Emigración La Comarca Oriente dAsturies celebra una xornada de promoción nel Centru Asturianu de Barcelona by asturnet 23 d'abril, 2007 Redacción. Nes instalaciones del Centru Asturianu de Barcelona tuvo llugar la xornada de promoción de la ‘Comarca Oriente d’Asturies’, asina como la presentación de la película de Gonzalo Suárez ‘El Genio Tranquilo’. L’actu de bienllegada corrió a cargu d’Ángel García, presidente de la Mancomunidá de Conceyos del Oriente d’Asturies, Jose Antonio González, presidente del Consorciu pal Desenrrollu Rural del Oriente d’Asturies y Enrique Delgado, presidente del Centru Asturianu de Barcelona. La presentación de la comarca corrió a cargo de Jose Balmori Poo, presidente de la Comisión de Turismu de la Mancomunidá. Darreu tuvo llugar la presentación y proyeición de la película “El Genio Tranquilo” rodada dafechu na Comarca Oriente d’Asturies, cola presencia del so direutor Gonzalo Suárez que nun prestosu coloquiu, fizo compartir la so pasión pol cine y por una Asturies sostenible. Como pieslle tuvo llugar la espicha -preba de productos típicos del oriente d’Asturies, intoducida por un amiestu de cava del Penedes y quesu asturiano del oriente. 23 d'abril, 2007 0 FacebookTwitterPinterestEmail
Emigración Lasociación Araguaney inaugura la esposición La emigración española a Venezuela by asturnet 23 d'abril, 2007 Redacción. El vienres día 1 de xunu a les 20 hores na Sala d’Esposiciones del Centru Municipal d’El Coto de Xixón, va tener llugar la inauguración de la esposición “La Emigración Española a Venezuela” fecha pola Asociación Cultural Venezolano-Asturiana ‘Araguaney’ cola collaboración de l’Axencia Asturiana d’Emigración. La esposición, que va dar entamu a los actos pol Decimu Aniversariu de l’asociación, tien 15 paneles esplicativos y documentación varia sobre la emigración española a Venezuela de mediaos del sieglu pasáu. Nella va podese ver en forma resumida les causes que la motivaron, los pormenores del viaxe, los barcos que tresportaron a los emigrantes, los barcos clandestinos, la llegada y vida en Venezuela pa rematar cola torna y la nueva emigración venezolana a España. El vienres día 8 de xunu, siguiendo colos actos pol Decimu Aniversariu, va producise l’actuación de la cantautora y poeta venezolana Fanny Fuguet que va ufiertar un conciertu de música venezolana nel Salón d’Actos del mesmu Centru Municipal d’El Coto, en Xixón. 23 d'abril, 2007 0 FacebookTwitterPinterestEmail
Emigración SOS Racismu presental so Informe Añal sobrel racismu nel Estáu español by asturnet 18 d'abril, 2007 La organización non gubernamental SOS Racismu va presentar mañana pela tarde’l so Informe Añal sobre’l racismu nel Estáu español. Va ser a les 19:30 hores nel Conceyu Abiertu d’Uvieu, asitiáu nel númberu 12 de la cai Gascona. Na presentación van a dase a conocer los datos sobre’l problema del racismu, la so incidencia y les tendencies de futuru. SOS Racismu funciona dende l’añu 1996 col envís de defender los drechos humanos dende la llucha antiracista. SOS Racismu Asturies ta federada nel ámbitu estatal con SOS Racismo, que dende l’añu 1995 espubliza l’Informe Añal qu’esta tarde va presentase. L’asociación tien un centru d’información na so sede pa garantizar la información nos casos de racismu de cualesquier tipu. Web del Conceyu Abiertu 18 d'abril, 2007 0 FacebookTwitterPinterestEmail
