Fiestes Xixón va celebrar nel Pueblu dAsturies una romería tradicional p’averar les tradiciones a la ciudá by asturnet 16 de xunu, 2008 El recintu del Muséu del Pueblu dAsturies de Xixón va acoyer el sábadu 28 desti mes una romeria tradicional, quorganiza la Conceyalía de Cultura Tradicional y Llingua Asturiana. Nel actu van incluye les actividaes tradicionales dun romería, incluyida una misa nasturianu, oficiada por J. Manuel García de Jesús, párrocu de San Antón de Padua (Uviéu) y presidente del Coleutivu Manuel Fernández de Castro. Na misa, va cantar Chucha de Nembra. A la fin de la mesma va entamase una danza prima alredor de la foguera, amás duna procesión, la puyal ramu, una amuesa de bailles asturianos, una partida de bolos, cuentacuentos, sesiones de xuegos tradicionales y un conciertu de La Bandina. Jesús Montes Estrada Churruca, Conceyal de Cultura Tradicional y Llingua Asturiana, comentó que con esta y otres actividaes quieren averar a la xente al Pueblu dAsturies y demostrar que nun ye una alfombra persa que ta ellí pa mirala y nun la pisar. El llíder dIzquierda Xunida contestó a la ironía de ser la so Conceyalía la quorganizara una misa, recordando la so creencia nel respetu y la llibertá. 16 de xunu, 2008 0 FacebookTwitterPinterestEmail
Fiestes Nuberu actua güei nes fiestes patronales de La Fresnera, nel conceyu de Siero by asturnet 13 de xunu, 2008 El célebre grupu formáu por Chus Pedro y Manolo Penayos, va tar güei nes abriendo les fiestes patronales de La Fresnera, en Siero, dientro de la so xira final de retirada del grupu. El conciertu va ser nel Centru Cultural a les 20:00 hores. Nuberu lleva nel mercáu musical asturianu dende 1978, cuando sacaron el discu Asturies, ayeri y güei. Dende entós convirtiéronse nuna de les bandes mítiques del Nueu Canciu Astur, con discos como Mineros y Agua de la fonte clara, ente otros. 13 de xunu, 2008 0 FacebookTwitterPinterestEmail
Fiestes La XII Fiesta de la Oficialidá de Bimenes yá tien programa dactividaes by asturnet 12 de xunu, 2008 El Conceyu de Bimenes tien yá peslláu programa dactividaes pa la XII Fiesta de la Oficialidá de la Llingua Asturiana, que va celebrase del 27 de xunu al 5 de xunetu. Ente los actos van tar la entrega del Concursu de Cuentos pola Oficilidá, una actuación de monólogu modernu, teatru, mercáu y la puyal ramu, ente otres. El vienres 27 xunu na Casa la Cultura de Santuyano, va celebrase a les 2000 hores la presentación del programa dactos de la XII Edición de la Fiesta de la Oficialidá de la Llingua Asturiana. Pero yál miércoles 25 xunu, y hastal 16 xunetu, na Casa la Cultura de Santuyano va poder vese la Esposición de les obres presentaes al V Concursu de Cómic nAsturianu de la Comarca de la Sidra, ente les 1530 y les 2030 hores. Yá pal mes de xunetu, el día 3, a les 2030 hores va tener llugar la representación de la obra País, una traxicomedia asturiana, de Dolfo Camilo Díaz, a cargu del grupu Teatru Casona. El 4 de xunetu a les 1945 hores van entregase los premios del XI Concursu de Cuentos pola Oficialidá del Asturianu. Darréu, a les 2030 hores, va ser el momentu pal monologuismu, cola representación de los monólogos Asturianos al volante y Les vacaciones, dIsaac de lArada ya Inaciu Galán , a cargu de Lluis Antón González, de Xareos!. El sabadu 5 de xunetu va ser el día grande. Nel prau de la fiesta (Xenra) y a les 1100 hores. Va abrise la VI Feria dArtesanía y Mercáu de Productos Agroalimentarios. A les 1200 hores va ser el pasacais de los grupos folklóricos Los Yerbatos (Bimenes) y Os Pauliterios de Constantin, de Miranda del Douro, hasta la Casona de los Careaga. La Casona de los Careaga va acoyer a les 1230 hores el pregón, a cargu de Xuan Xosé Mariño, fundador y direutor de Radio Sele. A la una la tarde va haber misa nasturianu, cantada por El Corriellu la Pandorga nel prau de la fiesta. A les 1330 hores va facese la Puyal ramu, cola collaboración