Hestoria Ciañu acueye una esposición dedicada al centenariu del anarcosindicalismu nAsturies by asturnet 23 de febreru, 2012 El Centru de Referencia de la Cultura y la Llingua Asturiana Casa de los Alberti de Ciañu acueye la esposición 100 Años danarcosindicalismu nAsturies. Esta esposición, que va permanecer abierta al públicu dendel vienres 10 de febreru al vienres 3 de marzu, organízala lAtenéu Llibertariu de Xixón y cuenta cola collaboración de la CGT y el Conceyu de Llangréu. La esposición fai un percorríu pela hestoria del anarcosindicalismu nAsturies, dende los sos empiezos en 1910 hasta agora. Esta muestra, bien documentada, busca poner en valor la importancia desti movimientu, tolo que significó pa la llucha obrera y tamién la so faceta educadora. Al traviés duna selección de prensa, llibros, cartelos y documentos darchivu, recuerda a los sos protagonistes, evoca la obra anarcosindicalista y recupera la so memoria. 100 años danarcosindicalismu nAsturies permítenos conocer el llabor de los personaxes más importantes del movimientu, tales como Avelino González Mallada, Eleuterio Quintanilla o Ramón Álvarez, ente otros. 23 de febreru, 2012 0 FacebookTwitterPinterestEmail
Hestoria Blimea acueye una esposición sobrel patrimoniu artísticu relixosu del conceyu de Samartín by asturnet 3 de febreru, 2012 El conceyu de Samartín del Rei Aurelio cuenta con numberoses construcciones de calter relixosu que van dende la época prerrománica hasta los nuesos díes, munches delles reconstruyíes a lo llargo del sieglu XX, pero la mayoría con restos de les sos construcciones orixinales. La Casona del Bravial de Blimea cuenta a partir del llunes 6 de febreru con una esposición na que se fai un repasu de toa esta arquitectura de tipu relixosu. Al traviés donce paneles informativos ufiértense datos históricos y artísticos sobre les diferentes edificaciones relixoses que sestienden a lo llargo del tol conceyu, tanto nos núcleos urbanos como nos rurales. La esposición ta dividida en cinco partes, caúna de les cuales se correspuende a les cinco parroquies nes que ta dividíul conceyu. Amás, inclúyense semeyes de los templos, tanto interiores como esteriores, y tamién mapes esplicativos. A lo llargo de la muestra faise un repasu a les capielles pequeñes de calter rural, carauterizaes pola cenciellez de les sos formes y la economía de los materiales emplegaos na so construcción, y tamién a otres con una mayor riqueza de materiales que se construyeron nel últimu sieglu. Tamién se fai referencia a los elementos escultóricos quincluyen- retablos o imáxenes- que se carautericen pola imitación de les formes que la moda llitúrxica de les distintes époques imponía na provincia o nel focu artísticu más averáu. La esposición va poder visitase na planta baxa de la Casona del Bravial de Blimea a lo llargo de tol mes de febreru, los llunes, miércoles y vienres de 9 a 14 h. y los martes y xueves de 11 a 13 y de 17 a 20 h. 3 de febreru, 2012 0 FacebookTwitterPinterestEmail
Hestoria Una biblioteca en llinia asoleya testos políticos tornaos al asturianu by asturnet 30 d'avientu, 2011 La bloguesfera n’asturianu vien de conocer l’entamu d’una nueva iniciativa col asturieanu como mediu d’espresión, asina como col enfotu d’aidar al treslladu del pensamientu alternativu al conxuntu de la población de la nuesa nación, espresal so creador. El blogue denómase “Acción y Política”, biblioteca en llinia na nuesa llingua. Según se desplica, Acción y Política “nun tién otru envís que’l de proporcionar testos, cartafueyos o llibros n’otres llingues tornaes al asturianu sobre temes que, normalmente, tan vetaos na nuesa llingua. La edición d’un llibru ye caro, los llectores (y mas na llingua llariega) pocos, el sistema de sovenciones creáu polos españoles n’Asturies torga la posibilidá de falar temes como la llucha armada o’l socialismu y