Escéniques Arsenio González estrena La trastá nel Teatru Filarmónica by asturnet 26 de marzu, 2010 El sábadu 27 de marzu, a les 20:15 hores, estrénase nel Teatru Filarmónica dUviéu y comp pieslles de les Xornaes de Teatru Amateur, la función La trastá, dArseino González. Va ser a partir de les 20:15 hores. 26 de marzu, 2010 0 FacebookTwitterPinterestEmail
Escéniques Teatro Kumen participa nel festival de teatru amteur dUviéu by asturnet 25 de marzu, 2010 La obra escoyida ye nesta ocasión Lencierru, de José Ramón López Menendez, que fala de les hores vivíes por unos sindicalistes-mineros dientro dun pozu del valle del Nalón. La obra va entamar mañana, vienres 26 de marzu, a les ocho y cuartu, con un preciu de trés euros. Les entraes pueden mercase nel Campoamor, o nhabiendo función, nel propiu Filarmónica. Páxina de la compañía, con más información sobrel montaxe 25 de marzu, 2010 0 FacebookTwitterPinterestEmail
Escéniques La Texuca independízase esti xueves nel Teatru Filarmónica dUviéu by asturnet 24 de marzu, 2010 El Grupu de Teatru Carbayín va actuar esti xueves 25 de marzu nel Teatru Filarmónica dUviéu. El grupu va representar nesta ocasión la obra de José Ramón Oliva Alonso, La Texuca, República Independiente, onde por un fallu burocráticu y una perda de documentación na guerra civil, una fastera de la Texuca (que llinda con cuatro conceyos asturianos) vese na posibilidá de dixebrase dEspaña y solicitar el so reconocimientu como nación soberana. Nel curtiu percorríu que va tener esti proyectu de nación van pasar per dellos rexímenes de gobiernu, faciendo asina una sátira política con un ritmu modernu y anovador..La obra va entamar a les 20.15 hores y les entraes tienen un preciu de 3 euros, pudiendo mercase nel Campoamor, de 12 a 13:30 y de 16 a 20 hores, o nel propiu Filarmónica, anque namás nos díes con función y dende les seis de la tarde. 24 de marzu, 2010 0 FacebookTwitterPinterestEmail
Escéniques Nun tris estrenal sábadu La compañía de Xuan Saco Botardo echa la comedia El críu de los amos by asturnet 22 de marzu, 2010 LÁrea de Cultura del Conceyu de Villaviciosa, col sofitu de la Conseyería de Cultura y Turismu d’Asturies y el Circuitu de les Artes Escéniques, estrena la obra teatral La compañía de Xuan Saco Botardo echa la comedia El críu de los amos, que va poner nescenal grupu Nun tris. Lactuación va celebrasel sábadu a les ocho la tarde, nel Teatru Riera de Villaviciosa. Esta pieza, traducida al asturianu por Lluis Portal, básase na obra escrita en 1745 por Carlo Goldoni “Il Servitore di due padroni”. El dramaturgu venecianu considérase ún de los padres de la comedia italiana, na que predominaba naquel tiempu la Comedia dell’Arte: personaxes populares, acción enredada, mazcares… L’humor deriváu de les situaciones cómiques que se desarrollen na obra de Goldoni, l’adaptación de los personaxes y la peculiar forma dialectalizada de falar d’éstos, aseguren una prestosa velada con una de les meyores compañíes profesionales de teatru d’Asturies, Nun Tris. 22 de marzu, 2010 0 FacebookTwitterPinterestEmail
Escéniques Ámbitu edita una historia del teatru en gallego-asturianu de Xosé Miguel Suárez by asturnet 16 de marzu, 2010 Publicaciones Ambitu vieno acabante dar anuncia esti día de l’aparición de “El Teatro Aldeano, da Biblioteca Popular Circulante de Castripol (1929-1934)”. Trátase d’un estudiu de Xosé Miguel Suáres Fernández, nel que s’afonda nún de “los fenómenos culturales y lliterarios más llamativos del sieglu XX n’Asturies: la representación d’obres de teatru -con marionetes o con actores reales- escrites en gallego-asturianu pelos conceyos más occidentales del país”. 16 de marzu, 2010 0 FacebookTwitterPinterestEmail
Escéniques Teatru costumista, vienres y sábadu, en Samartín del Rei Aurelio by asturnet 12 de marzu, 2010 El Teatru Municipal de Samartín del Rei Aurelio va acoyer dos xornaes de teatru costumista, el vienres 12 y el sábadu 13, nes dos ocasiones a partir de les ocho la tarde. El Grupu Parroquial de Teatru El Esfuerzu va ser lencargáu en poner n’escena la obra L’Azogue, con testu del escritor Xosé Ramón Martín Ardines. 12 de marzu, 2010 0 FacebookTwitterPinterestEmail