de la Sociedá de Feries y Fiestes Nuestra Señora del Rosario de Santuyano. A les 1345 hores van actuar Los Yerbatos (Bimenes) y Os Pauliterios de Constantin (Miranda del Douro). Darréu, a les 1430 hores, va celebrase una Xinta popular con Bollu preñáu, empanada, casadiella y arroz con lleche. De tarde, ente les cuatro y les seis, va haber un taller de manualidaes pa neños, a cargu de lAsociación Sociocultural Afayáivos. Yá a les seis, va celebrasel IX Concursu de Gaiteros y Gaiteres Mozos y a les 1930 hores, una amosanza dentibadores mineros, a cargu del Club Deportivu dEntibadores del Caudal. Les fiestes van pesllase a partir de les once la nueche con un conciertu nel que van actuar La Bandina y DJ J15. Programa completu de les fiestes 12 de xunu, 2008 0 FacebookTwitterPinterestEmail
Fiestes El Centru Asturianu de La Rioja cellebra’l día’l bollu en Logroño by asturnet 23 de mayu, 2008 El Centru Asturianu de La Rioja, en Logroño, va cellebrar el Día’l Bollu esti sábadu 24 de mayu nel parque Primero de Mayo de la la capital de la rexón. El repartu del bollu preñáu y de la sidra ente los socios del centru ya’l restu d’asistentes va entamar a les 20:00 hores. Amás, esti tradicional festeyu va cuntar cola participación musical de la Banda Gaites del Centru Asturianu. 23 de mayu, 2008 0 FacebookTwitterPinterestEmail
Fiestes Llangréu acueye’l 23, 24 y 25 de Mayu la II Muestra Cultural “Tolo d’Asturies” by asturnet 19 de mayu, 2008 Los próximos díes 23, 24 y 25 de mayu, la estación d’autobuses de Llangreu va acoyer la “II Muestra Cultural Tolo d ’Asturies”. Durante tola selmana van tener cabida nel recintu ferial músicos de diversos ámbitos de la escena asturiana, esposiciones d’instrumentos, vestimenta y artesanía tradicional, xuegos y deportes, puestos de venta de productos gastronómicos tradicionales y una feria del discu y del llibru n’asturianu. L’eventu ta organizáu pol Ayuntamientu de Llangreu. El 24 de mayu entama oficialmente la Muestra pero un día antes va cellebrase un conciertu (a les 22:00 hores) nel que van participar Nuberu, los vascos del Iñaki Dieguez Tríu y los gallegos Marfiul. Al día siguiente, 24 mayu, a les 12:00 hores tendrá llugar la inauguración oficial de la feria cola apertura de la I Feria del discu y el llibru n’asturianu, los puestos de venta, y les distintes esposiciones. Na inauguración van participar dellos grupos de baille tradicional y la Banda Gaites del Conceyu de Llangreu. Pa esti sábadu tamien tan previstes les actuaciones del grupu aragones Alfaye/Martín (13:30 hores), Xentiquina, embaxi dirección de Nacho Fonseca (18:00), y la bandina tradicional “A Seques”. A les 22:00 hores va tener llugar el platu central del día con un conciertu nel que van tar tocando Dixebra, Los Chiquitrinos ya’l grupu bretón Hammon Martín-Quintet. La xornada dominical entama a les 13:30 hores, col recital de tonada asturiana al cargu d’Avelino Fernández Corte, Fernando Valle Roso y Marisa Valle Roso pa siguir a les 18:00 col conciertu del llangreanu Hector Braga y rematar con un homenaxe un a la música d’acurdión, nel que van tomar parte dellos curdionistes vieyos y mozos cola embaxo la coordinación de Xose Antón Fernández “Ambás”. 19 de mayu, 2008 0 FacebookTwitterPinterestEmail
Fiestes Felpeyu y Skama la Rede toquen en Cue na folixa de San Fernando by asturnet 16 de mayu, 2008 Cue, nel conceyu de Llanes cellebra esti fin de selmana la folixa de San Fernando con un conciertu nel que van tocar Felpeyu, y Skama la Rede. El conciertu ta previstu pal sábadu 17 a les 23:00 hores pero la folixa entama dende les 12 la mañana col repartu’l bollu, xuegos pa neños y chigre con parrilla. 16 de mayu, 2008 0 FacebookTwitterPinterestEmail