les editoriales qu’asumen esti papel, con gran esfuerzu pola so parte tamién sía dicho, suelen apostar por llibros nuevos mas que por tornes (asumiendo que si un llibru ya ta en castellanu ya puede lleese) colo que nun son quien a finar coles ganes de mas llectura na llingua de nueso”. D’esta mena, l’internacionalismu, la lliberación nacional, el socialismu, el feminismu, la defensa de la tierra, los drechos llinguísticos, la hestoria, l’antifacismu, o la formación militante cunten con un nuevu espaciu na rede. Blogue “Acción y política” 30 d'avientu, 2011 0 FacebookTwitterPinterestEmail
Hestoria Patricia A. Argüelles asoleya un llibru sobre les víes romanes by asturnet 4 d'ochobre, 2011 Larqueóloga Argüelles Álvarez acaba dasoleyar un llibru La vía romana Lucus Asturum- Lucus Augusti, nel que recueye un interesante trabayu qu’apurre nueva información sobre víes romanes n’Asturies. Amuesa’l trazáu d’una vía (el tramu Lucus Asturum- Passicin) malapenes conocida hasta la fecha, pesie a la so importancia mientres l’Imperiu Romanu. El so principal usu foi comunicar les esplotaciones auríferes del occidente asturianu. El llibru, asoleyáu por Zahorí Ediciones, tien un gran interés hestóricu-arqueolóxicu, ufiertando, amás, una base sólida na qu’asitiar un posterior desenvolvimientu turísticu de la zona pola qu’escurría’l camín (conceyos de Llanera, Uviéu, Les Regueres, Grau y Salas). L’autora Ñacida en Xixón en 1983, Patricia A. Argüelles Álvarez ye titulada n’Arqueoloxía pola Universidá Autónoma de Madrid. La so investigación céntrase en calzaes romanes del norte peninsular. Amás trabayó en diversos proyectos en dellos países: China, Bélxica, Portugal… Anguaño realiza la so tesis doctoral sobre «Calzadas romanas en la Asturia Transmontana» na Universidá d’Uviéu. 4 d'ochobre, 2011 0 FacebookTwitterPinterestEmail
Hestoria Dellos colectivos reclamen la torna de los documentos asturianos que tán nel Archivu de Salamanca by asturnet 26 de setiembre, 2011 Una rueda de prensa que va celebrase esta tarde en Xixón, va reclamar énte la sociedá la necesidá de que la documentación asturiana que permanez nel Archivu de Salamanca tien de ser devuelta y tar archivada n’Asturies, a disposición de los hestoriadores y de los actores socio-culturales del País”. La iniciativa ponla en marcha l’asociación cultural N’Ast, que va xuntar a dellos organizaciones, colectivos, asociaciones y entidaes na vindicación de que tola documentación asturiana espoliada na guerra civil torne al país. El manifiestu ye’l siguiente: Manifiesu pola documentación hestórica asturiana espoliada Con motivu de la noticia de la reivindicación catalana sobre los fondos documentales del tiempu de la Guerra Civil que, espoliados pola dictadura franquista nel so momentu al Centru Asturianu de Barcelona, anguaño alcontrábense archivaos nel Centru Documental de la Memoria Hestórica de Salamanca, dellos coleutivos, asociaciones y entidaes queremos comunicar lo viniente: 1) Que si bien ye lexitimu que’l Gobiernu de Cataluña y determinaos actores sociales d’esi territoriu quieran recuperar tola documentación qu’afecta a la memoria hestórica del pueblu catalán, nun ye almitible qu’aprovechando la falta de compromisu cola hestoria propia de los Gobiernos autonómicos del PSOE n’Asturies agora quieran apoderase d’unos fondos que son hestoria viva d’otru pueblu: l’asturianu. 2) Los fondos afectaos concretamente contienen tola documentación (llibros, fiches personales, espedientes, recibos de pagu, documentación de militantes y pertenecientes a partíos políticos y sindicatos) que dempués de la cayida del frente del Norte na Guerra Civil foi treslladada dende Asturies hasta Cataluña p’atopar acomodu nel Centru Asturianu de Barcelona. De fechu ente los años 1937 y 1939 el Centru Asturianu de Barcelona nun foi un simple centru d’emigrantes asturianos sinón que yera la institución que vertebraba tola población asturiana exiliada. 