Lliteratura L’Arribada pieslla siete díes d’actividá lliteraria by asturnet 28 d'ochobre, 2006 LArribada 2006 peslló lactividá esti domingu al meudía, depués de siete xornaes dintensu trabayu, discutiniu y presentación de novedaes editoriales. La xornada del vienres acoyó la presentación de les últimes obres de la coleición de narrativa asturiana de la editorial Ámbitu, que cuntó cola presencia de Ramón Lluis Bande, Henrique Facuriella, Miguel Rojo y Pablo Texón y de Pilar y Xuan Xosé Sánchez Vicente, mentantu quel sábado foron Aurora García Rivas y Berta Piñan, ente otres, les autores protagonistes. El vienres, amás de les obres de la colección de narrativa dAmbitu, presentóse la reedición actualizada de la Historia Breve dAsturies de Pilar Sánchez Vicente y ufiertó una conferencia sobre la mar na lliteratura asturiano Xuan Xosé Sánchez Vicente. El sábado, un recital poéticu de lAsociación Cultural Poegía foi lencargáu dabrir el programa, que siguiría con una mesa de tertulia sobre los diccionarios y otros instrumentos dusu del escritor y la conferencia pela tarde sobre El nacionalismu, esi gran enemigu dInaciu Iglesias. La presentación de dos antoloxíes poétiquespa escolinos de la editorial Trabe y una conferencia de Berta Piñán sobre la creatividá, a la que siguiera una mesa de tertulia sobre la mesma tema, punxeron puntu final a la xornada, entantes de pasar a la celebración del Segundu Certame de Monólogu Modernu, na sala Albeniz de Xixón. 28 d'ochobre, 2006 0 FacebookTwitterPinterestEmail
Lliteratura Esperanza Medina y Natalia Menéndez ganen ex aequo’l XV Premiu de Poesía Ana de Valle by asturnet 28 d'ochobre, 2006 El premiu del XV Certamen de Poesía Ana de Valle, dotáu con un premio de 3.005,06 euros, la publicación de la obra, una pieza de cerámica conmemorativa y la entrega de 50 exemplares del llibro, otorgábase esti día ex aequo a Esperanza Medina Martínez, por Escrito con la A, y Natalia Menéndez Rodríguez, pola so obra Las virtudes cardinales. El Xuráu (compuestu pola Conceyala de la Muyer, Ana Concejo; Mª Esther García López, profesora y poeta; Julia Rodríguez Franco, del Serviciu de Promoción Cultural del Ayuntamiento de Avilés; Mª Luisa Prada Sarasúa, escritora; y Mª Socorro Suárez Lafuente, profesora de la Universidá dUviéu), apautóse en dar el premiu compartíu, repartiendo limporte económicu y publicando de forma conxunta les obres. Esperanza Medina Martínez (Avilés, 1964) ye llicenciada en Filoloxía Hispánica pola Universidá dUviéu y exerce amguaño como mayestra dEducación Infantil. Esta escritora, que se presentó al concurso baxol pseudónimu de Áncora, ganó el Primer Premiu del Concursu de Poesía del IES Menéndez Pidal dAvilés en 1981 y 1982 y quedó cuarta finalista nel Certame rexonal de Lliteratura del IES de Pola Llena Benedicto Nieto en 1980. Natalia Menéndez (1973) ye Doctora en Filoloxía Inglesa pola Universidá dUviéu y exerce como profesora dinglés na enseñanza secundaria y como traductora. Con anterioridad foi coordinadora de Uno, la Revista Dixital de la Universidá dUviéu. Amás de diversos llibros y artículos espublizaos que cinquen a la literatura, nueves tecnoloxíes nHumanidades y estudios culturales, Natalia Menéndez tien poesía espublizada como Premio Voces Nuevas 2006 (ediciones Torremozas. XIX Selección) 28 d'ochobre, 2006 0 FacebookTwitterPinterestEmail
Lliteratura L’Atenéu Obreru de Xixón presenta la Colección Tiempu de Cristal by asturnet 25 d'ochobre, 2006 Esti xueves 26 a les 20,00 hores la Sala de Conferencies del Antigüu Institutu acoyía, dientro de l’Arribada 2006, la mesa redonda La Coleición Tiempu de Cristal del Atenéu Obreru na que participaben Vicente García Oliva y Paz Fonticiella, integrantes del conseyu de redacción; Antón García, editor y escritor; y Lourdes Álvarez, mayestra y escritora. Tiempu de Cristal ye una colección n’asturianu, que fai del so nome un homenaxe a la escritora María Teresa González, la colección entamó cola publicación de la so obra poética. L’equipu de coordinación prepara ediciones sobre los autores contemporáneos n’asturianu, escuéyense los escritores más relevantes pol conxuntu de la so obra. Espaciu web del Atenéu Obreru de Xixón 25 d'ochobre, 2006 0 FacebookTwitterPinterestEmail
