Educación Últimos díes p’apuntase a les actividaes pa escolinos dasturianu de Xixón by asturnet 27 de setiembre, 2007 Hasta final de mes, los colexos ya Institutos de Xixón pueden apuntase a les actividaes organizaes en collaboración col Departamentu de Programes Educativos de la Fundación Municipal de Cultura. Los maestros que ponen clase dasturianu tienen talleres, concursos y actividaes lúdico-pedagóxiques pa que los escolinos y les escolines estudien asturianu de mou prestosu y divertíu. Esti añu, comenten los organizadores hai talleres pa facer tortos: “De la panoya al platu”; actividaes lúdico-pedagóxiques: “Xixón de novela” o “Xugando cola toponimia”; xornaes pa la xente mozo: “Saca la llingua, quintos alcuentros de la mocedá cola llingua”; concursos: “Ruempi la mollera” y “Vas velo, trebeyos pal aula”, esposiciones itinerantes, etc. Dalgunos talleres son nuevos y otros vuelven facese pol ésitu d’otros años, comenten. El profesoráu que pon clas de llingua asturiana puede apuntase dende’l Centru Educativu pente medies d’un programa informáticu hasta final d’esti mes de setiembre. Pa más información consultar la “Guía de Programes Educativos de Xixón. Cursu 2007-2008” o llamar a la Oficina Municipal de la Llingua (985 18 13 89). 27 de setiembre, 2007 0 FacebookTwitterPinterestEmail
Educación Los escolinos xixoneses dasturianu estrenen axenda pal cursu 2007-2008 by asturnet 26 de setiembre, 2007 El Conceyu de Xixón, al traviés de la Oficina de la Llingua, va repartir nes próximes selmanes mil axendes escolares ente los neños que cursen llingua asturiana . La presentación foi nel Colexu San Llorienzo, lúnicu concertáu de Xixón que pon clas dasturianu en primaria y secundaria y onde 147 de los 370 alumos del colexu estudien lasignatura. Nel actu tuvieron la responsable de la Oficina de la Llingua, María Xosé Rodríguez, Jesús Montes Estrada Churruca, conceyal de Política Llingüística y el Conceyal dEducación y Cultura, Justo Vilabrille. Laxenda escolar de la Oficina de la Llingua tien como oxetivu la promoción del usu y conocimientu de la llingua asturiana ente lalumnáu ya inclúi espacios pal horariu escolar, les feches desámenes y dalgunos pequeños testos sobre Xixón y la cultura asturiana, ente otres coses. Van repartise 700 ente los escolinos y 300 ente los profesores quimparten llingua asturiana. 26 de setiembre, 2007 0 FacebookTwitterPinterestEmail
Educación Los escolinos de primaria yá tienen llibros de testu nuevos pa dar llingua asturiana by asturnet 23 de setiembre, 2007 La renovación de los llibros de testu de primaria viose necesaria dempués de doce años ensin renovar los llibros. Yá tán na cai Pitín 1, Pitín 2 y Esguil 3, los manuales que van trabayar los neños questudien asturianu en primaria dende esti cursu. Los llibros tán editaos pola editorial VTP y tán empobinaos pa los tres primeros cursos de Primaria. El proyeutu ta financiáu pola alministración asturiana, que convocó un concursu pa la so edición. Nacho Fonseca Alonso, Paz Fonticiella Gutiérrez y Aurora García González son les pesones encargaes de la redacción del llibru y el conocíu dibuxante Enrique Carballeira Melendi foi lilustrador, mientres que Xosé Miguel Suárez Fernández foi quien fizo les correcciones. Pitín 1 y Pitín 2 parte en caúna de les seis unidaes dun cantar del grupu Xentiquina y Esguil 3 abre les seis unidaes con una llectura, pero tamién trabaya en toes con ún de los munchos cantares conocíos de Xentiquina. Los tres llibros traen un discu con testos y música. 23 de setiembre, 2007 0 FacebookTwitterPinterestEmail
Educación La Universidá Popular de Xixón ufierta cursos dasturianu, lliteratura y monólogismu pa la seronda by asturnet 11 de setiembre, 2007 Como cada añu la Universidá Popular de Xixón ufierta cursos de llingua asturiana y d’otres cuestiones rellacionaes cola cultura asturiana. La Universidá Popular, dependiente de la Fundación Municipal de Cultura, Educación y Universidá Popular del Ayuntamientu de Xixón abrió la matricula ayeri y esta va tar abierta hasta´l 24 de setiembre. Tolos cursos entamen los díes 4 ó 5 d´ochobre y son los que van darreu LLINGUA ASTURIANA I – 60 hores. Centru Municipal Integráu d´El Llano Llunes y miercoles 19.30- 21.30 LLINGUA ASTURIANA II – 60 hores Centru de Cultura Antiguu Institutu Martes y xueves 19.00-21.00 LLINGUA ASTURIANA – TRADUCCIÓN. 60 hores Centru de Cultura Antiguu Institutu Llunes y miercoles 19.00-21.00 Amás, va desendolcase un Taller de Monóloguismu nel Centru Municipal Integráu Ateneu de La Calzada los martes y xueves de 19.00-21.00 hores, con una duración de 20 hores. Pa más información up@gijon.es 11 de setiembre, 2007 0 FacebookTwitterPinterestEmail
