Escéniques Etelvino Vázquez y Teatru del Norte revisiten la figura de Lope de Rueda by asturnet 18 d'abril, 2008 La compañía Teatru del Norte recupera la figura de Lope De Rueda cola obra “Historias de Martín de Villalba” y los aficionaos al teatru qu’asina lo deseen van poder disfrutar de la representación que la compañía asturiana va facer de la mesma esti prósimu vienres 18 d’abril a les 20:00 hores nel Teatru Carmen de Morea, n’Ayer. Etelvino Vázquez trabaya sobre les siguientes pieces de Lope: “Las aceitunas”, “Cornudo y contento”, “La tierra de Jauja” y “La carátula”. 18 d'abril, 2008 0 FacebookTwitterPinterestEmail
Escéniques L.lena va entamar esti fin de selmana cola Segunda Amuesa de Teatru na Primavera by asturnet 10 d'abril, 2008 El conceyu de L.lena va celebrar esti mes dabrila la so Segunda Amuesa de Teatru na Primavera. Una actividá cola que la estaya de cultura del conceyu quier averar el teatru costumista a los vecinos de L.lena. Los vienres son los díes escoyíos pa les representaciones y asina, los díes 11, 18 y 25 desti mes, a les ocho la tarde y nel teatru Vital Aza va poder vese a grupos non profesionales comol Grupu de Teatru de Carbayín, que va representar “La maldición de la pita roxa”; Teatru Kumen con “Laldea perdida”; y el Grupu de Romandela cola obra “Siempre contigo, Mariyina”, “Un día de mercáu” y “La caja de supositorios”. 10 d'abril, 2008 0 FacebookTwitterPinterestEmail
Escéniques Marisa Paredes vuelve al teatru, tres catorce años, nel Palacio Valdés d’Avilés by asturnet 8 d'abril, 2008 El director Jose Carlos Plaza va dirixir “Sonata de Otoño”, adautación teatral de la obra homónima del cineasta Ingmar Bergman, esti martes 8 d’abril nel Teatru Palacio Valdes d’Aviles. La representación va entamar a les 20:15 hores. “Sonata de Otoño” cunta, al travies del trabayu de los actores Marisa Paredes, Nuria Gallardo, Chema Muñoz, Pilar Gil, la hestoria d’un drama familiar, del desalcentru ente una madre entregada a la so carrera y la so fía. La obra va suponer la vuelta a les tables de la actriz Marisa Paredes, tres catorce años ensín trabayar nel teatru 8 d'abril, 2008 0 FacebookTwitterPinterestEmail
Escéniques Higiénico Papel ufren teatru pa neños en Xixón y n’Uviéu by asturnet 4 d'abril, 2008 “1001. Una odisea en el desierto”, ye la propuesta teatral pa esti vienres y sábadu, pa los neños d’Uvieu, nel Centru Cultural Cajastur (San Francisco 4) y Xixón na Colexata San Xuan Bautista. La primer cita ye na capital a les 19:00 hores y la segunda en Xixón a les 17:00 y 19:00 hores. La compañía encargada d’ufrir esti menu ye una de les más actives de la escena rexonal, Higienico Papel. 4 d'abril, 2008 0 FacebookTwitterPinterestEmail
Escéniques El grupu de poetes “Encadenados” recita nes cais de Xixón by asturnet 4 d'abril, 2008 “Leer el paisaje”, programa que propón llectures poetiques nes cais de Xixón, cellebra esti domingu 6 d’abril una nueva sesión nel Xardín Botánicu Atlánticu a les 12:30 hores. Los encargaos d’organizar y recitar son los poetes del grupu Encadenados, al que perteneces Loli Castro, Armando Vega, Asun Mosanlve, Maypi Solís, Víctor Álvarez, Pipo Torres, Jose Ramón López Goyos, Carmen Sánchez y Alberto Leira. 4 d'abril, 2008 0 FacebookTwitterPinterestEmail
Escéniques Teatru Kumen actua na Casa Cultura de La Pola Siero esta tarde by asturnet 3 d'abril, 2008 Güei, xueves 3, a les ocho la tarde, el grupu de teatru Kumen va actuar na Casa Cultura de La Pola Siero. La obra que van poner nescena ye Actu Imprevistu, una obra del malaguerñu Miguel Gallego Millán tornada al asturianu. La entrada ye de baldre Teatru Kumen ye un grupu de teatru llangreanu que ñació en 1982 y que tien montaes obres de Federico García Lorca y otros trenta espéctaculos entes los que tán Rosas Rojas, Derrabe o El Quixote. 3 d'abril, 2008 0 FacebookTwitterPinterestEmail
