Premiu Príncipe d’Asturies de les Lletres, amás de Premiu Cervantes, Francisco Ayala. Nel actu, l’autor d’obres como ‘Hisotira de un amanecer’ charrará col rector de la Universidá, Juan Vázquez, y la directora de la cátedra y vilda d’Alarcos, Josefina Martínez. La obra d’Ayala ye comparada cola de Thomas Mann y Aldous Huxley pola so ironía, deshumanizacion ya intelectualismu. Nacíu en Granada en 1906 vivió exiliáu en l’Arxentina onde trabayó poniendo clases en dalgunes universidaes, pa depues pasar a la de Puerto Rico en 1950 y norteamerica en 1958. Ente la obra d’Ayala destaca ‘El hechizado’, ‘Los usurpadores’. ‘El rapto’, ‘El jardín de las delicias’ y ‘El fondo del vaso’. 12 de xunu, 2006 0 FacebookTwitterPinterestEmail
Lliteratura Sergio Algora presenta na Fnac ‘A los hombres de buena voluntad’ by asturnet 12 de xunu, 2006 Sergio Algora (Zaragoza, 1969), consideráu Nuevu Talentu Fnac Lliteratura, presenta esti vienres día 17 de xunu a les siete y media la tarde la so obra ‘A los hombres de buena voluntad’ editada por Xordica en 2006. Nel actu de presentación que tendrá llugar nel Fórum de la Fnac de Parque Principáu va dialogar col so compañeru Fran Fernández, de La Costa Brava y Australian Blonde, col que tamien dará un conciertu acústicu al terminar la xornada. Depues d’editar doce discos con El Niño Gusano, Muy Poca Gente y La Costa Brava, y cinco llibros de poemes, Sergio Algora presenta con ‘A los hombres de buena voluntad’ la so primer colección de relatos que sirven como carta de presentación d’esti autor mozu nel mundu de la narrativa. Los personaxes de los cuentos d’Algora, increyibles pero cercanos, viven entregaos d’una forma desesperada y feliz a la vida. Partiendo de les atmósferes máxiques de los cuentos clásicos, Algora escribe les hisotires qu’avancen ente la ciencia ficción y la lliteratura visionaria, deformándoles cola so mirada corrosiva y posmoderna. 12 de xunu, 2006 0 FacebookTwitterPinterestEmail
Lliteratura ‘Cuentos del Sil’ recueye la lliteratura escrita n’asturianu de les comarques d’El Bierzu by asturnet 11 de xunu, 2006 Les asociaciones de defensa del asturlleones El Toralín y El Fueyu tán acabantes d’espublizar, col apoyu de la Diputación de Lleón, un volume de cuentos que, baxo’l títulu de ‘Cuentos del Sil’, recueye los testos de nueve autores lleoneses, d’ente 20 y 80 años, escritos nesta llingua que, como dicen los propios promotores, ‘ye la de so’ y ta amenazada pol prestixu de la llingua castellana y la presencia d’un gallegu normativu na fastera más occidental d’El Bierzu, arrequexando al lleones qu’ellí se fala. Siguiendo l’exitu algamáu por ‘Cuentos de Lleón’, editáu en 1996 y escosáu pocu tiempu depues, varios escritores de la parte más occidental de Lleón tán acabantes d’espublizar, cola ayuda de la Diputación lleonesa, un volume de cuentos escritos nel asturlleones faláu na parte d’El Bierzu. D’esta manera, les asociaciones El Toralín y El Fueyu, promotores d’esta iniciativa, quieren ‘potenciar y dignificar’ una llingua en peligru d’estinción, destacando amás qu’estos relatos vienen de comarques como Ribasdesil, El Bierzu Este y Central, Furniella y La Cabreira. Asina, nel entamu de la obra, que correspuende a Abel Pardo, los promotores d’esti proyectu editorial con vocación de continuidá analicen una situación na que ‘la llingua castellana cumu idioma de prestixu, y el gallegu normativu na fasteira más oucidental, arrequeixan al Llïones’. En ‘Cuentos del Sil’ pueden encontrase los relatos de nueve autores, d’orixen y nacencia bien estremada, que tienen en común la llingua na qu’escriben. Col subtítulu de ‘Na nuesa llingua’ escritores como Severiano Álvarez, Álex Díez, Daniel Fernández, Eva González, Roberto González-Quevedo, Xuasúa González, Felix Llópez, Adrianu Martín y Abel Uxeniu Pardo, d’edaes estremaes que van dende los venti a los ochenta años, axunten los sos relatos nun proyectu lliterariu de dignificación de la llingua asturiana falada n’El Bierzu. L’escritor presente nesta antoloxía, Roberto González-Quevedo valora esta iniciativa ‘como un fechu mui importante pa la dignificación de la llingua nestes comarques onde se fala asturlleones, sobremanera teniendo en cuenta que la so edición foi apoyada pola Diputación de Lleón’. L’academicu de la llingua asturiana, estima especialmente la diferencia d’edá de los autores d’estos relatos, asina como la diferencia d’estilos y tradiciones lliteraries que representen, ‘porque amuesa la vida de la llingua y la so continuidá xeneracional’. Sicasí, como únicu puntu negativu nesti volume de relatos, González-Quevedo considera un error ‘ensin futuru’ la introducción d’un rasgu ortográficu nos testos ‘qu’incumple dafechu la normativa academica’, y asina lo manifestó nuna recien presentación de la obra xunto al restu d’autores de la obra. ‘Rechazo dafechu esti cambiu ortográficu absurdu’, comentó González-Quevedo, dexando claro que pa el ‘les normes ortográfiques academiques son sagraes’, y insistiendo ‘no absurdo d’esti asuntu, hasta tal puntu qu’inclusive yo tardé varios díes en reparar nello, pensando que yera una errata d’imprenta’. 11 de xunu, 2006 0 FacebookTwitterPinterestEmail
Lliteratura Recital d’Antonio Gala nel Paraninfu de la Universidá d’Uviéu by asturnet 6 de xunu, 2006 L’escritor Antonio Gala va facer llectura esta tarde, a les ocho, de los sos poemes nel Paraninfu de la Universidá d’Uvieu, nun actu lliterariu organizáu pola cátedra Emilio Alarcos, qu’amás prepara la visita del centenariu Francisco Ayala pal miercoles de la selmana qu’entra. Antonio Gala (Córdoba 1936) ye autor de varios llibros de poemes, relatu, teatru, ensayu y articulismu, que cunta na so carrera con reconocimientos tan importantes como’l Premiu Planeta, el Premiu Nacional de Lliteratura, asina como’l prestixosu Adonais. Gala espublizaba’l pasáu mes d’avientu un poemariu col títulu d’ ‘El poema de Tobías desangelado’ que foi tou un esitu de ventes. 6 de xunu, 2006 0 FacebookTwitterPinterestEmail