Educación Taller de Monologuismu Cómicu Asturianu na Casa Cultura de Candás pal mes d’agostu by asturnet 17 de xunetu, 2007 Del 20 al 24 de agostu, de 6 a 9 la tarde, y en la Casa Cultura de Candás, el monologuista y narrador oral Carlos Alba, “Cellero”, entamara un Taller de Monologuismu Cómicu Asturianu. Son 15 hores en total y ta empobinau a tolos aficionaos a esti xéneru, que-yos guste´l teatru, la lliteratura n´asturiano o la comedia en xeneral. Nun fae falta tener experiencia previa. Los exercicios van ser dellos d´expresión corporal, otros pa creación del personaxe y unos pocos de creación lliteraria.El preciu son 24 euros, con drechu además a ver dos obres del Salón del Teatru Costumita de Candás. El teléfonu d´inscripción ye´l 985 871 021 (Teatru Prendes de Candás). Páxina web de Carlos Alba 17 de xunetu, 2007 0 FacebookTwitterPinterestEmail
Educación El Principáu propunxo a los escolinos viaxar en llingua asturiana na so campaña de matriculaciones by asturnet 3 de xunu, 2007 Redacción. Les Conseyeríes de Cultura, Comunicación Social y Turismu, al travies de la Oficina de Política Llingüística y la d’Educación y Ciencia dieron por rematada la Campaña de matriculación en llingua asturiana pal cursu 2007-2008. Con esti, son cuatro años de campaña consecutiva nos colexos ya insitutos asturianos. Bien ceo van pocer conocese los datos de matriculaos pal próximu cursu. La camapaña desenvolvióse ente fines d’abril y principios de mayu cola distribución de cartelos y folletos informativos a tolos centros d’enseñanza. El lema d’esti añu foi ‘Viaxar ye conocer el mundu. ¿Y si viaxes na to llingua? Apúntate a Llingua Asturiana’ y apaeció tamien con anuncios na prensa y cuñes radiofóniques. Los niveles de matriculación en llingua asturiana vienen xubiendo cada añu y nesti cursu que va finar agora tán matriculaos un total de 18.701, espardíos ente 292 centros nos que ponen clas d’asturianu 196 profesores. D’ellos, 14.999 correspuenden a educación primaria, una xuba d’unos 150 escolinos con respeutu al cursu anterior, 3.652 tán en secundaria, 50 más que nel cursu anterior y la escasa cifra de 238 en bachilleratu, magar qu’esti añu hai 137 que l’anterior. 3 de xunu, 2007 0 FacebookTwitterPinterestEmail
Educación La Casa Cultura de Cangues dOnís acueye una esposición de trabayos descolinos del conceyu by asturnet 28 de mayu, 2007 Redacción. La Casa Cultura de Cangues d’Onís acueye estos díes una esposición na que se pueden ver delles obres seleiciones nel cuartu Concursu d’Artes Plástiques, convocáu pol Departamentu d’Artes del Institutu Rey Pelayo, embaxo l’epígrafe de “L’arte nes cultures del mundiu”. L’amuesa foi inaugurada’l xueves pasáu, día 24, a les siete la tarde, y va tar abierta hasta’l día 8 de xunu. Na mesma alncuentrense a la vista, tanto los trabayos premiaos como los seleicionados. La esposición ta organizada, de forma conxunta, pol Departamentu d’Artes del Institutu Rey Pelayo y la Casa Cultura. Na inauguración, que cuntó cola asistencia de numberosu públicu, tamien se procedió a la entrega de premios d’esti certame, entregaos pol Xefe d’Estudios del Institutu, Benjamín Argüelles y pola direutora de la Casa Cultura, Beatriz Valdes Sobrecueva. Dalgunos de los premiaos fueron Marta del Valle, Cristina Trespando y Marta Tuñón. Toes elles recibieron un diploma y un llote de material escolar y celebraron el premiu na inauguración de la esposición colos sos compañeros. 28 de mayu, 2007 0 FacebookTwitterPinterestEmail
Educación Satisfación pol seguimientu del paru de mayestros de música y plástica by asturnet 22 de mayu, 2007 Los profesores asturianos de les asignatures de Música y Plástica ficieron ayeri martes una fuelga escontra la mengua d’hores lectives nestes asignatures, concentrándose un grupu énte l’edificiu de la Conseyería d’Educación. La “Plataforma pa la defensa de les enseñances artístiques” manifestóse satosfecha col seguimientu del paru y desplicó que’l mesmu foi un pasu más dientro d’una campaña de movilizaciones escontra una perda de representatividá d’estes enseñances que se traduz na desapaición de l’asignatura de música en primeru d’ESO y de Plástica en segundu cursu de la secuundaria obligatoria. Los representantes de la plataforma aseguren qu’Educación desplicó-yos que ye preciso reforzar les que llama “materies instrumentales” que son les de llingua, matemátiques, ciencies naturales ya idiomes” un refuerzu que lleva a la mengua d’horarios pa la música y les artes. 22 de mayu, 2007 0 FacebookTwitterPinterestEmail