Escéniques Andecha Astur denuncia la filosofía y la programación del teatru de La Llaboral de Xixón by asturnet 31 de marzu, 2008 Nel primer aniversariu de Llaboral, Ciudá de Cultura la formación política Andecha Astur súmase a les crítiques de los profesionales del teatru asturianu a la filosofía y programación de Laboral Escena. Denuncia una programación elitista y asturianófoba al empar que reclama La Llaboral como una socadarma perafayadiza pal aniciu dun Centru Dramáticu Nacional Asturianu. Cuando se cumple un añu de la puesta en marcha de Llaboral Ciudá la Cultura, pAA yá quedó nidio quel proyeutu de Laboral Escena, dirixíu por Mateo Feijoo, non solo ye elitista -entá nun foi a aconceyar a más de mediu centenar de persones nos sos espeutáculos- sinon que carez duna inxustificable asturianofobia -a estes feches entá nun implicó nel so proyeutu a denguna compañía profesional de teatru asturiana-. Con esta protesta, diz la nota de prensa, Andecha Astur quier amestase a les dures crítiques emitíes por estremaos profesionales del teatru asturianu, que non solo denunciaren los fechos enantes remarcaos, sinon que solliñaren «la indiferencia rayana nel despreciu más asolutu» col que son trataos, y la contradición esistente ente los términos «Laboral» y «asturiano», fastal puntu de llegar a coproducir con compañíes gallegues y non asturianes. Andecha Astur atalanta amás que tala filosofía, propia del PSOE nAsturies, parte de la base de que nada asturiano ye bono, nin la nuesa cultura nin los nuesos profesionales, entrando na dinámica, continuen -tamién denunciada polos profesionales asturianos del teatru- de formar a xóvenes actores y actrices, músicos o baillarines, pa llueu obligalos a emigrar, mientres comenten dende Andecha Astur «Laboral Escena» absorve una gran parte del presupuestu asturianu de cultura pa pagar y desendolcar les artes escéniques dotres comunidaes del Estáu español. Per otru llau, Andecha Astur entiende que siendo la Llaboral lúnicu teatru «autonómicu» esistente nAsturies y las especiales carauterístiques que reune, faenlu idóniu paniciar un Centru Dramáticu Nacional Asturianu que dea xuegu y puxu a toles enerxíes creatives esistentes nAsturies, plantegándose tanto la proyeición de produciones propies comu laniciu y ampliación de públicos tanto del nuesu país comu de fuera del mesmu. 31 de marzu, 2008 0 FacebookTwitterPinterestEmail
Escéniques Esperanza Pedreño, Cañizares en Cámera Café, va actuar nel teatru Palacio Valdés by asturnet 28 de marzu, 2008 Esperanza Pedreño, actriz de reciente y notable exitu pol papel de Cañizares na serie de televisión “Cámera Cafe”, va actuar esti sábadu nel Teatru Palacio Valdes d’Aviles cola obra “Valeria y los pájaros” del director Jose Sanchís Sinisterra. La cita ye a les 20:15 hores nel teatru avilesín. La obra xira alredor del personaxe de Valeria, una muyer que quier contautar col so amor de mocedá al travies de tecniques pocu ortodoxes. Menante sesiones d’espiritismu, la protagonista va descubrir familiares y conocíos muertos asina como la vida del so amáu. 28 de marzu, 2008 0 FacebookTwitterPinterestEmail
Escéniques Colunga acueye la esposición “El teatru n’Asturies durante la Segunda República y la Guerra Civil” by asturnet 19 de marzu, 2008 Dende esti llunes 17 y hasta’l 27 d’esti mes de marzu, la casa de cultura de Colunga agopia una amuesa sobre “El teatru n’Asturies durante la Segunda República y la Guerra Civil”. La esposición, inaugurada haz un añu con motivu del Día Mundial del Teatru y del del 75 aniversariu de la proclamación de la II República, ta compuesta por catorce paneles nos que puen vese información sobre la escena tetarl asturianal de la dómina y sobre delles de les compañís que visitaron la rexón de nueso. El día 27 de marzu, el críticu Boni Perez va ufrir una visita guiada pola esposición. 19 de marzu, 2008 0 FacebookTwitterPinterestEmail
Escéniques Roberto Oliván dirixe’l montaxe “Kiosko das Almas Perdidas” na Llaboral by asturnet 19 de marzu, 2008 “Kiosko das Almas Perdidas”, una producción de Llaboral Escena ya’l Centro Coreográfico Galego dirixida por Roberto Oliván, llega esti xueves 20 ya’l vienres 21 al Teatru de la Llaboral de Xixón. La propuesta axunta baille, música, vídiu y teatru nun mesmu montaxe. Roberto Oliván ye’l coreógrafu catalán que ta al frente de la compañía Enclave Dance Company. Formáu nel Institut del Teatre de Barcelona y na Performing Arts Research and Training Studios de Bruselas, ye una de les propuestes más afitaes de la danza contempranea. 19 de marzu, 2008 0 FacebookTwitterPinterestEmail