Lliteratura La Selmana de les Lletres de 2007 dedicaráse a la Narrativa by asturnet 21 d'ochobre, 2006 La Oficina de Política Llingüística del Principáu facía esti día anuncia, pa pública conocencia, que la XXVIII Selmana de les Lletres Asturianes del 2007 va dedicase a la NARRATIVA (novela, cuentu). Sigún la nota de la Oficina, esti ye “un xéneru lliterariu con especial protagonismu na lliteratura d’anguaño”, razón pola que se-y piensa de dedicar la programación de la Selmanda de les Lletres d’esti añu. 21 d'ochobre, 2006 0 FacebookTwitterPinterestEmail
Lliteratura La estrena de la seronda nel nuevu númberu de Lliteratu by asturnet 16 d'ochobre, 2006 Cola mano de la seronda lleguen a les llibreríes asturianes les novedaes lliteraries, asina como una bona riestra d’actos esperdigaos per Asturies nos que se convoca a lo más granao y productivo de la nuestra vida cultural. Aprovechando les feches, Lliteratu vuelve sacar un númberu lliterariu nel que presenta los programes mesmo de la Vagamar lliteraria que se va organizar la próxima selmana en Xixón, como de les Xornaes que tolos años prepara l’Academia de la Llingua Asturiana. Col avance de dalgunes de les próximes novedaes editoriales y la collaboración especial del autor mozu Hector Perez Iglesias qu’ufierta a los llectores un cuentu ineditu, Lliteratu da pasu a la nueva temporada que promete ser, nel mesmu rumbu que los últimos años, bien fecunda. Revista Lliteratu 16 d'ochobre, 2006 0 FacebookTwitterPinterestEmail
Lliteratura Rafael Miguel González presenta ‘La venganza de la diosa Graya’ nel Forum de la Fnac by asturnet 12 d'ochobre, 2006 L’escritor Rafael Miguel González va presentar esta tarde, a les siete y media, nel Forum de la Fnac de Parque Principado la obra fantástica ‘La venganza de la diosa Graya’. Llena de seres fantásticos, dioses caprichosos, bruxos escuros, princeses sensuales y llugares increyibles, entemecense nuna obra especialmente recomendada pa los amantes de los xuegos de rol. 12 d'ochobre, 2006 0 FacebookTwitterPinterestEmail
Lliteratura David M. Rivas presenta na Llibrería de Trabe ‘Xente de perende’ by asturnet 10 d'ochobre, 2006 María Xesús Varela y Xose Nel Riesgo van presentar esti sábadu 14 d’ochobre a les doce y media la mañana na Llibrería Asturiana de Trabe, na cai Padre Buenaventura de Paredes, núm 4 d’Uvieu, l’últimu llibru de David M. Rivas que tien por títulu ‘Xente de Perende’. La obra, que cuenta col prólogu del desaparecíu Xose Álvarez, Pin, recueye setenta y cuatro histories narraes cola sutil ironía asturiana y l’axilidá de los contadores populares. David M. Rivas nació en Xixón en 1957. Ye profesor titular d’Estructura Económica na Universidá Autónoma de Madrid, onde imparte les materies d’Estructura Económica Mundial y de Desarrollu Sostenible. Ye profesor y investigador de varios centros d’Europa y America y miembru del Club de Roma, que busca la promoción d’un crecimientu estable y sustentáu de la humanidá. Fue Secretariu Xeneral del Ateneo de Madrid (1989-1995) y presidente d’Amigos de la Tierra (1993-1997). Ye miembru de l’Academia de la Llingua Asturiana desde 1993 y candidatu d’Andecha Astur a la presidencia del gobiernu d’Asturies en 1999 y en 2003, amás d’al Senáu español en 2000. Fue’l candidatu d’Andecha Astur nes elecciones europees de 2004 ocupando’l puestu 17 de la llista de la coalición Europa de los Pueblos, y nuevamente ratificáu como candidatu d’Andecha pa les elecciones del 2007. Agora, cerca de cumplir los 50 años, y con una montonera de publicaciones academiques