Lliteratura Armando Vega organiza la esposición CUERPOS conVERSOS by asturnet 4 de setiembre, 2007 El poeta y animador cultura Armando Vega tien abierta en Xixón una esposición titulada CUERPOS conVERSOS na que lautor pretende sirvir de máxicu puntu de xunión ente la parte espiritual del ser (de la, y na, que ñaz de la poesía) y la parte física (na que nesti casu se proyecta)”. Pa ello, dellos poetes punxieron los sos cuerpos semidesnudos na playa de LArbeyal y pa que-yos pintaren poemes de so nel llombu. Lacción interdisciplinar na que cuerpu y espíritu (cuerpu como soporte y espíritu como manifestación escrita de los sentimientos) da llugar a un tou formal. Nel celebráu na playa y al traviés de distintes formes, dellos cuerpos ficieron de soporte pa un únicu poema tendíos na pendiente de la playa en forma escalonada, con un versu en cada llombu, de manera que dende la distancia podía visualizasel poema completu. Les semeyes desi día son agora una esposición que pue visitase nel Atenéu de La Calzada. 4 de setiembre, 2007 0 FacebookTwitterPinterestEmail
Lliteratura L’1 d’ochobre termina’l plazu pa presentase a los premios lliterarios del Principáu d’Asturies by asturnet 4 de setiembre, 2007 La Conseyería de Cultura, Comunicación Social y Turismu abrió va yá unos meses el plazu pa presentar obres al XXVIII Premiu Xosefa Xovellanos de novela, XIII Premiu Xuan María Acebal de poesía, XIII Premiu Máximo Fuertes Acevedo y el IV Premiu Enriqueta González Rubín de periodismu. Los premios tienen una dotación de 7.000 euros pal ganador, menos el de periodismu, que tien un premiu de 3.000 euros. Yá queda menos pa poder presentase, hastal próximu día 1 dochobre. La fecha tope pa presentar obres ye l1 dochobre. Los premios del Principáu son los más prestixosos de la lliteratura asturiana. Autores como Dolfo Camilo Díaz, Xuan Xosé Sánchez Vicente, Miguel Solís Santos, Antón García, Esther Prieto o Xilberto Llano ganaron notres ocasiones el premiu de novela. El de poesía ganáronlu autores como Martín López-Vega, Milio Rodríguez Cueto, Pablo Antón Marín Estrada o Xuan Bello. El premiu densayu ganáronlu Inaciu Iglesias, Ramón dAndrés o Milio Rodríguez Cueto nediciones anterioes. En cuantes al premiu de periodismu, el que lleva menos ediciones, foi algamáu por Beatriz R. Viado, Ismael González Arias, Inaciu Galán y González y Cristobal Ruitiña ente otros. 4 de setiembre, 2007 0 FacebookTwitterPinterestEmail
Lliteratura Lantoloxía de lliteratura moza Vía de serviciu ta yá a la venta by asturnet 3 de setiembre, 2007 Na estela dotres publicaciones como les revistes Formientu o Reciella Malory, la recién ñacida Suburbia Ediciones sacó ayeri a la vental so primer llibru, una antoloxía que fai escoyeta de la narrativa asturiana última con catorce cuentos descritores nasturianu ñacíos depués de 1975, Vía de Serviciu. El llibru inclúi un prólogu del escritor José Luis Piquero nel que espresa que los autores nuevos preséntense como individualidaes, desprovistos duna «marca xeneracional» más alló del so billingüismu. Ente los escritores presentes tán dalgunos yá conocíos pol públicu llector, como Pablo Rodíguez Medina, Quique Faes, Vanessa Gutiérrez, Nicolás V. Bardio y otros que malapenes tienen nada espublizao, como yel casu de Carlos Pitcairn o Ecequiel Cala. El llibru ta yá a la venta pero la presentación va ser na Arribada 2007, el miércoles 19 de setiembre a les seis y media la tarde nel patiu del Antiguu Institutu Xovellanos, sede de la vagamar lliteraria en Xixón. 3 de setiembre, 2007 0 FacebookTwitterPinterestEmail
Lliteratura El xuráu del Premiu Timón 2007 va aconceyar esta selmana pa decidir el ganador by asturnet 2 de setiembre, 2007 LAsociación LArribada convocó nel mes de xunetu un nuevu premiu col envís de facer reconocencia de la trayectoria lliteraria y/ol llabor de promoción de la lliteratura asturiana dun autor de la nuesa lliteratura mayor de cincuenta años y con una carrera lliteraria importante, el Premiu Timón. El plazu pa presentar candidatures terminó esti sábadu pasáu y esta selmana va aconceyar el xuráu conformáu pola asociación ente persones de la lliteratura y la cultura asturiana destremaes sensibilidaes y dedicaciones. El xuráu va tar formáu pol filólogu y académicu de la Llingua, Ramón dAndrés, pol escritor miembru de lAcademia de la Llingua Asturiana, David M. Rivas, pol editor y escritor Milio Rodríguez Cueto, pol escritor y xestor cultural Humberto Gonzali y pola escritora Aurora García Rivas, teniendo como secretariu con voz pero ensin votu a Inaciu Galán y González, presidente de lAsociación LArribada, director de la revista lliteraria Formientuy presentador de la TPA. El premiu pal ganador, escoyíu pol xuráu dente les candidatures presentaes por persones individuales y coleutivos, va ser una escultura del artista Ánxel Nava, que va entregasel próximu día 21 de setiembre a les seis y media y dientro de los actos de lArribada 2007. Momentu nel que va conocese quién yel ganador desta primer edición. 