3) Yá nel añu 2008 la direición del Archivu Hestóricu d’Asturies sollertó a la Conseyería de Cultura de la posibilidá de qu’ente los fondos de Salamanca devueltos daquella a la Generalitat de Cataluña yá figuraren documentos prindaos en Barcelona pero pertenecientes al patrimoniu documental asturianu. Colo cual la situación actual amuesa bien cual ye l’interés del PSOE na hestoria d’Asturies. 4) Toa esta documentación forma parte de la memoria del pueblu asturianu, teniendo amás un valor cultural incalculable, y polo tanto tien de ser devuelta y tar archivada n’Asturies, a disposición de los hestoriadores y de los actores socio-culturales del País. 5) Igualmente queremos reclamar pa la sociedá asturiana hasta’l caberu documentu de procedencia asturiana qu’esista nel Centru Documental de la Memoria Hestórica de Salamanca. Concretamente los fondos espoliados illegalmente n’Asturies impliquen unes 700 caxes de documentación. Y nun se trata namás de documentación del Conseyu Soberanu o de les organizaciones de la dómina de la Guerra Civil sinón que tán incluyíos archivos del entamu del sieglu XX. 6) Tamién queremos denunciar que munchos d’estos documentos alcuéntrense en Salamanca tovía ensin microfilmar (archivu gráficu y prensa, especialmente), que dellos tan en mal estáu de caltenimientu, y que gran parte de les copies microfilmaes son d’escasa o nula calidá. 26 de setiembre, 2011 0 FacebookTwitterPinterestEmail
Hestoria Javier Cubero analiza Rexonalismu, federalismu y asturianismu, 1876-1936 nel Club de Prensa de La Nueva España en Xixón by asturnet 29 de xunu, 2011 El Club de Prensa de La Nueva España en Xixón, allugáu nel salón d’actos del Centru San Eutiquio, a seis metros de la ilesia de San Pedro, nel barriu Cimavilla, va acoyer esti xueves 30 de xunu de 2011, a les 20 hores, la conferencia: Rexonalismu, federalismu y asturianismu, 1876-1936, a cargu de Javier Cubero de Vicente. Presentando al autor va participar nel actul periodista y escritor Inaciu Galán. 29 de xunu, 2011 0 FacebookTwitterPinterestEmail
Hestoria Rodríguez Alonso presental so ensayu sobrel franquismu by asturnet 8 de xunu, 2011 Esti miércoles día 8 de xunu va celebrase la presentación del llibru De totalitarios a «demócrates» Franquismu, fascismu y nazismu na II Guerra Mundial al traviés del diariu xixonés Voluntad, de Pablo Rodríguez Alonso. Lactu va ser nel Centru Municipal d’El Llano, allugáu na cai Riu del Oru, 37, en Xixón a les 19:30 hores y xunto al autor van intervenir Macrino Fernández, en representación de Zahorí Ediciones, y Faustino Zapico, profesor de Xeografía y Hestoria del IES Bernaldo de Quirós. Rodríguez Alonso: “La identificación del primer franquismu col totalitarismu nazi ye absoluta” 8 de xunu, 2011 0 FacebookTwitterPinterestEmail
Hestoria Rodríguez Alonso espubliza De totalitarios a «demócrates» Franquismu, fascismu y nazismu na II Guerra Mundial al traviés del diariu xixonés Voluntad by asturnet 19 de mayu, 2011 A finales de 1937 salía a la cail periódicu Voluntad, mediu despresión oficial del falanxismu xixonés. A partir desi momentu va ser la voz de los vencedores de la Guerra Civil, una voz na que los mensaxes de venganza contra los vencíos, demponderamientu del totalitarismu nazi y fascista y de denuncia de la democracia y les llibertaes van ser una constante. Sicasí, esi discursu va dir cambiando a medida que lescenariu internacional, marcáu pola Segunda Guerra Mundial, vaya averándose a la derrota final dAlemania, Italia y Xapón. Pablo Rodríguez Alonso estudia esti fenómenu nel so llibru De totalitarios a «demócrates» Franquismu, fascismu y nazismu na II Guerra Mundial al traviés del diariu xixonés Voluntad, ganador del XII Premiu Rosario de Acuña. A través desta investigación, que dende lo llocal quier ufrir una visión xeneral daquellos años convulsos, pueden seguise pasu por pasu los diferentes discursos que desdeVoluntad fueron asoleyándose ente 1938 y 1946, y cómo nellos quixeron pasar de ser totalitarios a «demócrates». Índiz de conteníos: De la «no beligerancia a la neutralidá»: el franquismo y la II Guerra Mundial. Fascismu, naizismu y franuismu. Layuda nazi y fascista na Guerra Civil.