detrás, referíes a política económica, polo qu’en nada lu puen ayudar nesta que ye la so primer salida pública lliteraria, David M. Rivas sorprende a los llectores asturianos con una obra prestosísima. A la manera de les narraciones populares d’Álvaro Cunqueiro o los retratos de Josep Pla, David despliega tola so capacidá de síntesis, les sos dotes d’observador y la proverbial memoria que-y reconocen amigos y enemigos, pa facer un retratu entrañable d’homes y muyeres que son y se comporten como tales ondequiera s’alcuentren: na más remota braña, na emigración madrileña, nel exiliu o en Finlandia. Esti llibru ábrese con un preciosu, fraternal y llargu prólogu de Pin el de Conceyu de Madrid, Xose Álvarez Fernández, l’últimu testu qu’escribió apenes unos díes enantes de morrer. 10 d'ochobre, 2006 0 FacebookTwitterPinterestEmail
Lliteratura El Centru Asturianu de Madrí acueye esta tarde la presentación de l’Arribada 2006 by asturnet 4 d'ochobre, 2006 El Salón Príncipe d’Asturies del Centru Asturianu de Madrí ye’l sitiu escoyíu pol Conceyu d’Escritores Asturianos pa presentar güei, a les ocho la tarde, la Selmana Cultural que los díes 23 y 30 d’ochobre se va celebrar en Xixón baxo’l nome Arribada 2006. Nel actu de presentación, los escritores y miembros del Conceyu Humberto González, Xose María Vega y Xose Nel Riesgo van presentar les sos obres lliteraries. Humberto González, presidente de l’Asociación d’Escritores y Traductores en llingua asturiana (ETLLA), va presentar el so poemariu ‘Decenariu’ mentes que Xose Nel Riesgo, miembru del colectivu Belenos va facer lo propio cola so última novela, ‘Parque temáticu’. Pela so parte, Xose María Vega, historiador, estudiosu de la cultura asturiana y conductor de programes en TeleAsturias y Televisión Local de Xixón va presentar ‘Tierra de Xigantes’. 4 d'ochobre, 2006 0 FacebookTwitterPinterestEmail
Lliteratura Lliteratu asoleya un nuevu númberu sumándose a les celebraciones del centenariu de la espublización d’El dialecto leonés by asturnet 3 d'ochobre, 2006 Esti añu 2006, cuando se cumple’l primer sieglu de la espublización d’un ampliu artículu del profesor Ramón Menendez Pidal que, en dos entregues qu’aparecieron na ‘Revista de Archivos, Bibliotecas y Museos’, llevaba por títulu ‘El dialecto leones’, son munches les instituciones que vienen a remembrar esta obra asina como la figura del eminente llingüista. Agora que la Universidá d’Uvieu va celebrar un congresu internacional n’homenaxe a Pidal, la revista dixital Lliteratu aprovecha pa sacar un nuevu númberu recordándose de la figura d’esti y d’otros filológos que dedicaron parte de la so obra al estudiu de la llingua asturiana. Asina, Lliteratu recuerda a María Xosefa Canellada, agora que se cumplen años de la edición de Montesín, asina como al so home, el filólogu Alonso Zamora Vicente, que morría nesti añu 2006. Lliteratu sigue coles sos secciones habituales pa los collaboradores asina como les tres entrevistes a Tante Blanco, Berto Cobreros y Cristina Muñiz. 3 d'ochobre, 2006 0 FacebookTwitterPinterestEmail
Lliteratura Xixón acueye l’Arribada 2006, un encuentru que va axuntar a escritores, investigadores y editores pa falar de la lliteratura asturiana by asturnet 2 d'ochobre, 2006 El prósimu xueves, 5 d’ochobre, a les 20 hores, nel salón “Príncipe de Asturias” del Centru Asturianu dde Madrid, allugáu na calle Farmacia 2, los escritores Xose María Vega, Xose Nel Riesgo y Humberto González, van presentar l’avance de programa de l’”Arribada 2006. Vagamar lliteraria en Xixón”, un congresu que va tener llugar del 23 al 29 d’ochobre, baxo la organización y coordinación de la Secretaría Tecnica de l’Arribada (formada por miembros del Conceyu d’Escritores y representantes del mundu social, económicu y cultural de Xixón), y que va acoyer “un alcuentru abiertu, dinámicu y modernu, onde les palabres van allugase na mar xeneroso