Emigración El Centru Asturianu de Lausanne va celebrar el segundu Festival Intercélticu esta fin de selmana by asturnet 18 de xunu, 2007 Redacción. El Centru Asturianu de Lausanne va celebrar esta fin de selmana’l so Segundu Festival Inrcelticu na Place du marche de la ciudá. El sábadu 23 va cuntar cola presencia del grupu rock NUN, la Escuela de Gaites de Les Arriondes, A.E. Cavielles, Esbardu, el grupu de folk lletrónicu Xera y Dj Lendoiro. Les actividaes van siguir el sábadu 24 con A.E Cavielle, A Brincadeira, Pepe Band de Lausanne, Esbardu, la Escuela de Gaites de Les Arriondes y L’Escarpín. Amás, el festival va cuntar con actividaes d’animación como son deportes tradicionales asturianos. Los actos cuenten col sofitu del Conceyu de Valdes, Caixa Nova, Publisprint y la Conseyería de Xusticia, Seguridá Pública y Rellaciones Esteriores ente otres entidaes. 18 de xunu, 2007 0 FacebookTwitterPinterestEmail
Emigración El Centru Asturianu de Málaga va prebar la gastronomía asturiana by asturnet 14 de xunu, 2007 Redacción. El Centru Asturianu de Málaga entama estos díes les Xornaes Gastronómiques ‘Saboriando Asturies’: Cultura Gastronómica. Esti vienres a les ocho y media la tarde va celebrase una xornada dedicada a la merluza del cantábricu, incluyedo merluza en salsa d’oricios, cachopu de merluza y fabes col mesmu pexe. El sábadu 16 y el domingu 17 va dedicase al mesmu pexe, y va servise merluza a la sidra o con amasueles y fritos de merluza. El domingu buñuelos de merluza, merluza al xerez con gambes y cacíu de merluza. La fin de selmana de 22 al 24 va dedicase al bonitu del norte, sirviendo platos como marmitacu, bonitu ‘al ajillo’, en rollu, en salsa, a la plancha o en calderada d’arroz. Amás de bonitu con pistu, en llombos o en pastel. El vienres 29, sábadu 30 de xunu y domingu 1 de xunetu van tar dedicaos al bacaláu, que va servise en fritos, rollinos, encebolláu, a la cazuela, en sopes y buñuelos. Amás de tortielles y bacaláu gratináu. Too ello cocinao na ‘Concina María Aurora’. 14 de xunu, 2007 0 FacebookTwitterPinterestEmail
Emigración El Centru Asturianu de Madrid celebra los 125 años con un ciclu de conciertos by asturnet 12 de xunu, 2007 Redacción. Por mor del CXXV Aniversariudel Centru Asturianu de Madrid entama güei un ciclu de conciertos. A les ocho la tarde de güei van poder sentise la voz del tenor Antonio P. Agustí y el pianu de Juan Hurtado tocando temes llíricos llatinoamericanos y a Antonio Beláustegui de ‘Medicos Cantan’ y Dioni Velázquez que cola guitarra va tocar tangos y folclore arxentín. Mañana miercoles van ser, a la mesma hora, Dolores Travesedo y Antonio Lagar con Manuel Valencia al pianu, los que qu’interpreten ‘Melodíes de siempres’. El xueves, a les siete y media la tarde, el ‘Grupo Vocal Cantariego’ va interpretar canción asturiana y canción llírica. Yá pa la fin de selmana y col mesmu formatu de conciertu gratuitu de los demás díes, el Coru del Centru Asturianu de Madrid y la coral Polifónica San Rafael, van interpretar delles canciones de folclore asturianu y español. Y el sábadu, va echar el pieslle al ciclu de celebración un recital d’alumnos de Josefina Arregui con Juan Hurtado al pianu. Páxina web del Centru Asturianu de Madrid 12 de xunu, 2007 0 FacebookTwitterPinterestEmail
Emigración La Casa dAsturies en Valencia organiza una conferencia alredor de la tradición y el futuru de la música asturiana by asturnet 31 de mayu, 2007 Redacción. La Casa d’Asturies en Valencia organiza pal día 11 de xunu a les 19’30 hores, una conferencia nel ‘Ámbitu Cultural’ d’El Corte Ingles de Valencia. El títulu de la conferencia ye ‘Tradición y futuru de la música asturiana’ y va ser l’hestoriador de la música tradicional Jose Ramón Pardo l’encargáu de llevala alantre. L’autor de la ponencia ye bien conocíu pol so llabor como hestoriador. Autor de numberosos llibros y collaborador nestos temes en delles radios y televisiones. 31 de mayu, 2007 0 FacebookTwitterPinterestEmail