Emigración La Conseyería de Xusticia va participar nos actos del Saint Patrick’s Day en Nueva York by asturnet 14 de marzu, 2007 La Conseyería de Xusticia, Seguridá Pública y Rellaciones Esteriores y l’Axencia d’Emigración tán convidaes a participar nes xornaes sobre la cultura asturiana qu’organiza la Pace University de la ciudá americana. Les xornaes van desendolcase los díes 16 y 17 de marzu nel Campus de la universidá. La delegación asturiana que va participar nes xornaes ta compuesta pola Academia de la Llingua Asturiana, ASUSA (Asturianos en USA), ASMA (Asturianos en Madrid), asina mesmo va participar una delegación del Ministeriu d’Educación y Ciencia español. Les xornaes van centrase nuna visión cultural y social d’Asturies onde la llingua, la lliteratura, la música tradicional, la emigración asturiana y el papel de les muyeres asturianes van centrar la primer de les xornaes. La segunda xornada va empobinase a la proyección de dellos documentales sobre Asturies, ente ellos L’Asturianu: Historia d’una Llingua. El día 17, San Patricio, la representación d’asturianos en USA, xunta coles bandes de gaites de Corvera y Villa de Xixón, van marchar peles principales cais de Nueva York dientro de los programes de la celebración del Sant Patrick’s Day pola comunidá irlandesa de la ciudá americana. 14 de marzu, 2007 0 FacebookTwitterPinterestEmail
Emigración Una esposición recuerdal pasáu reciente dEspaña como país demigrantes by asturnet 13 de marzu, 2007 “De la España que emigra a la España que acoge” ye’l títulu de la muestra que tien aniciu güei nel Centru de Cultura Antiguo Institutu de Xixón. La esposición, que ta iguada pola Fundación Largo Caballero y podrá visitase hasta’l prósimu 26 d’Abril, cuenta cola collaboración del Ayuntamientu de Xixón y el Principáu d’Asturies. La esposición recueye’l pasáu reciente d’España como país migratoriu al travies de más de 400 pieces orixinales, ente semeyes, obxetos y documentos, suministraos por distintos archivos, particulares y colecciones privaes. Ente los obxetos espuestos hai abondos elementos cedíos por instituciones asturianes como l’Archivu del Pueblu d’Asturies, el Museu Etnográficu Juan Perez Villamil, les semeyes de Francisco Crabiffosse, l’Archivu d’Hestoria d’Asturies, l’Archivu d’Indianos y l’Archivu de l’Asociación d’Emigrantes Retornaos. El material ta espuestu en diferentes secciones: La emigración a America (1882-1935), La emigración política, Les migraciones interiores, La emigración a la Europa del desarrollu (1956-1974), De nuevu faciendo les Ameriques, La emigración temporal, El retornu, la permanencia y España, país d’agospiu. Amás, van emitise videos con imáxenes inedites y música d’Amancio Prada y Pablo Guerrero. La muestra completase cola esposición de dos obres artístiques de los artistes Fernando Clavería y Pepa Rubio. La primera d’elles, nomada “Ulises” ye un conxuntu escultóricu basáu nes escaleres qu’un grupu d’inmigrantes usaron pa cruzar la frontera de Melilla. “Ghuraba. El cuerpu del náufragu”, obra de Pepa Rubio ye una obra fecha a partir de los materiales atopaos nes playes de Cádiz tres el desembarcu de pateres. 13 de marzu, 2007 0 FacebookTwitterPinterestEmail
Emigración Celebróse la Gala de la Emigración Asturiana by asturnet 2 de marzu, 2007 El Conseyeru de Xusticia, Seguridá Pública y Relaciones Esteriores, Francico Javier García Valledor, y el Director de l’Axencia Luís Miguel Fernández Romero entragaron ayeri los premios de la Gala de la Emigación Asturiana. Esta gala premiaba a los artistes, escritores, grupos de baille, cantantes y músicos asturianos que collaboraron a lo llargo de 2006 n’averar la cultura asturiana a l’Asturies esterior. La Gala tien como fin agradecer el llabor de la cultura asturiana en calterner viva la llama asturiana nel esterior. El Conseyeru de Relaciones Esteriores dixo que los artistes ellí presentes yeren “la representación mesma d’Asturies”. El Conseyeru aseguró que los vínculos culturales son agora más fuertes gracies a los alcuerdos y convenios algamaos ente’l Gobiernu asturianu y la emigración asturiana. El galardón ye’l “Páxaru Atlantis” una creación d’Astur Paredes que simboliza la unión del pueblu asturianu nes dos orielles del océanu Atlanticu. 2 de marzu, 2007 0 FacebookTwitterPinterestEmail