- El réximen franquista na Segunda Guerra Mundial. Voluntad: la voz ortodoxa del falanxismu xixonés. El falanxismu nAsturies.- Voluntad: el diariu del falanxismu xixonés.- Los amigos: alemanes, italianos, portugueses Y los enemigos dEspaña.- «En Gijón hay todavía muchos marxistas »: la represión como respuesta. Enantes de la tormenta: la Europa prebélica. Austria, Checoslovaquia y Dantzig.- La xustificación de la política represiva nazi. La Segunda Guerra Mundial al traviés de Voluntad. De Varsovia a Paris: la Blitzkrieg arrasa Europa (setiembre de 1939-mayu de 1941).- Nuevos frentes: la Unión Soviética y EE.UU. entren en guerra (xunu de 1941-xineru de 1943).- De la rendición en Stalingrado al desembarcu en Normandía: el principiu del fin (febreru 1943-xunu 1944).- El final de la velea (xunetu de 1944-mayu de 1945.- Laislamientu dEspaña: el «comunismu internacional» contra la «democracia» española. Lautor Pablo Rodríguez Alonso (Xixón,1979) ye llicenciáu nHestoria pola Universidá dUviéu. Profesor interín de Xeografía y Hestoria en Secundaria y Bachiller, trabayó tamién como Assistant de langue nel Lycée Marguerite de Valois dAngoulême y nel Institut Universitarie de Formation des Maîtres de la Universidá de Poitiers (Francia). Tien publicao los artículos «El nacionalismo bretón desde 1945 a la actualidad» na obra recopilatoria de les I Jornadas de Historia Contemporánea y «La nacionalización llingüística nos Estaos-nación: lexemplu español» nel llibru Teoría e historia de los nacionalismos contemporáneos, dambos editaos pola Facultá dHestoria de la universidá asturiana. 19 de mayu, 2011 0 FacebookTwitterPinterestEmail
Hestoria La Campa Torres acueye una esposición sobres afayos funerarios by asturnet 6 d'abril, 2011 Dende l8 d’abril y hastal 26 de xunu de 2011 va poder visitase la esposición L’últimu viaxe, les dotes funeraries de la Olmeda que va tener llugar nel Parque Arqueolóxicu-Natural de la Campa Torres. La esposición pretende ser un percorríu pel complexu mundu del funus romanu que se percibe nos nutríos campusantos escavaos hasta’l presente pela redolada de la villa, asina como nos oxetos depositaos nes tumbes ; unos y otros ayuden a definir los grupos de población qu’ocuparon el territoriu asina como los rituales qu’acompañaron a los sos difuntos y que fueron propios mientres el Baxu Imperiu. Hasta la fecha escaváronse en Pedrosa cerca de 700 tumbes dispuestes preferentemente en dos necrópolis, llamaes Norte y Sur, con distintes clases d’enterramientos. El más cenciellu consiste nuna caxa de madera asitiada dientro d’una fuesa ensin nengún tipu de revestimientu; ye’l tipu más común. 6 d'abril, 2011 0 FacebookTwitterPinterestEmail
Hestoria El Vieyu Institutu de Xixón acueye una esposición sobre Xovellanos by asturnet 4 d'abril, 2011 Xixón conmemora en 2011’l bicentenariu de Xovellanos, con una amplia estensión d’actividaes, ente elles, una esposición que trata de rellatar la gran importancia que tuvo la creación del Real Institutu Xovellanos na evolución y desenvolvimientu cultural, educativu y demográficu de Xixón a lo llargo de los últimos doscientos años. Nel patiu del Centru de Cultura Vieyu Institutu va tar hastal 19 de mayu la esposición El gran legáu de Xovellanos doscientos años dempués. Lamuesa va tar abierta al públicu tolos díes, de 10 a 14 h y de 17 a 21 hores y ta entamada pola Asociación d’Antiguos Alumnos del Real Institutu Xovellanos. 4 d'abril, 2011 0 FacebookTwitterPinterestEmail