Educación Los sindicatos de la enseñanza sofiten la manifestación pola oficialidá y denuncien la situación del asturianu nes escueles by asturnet 21 de payares, 2007 Los sindicatos de la enseñanza d’Asturies: SUATE, FETE-UXT y la Federación d’Enseñanza de CCOO espublizaron güei un comunicáu nel que sofiten la manifestación pola oficialidá del asturianu ya’l so reconocimientu nel prósimu estatutu d’Autonomía que cellebra esti sábadu 24 de payares n’Uvieu el Conceyu Abiertu pola Oficialidá. Los sindicatos tamien denunciaren les carencies na escolarización de la llingua asturiana. SUATEA, FETE-UXT y CCOO recordaren que la demanda d’escolarización na llingua asturiana volvió a medrar. Según los sindicatos namái un un 30 % de los docentes trabayen a tiempu completu en Llingua Asturiana y nun únicu centru, dominando la situación d’itinerancia en primaria (un 55 %) y la media xornada en secundaria (un 58%). Los sindicatos anunciaron la so presencia na gran manifestación d’esti sábadu y reivindicaron delles cuestiones tocantes a la escolarización de la llingua asturiana que tan incumpliendose anguaño. D’esti mou piden en primer llugar la incorporación de la Llingua y la Cultura Asturiana al currículu d’enseñanza infantil, dalgo que, como recordaren les tres plataformes, la Conseyería nun tien previsto incorporar y que crea un conflictu evidente ente lo que se vive nel día a día y lo que se deprende na escuela. En segundu llugar los sindicatos de la educación punxeren sobre la mesa la Eliminación de les ratio mínimes en tolos niveles pa la constitución de grupos de llingua asturiana y gallego asturiano. Esta situación, menos palpable en primaria, ta dafechu a la escontra de’l derechu a la escolarización que recueye la Llei d’usu. En Secundaria y Bachilleratu el problema ye mas grave al entrar en conflictu l’asturianu con segundes materies como l’ingles. Esto na escuela pública porque na concertada la situación ye que namái tres centros tienen grupos d’asturianu n’activu, dalgo que fraya de nuevu dafechu la llei d’usu y que según los sindicatos discrimina claramente a los neños que quieran reforzar el so curriculum d’asturianu en favor de los que opten por reforzar otres asignatures, cuando les perres coles que se financien estos centros son públiques y de tolos asturianos. SUATE, FETE-UXT y la Federación d’Enseñanza de CCOO tamien esixen la creación de la especialidá de Llingua Asturiana y Gallego-Asturiano nos Cuerpos de Maestros y Profesores d’Enseñanza Secundaria ya que esto fuí daque que’l el gobiernu asturianu prometió estudiar enantes que terminara l’añu 2006 y entá nun cumplió cuando ya tamos a lo cabero de 2007. 21 de payares, 2007 0 FacebookTwitterPinterestEmail
Educación Una tesis doctoral redactada y defendida nasturianu consigue un «Sobresaliente cum laude» by asturnet 20 de payares, 2007 Según informa lAcademia de la Llingua Asturiana, nel Departamentu de Filoloxía Española de la Universidá d’Uviéu, na Facultá de Filoloxía, diose llectural pasáu vienres, 16 de payares a les 12:00, a la tesis doctoral La fala de Trubia: estudiu sincrónicu y diacrónicu, onomástica y aspectos sociollingüísticos, redactada y defendida en llingua asturiana, y que llogró la calificación de «Sobresaliente cum laude». El Tribunal, tuvo formáu pol Dr. D. José Ramón Fernández González como presidente, caderalgu de Filoloxía Románica (Universidá d’Uviéu), pol D. D. Miguel Ramos Corrada, profesor titular de Lliteratura Española (Universidá d’Uviéu) como secretariu y como vocales la Dra. Dña. Ma Jesús López Bobo, profesora titular de Llingua Española (Universidá d’Uviéu), Dra. Dña. Beatrice Schmidt, caderalga de Llingüística Iberorrománica (Universidá de Basilea-Suiza) y al Dra. Dña. Mercedes Brea, caderalga de Filoloxía Románica (Universidá de Santiago de Compostela). El so autor ye Pablo Suárez García, Inxenieru Superior de Telecomunicación y Llicenciáu en Ciencies Matemátiques y, dendel vienres, Doctor en Filoloxía. Pablo Suárez García trabaya actualmente