Escéniques Fernando Hurtado presenta dos obres de danza en Xixón by asturnet 25 d'ochobre, 2007 El bailarín y coreógrafu malagueño Fernando Hurtado visita esta nueche Xixón pa presentar en directu dos espectáculos de danza. La cita cola danza entama les 20:00 hores nel Centru Cultural Cajastur Colexata San Xuan Bautista cola puesta n’escena de les obres “Checkpoint” y “In Sistere”. La entrada ye de baldre hasta completar l’aforu. Fernando Hurtado ye un bailarín y coreógrafu malagueñu de dilatada carrera con cerca de venti años d’esperiencia nes tables. Varios premios figuren nel so curriculum ente ellos el tercer y primer premiu del Certamen Coreográficu de Madrid, poles obres “Deseu atrevido” (2000) y “Quisiera borrarte de un suspiro” (2001), respectivamente, y el primer premiu del II Certamen Coreográficu d’Andalucía, pola obra “Respira profundamente”. 25 d'ochobre, 2007 0 FacebookTwitterPinterestEmail
Escéniques La Machina Teatro representa la obra “Tu ternura molotov” en Mieres by asturnet 25 d'ochobre, 2007 “Tu ternura molotov”, orixinal de Gustavo Ott, toca temes como la identidá o el terrorismu con ironía y misteriu. El director Etelvino Vázquez ataca nesti trabayu la superficialidá de cierta clase media con aspiraciones y los prexuicios sociales d’esta al travies d’una pareya qu’entama a tener rellaciones sexuales buscando un herederu. La cita ye esti vienres a partir de les 20:00 hores nel Centru Cultural Cajastur de Mieres (Jerónimo Ibrán 10) con entrada de baldre hasta completar l’aforu. 25 d'ochobre, 2007 0 FacebookTwitterPinterestEmail
Escéniques Teatru Pausa lleva al Filarmónica “Solos de trompeta y saxo” de Villanueva by asturnet 25 d'ochobre, 2007 El grupu de teatru Pausa de Lieres embaxo la dirección del dramaturgu asturianu Javier Villanueva presenta la obra “Solos de trompeta y saxo” esti sábadu a partir de les 20:15 hores nel Teatru Filarmónica d’Uvileu. La obra, orixinal de Villanieva, cunta cola interprestación de Yasmina Álvarez, Pía Alfaro, Carmen Turiel, Pablo Díaz, Diego Fernández y David Villa. Javier Villanueva ye’l director de la compañia Pausa dende 1988 y con ell algamó dellos reconocimientos a la so llabor nel teatru como’l premiu Xovellanos de TVE a la obra “La princesa de las noches blancas” o el premiu Buero Vallejo de teatru con “Yo no quiero ser Macbeth”. 25 d'ochobre, 2007 0 FacebookTwitterPinterestEmail
Escéniques Barataria Teatru representa “Travesía sobre nieve de Bagdad” en Xixón by asturnet 24 d'ochobre, 2007 A partir de les 20:00 hores Barataria Teatro lleva al escenariu del Ateneu de La Calzada de Xixón la obra teatral “Travesía sobre nieve de Bagdad”, del autor asturianu Roberto Corte. Embaxo dirección de Corte y col trabayu interpretativu de Silvino Torre, Eva Vallines, Jorge Moreno ya Iván Suárez “Travesía sobre nieve de Bagdad” pon n’escena una conversación ente amigos alredor de la guerra d’Iraq y les sos rellaciones personales. Roberto Corte dirixe Barataria Teatru dende 1996 y ta vinculáu al teatru asturianu dende 1981 cuando funda’l grupu “Oris”. Tamien ye responsable de la edición de testos dramáticos de autores asturianos al travies de la editorial “Deus ex Machina” 24 d'ochobre, 2007 0 FacebookTwitterPinterestEmail
Escéniques Teatro del Norte adapta a Valle Inclán esta nueche en Xixón by asturnet 22 d'ochobre, 2007 Teatro del Norte va poner n’escena la obra “¿Para cuándo son las reclamaciones diplomáticas?” de Ramón Valle Inclán esti martes 23 a partir de les 20:30 hores nel Teatru Xovellanos de Xixón. Embaxo la dirección d’Etelvino Vázquez la obra cunta cola intrepretación de los actores Cristina Martínez Puertas, David Acera y el propiu Etelvino Vázquez. Con esta obra Etelvino Vázquez quier mostrar al públicu asturianu al Valle Inclán menos conocíu, menos tópicu y menos gallegu. En pallabres del autor un Valle urbanu y madrileñu pero cola ironía y causticidá que siempre lu caracterizó. En “¿Para cuando son las reclamaciones diplomáticas?” Valle critica la sociedá española de comienzos del sieglu XX 22 d'ochobre, 2007 0 FacebookTwitterPinterestEmail
