Hestoria UNA pide quel 25 de mayu seya día festivu by asturnet 20 de mayu, 2010 El coordinador d’UNA, Miguel Ánxel Díez, recordó que “la fecha del 25 de mayu conmemora ún de los acontecimientos más importantes na historia asturiana, onde Asturies entra na dómina contemporanea cola proclamación en 1808 de la soberanía de la Xunta Xeneral, la rebelión del pueblu asturianu en defensa de la llibertá, l’unviu d’embaxadores a Inglaterra, la creación del Exércitu Asturianu y el diseñu de la nuestra bandera”. Por ello, piden la incorporación del 25 de mayu al calendariu festivu y la recuperación de la Sala Capitular y los llugares nos que tuvieron llugar los acontecimientos, como parte de la memoria colectiva d’Asturies. UNA va recordar nos sos actos qu’esta data ta arreyadaa la creación de la bandera asturiana diseñada en 1808 por Xovellanos. Pa Díez “esta data pasa tolos años ensin pena nin gloria y ensin nengún tipu de reconocencia institucional y yá ye’l momentu de camudar esta dinámica incluyendo’l 25 de mayu nel calendariu festivu asturianu”. UNA propón tamién que se recupere, reconoza y esparda la redolada de la Sala Capitular, onde tuvo llugar la xunta de la Xunta Xeneral y la proclamación de soberanía, como un llugar emblemáticu y simbólicu pa la identidá asturiana y pa la llucha pola llibertá. Unidá Nacionalista Asturiana (UNA) va celebrar el próximu martes 25 na Corrada del Obispu a la puerta de la Sala Capitular, como fixo nos últimos años, un homenaxe a los revolucionarios de 1808 que va cuntar con delles intervenciones rellacionaes colos acontecimientos. 20 de mayu, 2010 0 FacebookTwitterPinterestEmail
Hestoria Asturnews ufre más semeyes de la hestoria dEl Garrapiellu by asturnet 2 de mayu, 2010 ASTURNEWS súmase otra vegada a la celebración de los venti años dEl Garrapiellu con una nueva galería de semeyes de la hestoria de l’asociación xixonesa. Nesti casu, la Marcha de Xixón a Cuadonga, de 2004. Nueva galería 20 años d’El Garrapiellu 2 de mayu, 2010 0 FacebookTwitterPinterestEmail
Hestoria Asturnews celebra venti años dEl Garrapiellu con un repás fotográficu a la so hestoria by asturnet 30 d'abril, 2010 Como yá sanunciare na entrevista fecha al presidente y al ayalgueru dEl Garrapiellu, pola mor de los sos primeros venti años dactividá, ASTURNEWS va sumase a la celebración cola publicación, a lo llargo d’esti añu, de delles galeríes con semeyes de la hestoria de l’asociación xixonesa. La primer delles, dun tiempu cercanu, y duna de les sos actividaes más emblemátiques, la Marcha de Xixón a Cuadonga, de 2008, nesta ocasión. El Garrapiellu: Marcha de Xixón a Cuadonga 2008 30 d'abril, 2010 0 FacebookTwitterPinterestEmail
Hestoria Mª Esther García presental xueves Salones de Baille en Castrillón. Sieglu XX by asturnet 28 d'abril, 2010 La escritora y Miembru de lAcadémica de la Llingua Asturiana ta acabante espublizar Salones de baille en Castrillón. Sieglu XX, quasoleya na colección Abogaderu, el Patronatu Municipal dActividaes Culturales de Castrillón (PMAC). La obra recueye les más de trenta sales de baille que funcionaron nel conceyu a lo llargo del sieglu XX dende los tradicionales bailles hasta les discoteques modernes abiertes a mediaos de sieglu en Castrillón. Ente los primeros tuvol Casinu dArnao, abiertu pola Real Compañía Asturiana de Mines pal ociu de los sos trabayadores, pero toes tienen la so hestoria y lautora fizo un estudiu bien importante de caún delles, como El Recreo, Casa María la Viuda, El Xalé, L’Oméu, Llau o Ca Xuan, ente otros. El llibru va presentasel mañana, xueves 29 dabril, na Biblioteca de Salinas, a les ocho la tarde, regalándose un exemplara a caún de los asistentes al actu. 28 d'abril, 2010 0 FacebookTwitterPinterestEmail
