Fiestes El Mercáu del Quixote convierte Xixón nun llugar de La Mancha by asturnet 24 d'agostu, 2005 El Paséu de Begoña de Xixón acueye estos díes el Mercáu del Quixote, una amuesa de productos artesanos de la comunidá castellano-manchega que recrea’l tiempu de la novela de Cervantes. Moros con chilaba, panaderos de fornu y forxadores d’armes blanques recreen un llugar de La Mancha en plenu Paséu de Begoña. El Mercáu qu’estos díes puede contemplase en Xixón tenta asemeyase al zocu onde según cuenta la hestoria del caballeru don Quixote s’alcontró el manuscritu nel que se narren les sos aventures. Productos gastronómicos de Castiella-La Mancha, incluíos los sos famosos quesos d’oveya y el vino áspero d’esa tierra, xunta obres d’artesanos tradicionales y modernos, componen esti Mercáu del Quixote nel que nun falta l’acompañamientu a los sones de la dulzaina, el tamboril y la gaita castellana. El Mercáu del Quixote va poder visitase hasta esti miércoles 24 nel Paséu de Begoña de Xixón. 24 d'agostu, 2005 0 FacebookTwitterPinterestEmail
Fiestes El Centru Asturianu de Lausanne organiza un Festival Internacional de Música Celta by asturnet 23 d'agostu, 2005 El Centru Asturianu de Lausanne (Suiza) va acoyer los díes 17 y 18 de setiembre un festival de música celta con motivu de la conmemoración del so venti aniversariu. Leventu, que se va cellebrar a orielles del llagu Leman, quier mostrar la cultura y la gastronomía asturiana a la comunidá suiza. El presidente d’esti Centru Asturianu, Emilio Álvarez, reunióse ayeri col director de l’Axencia Asturiana d’Emigración, Luis Miguel Fernández Romero, pa presentar esti festival que va llevar a diferentes grupos de música folk y a la cantante de tonada Anabel Santiago hasta la Plaza de la Navegación suiza. Xunta ellos tamién va participar un grupu de baille tradicional de Bretaña; gaiteros escoceses, gallegos, asturianos; y el grupu de baille rexonal del centru, El Escarpín. Amás, el centru va llevantar una carpa con capacidá pa más de quinientes persones na que se cellebrará un mercáu astur, nel que van participar cesteros y madreñeros, y ondel conceyu de Llanes va promocionar los sos meyores quesos. Nos actos previstos pal domingo, que van xuntar a más de cuatrocientes persones alredor duna gran fabada, y nos que se fairá una exhibición de diversos deportes autóctonos, cuéntase cola presencia del conseyeru de Xusticia, Seguridá Pública y Relaciones Esteriores, Francisco Javier García Valledor. 23 d'agostu, 2005 0 FacebookTwitterPinterestEmail
Fiestes Avilés llénase de música y dances de los cinco continentes by asturnet 19 d'agostu, 2005 Sabugo, ¡tente firme! organiza un añu más el Festival Internacional de Música y Danza popular questi añu cumple les sos bodes de plata. Nel certame desti añu participen ocho grupos de los cinco continentes a lo llargo de tola selmana. Na selmana que dural Festival de Música y Danza van poder vese muestres del folclore africanu, representáu por Zeke Ti Beafrica; asiáticu, col conxuntu folclóricu nacional Leymer dIrán; dOceanía, a traviés de Vanuato, de les isles del mesmu nome; americanu, col brasileñu Ballet de Amazonia y Mi linda Costa Rica. Y, como nun podía ser mesnos, con representantes europeos, col conxuntu folclóricu académicu de la Republica de Chuvachia, Radost de Bielorrusia, y los propios Sabugo, ¡tente firme!, organizadores del alcuentru. Ta previsto que güei sigan les actuaciones nel complexu deportivu del Quirinal, onde va celebrase lapertural festival a les ocho la tarde. Mañana, a la mesma hora, los grupos van participar na Gran Gala de les Naciones, onde van dar conocer un poco más el folclor de los sos países. La clausura del XXV Festival será tamién nel Quirinal a les ocho la tarde. 19 d'agostu, 2005 0 FacebookTwitterPinterestEmail
