Escéniques Los catalanes de “La pera limonera” reinventen a los Hns Grimm nuna obra pa teatral pa neños by asturnet 5 de payares, 2007 La compañía teatral catalana “La lera limonera” va representar la obra “Grim, Grim o Lobo Nieves y los Siete Cerditos” nel centru cultural Cajastur de Mieres (Jerónimo Ibrán 10) a les 10 y a les 12:00 hores. Nesti trabayu empobináu al públicu infantil la compañia escenifica’l cuentu de los Hnos Grimm”Los tres cerditos” a partir de la historia clásica de Blanca Nieves. 60 minutos de comedia y xuegos de pallabres disparataos son les bazes d’esta representación pa los más neños. 5 de payares, 2007 0 FacebookTwitterPinterestEmail
Escéniques “Puntu y coma” de Dolfo Camilo Díaz llega al Teatru Filarmónica by asturnet 2 de payares, 2007 El Teatro Filarmónica d’Uvieu acueye esti viernes 2 de payares (20:15 hores) la representación de la obra de Dolfo Camilo Díaz: “Puntu y coma”, un monólogu dramáticu que van poner n’escena la compañía Higienico Papel cola interpretación nel rol protagonista del actor Silvino Torre. Esta representación pertenex al ciclu teatral “Asturies a escena” La obra de Dolfo Camilo Díaz cunta la vida de Cipriano, un probe home ensín perres y la so rellación col padre cuando Cipriano llega al so pueblu d’infancia pa intentar apañar la herencia de la familia. “Puntu y coma” ye una crítica de la sociedá d’anguaño en clave de comedia negra. 2 de payares, 2007 0 FacebookTwitterPinterestEmail
Escéniques Konjuro Teatro representen el sábadu Alizia 21 al Xovellanos by asturnet 2 de payares, 2007 La compañia Konjuro Teatro dirixida por Jorge Moreno y colos actores Sonia Vázquez, Ana Blanco, Cristina Cillero, Luchy Colunga y David Acera, presenten esti sábadu en Xixón la obra Alizia 21. La función escomienza a les 20: 30 horas con entraes disponibles al públicu nes taquielles del teatru al preciu únicu de 9 euros. Alizia 21 ye la historia de la pequeña Alizia nuna obra que revive’l clásicu de Lewis Carroll al traviñes d’una puesta en escena contemporánea. Algamo´l premiu II Premiu Teatru Xovellanos a la Producción Escenica. 2 de payares, 2007 0 FacebookTwitterPinterestEmail
Escéniques Momix lleven “Sunflower Moon” al Festival Danza Xixón 07 by asturnet 31 d'ochobre, 2007 Güei miercoles 31 de payares, dientro del Festival Danza Xixón d’esti añu la compañía Momix traen a los escenarios xixoneses el montaxe “Sunflower Moon”. La cita ye nel Teatru Xovellanos a les 20:30 hores. Embaxo la dirección de Moses Pendleton, que ye tamien l’escritor de la obra “Sunflower Moon” amosa música de Buddha Experience, Brian Eno, Waveform y Hans Zimmer nun espectavulu de baille de dos hores de duración con dos partes dixebraes: “Sea of Tranquility”, y “Bay of Seething”. 31 d'ochobre, 2007 0 FacebookTwitterPinterestEmail
Escéniques Carlos Alba ‘Cellero’ llega güei a Avilés como ‘El Pola’ by asturnet 31 d'ochobre, 2007 Güei miércoles, a les once la nueche, nel chigre Padul, asitiáu na cai Los Alas dAvilés, paralela a La Ferrería, lactor Carlos Alba, conocíu pol so personaxe Cellero, va representar al so otru personaxe, “El Pola”, un kinki que cuenta hestories de los sos collacios con humor , según cuenta lautor. Carlos Alba ye actor y tien collaborao nos certámenes de monólogu modernu de H.a Xareos, amás ye autor de los sos propios testos, quespublizó nun volume con Trabe, dientro de la colección Maestros del Humor. Amás, suel dar cursos de monólogu y participa dacuando echando monólogos nel programa Al Aldu: La risión, na TPA. 31 d'ochobre, 2007 0 FacebookTwitterPinterestEmail
Escéniques “En la calle” de Beluga Teatru llega al Centru Cajastur d’Uviéu by asturnet 26 d'ochobre, 2007 “En la calle”, de Jose Ramón Fernández y Ernesto Arias, embaxo la interpretación del grupu teatral madrileñu Beluga llega esta nueche a les 20:00 hores, al Centro Cultural Cajastur d’Uvieu (San Francisco 4) dientro del programa “Alcuentros n’Asturies” de Cajastur. Embaxo la dirección d’Ernesto Arias, natural de Llugones, “En la calle ye la historia en tonu de comedia de cuatro persones que viven na cai y que por mor d’un cambiu nes sos vides entamen a representar una obre de teatru: “Los fidalgos de Verona” de Shakespeare. 26 d'ochobre, 2007 0 FacebookTwitterPinterestEmail