Emigración Gala de la Emigración Asturiana by asturnet 1 de marzu, 2007 El Conseyeru de Xusticia, Seguridá Pública y Rellaciones Esteriores, Francisco Javier García Valledor, acompañáu pol Director de l’Axencia Asturiana d’Emigración, Luís Miguel Fernández Romero, va asistir el xueves 1 de marzu a les 19:30 hores de la tarde nel Teatru Filarmónica d’Uvieu a la III Gala de los Artistes Asturianos na Emigración. La Gala que yá alcanza la so tercer edición, premia a los y les artistes asturianos que durante l’añu 2006 –y en gales anteriores nos años 2005 y 2004- collaboraron a traves de l’Axencia Asturiana d’Emigración colos emigrantes asturianos de tou’l mundu, acompañándolos y llevando l’arte asturianu ellí onde se reclamó. Nes tres ediciones de les Gales de la Emigración yá fueron distinguíos pola Conseyería, casi mediu centenar d’artistes, lliteratos, deportistes y asociaciones asturianes que collaboraron cola nuesa emigración. La distinción que va entregar el Conseyeru Valldor, consiste nun grabáu del artista asturianu Astur Paredes que representa al Páxaru Atlantis, símbolu de la emigración asturiana. El gran páxaru qu’axunta coles sos ales les orielles de l’Asturies esterior y la interior. Ente los premiaos d’esti añu figuren representantes de l’Asociación d’Interpretes de la Canción Asturian, de la Federación Asturiana de Folklore, de la Xuntanza de Gaiteros Asturianos, asina como artistes plásticos, músicos y escritores. 1 de marzu, 2007 0 FacebookTwitterPinterestEmail
Emigración El BOPA publicó les ayudes pa la emigración asturiana by asturnet 21 de febreru, 2007 El Boletín Oficial del Principáu d’Asturies publicó ayeri dos víes de subvenciones pa los y les emigrantes asturianos, que concede l’Axencia Asturiana d’Emigración. La primer llinia de subvenciones empobínase a conceder ayudes a los emigrantes que tienen problemes de subsistencia. La segunda de les llinies de subvenciones empobínase a facilitar que la vuelta d’emigrantes asturianos a Asturies. BOPA del 20 de febreru de 2007 21 de febreru, 2007 0 FacebookTwitterPinterestEmail
Emigración Entamen en Xixón les Xornaes sobre emigración y retornu by asturnet 1 de febreru, 2007 Cruz Bermeya y el Serviciu d’Atención y emplegu a emigrantes retornaos organicen unes xornaes denominaes “Emigración asturiana y retornu. Un derechu constitucional, un derechu real” durante’l xueves 1 y güei 2 de febreru nel Centru Municipal de L’Arena de Xixón. Ente les actividaes de la xornada del xueves destaquen les meses redondes sobre “La emigración asturiana y el retornu: les dimensiones sociales y culturales”, “El marco llegal y les respuestes globales hacia la emigración española y el retornu” y “Los problemes del retornu”. El restu d’actos y los horarios de la xornada de mañana puen siguise na páxina web Emigrastur 1 de febreru, 2007 0 FacebookTwitterPinterestEmail
Emigración La emigración protagoniza una nueva serie en TVE by asturnet 30 de xineru, 2007 Esti miércoles, día 31 de xineru de 2007, a les 11:00 hores na planta 7ª de Torrespaña, TVE presenta una nueva serie documental na que se narra el fenómenu de la emigración española dende los años 40 hasta los 80 del sieglu XX. El títulu de la serie ye Camino a casa y va estrenase’l domingu 4 de febreru en La 2 a les diez de la nueche. Na presentación del miércoles a los medios de comunicación van participar el director de programes documentales y sociales de TVE, Jesús González, y el direutor de la serie Adolfo Dufour. Camino a casa cueta en seis capítulos que percorren ocho países, la odisea de los españoles qu’emigraron para buscar una vida meyor. Son los propios protagonistes los que relaten la so aventura. 30 de xineru, 2007 0 FacebookTwitterPinterestEmail