Fiestes El Descensu más seguru by asturnet 18 d'agostu, 2005 Esti sábadu, 20 d’agostu, les carroces van volver dar vida al Descensu Folclóricu del Nalón. Pa esti añu l’ayuntamientu tien previstu’l mayor dispositivu de seguridá de los trenta y ocho años d’historia de la fiesta, con más de 150 persones encargaes de cuidar especialmente’l pasu les carroces per Puente d’Arcu, yá que, pola sequía, tien baxao en 1’20 metros la profundidá del ríu. L’operativu de seguridá previstu pal Descensu Folclóricu del Nalón cuenta con más de 150 persones, ente miembros de la Policía Local, la Guardia Civil, REMER, 112, Bomberos, Cruz Roja y el Serviciu de Salú del Principáu, que controlarán el pasu de les carroces y los participantes pel kilómetru y mediu de percorríu. Amás, les cais de la movida van tar cortaes de diez de la nueche a siete la mañana pa evitar cualquier tipu d’accidente. Tamien la cai Libertad va tar cortada a partir de les cuatro la tarde. Hora na que ta previsto qu’empiece’l desfile de les carroces. La seca d’esti añu fai necesaria una suelta d’agua dende Tanes al ríu Nalón. De toes maneres, Protección Civil insistió en que, pola sequía, el puntu onde hai que tener más cuidao ye a l’altura de Puente d’Arcu, yá que la profundidá del ríu baxó en 1’20 metros. Toes aquelles persones que quieran aprovechar la fiesta pa dir d’acampada, van tener habilitada dende mañana vienres la zona que ta xunta’l Polideportivu. 18 d'agostu, 2005 0 FacebookTwitterPinterestEmail
Fiestes Candás va acoyer la celebración de los I Alcuentros Atlánticos by asturnet 2 d'agostu, 2005 Candás va acoyer ente los díes 25 y 28 d’agostu la celebración de los I Alcuentros Atlánticos organizaos pol grupu de baile San Felix. Nesta primer edición la música y la cultura asturianes van xuntase coles de Bretaña nuna atopada a la que se-y quier dar continuidá. En palabres de los organizadores d’estos primeros Alcuentros Atlánticos el grupu de baile San Félix de Candás: “amás de mirar a lo quhai desti llau, quier mirar lo quhai al otru llau de la mar y sentir la música que se fai notros países que comparten con nós la mar; esa mar que los candasinos vemos cuando nos asomamos a El Cuirno”. Precisamente El Cuirno ye’l nome que lleva la revista editada pola agrupación folklórica pa complementar estes xornaes y que cuenta con colaboraciones d’Alberto Álvarez Peña, Xulio Viejo, Aurelio G. Ovies y Adolfo Camilo Díaz ente otros. Los I Alcuentros Atlánticos van cuntar cola participación de la Bagad Gwengamp y de grupos asturianos como Dulcamara, Tuenda, amás del propiu grupu de baile San Félix. 2 d'agostu, 2005 0 FacebookTwitterPinterestEmail
Fiestes Macaco, Miguel Bosé y El Sueño de Morfeo van tar nes fiestes de San Agustín d’Avilés by asturnet 2 d'agostu, 2005 Avilés tien los güeyos puestos ya na última selmana del mes d’agostu cola celebración de les sos fiestes de San Agustín. Conciertos de baldre de Macaco, Miguel Bosé y El Sueño de Morfeo, xunta’l Festival de Danza y Música Populares ponen en pie el cartelu de los festeyos d’esti añu na villa l’Adelantráu. La primer cita escomienza el prósimu 17 d’agostu cola XXV edición del Festival de Danza y Popular nel que van participar, xunta los agospiadores de l’asociación Sabugo Tente Firme, conxuntos procedentes de les Isles Vanuato (Oceanía), Costa Rica, Brasil, República de Chucachia, Irán, Bielorrusia y República Centroafricana. En cuantes a los conciertos populares de baldre el programa ábrelu el Sueño de Morfeo el día 24, Macaco síguelos el 26 d’agostu y pieslla Miguel Bosé el sábadu 27. Xunta los conciertos, los nenos tienen tamién el so espaciu nes fiestes de San Agustín con una nueva edición de Divertilandia, una selmana d’ociu infantil na que los más pequeñinos van tener ocasión de dar rienda suelta a la so imaxinación y a l’aventura. San Agustín va celebrar tamién nel Pabellón de La Magdalena una edición más de la tradicional Feria de Ganao, una cita que congrega cada añu n’Avilés a sinfinidá de compradores, vendedores y públicu. 2 d'agostu, 2005 0 FacebookTwitterPinterestEmail