Educación El Principáu ufre seis beques pa facer estudios de postgráu en centros universitarios estranxeros by asturnet 4 d'abril, 2007 La dotación de les beques va ser de 6000 euros y permitirá facer estudios en materia de relaciones internacionales y europees nun centru estraxjeru durante’l cursu 2007-2008. El plazu pa presentar les solicitudes fina’l 31 de Mayu de 2007. La convocatoria d’estes seis beques respuende a la política de formación en materia de rellaciones internacionales y europees, que dende la Dirección Xeneral de Rellaciones Esteriores y Asuntos Europeos se vien desarrollando nos últimos años. Les beques tan empobinaes a llicenciaos universitarios que tengan algamada la llicenciatura con posterioridá al 1 de Xineru de 2002, o que puedan obtenela na convocatoria de Xunu de 2007. Ye fundamental pa la obtención de la beca residir nel Principáu d’Asturies y tar empadronáu nun de los sos conceyos con un añu d’antelación a la publicación de la presente convocatoria. Tamien pueden optar a les beques los fíos d’emigrantes asturianos nel esterior. Les xeres durante la duración de les beques van consistir na realización d’estudios de postgráu en materia de relaciones internacionales y/o europees durante’l cursu academicu 2007-2008, en centros universitarios estranxeros. Por ello habra d’acreditase un conocimientu suficiente del idioma o idiomes nos que se vayan a facer los estudios. La dotación de cauna de les beques va ser de 6.000 euros, con cargu a los Presupuestos Xenerales del Principáu d’Asturies pa 2007. Esta dotación va empobinada a cubrir los gastos qu’orixine’l siguimientu de los estudios, correspondiendo-y a quienes resulten beneficiarios de les beques la tramitación y pagu de los gastos rellacionaos. Tolos aquellos estudiantes interesaos en optar a les beques deberán presentar la so solicitud antes del 31 de Mayu de 2007, conforme a los requerimientos espublizaos nel Boletín Oficial del Principáu d’Asturies del 21 de Marzu de 2007, a l’atención del Ilmo. Sr. Conseyeru de Xusticia, Seguridá Pública y Relaciones Esteriores del Principáu d’Asturies y han de presentase nel Rexistru de la Conseyería de Xusticia, Seguridá Pública y Relaciones Esteriores del Principáu, C/ Uría, 10, 8ª planta, 33071 (Uvieu). .Podeis consultar la información rellacionada colos documentos a presentar na solicitú y el procedimientu de selección nel siguiente documentu. 4 d'abril, 2007 0 FacebookTwitterPinterestEmail
Educación Educación rectifica’l curriculum del asturianu en primaria by asturnet 20 de marzu, 2007 La Conseyería asegura que tolos centros educativos d’Asturies van tar obligaos a ufrir asturianu en primaria. La Conseyería nun atendió a la pitición formal de los sindicatos y personal docente pa la formación d’una Comisión qu’analizara la presencia del asturianu nel sistema educativu asturianu. La Conseyería dexa a la elección de cada centru la elección de l’asignatura alternativa al asturianu. Ente les propuestes de José Luís Iglesias Riopedre, Conseyeru d’Educación, nun se fixen aiciones positives que conduzan a una normalización de la presencia del asturianu dientro del sistema educativu. SUATEA considera que la decisión de la Conseyería nun cuntó cola collaboración de los sindicatos, que quedaron al marxe de la decisión. El sindicatu mayoritariu de la educación pública n’Asturies considera que la falta de la oficialidá provoca que la Conseyería pueda xugar cola asignatura, asina como cola so alternativa. Dende esti sindicatu recuerden que la Conseyería nun va fixar l’alternativa a la enseñanza del asturianu, polo que la dirección de los centros va poder inxertar como alternativa cualquier asignatura non curricular. Del mesmu mou critícase l’ausencia en tou’l proyectu curricular l’ausencia de referencies al númberu d’alumnos pa impartir l’asignatura. Como exemplu ponen el de la clas de relixón na que con sólo una persona que lo solicite va poder recibila, mientres que nel casu del asturianu esti númberu elévase a 10 escolinos y escolines. Dende SUATEA consideren que la propuesta de la Conseyería tampoco asegura mantener los puestos de trabayu del profesoráu d’asturianu, polo que la situación d’esti colectivu volvería a quedar al debalu. SUATEA pronuncióse tamién sobre la situación del ensiñu del asturianu na educación secundaria, equí la situación ye muncho más grave que na primaria. Dende’l sindicatu mayoritariu consideren que de forma transitoria, hasta la oficialidá, la enseñanza del asturianu en secundaria ha ser similar a como se vien faciendo hasta’l momentu na educación primaria, asegurando la presencia del asturianu en tolos centros de secundaria de les redes pública, concertada y privada del país. 20 de marzu, 2007 0 FacebookTwitterPinterestEmail