2 de setiembre, 2007 0 FacebookTwitterPinterestEmail
Lliteratura El sábadu entamen les XII Xornaes Internacionales del Cómic Villa dAvilés by asturnet 30 d'agostu, 2007 Mañana sábadu van entamar les XII Xornaes Internacionales del Cómic dAvilés cola inauguración duna esposición del dibuxante arxentín Jorge González nel Centru Comercial El Atrio. Les Xornaes y esta esposición van durar hastal día 15 desti mes. Una bayurosa representación internacional va tar ente los convidaos a estes Xornaes que van cuntar con esposiciones, proyecciones, sesiones de firmes, presentaciones de novedaes, ruedes de prensa abiertes al públicu, alderiques y meses redondes. La Casa Cultura dAvilés ye onde van desenrollase la mayor parte de les actividaes pero amás ta instalada una carpa delantre de la Casa Cultura onde va haber puestos, talleres daniciu pa neños y actividaes variaes, dalgunes entá por desvelar. 30 d'agostu, 2007 0 FacebookTwitterPinterestEmail
Lliteratura Llibros del pexe edital nuevu poemariu de Xosé Bolado Na estación de los relevos by asturnet 28 d'agostu, 2007 Embaxol sellu de la editorial Llibros del Pexe y dientro de la coleición Universu, que llega con ésti a la so sesta entrega, apaez el nuevu poemariu del escritor, académicu de la llingua y estudiosu de la lliteratura del Surdimientu, Xosé Bolado. Xosé Bolado ñació nUviéu en 1946. Ye autor de la Antoloxía poética del Surdimientu (1989) y tamién del prólogu, les notes y la bibliografía de Escritores en Llingua asturiana (1992), de la colección Grandes autores asturianos de la editorial Hércules-Astur, de dos llibros de Rosario Acuña y del fascículu Lliteratura asturiana contemporania de la Historia de Asturias de La Nueva España. Foi presidente del Atenéu Obreru de Xixón, onde fundó y dirixe la colección poética Deva, amás de la reviksta de lliteratura de lAcademia de la Llingua Asturiana, Lliteratura. Bolado presenta en Na estación de los relevos una parte de la meyor poesía asturiana danguaño. El llibru yá ta a la venta nes llibreríes del país. Sicasí, la presentación va ser el próximu día 22 de setiembre y dientro de los actos de lArribada 2007, na Sala de conferencies del Antiguu Institutu, en Xixón. 28 d'agostu, 2007 0 FacebookTwitterPinterestEmail
Lliteratura Xaviel Vilareyo va firmar exemplares del so llibru últimu na Feria del Llibru Asturianu de Xixón by asturnet 28 d'agostu, 2007 Lescritor Xaviel Vilareyo va fimar exemplares del so últimu llibru esti vienres que vien na carpa instalada pol Gremiu dEditores dAsturies na cai Tomás y Valiente, xunto a la Plaza’l Parchís de Xixón. Lautor va aprovechar lactu pa denunciar públicamentel cambiu del nome oficial d’esta Feria, que pal autor debería nomase, como otros años, Feria del Llibru y del Discu nAsturianu. Xaviel Vilareyo ye una artista bien polifacéticu y anguaño tien una esposición abierta al públicu nel Aula Abierta de la Llibrería Trabe dUviéu, que pue visitase nhorariu de comerciu hasta la selmana que vien. La próxima presentación del llibru va ser el sábadu 15 de setiembre a les 12,00 hores nel patiu del Antiguu Institutu de Xixón y dientro de los actos de lArribada 2007. 28 d'agostu, 2007 0 FacebookTwitterPinterestEmail