Fiestes Xixón acueye la celebración de los undécimos Xuegos Naúticos Intercélticos by asturnet 21 de xunetu, 2005 El prósimu 24 de xunetu escomiencen en Xixón los XII Xuegos Náuticos Intercélticos, una atopada deportiva que va xuntar na villa de Xovellanos a cerca de 1.300 participantes de distintos países del arcu atlánticu. Al empar, nes instalaciones del Puertu Deportivu, va celebrase un Mercáu Artesanal del Mundu Celta. Ye esta la segunda ocasión na qu’Asturies ye sé d’estos xuegos, n’anterior vez foi Perlora, nel conceyu de Carreño el llugar escoyíu. Los undécimos Xuegos Náuticos Intercélticos van desenvolvese en Xixón ente’l 23 y el 31 de xunetu con representantes de países como Irlanda, Isla de Man, Cornualles, Gales, Bretaña, Galicia, Portugal y por primer vez Cantabria y Isles Canaries. L’atopada deportiva inclúi preeas de vela, surf, piragüismu, remu, actividaes subacuátiques y, por primer vez, la natación con aletes. A lo llargo d’esos seis díes del eventu, y dende las 9 hores, la bahía de Xixón va ser escenariu de les distintes pruebes, a nun ser les de excepción de piragüismu, que se van celebrar nel embalse de Trasona. Al empar, el Puertu Deportivu va vese animáu pola presencia de numberoses embarcaciones de toa triba que vienen aal eventu. L’ambiente festivu va vese tamién completáu pola celebración d’un Mercáu Celta y nel que van desenvolvese estremaes manifestaciones artístiques y lúdiques de la cultura de los países célticos. 21 de xunetu, 2005 0 FacebookTwitterPinterestEmail
ConvocatoriesFiestes La Conseyería de Cultura convoca los sos premios lliterarios n’asturianu de 2005 by asturnet 21 de xunetu, 2005 La Conseyería de Cultura acaba de facer pública la convocatoria de los premios Xosefa Xovellanos de novela, Xuan María Acebal de poesía y Enriqueta González Rubín de periodismu, tolos tres los meyor dotaos económicamente de los concursos lliterarios en llingua asturiana. El Xosefa Xovellanos y el Xuan María Acebal tan dotaos con un premiu de 6.000 euros y l’Enriqueta González Rubín con 2.000 euros pa la categoría de periodismu escritu y 4.000 na categoría de periodismu audiovisual. El plazu de presentación de los tres premios fina’l 31 d’ochobre d’esti añu y amás de la cuantía económica, nel casu de les distinciones de novela y poesía, la Conseyería comprométese a la publicación de les obres ganadores, dando por pagos los drechos d’autor cola dotación del premiu. El Xosefa Xovellanos de novela ta empobináu a obres inédites y orixinales con una estensión mínima de setenta y cinco folios, que nun fueran premiaes n’otros certámenes y han tar escrites n’asturianu, siguiendo les normes ortográfiques de l’Academia de la Llingua. Tocante al Xuan María Acebal de poesía, amás de les anteriores condiciones, los llibros presentaos tienen de tener un mínimu de quinientos versos. El premiu empobináu a reconocer el llabor periodísticu en llingua asturiana tien esti añu una novedá respective a anteriores convocatories, ya que la categoría de periodismu audiovisual aumenta la so cuantía hasta 4.000 euros y la categoría de periodismu escritu baxa a los 2.000 (enantes entrambes categoríes taben dotaes con un