Escéniques Javier Vilanueva y “Pausa” representen “La princesa de les nueches blanques” n’Uviéu by asturnet 16 de payares, 2007 El dramaturgu asturianu Javier Villanueva lleva la obra “La princesa de las noches blanques” al Centru Cultural Cajastur d’Uvieu esti sábadu a partir de les 20:00 hores. Teatro Pausa, compañía del autor de Lieres, son d’esta manera el prósimu eventu que pisa l’escenariu del centru Cajastur d’Uvieu dientro del ciclu “Alcuentros n’Asturies”. Teatru Pausa ye una compañía teatra fundada pol propiu Villanueva que vien trabayando na escena asturiana dende 1995 y que cunta cola participación de los actores Pablo Díaz, Yasmina Álvarez y Carmen Turiel. Debutaren nel circuitu profesional en 2005 col montaxe d’esta mesma obra nel Teatru Campoamor d’Uvieu. 16 de payares, 2007 0 FacebookTwitterPinterestEmail
Escéniques Trama Teatru proponen una nueche de comedia clásica nel centru Cajastur de Mieres by asturnet 15 de payares, 2007 Los xixoneses de Trama Teatru desembarquen güei en Mieres pa poner sobre les tables la comedia “El servidor de dos patrones”, un clásicu del sieglu XVIII del dramaturgu venecianu Carlo Goldoni. La cita col meyor teatru va entamar a les 20:00 hores nel Centru Cultural Cajastur de la llocalidá mierense. Carlo Goldoni, un de los padres de la comedia italiana, narra nesta ocasión la vida d’arlequín: un criáu ensín recursos para sobrevivirque trabaya al mesmu tiempu pa dos patrones. Los problemes entamen cuando les demandes de los dos amos escomienzan a enllenar la so vida de complicaciones, enriedos y enquívocos. 15 de payares, 2007 0 FacebookTwitterPinterestEmail
Escéniques Sindrome Clown revisiten a Chejov en clave de comedia by asturnet 14 de payares, 2007 “Alcuentros n’Asturies”, el ciclu teatral que organiza la obra social y cultural de Cajastur, cunta nel so programa cola obra “Estocolmo (acabó el cuento)” que representarán la compañía Síndrome Clown en dos sesiones qu’entamen esti miercoles 14 de payares a les 20:00 hores nel Teatru Nuevu de La Felguera. Al día siguiente la obra va viaxar al Centru Cultural Cajastur de Mieres tamien a les 20:00 hores. Los sevillanos Sindrome Clown faen con esti montaxe en clave de comedia naif una reinvención de los cuentos d’Antón Chejov al travies de dos payasos en permanente contactu col públicu. 14 de payares, 2007 0 FacebookTwitterPinterestEmail
Escéniques “Aventis” una historia sobre l’ultimu día na guerra civil llega a Avilés by asturnet 10 de payares, 2007 Alredor del 31 de marzu de 1939, día nel que finó la guerra civil española los actores Marcos Castro y Ana Ortega embaxo la dirección de Juanjo Cuesta Dueñas representen “Aventis” esti sábadu nel Teatru Nuevu de la Felguera a partir de les 20:15 hores. “Aventis” ye la historia de Celsa, que vive nuna ilesia devastada polos bombardeos y d’un home n’estáu terminal al qu’agospia xustu cuando ta a puntu d’entamar una vida nueva tres la guerra. 10 de payares, 2007 0 FacebookTwitterPinterestEmail
Escéniques “Espía a una mujer que se mata”, obra arxentina basada en Chejov llega esti sábadu a Avilés by asturnet 10 de payares, 2007 L’arxentinu Daniel Veronese readapta la obra “El tíu Vania” de Chejov na más actual “Espía a una mujer que se mata” que llega esti sábadu al Teatru Palacio Valdes d’Aviles a partir de les 20:15 hores. Ye la primera vuela na que se representa esta obra n’Asturies y llega de la mano del ciclu teatral de seronda d’Aviles. Ye la historia d’una serie personaxes que viven xuntos, una moza soñadora, un home mayor apasianáu del teatru, un medicu, un ama de cría, una moza despreciada pol restu de compañeros, un home revoltosu que vide d’espeyismos 10 de payares, 2007 0 FacebookTwitterPinterestEmail