Lliteratura Cristina Muñiz presenta El buscador dhestories nel Salón del Llibru Asturianu de Xixón by asturnet 27 d'agostu, 2007 El V Salón del Llibru Asturianu de Xixón sigue abiertu estos díes na carpa de la cai Tomás y Valiente, xunto a la Plazal Parchís y con presentaciones de llibros y talleres pa los neños. Dientro deses actividaes va presentase güeil llibru de rellatos El buscador dhestories, una obra de Cristina Muñiz Martín. Con El buscador dhestories, Cristina Muñiz Martín sigue y perfeccional camín quentamara en 2005 col volume de cuentos Onde pisen poques güelles, publicáu tamién por Ediciones Trabe y col que fue quien a sorprender y agradar tanto a la crítica como al públicu llector. Banciando ente lo real y lo máxico, lautora destos 19 cuentos fai un rellatu cuando desapasionáu y distante, cuando enllén de sutil ironía, de la sociedá danguaño, formada por seres humanos capaces de lo peor, pero que son tamién quien a sacar lo meyor quhai na so naturaleza. Cristina Muñiz Martín espublizó nel añu 2005, el llibru de rellatos Onde pisen poques güelles. Esti añu apaeció nel llibru de monólogos Ente muyeres, una amuesa de lo que da de sí la creación de monólogos per parte de les muyeres. Anguaño prepara la so primer novela y fai guiones pal programa Nomes dAsturies dirixíu por Chechu García y emitíu na RPA y pa La risión, sección de monólogos del programa de la TPA Al Aldu. 27 d'agostu, 2007 0 FacebookTwitterPinterestEmail
Lliteratura El sábadu termina’l plazu pa presentar candidatures al Premiu Timón 2007 by asturnet 27 d'agostu, 2007 Queden pocos díes pa presentar candidatures al ‘Premiu Timón’, que lAsociación de la conocida como vagamar lliteraria en Xixón convoca col envís de facer reconocencia de la trayectoria lliteraria y/ol llabor de promoción de la lliteratura asturiana. Miembros de l’Asociación declararon “que yá se recibieron delles propuestes mui interesantes” pero la presentación de candidatures ta abierta hasta’l próximu sábadu, 1 de setiembre y nun ta nada decidío. El Premiu quier sirvir de reconocencia a trayectories bien llarges y por ello, pa esta edición de 2007, opten al premiu los/es escritores nasturianu que ñacieren nel añu 1957 o anteriormente. Pal fallu del premiu la Xunta Direutiva de lAsociación Cultural lArribada va aconceyar un xuráu integráu por persones venceyaes a la cultura del país. Según indiquen les bases de la convocatoria, les candidatures van poder ser presentaes por una persona un coleutivu a les señes de corréu lletrónicu que siguen: arribada_sectec@yahoo.es El galardón va entregase en Xixón demientres la celebración de lARRIBADA 2007, que ta pesllando yá la programación desti añu, nel que va pasar de seis a nueve díes de celebración. 27 d'agostu, 2007 0 FacebookTwitterPinterestEmail
Lliteratura LAcademia de la Llingua Asturiana asoleyal númberu 24 de Lliteratura. Revista lliteraria asturiana by asturnet 26 d'agostu, 2007 LAcademia de la Llingua Asturiana asoleyó apocáyá un númberu nuevu de la so revista Lliteratura. Revista lliteraria asturiana, que fai 24 entregues con esta última. La publicación ábrese con testos lliterarios de Xurde Fernández, Abel Martínez González, Vicente García Oliva, Xosé Nel Riesgo y Xaviel Vilareyo. Xurde Álvarez y Chechu García protagonicen les páxines de poesía, compartíes coles traducciones del poeta alemán Hugo von Hofmannsthal per parte de Xaviero Cayarga y del gallegu Daniel Salgado de la mano dIván Cuevas. Dalgunes de les ponencies del congresu lliterariu Arribada 2006 espublícense nesti númberu. Yel casu de los enseyos de Xuan Xosé Sánchez Vicente sobre ’Mar, costes y homes na lliteratura asturiana y el de Xuan Santori, tituláu Ulises en casa, lliteratura de viaxe y el viaxe de la lliteratura. La revista, dirixida pol escritor Xosé Bolado, remátase col monólogu Otres cuatro verdaes echáu por Lluis Antón González nel II Certame de Monólogu Modernu entamáu pola Asociación H.a Xareos nochobre del 2006, del que ye autor Chechu García. Índiz de Lliteratura: 24 Revista lliteraria asturiana, 2007. L’otru llau Xurde Fernández [narrativa] Urxencia Xurde Fernández [narrativa] Negrón Vicente García Oliva [narrativa] Pallabres al vuelu Xosé Nel Riesgo [narrativa] La patria perdida del inquisidor don Pedro de Valdés Xaviel Vilareyo [narrativa] Poesía Xurde Álvarez [poesía] Poesía Chechu García [poesía] Mar, costes y homes na lliteratura asturiana Xuan Xosé Sánchez Vicente [ensayu] Ulises en casa, lliteratura de viaxe y el viaxe de la lliteratura Xuan Santori Vázquez [ensayu] La tímida guapura de les cosiquines Traducción de Xabiero Cayarga de dellos poemes d’Hugo von Hofmannsthal (1874-1929) Poemes de Daniel Salgado Traducción d’Iván Cuevas Camín amargurientu Abel Martínez González [narrativa] Otres cuatro verdaes (monólogu) Chechu García [teatru] 26 d'agostu, 2007 0 FacebookTwitterPinterestEmail