premiu de 3.000 euros). Nel casu de la categoría de redacción escrita, puede presentase cualquier trabayu en xéneru d’artículu, reportaxe, crónica, opinión, entrevista…y tan escluíes les series, secciones o conxuntos d’artículos.Na categoría audiovisual podrá participase con emisiones radiofóniques o televisives de tema llibre y de cualquier xéneru (información, crónica, reportaxe, entrevista, documental, etc.), difundíes ente’l 1 de xineru de 2005 y la fecha de pieslle de la convocatoria. Convocatoria premios 21 de xunetu, 2005 0 FacebookTwitterPinterestEmail
Fiestes Delegación del Gobiernu va reforzar esti añu la seguridá del Descensu Internacional del Sella by asturnet 8 de xunetu, 2005 El delegáu del Gobiernu n’Asturies, Antonio Trevín anunció que’l dispositivu de seguridá preparáu pa la celebración el primer domingu d’agostu del Descensu Internacional del Sella va reforzase inda más esti añu. Tovía cola alcordanza de los artefactos colocaos pola banda terrorista ETA l’añu pasáu y nel mesmu día de la traxedia del metru de Londres -acabante ser escoyida sé olímpica-, los responsables de seguridá del Gobiernu nun quieren dexar nada al debalu nuna folixa que congraga a miles de persones cada veranu nes Arriondes y Ribesella. Más de cuatrocientos axentes de la Guardia Civil, policía local, bomberos, unidaes del 112, van encargase de que la fiesta de Les Piragües trescurra con toa normalidá y tanto los aficionaos qu’acuden al eventu deportivu como los cientos de visitantes que se desplacen al Sella pa disfrutar d’una de les folixes más populares del país,puedan asistir tranquilos énte’l dispositivu entamáu pa garantizar la seguridá. L’operativu estiéndese esti añu dende’l xueves 4 d’agostu al domingu 7 y ente otres midíes preventives ta pensao eliminar dalgunos puntos conflictivos, eliminando una parte de la zona de chiringuitos pa facilitar les víes llibres a cualquier evacuación d’emerxencia. Entrambos helicópteros, ún del Cuerpu Nacional de Policía y otru del CEISPA vixilarán dende l’aire pa que too se desenvuelva n’absoluta normalidá. 8 de xunetu, 2005 0 FacebookTwitterPinterestEmail
Fiestes L.lagüezos acueye esti domingu la 38 Fiesta del Corderu qu’hermana a L.lena y Quirós by asturnet 2 de xunetu, 2005 El Prau L.lagüezos acueye esti domingu 3 la so popular Fiesta del Corderu qu’hermana a los conceyos de L.lena y Quirós y xunta cada añu na Sierra l’Aramu a cientos de pelegrinos d’esta romería laica. Un total de trece asadores van ocupase de preparar 130 corderos de los que van repartise más de 1.700 raciones. La fiesta escomienza al meudía col tradicional homenaxe a los “Güelos del Aramu”. El programa en L.lagüezos principia a les 13.30 horas col homenaxe a los güelos. Nesta edición, la placa a la güela va ser pa Honorina Álvarez Álvarez, de 84 años y vecina de Salcedo (Quirós). El güelu escoyíu ye’l l.lenense César Allande Álvarez, de 85 años.Tamién va homenaxease al veteranu asaor José María Iglesias Iglesias, El Riosán, un avezáu na preparación de los corderos d’esta fiesta. A lo llargo de tol día va haber baile tradicional y música del país cola banda de gaites de Teixo ‘Manolo Quirós’ y el grupu de baile San Félix de Valdesoto. Pela tarde, hai xuegos tradicionales y música folk colos conciertos de La Bandina y La Bandina’l Tombo. La organización nesta gran pradería en plena sierra del Aramu, a 1.710 metros d’altitú, na llende ente L.lena y Quirós, compártenla cá año los dos conceyos. Cáún, pel so llau, estiende la celebración a les xornaes previes. Nel casu de L.lena, el Consistoriu cuenta cola colaboración d’Asholena, el colectivu d’hosteleros local. 2 de xunetu, 2005 0 FacebookTwitterPinterestEmail