Lliteratura Concursu de Rellatos Curtios d’Art Nalón by asturnet 20 de febreru, 2007 El conceyu de Llangréu ta acabante convocar el concursu de rellatos curtios p’autores que nun tengan los 36 años cumplíos a 1 de xineru de 2007. El concursu inxértase dientro del programa Art-Nalón. Les obres han tener una estensión non superior a tres fueyes. El plazu d’unviu de los orixinales acaba’l 31 d’abril. Los trabayos han unviase a la Oficina d’Información a la Mocedá de Llangréu. Conceyu de Llangréu 20 de febreru, 2007 0 FacebookTwitterPinterestEmail
Lliteratura 8 obres opten al Premiu Montesín de Lliteratura Xuvenil by asturnet 16 de febreru, 2007 La nueva edición del Premiu Montesín de Lliteratura Xuvenil, que convoca la editorial Trabe cola collaboración de la Oficina de Política Llingüística, recibió 8 obres qu’optarán a esti premiu que la editorial Trabe recupera. La prósima selmana conoceráse la obra ganadora d’esta nueva edición d’esti premiu de lliteratura xuvenil. Les obres presentaes a esti premiu son: Estrella y la so nube (novela), El misteriu del Vassilius Destounis (novela), L’aventura de Mhino (novela), El secretu de la cámara de cuarzu (novela), El Club Social d’Altos Vuelos (novela), Marte muertu (teatru), Futuru mitolóxicu (poesía) y Khaos (novela). El xuráu d’esta nueva edición del Premiu Montesín ta compuestu por Severino Antuña, coordinador de publicaciones infantiles y xuveniles d’Ediciones Trabe; María Xosé Rodríguez, directora de la Oficina de la Llingua del Ayuntamientu de Xixón; Esther Prieto escritora; Luís Casteleiro, escritor y filólogu de la Conseyería de Cultura; y Antón García, d’Ediciones Trabe, que fará de secretariu. El premiu ta dotáu con 2.500 y la publicación de la obra o les obres ganadores. Esti ye’l premiu de mayor cuantía na modalidá de lliteratura xuvenil d’Asturies. 16 de febreru, 2007 0 FacebookTwitterPinterestEmail
Lliteratura Adolfo Camilo Díaz gana’l premiu Montesín con “Khaos” by asturnet 16 de febreru, 2007 La obra ganadora, Khaos, ye una llarga novela xuvenil (322 páxines), dacción trepidante y futurista, con continues referencies a la cultura pop, los videoxuegos, los modernos sistemes de comunicación y entretenimientu, na que se planteen con crudeza conflictos sociales, racistes o sexistes. Lacción empieza cuando yá se contabilicen miles de muertos y feríos per toa Asturies, y los tres protagonistes, Equis, Penélope y el xoven inmigrante negru Jean (de 17, 18 y 16 años respetivemente) tienen quenfrentase a unos acontecimientos que los superen pa intentar salvar el mundu y, ensin dulda, la so propia vida. El xuráu quixo destacar, en primer llugar, laltu nivel de calidá de la mayor parte de los participantes, el carácter de verdadera novela de la obra ganadora, que se pue definir como dura, onde destaquen el retratu de la sociedá asturiana del futuru, unos protagonistes bien definíos quevolucionen a midida quavanza la trama y un ritmu narrativu áxil y modernu. 16 de febreru, 2007 0 FacebookTwitterPinterestEmail
Lliteratura Iris Díaz Trancho presentól llibru La neña de les trences al revés by asturnet 12 de febreru, 2007 Lescritor Vicente García Oliva y el responsable de la editorial Trabe, Antón García, presentaron xunto a lautora, el llibru infantil La neña de les trences al revés esti vienres a les ocho la tarde nel Institutu Vieyu de Xixón. El llibru, conformáu por un cuentu dIris Díaz y les ilustraciones de Sara Rosado, acerca a los llectores a una doble visión del mundiu, dendel puntu de vista de dos de neñes, una europea y otra africana, que coneuten y son capaces dintercambiase nel espaciu namás con camudar el sentíu de les trences. Lautora dixo «nun tener intención moralizante al escribir el llibru» pero reconoció que les referencies a les desigualdaes ente les dos neñes apaecen nel llibru de contino «porque ye inevitable al escribir sobre personaxes que viven en países con tantes diferencies económiques y sociales». La edición en tapa dura y a tou color ye de la Editorial Trabe y nun ye la primer obra de lautora, que ye una de les voces que más suenen ente los autores más mozos de la lliteratura asturiana. Díaz Trancho (Xixón, 1981) tien espublizaos testos en Lletres Asturianes, Formientu y otres revistes. Ganól concursu de lliteratura infantil de lAcademia de la Llingua Asturiana y el prestixosu Concursu de Cuentos Curtios dEl Garrapiellu ente otros. La neña de les trences al revés. 12 de febreru, 2007 0 FacebookTwitterPinterestEmail
