Escéniques Descubre les imáxenes del espectáculu del Circu del Sol en Xixón by asturnet 26 de xunetu, 2007 Redacción. El Circu del Sol entamó ayeri en Xixón un mes d’actuaciones col so espectáculu ‘Allegría’. Les entraes tán a la venta por precios que van de los 25 a los 69 euros y pueden mercase na taquilla del circu o per telefonu nel 98 519 9605. Nel espectáculu participen más de cincuenta persones sobre l’escenariu, que vienen de distintos países del mundu: Francia, L’Arxentina, Mongolia o Bielorrusia. Pero lo más llamativo son les cantidaes que mueve esti espectáculu, que yá vieron más de nueve millones de persones en más de cincuenta ciudaes del mundu enteru. En total utilicen 300 pares de zapatos, 100 peluques, 22 mázcares y hasta 200 traxes. Calendariu d’espectáculu Martes 22.00 h. Miercoles 18.00 h.* 22.00 h. Xueves 18.00 h.* 22.00 h. Vienres 18.00 h.* 22.00 h. Sábadu 18.00 h. 22.00 h. Domingu 16.00 h. 20.00 h Imáxenes del espectáculu ‘Allegría’ 26 de xunetu, 2007 0 FacebookTwitterPinterestEmail
Escéniques Entama lAmuesa de Teatru y Monologuistes dAsturies dientro del XXVII Concursu de Canción Asturiana by asturnet 23 de xunetu, 2007 Redacción. El XXVII Concursu de Canción Asturiana inclúi esti añu un apartáu dedicáu a una amuesa de teatru y monologuistes qu’entamó ayeri y va celebrase los próximos díes 24, 27, 28 y 30 de xunetu y el 2, 3 y 4 d’agostu. Güei va actuar el monologuista Jose Manuel Reguero López ‘El maestru’. Esti vienres va ser Manuel del Solo Leonardo ‘Nel del Sol’ quien actue y el sábadu Luzdivino Díaz González ‘Pin de La Cotolla’. El llunes 30 de xunetu va actuar Fernando Fuertes Herrero y el xueves 2 d’agostu Luz Maria del Sol Díaz. El teatru va entamar el vienres 3 d’agostu cola Compañía Asturiana de Comedies, dirixida por Eladio Sánchez Sánchez. El sábadu 4 vuelven los monólogos de la mano d’Avelino Fernández Álvarez “Velino’l Rilu’ y l’Amuesa va terminar el domingu 12 d’agostu cola entrega de premios del XXVII Concursu de Canción Asturiana cola interpretación de ‘La Vagancia de Cibiella’, un fragmentu d’El gallu la Quintana, por Luz María del Sol y Fernando Ruíz. 23 de xunetu, 2007 0 FacebookTwitterPinterestEmail
Escéniques ¡A ver la ballena! presenta interesantes espectáculos pa la fin de selmana xixonesa by asturnet 18 de xunetu, 2007 Redacción. El programa d’ociu ¡A ver la ballena! entamáu pola Autoridá Portuaria de Xixón va ufiertar güei l’espectáculu ‘Aquí y allá tan bien’, de Circo Mejunje. L’espectáculu cuenta la hestoria de tres viaxeros con un destín deconocíu y va entamar a les 19:45 nos Xardinos de la Reina. Pero los actos van siguir hasta’l 18 d’agostu y esta fin de selmana hai muncho más. Mañana sábadu, na mesma hora y sitiu, Teatro Mutis va ufiertar ‘Crispín y el ogro’, una obra al travies de les marionetes xigantes y los actores. Una obra pa tolos públicos na llínia de los clásicos espectáculos de marionetes. El domingu Desastrosus Cirkus ufierta, nel espaciu d’¡A ver la ballena! l’espectáculu ‘Circando los mares’, un espectáculu ‘enllenu d’humor y circu, númberos de malabares, equilibriu y númberos aereos’. 18 de xunetu, 2007 0 FacebookTwitterPinterestEmail