Escéniques “Terror y miseria en el primer franquismo” preséntase nel Teatru Nuevu de La Felguera by asturnet 20 d'ochobre, 2007 Embaxo la representación de la compañía madrileña Teatra Teatrae llega al Teatru Nuevu de La Felguera la obra “Terror y miseria en el primer franquismo”. La representación pertenez al certame nacional Art Nalón Escena 2007 empobináu a promover compañíes de teatru de calter non profesional y formaes por xente mozo. La obra va entamar a les 20:00 hores. “Terror y miseria en el primer franquismo” ya una obra escrita el 1979 por Jose Sanchís Sinisterra y terslládanos a la vida cotidiana na posguerra española al travies d’ocho histories. 20 d'ochobre, 2007 0 FacebookTwitterPinterestEmail
Escéniques Javier Villanueva estrena “Solos de trompeta y saxo” n’Avilés by asturnet 20 d'ochobre, 2007 El grupu de teatru Pausa de Lieres embaxo la dirección del dramaturgu asturianu Javier Villanueva va estrenar la obra “Solos de trompeta y saxo” esta nueche a partir de les 20:15 hores nel Teatru Palacio Valdes d’Aviles. La obra, orixinal de Villanieva, cunta cola interprestación de Yasmina Álvarez, Pía Alfaro, Carmen Turiel, Pablo Díaz, Diego Fernández y David Villa. Javier Villanueva ye’l director de la compañia Pausa dende 1988 y con ell algamó dellos reconocimientos a la so llabor nel teatru como’l premiu Xovellanos de TVE a la obra “La princesa de las noches blancas” o el premiu Buero Vallejo de teatru con “Yo no quiero ser Macbeth”. 20 d'ochobre, 2007 0 FacebookTwitterPinterestEmail
Escéniques Factoría Norte representa la obra “Más vale trocar” nel Teatru Filarmónica by asturnet 19 d'ochobre, 2007 La obra infantil “Más vale trocar” de l’autora Marga Llano va representase nel Teatru Filarmónica d’Uvieu a partir de les 20:00 hores. La compañia Factoría Nornet son los encargaos de poner n’escena esti espectáculu de títeres basáu na vida del dramaturgu Juan de la Encina. Esta obra ta enmarcada dientro del programa d’actuaciones “Asturies a escena” entamáu pol Ayuntamientu d’Uvieu en collaboración col Circuitu Asturianu de Teatru que promueve la Conseyería de Cultura del Principáu. 19 d'ochobre, 2007 0 FacebookTwitterPinterestEmail
Escéniques La baillarina Marie Chouinard actua cola so compañía nel Teatru Xovellanos by asturnet 19 d'ochobre, 2007 “Body remix / Goldberg variations” ye l’espectáculu de danza que va ufrir la compañía de la baillarina canadianse Marie Chouinard nel Teatru Xovellanos de Xixón dientro de les xeres promaes pal ciclu Danza Xixón 2007. La representación va entamar a les 20:30 hores. La obra cunta cola coreografía y dirección artística de la propia Marie Chouinard y música de Bach coles variaciones Goldberg y de Louis Dufort. 19 d'ochobre, 2007 0 FacebookTwitterPinterestEmail
Escéniques “Unidad móvil en disolución” de Llorenç Barber inauguró’l Teatru de la Llaboral by asturnet 19 d'ochobre, 2007 El músicu valencianu Llorenç Barber foi l’encargáu de dirixir el conciertu d’inauguración col que na nueche del vienres a partir del les 20:30 hores echó a andar oficialmente’l Teatru de La Llaboral. Nel espectaculu que lleva por nome “Unidad móvil en disolución” participaron más de 300 músicos ente los qu’están delles formaciones asturianes como’l grupu Trompetomaniac del Conservatoriu de Xixón, les bandes de gaites Villa de Xixón y La Reina del Truebano o les bandes de música de Llaviana, Xixón y Noreña ente otros. El nuevu Teatru de La Llaboral ye, tres la remodelación, el primer equipamientu teatral asturianu por capacidá y por equipamientu tecnicu. Con una inversión de más de 16 millones d’euros el teatru cunta con un aforu cercanu a les casi 2.000 localidades, una caxa escenica de 400 metros y un foru pa los músicos con capacidá pa 200 persones. A la inauguración asistíen el Ministru de Cultura, Cesar Antonio Molina, el Presidente del Principáu d’Asturies, Vicente Álvarez Areces y la Conseyera de Cultura, Encarnación Rodríguez, ente otres personalidaes. 19 d'ochobre, 2007 0 FacebookTwitterPinterestEmail