Hestoria PAS y Xuventú Asturianista van concentrase pa pidir reconocencia pal primer alcalde de la II República en Xixón by asturnet 8 d'abril, 2010 El Partíu Asturianista y Xuventú Asturianista entamen esti sábadu, 10 d’abril, un homenaxe a la figura d’Isidro del Río, primer alcade de la II República en Xixón, al entender que la ideoloxía federalista, autonomista y asturianista del Partíu Federal Asturianu debe de ser recuperada y reconocida, y más, añaden dende estes formaciones, cuando estes cuestiones polítiques nun son asumíes por nengún de los trés partíos políticos representaos nel Conceyu y na Xunta Xeneral. Pal PAS tamos nuna comunidá onde l’autonomía política ye mínima, onde les esmoliciones pola situación de Asturies ta supeditada a les ordénes que da la cúpula de cada partíu dende Madrid, onde la defensa de toles sos señes d’identidá ye nula per parte de el que nos gobiernen, lo que lleva a esta formación y a la so mocedá a convocar una concentración na Plaza Mayor de Xixón, col envís de denunciar esta des-memoria hestórica y pidir la reconocencia pa Isidro del Rio per parte del Gobiernu Municipal PSOE-IU. L’actu va realizasel sábadu que vien, 10 d’abril a les 12:00 hores de la mañana, y ta abiertu a tolos ciudadanos. Nel mesmu van participar miembros destacaos del PAS y de la Xuventú Asturianista. 8 d'abril, 2010 0 FacebookTwitterPinterestEmail
Hestoria Darréu realiza un documental sobre lOchobre de 1934 by asturnet 23 de marzu, 2010 La organización moza Darréu, ta acabante xubir a la rede un documental autoxestionau y produciu pola propia organización. Laudiovisual presentóse coincidiendo col 75 aniversariu de la revolución d’ochobre. Según Darréu quieren dar una visión diferente a la de la izquierda oficial” sobre esti acontecimientu. Ufrimos el vidiu completu a los nuesos llectores. 23 de marzu, 2010 0 FacebookTwitterPinterestEmail
Hestoria Inaugúrase lArchivu Hestóricu dAsturies, con más de 22 quilómetros destanteríes by asturnet 22 de marzu, 2010 Asturies va cuntar dende güei con un Archivu Hestóricu nuevu. La Ministra de Cultura, Ángeles González-Sinde y otres autoridaes van participar a partir de les once la mañana na inauguración del mesmu, al que sentamó a treslladar la documentación en febreru. El nuevu llar del Archivu Hestóricu dAsturies asítiase na cárceles vieya dUviéu, asitiada en Ciudá Naranco. Nel llugar treslladáronse yá 135.000 caxes, qu’ocupen una superficie de 22 quilómetros d’estanteríes. La nueva sede del Archivu cuntó con una inversión de 16 millones d’euros. El públicu usuariu va poder acceder a partir de la selmana que vien. Nel Archivu axúntense fondos y colecciones documentales procedentes de más dun centenar dinstituciones y entidaes púbiques y privaes; protocolos notariales, documentación procedente de les delegaciones de lAlminisración Central y de los órganos de lAlministracion de Xusticia; archivos privaos, nobiliarios y dempresa, los fondos de la desaparecida Diputación Provinvial, del Hospiciu y de la histórica Xunta Xeneral, amás de los fondos documentales de los Hospitales Psiquiátricu, Provincial y Xeneral. 22 de marzu, 2010 0 FacebookTwitterPinterestEmail