Escéniques El Teatru Nuevu de La Felguera acueye la obra obra “Cómo vas a morir si no tienes madre” by asturnet 26 d'ochobre, 2007 Dientro de la edición 2007 del festival Art Nalón Escena llega’l turnu pal teatru de la compañía Aboca Volta cola obra “Cómo vas a morir si no tienes madre”, que van representar nel Teatru Nuevu de La Felguera esti domingu a partir de les 20:00 hores. “Cómo vas a morir si no tienes madre” ye la historia del viaxe d’una neña dende la so casa hasta la gran ciudá. La Compañía Abocca Teatro vien trabayando dende 2004 cola obra “Los bajos fondos”, más tarde esperimentaron cola danza nes obres “Macbeth”, “Blanco”, “Los negros”, y “Dame veneno, que quiero morir”. 26 d'ochobre, 2007 0 FacebookTwitterPinterestEmail
Escéniques Teatru Kumen estrena Actu Imprevistu nel Teatru Palacio Valdés by asturnet 25 d'ochobre, 2007 Teatru Kumen lleva a escena la obra Actu Imprevistu adaptación pal asturianu del orixinal Acto Imprevisto del autor malagueñu Miguel Gallego, cola que la compañía Estable Teatro tien feches más de mil representaciones. La traducción ye dEloy Antuña y va estrenase esti vienres 26 dochobre nel Teatru Palaciu Valdés dAvilés. Actu Imprevistu valse de la naturalidá, inocencia y sinceridá de dos llimpiadores pa llanzar una denuncia social acerca de la realidá cotidiana de munches muyeres a les que circunstancies vitales, problemátiques y conflictos les lleven a pervivir en condiciones sociales penoses. Les dos muyeres ponen sobre lescenariu les sos frustraciones personales dende lhumor, realizando ensin querer una representación teatral y poniendo sobre les tables les aspiraciones de los trabayadores y de les muyeres en xeneral. Dos seres traxicómicos que, por un casual, permítensel lluxu de soñar nun actu pasaxeru ya imprevistu. Esti montaxe pretende averanos a la realidá cotidiana, comprometenos con esa realidá social que nos arrodia por… humor al arte. Nel escenariu van xuntase dos realidaes mui estremaes: dun llau la frenética actividá que precede a una representación teatral: montaxe de les lluces, el soníu, los decoraos…, too ello tiñío dun llinguaxe y rituales propios, que de sópitu sinterrumpe énte lapaición de les trabayadores de la llimpieza, ayenas a too ello, y sorprendíes ante cada nuevu descubrimientu. Será, la intervención dun tercer personaxe, lo que posibilitará que la maxal teatru raspie, per un instante, la triste vida de les dos muyeres. Tamos énte una comedia con posu amargu, que llogra trescender los tópicos gracies a un argumentu bien preparáu, que nos avera a una realidá cercana con un llinguaxe atrayente nel que reinen lhumor y la tenrura. 25 d'ochobre, 2007 0 FacebookTwitterPinterestEmail
Escéniques Llugones acueye la obra teatral “En la calle” a cargu de Beluga Teatru by asturnet 25 d'ochobre, 2007 “En la calle”, de Jose Ramón Fernández y Ernesto Arias, embaxo la interpretación del grupu teatral madrileñu Beluga llega esta nueche a la Casa la Cultura de Llugones a partir de les 20:00 hores. El sábadu 27, tamien a les 20:00 hores, la obra va viaxar al Centro Cultural Cajastur d’Uvieu (San Francisco 4) pa integrar el programa “Alcuentros n’Asturies” de Cajastur. Embaxo la dirección d’Ernesto Arias, natural de Llugones, “En la calle ye la historia en tonu de comedia de cuatro persones que viven na cai y que por mor d’un cambiu nes sos vides entamen a representar una obre de teatru: “Los fidalgos de Verona” de Shakespeare. 25 d'ochobre, 2007 0 FacebookTwitterPinterestEmail
Escéniques La compañia d’Estrella Gracia lleva “Tangos, historias de ayer y hoy” a Trubia by asturnet 25 d'ochobre, 2007 Esti vienres a partir de les 20:00 hores la compañía asturiana Zig Zag Danza lleva’l Teatru Casinu de Trubia la obra “Tangos, historias de ayer y hoy”. Estrella Gracía ye la encargada de dirixir esti espectáculu que fai una aprosimación a la historia al travies del tangu. La idega orixinal, la dirección y la coreografía del espectáculu ye responsabilidad d’Estrella García que’algamó con esta obra reconocimientos como’l premiu Asturies de les artes esceniques a la meyor autoría/coreografía y al meyor diseñu d’iluminación na edición de 2004. 25 d'ochobre, 2007 0 FacebookTwitterPinterestEmail