Escéniques Yá queda menos pal desembarcu del Circu del Sol y el so espectáculu Allegría en Xixón by asturnet 8 de xunetu, 2007 Redacción. Yá queda menos pa qu’esta compañía, que tien más de 3.000 empleaos en tol mundu, ufierte al públicu xixones una actuación ensin idiomes y ensin animales, una nueva forma de facer circu, qu’El circu del Sol lleva realizando más de doce años con gran esitu. Nel espectáculu participen más de cincuenta persones sobre l’escenariu, que vienen de distintos países del mundu: Francia, L’Arxentina, Mongolia o Bielorrusia. Pero lo más llamativo son les cantidaes que mueve esti espectáculu, que yá vieron más de nueve millones de persones en más de cincuenta ciudaes del mundu enteru. En total utilicen 300 pares de zapatos, 100 peluques, 22 mázcares y hasta 200 traxes. Tou esti material moviliza 60 camiones con ochocientes tonelaes de material que necesiten hasta 140 persones pal tresporte y montaxe del show. Les actuaciones entamen el 26 de xunetu y van tar un mes en Xixón, hasta’l 26 d’agostu. 8 de xunetu, 2007 0 FacebookTwitterPinterestEmail
Escéniques El Circu del Sol va regresar a Xixón esti branu con espectáculu tituláu Allegría by asturnet 8 de mayu, 2007 Redacción. Esta compañía, que tien más de 3.000 empleaos en tol mundu, va ufiertar al públicu xixones una actuación ensin idiomes y ensin animales, una nueva forma de facer circu qu’El circu del Sol lleva realizando más de doce años con gran esitu. Nel espectáculu participen más de cincuenta persones sobre l’escenariu, que vienen de distintos países del mundu: Francia, L’Arxentina, Mongolia o Bielorrusia. Pero lo más llamativo son les cantidaes que mueve esti espectáculu, que yá vieron más de nueve millones de persones en más de cincuenta ciudaes del mundu enteru. En total utilicen 300 pares de zapatos, 100 peluques, 22 mázcares y hasta 200 traxes. Tou esti material moviliza 60 camiones con ochocientes tonelaes de material que necesiten hasta 140 persones pal tresporte y montaxe del show. Les actuaciones entamen el 26 de xunetu. 8 de mayu, 2007 0 FacebookTwitterPinterestEmail
Escéniques El segundu Festival del Títere y la Pallabra llega a La Pola Siero esta fin de selmana by asturnet 2 de mayu, 2007 Redacción. La Fundación Municipal del conceyu de Siero organiza esta fin de selmana ‘TítereSí’, el segundu festival del títere y la pallabra na Casa la Cultura y les cais de La Pola. El Festival combina les representaciones con conciertos y esposiciones. Ente los grupos que van participar tán ‘Teatro La Estrella’ de Valencia, ‘Rodorín’ y ‘El Retal’ de Madrid, ‘Teatro Arbole’ de Zaragoza, ‘Calamar Teatro’ de Valladolid y ‘Valeria Guglietti’ de Barcelona. El domingu va entregase’l I Premiu ‘Fantoche’ de fantoches nos escaparates. Los actos complementense cola esposición ’30 años caminando’. Programa completu de ‘Títere Sí’ 2 de mayu, 2007 0 FacebookTwitterPinterestEmail
Escéniques Teatro Margen opta al Premiu Max al Meyor Espectáculu Revelación esta nueche by asturnet 15 d'abril, 2007 Redacción Esta nueche van entregase los premios Max de teatru nel Palaciu Euskalduna de Bilbao cola nominación de Teatro Margen como la única representación pal teatru asturianu. Los premios estatales del teatru lleguen esti añu a la so decima edición con 23 categoríes a concursu, amás d’otres cuatro premios otorgaos pola organización y el tradicional premiu de la crítica. Esti añu la representación asturiana ente les nominaciones vien pola obra ‘El viaje a ninguna parte’, basada na novela de Fernando Fernán-Gómez y dirixida por Arturo Castro. El grupu Teatro Margen ñació n’Asturies nos años setenta y dende entós vien representando bien d’obres, como Otelo, Hamlet, La Celestina o ‘Xulia’ l’adautación al asturianu de ‘La señorita Julia’ d’August Strindberg. Los Premios Max tán organizaos pola Sociedá Xeneral d’Autores y concede cada añu un premiu d’honor, qu’esti añu recayó na figura del dramaturgu Fernando Arrabal. 15 d'abril, 2007 0 FacebookTwitterPinterestEmail