Escéniques Syntexto Teatru lleva güei Oh, 36! al Teatru Filarmónica by asturnet 11 de marzu, 2010 La obra Oh, 36! de Lluis Portal Hevia, inspirada na esperiencia real vivida pol médicu y escritor asturianu Carlos de la Concha mientres la Guerra Civil, va representase nel Teatru Filarmónica dUviéu güei, xueves 11 de marzu, a les 8 la tarde y dientro del Festival de Teatru Amateur. La vida de Carlos García de la Concha: Home conservador, monárquicu, católicu…, durante la dictadura de Miguel Primo de Rivera, De la Concha formó parte de la formación política creada por ésti, la Unión Patriótica. Foi diputáu provincial, y fundador de los ateneos de Villaviciosa y Xixón. Fundó en 1929 -y dirixó- el periódicu local Orientaciones, d’ideoloxía conservadora, que siguió publicándose hasta l’españíu de la guerra. Escribió en castellanu y asturianu. En rima y nasturianu dio a la imprenta Ensueños y añoranzas (1923) y Cuentos perreros (1953). Nel trescursu del conflictu bélicu, el doctor escondióse nun zulo realizáu na so propia casa -l’edificiu, de tres plantes, aínda esiste na Plaza de Carlos I de Villaviciosa-, perfeutamente disimuláu, cola fin de protexese de la persecución a que lu sometió de forma personal y concienzuda -pero infructuosa- el dirixente anarquista y masón Cristóbal Cano Servet, empleáu de la fábrica El Gaitero, y presidente del Atenéu Obreru de Villaviciosa, hasta que partiera al esiliu. Durante los 15 meses que permaneció abellugáu nel so propiu domiciliu, el doctor escribió un interesante diariu rimáu que, aínda anguaño, permanez inéditu (sacando les revelaciones recientes efectuaes por Etelvino González López na so obra Ni cautivos ni desarmados. Asturianos refugiados en Cataluña 1937-1939, de Krk edidiciones, 2008), nel que cuenta de forma detallada los acontecimientos de la guerra a los que tenía accesu, refiriéndose tanto a cuestiones locales, como a otres más xenerales. Hasta equí los datos nos que s’inspira la obra teatral. La hestoria puede ampliase así: Cuando’l 19 d’ochobre de 1937, les tropes franquistes alcancen la ría de Villaviciosa procedentes del oriente, un grupu de republicanos, ente ellos Cristóbal Cano, preparen la so evacuación dende la dársena de El Puntal; pa ello echen mano d’un pequeñu barcu de 50 tonelaes, atracáuo nel cercanu muelle de la fábrica El Gaiteru, que llevaba por nome El Rubio. Según Etelvino, sobre las caxes de sidra yá cargaes instálense “124 milicianos y una miliciana”, citando como fonte al periódicu La Petite Gironde de Burdeos, hasta onde llegó la embarcación dos díes dempués; “toos ellos superarmaos”, ampliaba La France de Bordeaux. Nel cai confiscaríen-yos: 3 fusiles ametralladores, dos metralletes, y cincuenta fusiles automáticos perfeccionaos. La mayoría volvería a entrar a España por Cataluña pa siguir lluchando pola República. Al finar la guerra n’Asturies, Carlos de la Concha renuncia a la idea de venganza, y critica a los que la exercen, llegando a ausentase inclusu temporalmente d’Asturies cuando comprueba que nun puede facer nada por evitala. 11 de marzu, 2010 0 FacebookTwitterPinterestEmail
Escéniques Telón de Fondo ta de xira estos díes con “El xuegu de Yalta” by asturnet 10 de marzu, 2010 El grupu de teatru Telón de Fondo ta estos díes de xira pelos trés conceyos más poblaos dAsturies, amosando la so adaptación del cuentu llargu de Chéjov “La dama del perrin”. La mini xira arranca güei, miércoles 10 de marzu, nel Centru Municipal de LArena (Xixón), siguiendol vienres 12 nel Teatru Filarmónica dUviéu y remantandol sábadu 15 nel Centru Municipal Los Canapés, dAvilés. Na obra, Dmitry Gurov y Ana Sergueyevna tán de vacaciones en Yalta, ciudá de veranéu de la Rusia zarista, y lo quescomienza como un xuegu, acaba atrapándolos nuna hestoria damor adúlteru, a la que nun alcuentren la salida. La obra ta dirixida por Sara García Rodriguez ya interpretada por Marilú Casas y Lluis Antón González. 10 de marzu, 2010 0 FacebookTwitterPinterestEmail