de la lliteratura asturiana”. Durante siete díes escritores, investigadores y editores, afondarán nel Centru de Cultura Antiguu Institutu de Xixón nes circunstancies qu’arrodien a la nuestra lliteratura, nos sos problemes de desarrollu y espardimientu y na so evolución. Nesta Arribada 2006, que va tener un periódicu propiu llamáu ‘Vagamar’, habrán diferentes presentaciones, meses redondes, tertulies, recitales y actuaciones que van axuntar a lo más granao y representativo de la lliteratura asturiana. El programa previstu pa esta Arribada ye’l siguiente: Llunes 23 17.00 h: Inauguración 18.00 h: Presentación de Vagamar, periódicu de l’Arribada 2006 19.00 h: Nuevos rumbos de la lliteratura asturiana: los viaxes Ulises en casa por Xuan Santori 20.00 h: Mesa redonda: Ismael María González Arias, Xose Nel Riesgo , Milio Rodríguez y Xuan Santori. Martes 24 17.00h: Nuevos rumbos de la lliteratura asturiana: l’erotismu El ratu y l’asturcón por David Rivas 17.45 h: Mesa redonda: Humberto González , David Rivas , Xose María Vega y Frichu Yustas Miercoles 25 17.00 h: Mesa de tertulia: Voces poetiques na mar de San Llorienzo, con L.luis Fernández, Inaciu Galán, Aurora García y Helena Trejo 18.00 h: Presentación de Na boca de toos. Retratu poeticu actual del occidente asturianu 19.00 h: Actu na Escuela d’Hostelería y Turismu de Xixón Nuevos rumbos de la lliteratura asturiana: la gastronomía “Lliteratura a la carta” por Hasier Etxebarria y David de Jorge 20.00 h. Mesa redonda: David de Jorge, Lluis Nel Estrada, Hasier Etxebarria y Serxu Solares Xueves 26 17.00 h: Presentación de “Cuentos curtios de la Tertulia cultural El Garrapiellu” 18.00 h: Nuevos rumbos de la lliteratura asturiana: el cine La pallabra filmada por Ramón Lluis Bande 19.00 h: Mesa redonda con Ramón Lluis Bande, Jose Braña, Ruben Cienfuegos y Jose Luis Ruíz 20.00 h: Presentación de la Coleición Tiempu de cristal del Atenáu Obreru de Xixón Vienres 27 17:00 h: Presentación de les últimes obres de la colección de narrativa contemporánea de Ambitu 18:00 : Presentación d’ Historia breve d’Asturies de Pilar Sánchez Vicente 19.00 h: Nuevos rumbos de la lliteratura asturiana: la mar Mar, costes y homes na lliteraura asturiana por Xuan Xose Sánchez Vicente 20.00 h: Mesa redonda con Ignaciu Llope, Xandru Martino, Xurde Morán y Xuan Xose Sánchez Vicente Sábado 28 11.00 h: Presentación de la revista lliteraria Formientu 12.00h: Recital poeticu de la Asociación Cultural Poesía, con Carmen Rueda, Eli Felgueroso, Aurora García Rivas, Armando Vega y Ricardo Candás; violoncelista Rebeca Gonzalo 13.00h: Mesa de tertulia: diccionarios y otros instrumentos d’usu del escritor, con Francisco Álvarez, David Guardado, Pablo Xuan Manzano y Xandru Martino 16.30 h: Nuevos rumbos de la lliteratura asturiana: l’ensayu El nacionalismu, esi gran enemigu por Inaciu Iglesias 17.00 h:. Mesa redonda con Jose María González,Roberto Gonzalez, Inaciu Iglesias y Lluis Portal Hevia 18:00 h: Presentación de dos antoloxíes pa neños de la editorial Trabe 19.00 h: Nuevos rumbos de la lliteratura asturiana: la creatividá Notes sobre creatividá: inspiración y imitación por Berta Piñán 20.00 h: Mesa redonda con Mª Esther García, Pablo Rodríguez. Medina, Berta Piñán y Xulio Vixil 22,30h: 2ºCertame de monólogu modernu, na sala Albeniz de Xixón Domingu 29 10,00h: Espaciu de debate 12:00h : Conclusiones de l’Arribada 2006 13.00 h: Clausura Coorganiza la Oficina de Política Llilngüística del Principáu. Sofiten los siguientes departamentos de l’alministración local; la Oficina Municipal de la Llingua y la Fundación Municipal de Cultura, Educación y Universidá Popular. Collaboren, ente otros, l’Ateneu Obreru de Xixón, el Círculu Astur, l’Asociación Cultural Poegía, la Tertulia Cultural El Garrapiellu, l’asociación H.A XAREOS, y les editoriales Ámbitu, Trabe y VTP. 2 d'ochobre, 2006 0 FacebookTwitterPinterestEmail