Hestoria Conferencia sobre les muyeres d’Al-Andalus na Cátedra Xovellanos by asturnet 4 de marzu, 2010 Güei, xueves 4 de marzu, a les 19.30 hores, nel Salón d’Actos de la Cátedra Gaspar Melchor de Xovellanos d’Estensión Universitaria, Madalena Lasala va pronunciar la conferencia Vides, voces y oficios de muyer n’Al-Andalus. Esta escritora y actriz ye autora d’una amplia obra, que toma distintos xéneros (narrativa, cuentu, poesía, teatru y ensayu) y actividaes. Foi traducida al alemán, portugués, italianu y checu. El so mundu narrativu concentróse hasta agora sobremanera na Edá Dorada d’Al-andalus, redolada hestórica nel que desenvuelve les sos noveles. La entrada ye llibre y gratuita. 4 de marzu, 2010 0 FacebookTwitterPinterestEmail
Hestoria Antonio Martínez estudia lExiliu Asturianu ente 1937 y 1939 nun llibru de recién espublización by asturnet 25 de xineru, 2010 La editorial Espublizastur ta acabante asoleyar la primer investigación del hestoriador Antonio Martínez (A Coruña,1980), Exiliu Asturianu (1937-1939), un llibru nel que se fai analís de la conformación del exiliu asturianu, dende la so salida dAsturies hasta la conformación del denomáu exiliu permanente. Nel volume danse cifres actualizaes, cuantificación la magntitú y apurriendo datos nuevos abondo, consiguíos al traviés del trabayu darchivu y nel estudiu de la bibliografía esistente que da como resultáu una investigación rigurosa que si bien nun ye definitiva ye la aportación más completa pal conocimientu y lestudiu desti procesu que tuvo como protagonistes a miles dasturianos y asturianes. Exíliu Asturianu (1937-1939) ye un viaxe al traviés destes páxines nel quel llector pue dir viviendo lexiliu asturianu na so primer fase a la vez que descubre la historia escaecida, poco estudiada, de miles de persones, dasturianos y asturianes que fueron víctimes de la Guerra Civil. Estos dos años interminables son fundamentales pa comprender lexiliu nel so conxuntu, les sos caracteristiques, composición El llibru encóntase dientro de la colección ‘Investigación’ qu’Espublizastur quier ufrir a los investigadores p’asoleyar los sos trabayos en llingua asturiana, y quentama con esti volume. Antonio Martínez Fernández (Neda, A Coruña, 1980) ye Llicenciáu nHestoria pola Universidá dUviéu y Profesor de Ciencies Sociales. Si bien esti ye’l so primer llibru, Martínez tien espublizaos dellos artículos históricos na revista NAST. Cartafueyos densayu, como ‘Unes notes sobre los refuxaos y la política sobre población refuxada nAsturies na Guerra Civil (1936-1937)’ o ‘El Centru Asturianu de Cataluña na guerra civil ‘, una reseña nErada. Revista dHistoria Contemporanea que saldrá nel númberu 3 o delles collaboraciones notres revistes como La Sidra. 25 de xineru, 2010 0 FacebookTwitterPinterestEmail
Hestoria Preséntasel llibru Jóvenes de izquierda en Xixón by asturnet 21 de xineru, 2010 Güei, xueves 21 de xineru, a les 19:30 hores, nel Muséu del Ferrocarril de Xixón (Plaza de la Estación del Norte, s/n), va facese la presentación del libru Jóvenes de izquierda en Xixón, asoleyáu por KRK Ediciones y escritu de Luis Miguel Piñera. Lautor avéranos nesti llibru a la mocedá xixonés quen dos periodos históricos decisivos del sieglu XX involucráronse en militancies coles que persiguíen, a riesgu de la so libertá y mesmamente de la so vida, construír un futuru que nun pudo ser. 21 de xineru, 2010 0 FacebookTwitterPinterestEmail