Emigración Asturianos en Bruseles organiza un actu con Antonio Gamoneda como convidáu by asturnet 23 de mayu, 2007 Redacción. L’asociación ASBRU (Asturianos en Bruseles) organiza mañana xueves a les siete y media la tarde, l’actu ‘Dende’l reconocimientu’, que va tener como convidáu al poeta asturianu Antonio Gamoneda, Premiu Cervantes 2006. Gamoneda, va ser presentáu por Francisco Ferrero, direutor del Institutu Cervantes de Bruseles y va realizar una llectura poetica de la so obra, amás de participar nun alderique colos asistentes. L’actu va ser na Casa d’Asturies en Bruseles y va completase con una preba de vinu. Esti actu protagonizáu por Antonio Gamoneda asítiase dientro de l’actividá lliteraria «Estadías: Dos visiones sobre la lliteratura asturiana» que yá cuntó cola participación, l’11 de mayu pasáu, de la escritora asturiana Eugenia Rico. Gamoneda ye Doctor Honoris Causa pola Universidá de Lleón y recibió, ente otros, el Premiu Castiella y Lleón de les Lletres en 1985, el Premiu Nacional de Poesía en 1988 y el Premiu Reina Sofía de Poesía Iberoamericana 2006, que-y foi concedíu por ser “un raru exemplu de verdá y coherencia poetica”. 23 de mayu, 2007 0 FacebookTwitterPinterestEmail
Emigración Asturum Equitata vuelve a llevar a Yessen una fin de selmana dedicada a la cultura asturiana by asturnet 22 de mayu, 2007 Redacción. Organizaos pola asociación d’asturianos del emigraos ‘Asturum Equitata’ y embaxo la coordinación de Frichu Yustas dende Asturies, va celebrase esta selmana, na Casa Cultura de Yessen, n’Alemaña, un ‘Festival de la Llingua Asturiana’, que va entamar mañana miercoles cola proyeición de los documentales ‘La ría de Villaviciosa’ de Xurde Morán y ‘Melecina tradicional asturiana’ del etnógrafu Berto Peña. El sábadu van siguir los actos del Festival cola representación teatral fecha pol grupu de teatru de la Universidá de Yessen, dirixíu pol tamien responsable d’Asturum Equitata Juanma Ibañez. Amás, pa rematar la xornada van proyeutase cuatros curtios en llingua asturiana. Yá pela nueche, el curdionista Xuan Nel Expósito y el gaiteru del grupu ‘Muyeres’, Milio Martínez van celebrar un pequeñu conciertu ente los asturianos que viven n’Alemaña y tol públicu que s’avere a conocer la cultura del país a esti ‘Festival de la Llingua Asturiana’. 22 de mayu, 2007 0 FacebookTwitterPinterestEmail
Emigración Fernando Ornosa presentól llibru Estudiu sobrel baille asturianu na emigración, editáu pola Axencia Asturiana dEmigración by asturnet 14 de mayu, 2007 Redacción. Esti vienres, l’Axencia Asturiana d’Emigración presentó na Conseyería de Xusticia y Seguridá Pública y Asuntos Exteriores l’Estudiu sobre’l baille asturianu na emigración, informe fechu por Fernando Ornosa. Na presentación tuvieron el Conseyeru Francisco García Valledor y el Direutor de l’Axencia Asturiana d’Emigración Luís Miguel Fernández Romero xuntu col autor del estudiu, Fernando Ornosa, voceru del Conceyu Abiertu pola Oficialidá. L’informe fai un repasu pola historia de la emigración asturiana y el llugar qu’ocupó’l folklore nella, asina como de la situación d’anguaño de los grupos de baille asturianu esperdíos por tol mundu. Aportando una información mui detallada acerca del llugar onde s’alcuentra, el númberu de componentes, l’añu de fundación o les formes de contautar con esi grupu. Ente los grupos rexistraos destaquen pola so vitalidá, el conxuntu de baille y gaites La Santina de Rosario, n’Arxentina, el grupu Ruxideru de Mendoza, tamien de L’Arxentina, l’Agrupación folklórica L’Alborá del Centru Asturianu de Madrid o l’Agrupación folklórica de Covadonga en Caraques, Mexicu. 14 de mayu, 2007 0 FacebookTwitterPinterestEmail