Lliteratura Iris Díaz Trancho presenta “La neña de les trences al revés” by asturnet 9 de febreru, 2007 Ediciones Trabe presenta esti vienres 9 de Febreru a les 20 hores na sala de conferencies del Centru de Cultura Antiguu Institutu, en Xixón, la obra “La neña de les trences al reves” de Iris Díaz Trancho con debuxos de Sara Rosado. El cuentu cuanta la hestoria d’una neña asturiana Deva y el d’otra neña de Mali, llamada Thama. Les dos neñes van desciubrir que anque lleven les trences peinaes de manera distinta, los sos mundos son bastante paecíos. Iris Díaz Trancho nació en Xixón en 1981, nuna familia vinculada a la recuperación de la cultura asturiana y a Conceyu Bable dende mediaos de los años setenta. Ye la ganadora del Premiu de lliteratura infantil que convoca l’Academia de la Llingua Asturiana. Sara Rosado naz en Xixón en 1981. Llicenciada en Belles Artes, na estaya de pintura, pola Universidá de Salamanca, trabaya actualmente en Mallorca. 9 de febreru, 2007 0 FacebookTwitterPinterestEmail
Lliteratura Nueva Xunta Directiva de l’Asociación d’Escritores by asturnet 30 de xineru, 2007 L’Asociación de Escritores d’Asturies ta acabante d’escoyer la nueva Xunta Directiva, depués de celebrar el pasáu 13 de Xineru una asamblea extraordinaria nel auditoriu Príncipe Felipe d’Uviéu. La nueva directiva ta formada por Rubén D. Rodríguez, presidente; Alejandra Sirvent, vicepresidenta; Carmelo Fernández Alcalde, secretariu; Mariano Arias, tesoreru; Javier Villanueva, vocal; Pepe Iglesias, vocal; José Havel, vocal; Miguel Barrero, vocal; Manuel Abad; vocal; Alejandro Cuesta; vocal; y Javier Lasheras, vocal. 30 de xineru, 2007 0 FacebookTwitterPinterestEmail
Lliteratura El periodista y Premiu Príncipe d’Asturies Ryszard morrió ayeri by asturnet 24 de xineru, 2007 El destacáu escritor y reporteru polacu Ryszard Kapuscinski morrió’l martes, en Varsovia, a los 75 años. El sábadu pasáu sometiéronlu a una complicada operación. Kapuscinski alagamó’l Premiu Príncipe d’Asturies de Comunicación y Humanidaes en 2003. Taba consideráu como un de los mayores mayestros del periodismu modernu, asina como l’autor polacu más traducíu y publicáu fuera de Polonia. Kapuscinski entamó nel periodismu con 17 años nas revista “Güei y mañana”, pero la so carrera profesional desendolcóse na axencia PAP, na que trabayó como reporteru durante 30 años. Nesi tiempu fue testigu d’infinidá d’acotencimientos mundiales como los numerosos cambios políticos de países del Tercer Mundu, dende Angola hasta l’antiguu Zaire (República Democrática del Congo). Cubrió, tamién, la descolonización y posterior independencia de los países del Tercer mundu, asina como fechos históricos como la cayida de la democracia en Chile o la revolución iraní. Na so llarga carrera presenció 27 revoluciones, vivió 12 frentes de guerra y tuvo cuatro vegaes condenáu a morrer fusiláu. Na década de los 80 entamó a collaborar cola prensa occidental en medios como “The New York Times” o el “Frankfurter Allgemeine Zeitung”. Nesi periodu sedría cuando entamara’l so camín lliterariu mediante’l gran reportaxe. Anque la so primer obra lliteraria datara de 1962, “Bus po polsku”, nun sedría hasta la publicación de “El Emperador” en 1978, llibru sobre la cayida del tronu de Haile Selassie n’Etipopía cuando algamara’l reconocimientu internacional pola so faceta