Fiestes Uviéu cellebró esti fin de selmana la tradicional Feria de l’Ascensión by asturnet 3 de mayu, 2008 Uvieu cellebró esti sábadu la segunda de les tres xornaes que componen la popular Feria de l’Ascensión. El certame, qu’homenaxea al campu ovetense, tuvo llugar na plataforma superior de la estación de Renfe y nes places de Porlier y de la Catedral, que’acueyen el Mercáu Astur. Amás, el Teatru Filarmónica vivió’l vienres les actuaciones de Verdasc, Blima y Chiquitrinos y el sábadu la participación de Dulcamara, Tuenda y Corquieu. Nes carpes asitiaes na esplanada de la Renfe tuvieron llugar les tradicionales esposiciones de quesos y otros productos gastronómicos de la rexón asino como dellos puestos d’artesanía tradicional. Esti recintu ta abiertu al públicu durante tol fin de selmana, de 10:00 a 21:00 de la nueche. A les 11:30 d’esti sábadu va tener lllugar ellí mesmo una muestra de folclore nel que van participar gaiteros, cantantes de tonada y grupos de baille. El domingo a ser el runu pal día grande de la feria col repartu del bollu preñáu y la botella de vinu pa los abonaos a la Sociedá Ovetense de Festeyos. Amás durante sábadu y domingu los restaurantes del la ciudá van ufiertar el menú típicu de l’Ascensión consitente en menestra, carne gobernada y tarta de quesu con cerezes. 3 de mayu, 2008 0 FacebookTwitterPinterestEmail
Fiestes Felpeyu, Michael McGoldrick, La Bandina y Dervish van tocar na Folixa na primavera de Mieres by asturnet 17 d'abril, 2008 Mieres va acoyer un piñu de conciertos y actuaciones de folk durante la cellebración de la Folixa na Primavera dende’l prósimu vienres 18 d’abril. La Bandina, Michael McGoldrick Band, Felpeyu, Dervish van ser dalgunes de les atracciones pa esti añu. Amás, el programa de festeyos va tar completáu cola participación de la banda gaites Mieres del Camín, festival de tonada y baille. Tolos conciertos van entamar a les 13:00 hores y la entrada ye de baldre. 17 d'abril, 2008 0 FacebookTwitterPinterestEmail
Fiestes La Pola L.lena cellebra esti fin de selmana’l les fiestes tradicionales de La Flor by asturnet 28 de marzu, 2008 Les fiestes de La Flor, cola quinta edición del tradicional mercáu de La Flor en La Pola L.lena como actu central, ufren pa esti fin de selmana un programa festivu qu’incluí les actuaciones de Dixebra, Verdasca, Skanda, Falanoncaduca y La Col.la Propinde. El programa pal sábadu, que culmina a les 22:00 hores colos conciertos citaos dientro de la nueche Astur, tamien contempla la cellebración de xuegos tradicionales (17:00), l’actuación del grupu de bai.le tradicional l.lenizu (17:30), el mercáu de ganáu y el d’artesanía nel que van participar más de 150 artesanos(dende les 11:00). El domingu a les once la mañana va abrise otra vuelta’l mercáu d’artesanía, pa siguir a les cinco la tarde con xuegos tradicionales pa los guah.es y a les 18:00 coles actuaciones de La Bandina ´l Tombo y Tuenda. El grupu Spanta la Xente van ser los encargaos de pone-y el ramu a les fiestes nel apartáu musical con un conciertu previstu pa les 22:30 hores del domingu. El llunes, el prau de la ermita de La Flor en Piedracea, va ser l’escenariu de la popular romería. A les diez de la mañana va salir la jira denden la Pola, a mediudía va tener llugar la misa y darreu la procesión n’honor de la Virxen de La Flor. 28 de marzu, 2008 0 FacebookTwitterPinterestEmail
Fiestes Los maliayos celebren lAntroxu con talleres, concursos y desfiles by asturnet 4 de febreru, 2008 Un añu más, Villaviciosa celebra lAntroxu. Güei llunes y mañana, celébrase lAntroxu pa neños y neñes. Habrá talleres, disfraces, baille y chicolatada. De 5 a 7 la tarde va celebrase un taller de maquillaxe ya instrumentos nel Centru Cultural Capistrano. El martes va haber atracciones hinchables, baille de disfraces y gran chicolatada dende les 4 la tarde na Plaza Cubierta. Toles actividaes son de baldre y tán organizaes pol Ayuntamientu de Villaviciosa. Per otru llau, el gran desfiles ta programáu pal 16 de febreru, sábadu, a les nueve la nueche, col repartu de miles deuros en premios. 4 de febreru, 2008 0 FacebookTwitterPinterestEmail