Escéniques El Filarmónica va meyorar la so acústica by asturnet 6 de marzu, 2007 L’Ayuntamientu d’Uviéu encarga-y al arquitectu Florencio Uribe’l proyectu pa instalar una concha que meyore la calidá acústica del teatru uvieín. L’apaición de problemes na estructura del Filarmónica fizo que la partida empobinada a la igua de los sótanos del teatru se destine a la mayora de l’acústica. Nesta adecuación del teatru se van iguar les deficiencies técniques atopaes na estructura del edificiu. Los estudios técnicos atoparon problemes na concha acústica del escenariu polo que se fai necesaria la so sustitución. 6 de marzu, 2007 0 FacebookTwitterPinterestEmail
Escéniques Primera Amuesa de Teatru amateur by asturnet 28 de febreru, 2007 La primer amuesa del teatru amateur asturianu, organizada pola Conseyería de Cultura, va cuntar cola collaboración de 15 compañíes que van representar 60 obres nos 11 conceyos que va recorrer esta amuesa. Dalgunos de los conceyos que va recorrer esta amuesa son Ayer, Carreño, Colunga, Mieres, Pravia, Xixón o Valdés. Ente les compañíes destaca la presencia de Teatro Kumen, Trasluz, La Peseta Pravia, Colunga, Mieres, Candas, Aller, Valdés, Turón, Gijón y San Martín del Rey Aurelio son algunos de los escenarios que verán pasar las representaciones de Teatro Kumen, Teatro Trasluz, Teatro La Peseta, Teatro La Capacha, Teatro Contraste o Teatro La Salle. 28 de febreru, 2007 0 FacebookTwitterPinterestEmail
Escéniques La Feria FETEN trae a Xixón a 49 compañíes de tou’l mundu by asturnet 15 de febreru, 2007 La XVI Feria Europea de Teatru pa Neños y Neñes va cellebrase en Xixón ente los díes 25 de febreru y el 2 de marzu. Durante estos díes les 49 compañíes participantes ufrirán más de 70 espectáculos a los llargo de la XVI edición de la Feria de teatru pa neños y neñes. La edición d’esti añu dedicaráse a los cuentos infantiles con obres como “El traxe nuevu del emperador” o “La Cenicienta”. Les compañíes teatrales provenientes d’España, Bélxica, Francia, Portugal, Italia, Inglaterra, Canadá y Uruguai, ufrirán les sos representaciones asina como espectáculos nes cais de Xixón. Pa esta fin Xixón tendrá 16 escenarios diferentes: cinco sés oficiales y el restu repartíu pente la rede de teatros del conceyu y les cais y places de la ciudá. Pa esta edición de la Feria Feten presentáronse más de 300 compañíes de les que sólo se seleccionaron 49. Les compañíes seleccionaes van optar a los siete premios previstos que son: meyor espectáculu, meyor dirección, meyor interpretación masculina, meyor interpretación femenina, meyor testu, meyor escenografía y meyor vestuariu y caracterización. Les previsiones de públicu pa esta XVI edición de FETEN son de 17.000 espectadores, a los qu’hai qu’amestar a los cerca de 500 críticos y periodistes especializaos que tán acerditaos pa cubrir esti eventu que durante una selmana convierte a Xixón na capital europea del teatru infantil. 15 de febreru, 2007 0 FacebookTwitterPinterestEmail