lliteraria. A esti títulu siguieron “El Sha o la desmesura del poder” (1987), “Lapidarium” (1990), “La guerra del fútbol y otros personaxes” (1992), “L’imperio” (1993), “Ébano” (1998), “Los cínicos nun valen pa esti oficiu” (2000), “Dende África” (2001), “Los cinco sentíos del periodista” (2003) y el llibro-taller de la Fundación pa un Nuevu Periodismu Llatinoamericanu (FNPI, 2004). La gran mayoría de les sos obres son una combinación de como la gran historia afecta a los indivíduos, dende un analís pormenorizáu de los fechos y reflexones. L’acta del xuráu que-y concediera’l Premiu Príncipe d’Asturies de Comunicación y Humanidaes destaca la “preocupación polos sectores más desfavorecíos y pola so independencia frente a presiones de tou signu, que trataren de tersiverxar el so mensaxe”. Nesa mesma acta reseñaba’l Xuráu que “nun se llimitó a describir esternamente los fechos sinos qu’indagó nes sos causes y analizando les repercusiones, sobre tou ente los más humildes, colos que se siente fondamente comprometíu”. 24 de xineru, 2007 0 FacebookTwitterPinterestEmail
Lliteratura Ana Tortajada va presentar “La Dama” by asturnet 23 de xineru, 2007 La escritora Ana Tortajada presentará’l so últimu llibru na Llibrería Cervantes d’Uviéu. “La Dama”, títulu de la so última novela, ye una reivindicación del papel del matriarcáu na sociedá ibérica. La presentación va facese nel Foro Abierto el xueves 25 a partir de les 19.30 hores. La periodista catalana tien publicaos “El grito silenciado”, que cuenta’l so viaxe al Afganistán del rexime talibán. Otru de los llibros, esti enfocáu al públicu infantil, de la escritora ye “Nahid, mi hermana afagana”, editáu pol Conseyu de la Mocedá d’Asturies, nel qu’axunta a dos neñes que viven en campos de refuxaos, una saharaui y otra afgana; esti testu del llibru acompáñase de los dibuxos del ilustrador asturianu Antonio Acebal. 23 de xineru, 2007 0 FacebookTwitterPinterestEmail
Lliteratura Reedítase 119 años depués “La casa de muñecas” de Rosario Acuña by asturnet 20 de xineru, 2007 Reedítase 119 años depués “La casa de muñecas” de Rosario Acuña La edición de la obra, publicada en 1888, ye d’Ana María Díaz Marcos; y ye la primer que se fai d’esti testu consideráu básicu na bibliografía de la escritora Rosario de Acuña. La narración de de Acuña ye un espaciu a mediu camín ente dellos xéneros lliterarios como l’ensayu o el cuentu. La presentación d’esta obra fízose nel Atenéu Obreru de Xixón corrió a cargu d’Ana María Díaz Marcos, autora de la edición presentada, qu’afirmó que les idegues de Rosario Acuña yeren “avanzaes nel tiempu en que vivía, mesmo polos sos plantegamientos ecolóxicos o los pedagóxicos. P’Ana María Díaz la obra de Rosario Acuña resulta fundamental pa conocer la realidá del periodu de la Restauración de fin del sieglu XIX y entamos del sieglu XX. 20 de xineru, 2007 0 FacebookTwitterPinterestEmail
Lliteratura Presentóse’l primer tebéu manga n’asturianu by asturnet 16 de xineru, 2007 Anque bien de dibuxantes llevaben tiempu emplegando les técniques del manga pa facer los sos comics hasta agora nunca nun se presentara un tebéu n’asturianu d’esti estilu. Mari Luz Pontón y Ángela Fernández tán acabantes d’asoleyar “La maldición” la primera hestoria manga n’asturianu. “La maldición”, publicáu por Madú Ediciones, cuenta la historia de Catuxa, una moza de 16 años que pasa les sos vacances de branu en casa so güela, dende’l momentu de la so llegada entamará un viaxe iniciáticu nel que dirá conociendo los secretos de la so familia. El manga ye la técnica de dibuxu que se vien desenvolviendo dende’l sieglu XI, cuando entamaron a apaecer dibuxos satíricos d’animales. Darréu l’arte entamó yá a abordar los xéneros actuales del manga. Sicasí’l manga d’anguaño ye’l que naz a partir de 1945 mediante la fusión de los estilos tradicionales xaponeses colos occidentales. 16 de xineru, 2007 0 FacebookTwitterPinterestEmail