Escéniques La Conseyería de Cultura convoca cinco llinies de sovención pal fomentu de la creación artística y teatral by asturnet 8 de marzu, 2010 La Conseyería de Cultura y Turismu del Principáu dAsturies acaba de convocar cinco llinies de subvención, por un importe global de 322.250 euros, pa fomentar la creación artística y teatral nAsturies. El plazu de presentación de les solicitúes final próximu 15 de marzu. Les llinies de subvención son les siguientes: Formación y promoción artística (26.250 euros). Son ayudes económiques en réxime de concurrencia competitiva pa la formación artística en materia dartes escéniques, música, danza, cine y artes plástiques, entendiendo por formación tanto lasistencia a seminarios, alcuentros o cursos de corta duración como la realización de másters o posgraos. Tamién van ser oxetu destes ayudes les muestres dobres dartistes nacíos o residentes nAsturies que se celebren en llugares con suficiente prestixu fuera del territoriu desta comunidá autónoma y con una actividá creativa avalada por un contrastáu currículum y con sofitos institucionales y/o particulares cualificaos. Subvenciones a empreses pa la realización dactividaes culturales dinterés rexonal (40.000 euros). Trátase dayudes económiques en réxime de concurrencia competitiva a empreses que tengan el so domiciliu social nAsturies para la realización dactividaes culturales concretes dinterés rexonal (actividaes discográfiques, editoriales, cinematográfiques y de videu ) en 2010. Subvenciones pa programes dactividaes culturales dasociaciones, fundaciones culturales privaes y actividaes culturales dinterés rexonal promovíes por particulares, fundaciones y asociaciones (178.500 euros). Son ayudes económiques en materia de concurrencia competitiva pa programaciones dactividaes culturales feches por asociaciones y fundaciones culturales privaes y actividaes culturales dinterés rexonal promovíes por particulares, fundaciones y asociaciones. Puen solicitales cualesquier asturianu o quien viva nel Principáu dAsturies, asociación cultural o fundación cultural privada, que tengal so domiciliu social nel Principáu y que desendolque principalmente la so actividá nesta Comunidá Autónoma. Actividaes escéniques por persones o grupos non profesionales (10.000 euros). Loxetivu d’esta convocatoria ye la concesión dayudes económiques en réxime de concurrencia competitiva pa la realización dactividaes escéniques pa la producción o adecuación de montaxes en 2010. Actividaes escéniques por empreses privaes y grupos de teatru profesional (67.500 euros). Son ayudes económiques a empreses en réxime de concurrencia competitiva pa la realización dactividaes escéniques y la producción o adecuación de montaxes. Tamién van poder ser oxetu dayuda los proyeutos de distribución entendiendo por tales la presencia en muestres, festivales o feries de teatru nacionales ya internacionales, asina como la celebración de xires fuera del Principáu dAsturies. 8 de marzu, 2010 0 FacebookTwitterPinterestEmail
Escéniques Uviéu recibe la xira del musical Mamma Mia! en mayu by asturnet 1 de marzu, 2010 El musical Mamma Mia!, basáu nos cantares del popular grupu Abba, va llegar al Teatru Campoamor dUviéu dientro del ciclu ‘Teatru en primavera 2010’. El musical, que trunfó en ciudaes del mundu enteru va poder vese los díes 20, 21, 22, 23, 25, 26, 27, 28, 29 y 30 del mes de mayu, con unos precios dente 30 y 50 euros. El musical ‘Mamma mia!’ trunfó con una formación asemeyada, protagonizada siempres pola cantante catalana Nina, en Madrid y Barcelona, ciudaes onde tuvo dellos años de forma permanente. Dende lañu pasáu la compañía ta de xira y anque sanunciare pal branu de 2009, finalmente la fiebre dAbba nun llegará a Asturies hastal próximu 20 de mayu. El que nun paez que vaya poder actuar nes xornaes organizaes nUviéu, ye Daniel Diges, quinterpreta nestos momentos a ún de los personaxes protagonistes del musical y que foi escoyíu apocayá como representante de TVE nel festival dEurovisión, que coincide en feches col programes pa Mamma Mía! nUviéu. 1 de marzu, 2010 0 FacebookTwitterPinterestEmail