Emigración El Centru Asturianu de São Paulo celebról so 46 Aniversariu by asturnet 8 de mayu, 2007 Redacción. Cola actuación del Coru La Flor de La Pola L.lena y del Grupu Arnón, el Centru Asturianu de São Paulo celebró’l domingu pasáu, 6 de mayu, el so 46 Aniversariu. A la celebración asistieron cuasi 200 persones qu’aplaudieron en pie dellos de los 14 cantares interpretaos poles 17 voces que llegaron d’Asturies pa la ocasión, y del Grupu Arnón que ficieron disfrutar a los presentes con músiques típiques asturianes al son de la gaita y el tambor. Tuvo presente’l Cónsul Axuntu de São Paulo, Ignacio García representando al Consuláu Xeneral d’España en São Paulo. Al final de l’actuación cantóse un emocionáu Asturies Patria Querida y sirvióse un vinu. Al actu, que tuvo’l sofitu de l’Axencia Asturiana d’Emigración, acudió’l presidente del Centru Jose María Aldariz Gutierrez, que concedió una entrevista al programa “Fin de Semana” de la Radio del Principáu d’Asturies. 8 de mayu, 2007 0 FacebookTwitterPinterestEmail
Emigración ‘Asturum Equitata’ celebra unes xornaes alredor de la cultura asturiana nAlemaña by asturnet 30 d'abril, 2007 Redacción. Los primeros actos celebráronse yá esti sábadu pasáu na Casa la Cultura de la ciudá alemana de Giessen cola proyeición de los documentales ‘Mirada’ d’Ana García, ‘La ría de Villaviciosa’ de Xurde Morán y ‘Melecina tradicional n’Asturies’, dirixíu por Berto Álvarez Peña. Darreu celebróse una espicha cola actuación d’una pareya de gaita y tambor formada por Carlos Blanco a la gaita y Ana Blanco al tambor. El próximu vienres 25 de mayu van siguir les xornaes cola proyeición d’una serie de cuatro curtios en llingua asturiana y l’actuación del curdionista Xose Nel Esposito y el gaiteru Milio Martínez. Los actos van celebrase na mesma Casa la Cultura, na ciudá alemana de Giessen. Los actos coordínalos dende Asturies, Frichu Yustas, llibreru, miembru de l’Asociación L’Arribada y habitual na organización d’actos culturales pa la difusión de la llingua y cultura del país colos asturianos del esterior en países como Belxica, El Líbanu, Alemaña, Francia, Israel y otros llugares del mundiu. 30 d'abril, 2007 0 FacebookTwitterPinterestEmail
Emigración El Centru Asturianu de Madrid entrega la Mazana dOru a José Carlos Fernández Rozas by asturnet 25 d'abril, 2007 Redacción. La ‘Mazana d’Oru’ ye’l máximu galardón qu’otorga esta entidá y que fueron premiaos n’otres ediciones Luis Martínez Noval, vocal del Tribunal de Cuentes, Sabino Fernández Campo, Rosina Gómez-Baeza, Jose León Delestal, Víctor Manuel, Jose María García y una llarga llista que vien dende l’añu 1967 hasta güei. El Centru Asturianu de Madrid va otorgar mañana xueves la ‘Mazana d’Oru’ a Jose Carlos Fernández Rozas, ñacíu n’Uvieu nel añu 1950 y Llicenciáu en Drechu pola Universidá d’Uvieu cola calificación de sobresaliente nel añu 1973. Dende entós vien desendolcando cargos de toa triba y tien abondes publicaciones sobre drechu. Anguaño ye catedráticu de Drechu Internacional Priváu de la Universidá Complutense de Madrid. L’actu va celebrase nel Centru Asturianu de Madrid a les ocho la tarde y va facer la presentación Fernando Castedo, llicenciáu en Drechu y exdireutor xeneral de Radiotelevisión Española, amás de cola presencia de Cosme Sordo, presidente del Centru Asturianu. La entrada ye llibre. Galardonaos cola Mazana dOru 25 d'abril, 2007 0 FacebookTwitterPinterestEmail