Escéniques Cristina Castrillo representa’l montaxe teatral “Umbral” en Xixón by asturnet 9 de payares, 2007 La compañía suiza Teatro delle Radici de Lugano aterrizen n’Asturies col espectáculu “Umbral”, escritu e interpretáu por Cristina Castrillo. Con tres feches en cartel la primera cita fuí esti xueves nel Centru Cultural Cajastur de Mieres (Jerónimo Ibrán 10). La obra va representase tamién esti vienres na Colexata San Xuan Bautista de Xixón y el sábadu nel Centru Cultural Cajastur d’Uvieu. La hora d’entamu ye lamesma nes tres funciones. les 20:00 hores y le entrada ye llibre y de baldre nos tres centros. “Umbral” forma parte del proyectu “Notas de viaje” y ye la narración física, verbal y emotiva de los pasos que, en tantos años d’investigación, determinaren una manera de concebir la creación teatral y l’oficiu del actor. 9 de payares, 2007 0 FacebookTwitterPinterestEmail
Escéniques Carmen Cortés bailla a Federico García Lorca nel Teatru Palaciu Valdés by asturnet 9 de payares, 2007 L’escenariu delTeatru Palacio Valdes d’Aviles va agospiar esti vienres 9 de payares a partir de les 20.15 a la baillarina Carmen Cortes que representará’l so últimu montaxe “Mujeres de Lorca”, inspiráu na obra del poeta andaluz. La propia artista ya’l cuerpu de baille van interpretar coreografies flamenques basaes nes obres “La Casa de Bernarda Alba”, “Yerma”, “La zapatera prodigiosa”, “Doña Rosita la Soltera”, “Mariana Pineda” y “Bodas de Sangre”. Nun ye la primer vegada que Carmen Cortes fai un averamientu al arte del granadín ya que cunta na so carrera con dos obres empobinaes a retratar mediente el baille los testos de Lorca: “Yerma” y “A Federico”. Nesta ocasión Carmen Cortes cunta col trabayu de Tomás Afán na dramaturxia, Tomás Afán na escenografía y Faustino Núñez na dirección musical. El cuerpu de baille ta compuestu por Trinidad Artíguez, Esther Esteban, Natalia Ferrandis, Elena Cabezas y Silvia Rincón. 9 de payares, 2007 0 FacebookTwitterPinterestEmail
Escéniques Jauja Teatro representen “Sexo, drogas y rock & roll” na Sala Loreto de Colunga by asturnet 9 de payares, 2007 La compañía teatral del directo Andres Presumido va poner n’escena nes tables de la Sala Loreto de Colunga la obra “Sexo, drogas y rock & roll” esti vienres a partir de les 19:00 hores. Esta representación ta enmarcada dientro d’una campaña del ayuntamientu colungues p’averar el teatru a los escolinos del conceyu. Embaxo la dirección de cola interpreteación de los actores Búster del Campo y Aique y les actrices María Piquero, Marta Rosado y Sandra Allende, “Sexo, drogas y rock & roll” ye una historia xuvenil que xira alredor de les entrugues que se faen los protagonistes nel tema del sexu y les rellaciones personales. 9 de payares, 2007 0 FacebookTwitterPinterestEmail
Escéniques Barataria Teatru actuen n’Avilés cola obra “Hasta que la boda nos separe” by asturnet 8 de payares, 2007 La compañía asturiana Barataria Teatro lleva la obra “Hasta que la boda nos separe” de Ramón Lumbreras Blanco al Aditoriu del Centru Cívicu Los Canapes d’Aviles esti prósimu xueves 8 de payares. Embaxo dirección de Roberto Corte, fundador del grupo, la compañía entreguina va poner n’escena esta obra inspirada en Ramón Gómez de la Serna ganadora del premiu Alejandro Casona nel añu 2001 al meyor testu teatral. 8 de payares, 2007 0 FacebookTwitterPinterestEmail
Escéniques “En casa, en Kabul” lleva la realidá d’Afganistan al Teatru Palacio Valdés dAvilés by asturnet 6 de payares, 2007 “En casa, en Kabul”, embaxo la dirección de Mario Gas, va llevar, esti martes a partir de les 20:15 hores, al Teatru Palacio Valdes d’Aviles la realidá d’anguaño n’Afganistán y la rellación d’esti pais coles costumbres occidentales. Les entraes tan disponibles al preciu de 12 euros. La producción cuerre a cargu de Teatro Español y cunta la historia de la desapaición d’una londinense en Afganistan y de como’l so maríu y la fía viaxen hasta Kabul p’atopala con vida. Namás llegar a Kabul los protagonistes descubren un país más occidentalizáu de lo que’esperaben y bien lloñe de la imaxen de país en guerra que se tien habitualmente d’Afganistan. 6 de payares, 2007 0 FacebookTwitterPinterestEmail