pal Departamentu de Matemática Aplicada a les Tecnoloxíes de la Información (Grupu de Sistemes Intelixentes) de la Escuela Técnica Superior d’Inxenieros de Telecomunicación de la Universidá Politécnica de Madrid, y pal spin-off (de la Universidá Politécnica de Madrid) «Daedalus», empresa dedicada profesionalmente a la Inxeniería Llingüística. Imparte actualmente tamién los cursos de Llingua Asturiana del “Centru Asturianu de Madrid” y de la “Casa de Lleón”. La tesis tuvo dirixida pola Dra. Ana Mª Cano González, caderalga de Filoloxía Románica de la Universidá d’Uviéu y foi codirector el Dr. Xosé Lluis García Arias, profesor titular de Llingua Española na Universidá d’Uviéu. La tesis consiste nuna descripción detallada de la fala de Trubia, incluyendo les parroquies de Trubia, Udrión y Pintoria, na faza más occidental del conceyu d’Uviéu, dende los puntos de vista sincrónicu y diacrónicu. L’estudiu desendólcase al rodiu cuatro cuestiones fundamentales: 1) Estudiu sincrónicu completu, emplegando la metodoloxía propia del estructuralismu llingüísticu, de la fala trubieca actual. 2) Estudiu diacrónicu d’esta mesma fala; 3) Estudiu onomásticu de la fastera oxetu d’estudiu, cola compilación y estudiu etimolóxicu de la toponimia y antroponimia trubieques; 4) Estudiu de dellos comportamientos y creencies arraigaos na población trubieco con rellación a la so llingua, desde un puntu de vista sociollingüísticu. 20 de payares, 2007 0 FacebookTwitterPinterestEmail
Educación La Universidá d’Uviéu cellebró el venti aniversariu del programa Erasmus by asturnet 20 de payares, 2007 La Biblioteca central de la Universidá d’Uvieu agospió ayeri la cellebración del XX Aniversariu del Programa Europeu “Eramus”. Pecisamente la Universidá ovetense fuí en 1987 una de les impulsores d’esta esitosa iniciativa xunto colos cenros de Sheffield, en Inglaterra, y Bochum, en Alemania. Anguaño Uvieu recibe alredor de 500 estudiantes universitarios europeos por mor d’esti programa d’intercambiu. Al actu asistieron representantes de toles universidaes d’España y tuvo presidíu pola ministra d’Educación y Ciencia Mercedes Cabrera. Tamien asistieron al cabudañu del Erasmus el rector ovetense, Juan Vázquez, el conseyeru d’Educación, Jose Luis Iglesias Riopedre, ya’l presidente del Conseyu de Rectores d’Universidaes Españolas (CRUE), Ángel Gabilondo. Cabrera señaló qu’esti programa yera una de les claves del procesu de construcción de la Unión Europea amá d’una de les pilastres del futuru Espaciu Europeu d’Enseñanzes Universitaries. La ministra quiso sorayar amás laimportancia d’españa como’l primer país en tola UE en cuantu al númberu d’estudiantes Erasmus agospiaos amás de ser el segundu emisor. “L’Erasmus contribuí a iguar una conciancia europea”, señaló la ministra. Nel actu tamiñen intervinieron cuatro estudiantes españoles pa cuntar la so esperiencia educativa nel estranxeru. Tres estes intervenciones Mercedes Cabrera galardonó con una placa al presidente del CRUE y rector de la Universidá Autónoma de Madrid, Ángel Gabilondo ya’l conseyeru Riopedre fizo una valoración cuantitativa del númebru d’estudiantes afeutaos pol programa (1 millon en 20 años) y un repasu d’estos venti años de xera academica. El rector de la Universidá Juan Vazquez tamien quiso recordar na so intervención el factor integrador del programa Erasmus 20 de payares, 2007 0 FacebookTwitterPinterestEmail
Educación Entama la enseñanza del lleonés nos colexos públicos by asturnet 23 d'ochobre, 2007 Nun alderique organizáu pol Diario de León, el conceyal dEducación del Ayuntamientu de Lleón, Abel Pardo, afimó que cola enseñanza del lleonés quier garantizasel derechu de que tolos que quieran adeprender esa llingua puean facelo al tiempu que daba anuncia de quun cientu dadultos ya se matricularen na Escuela Tradicional y que cuatro neños formalizaren yá la matricula nel Colexu Antonio Valbuena. Nel alderique tamién participaball presidente de la Federación dAsociaciones de Padres y Madres de León (Fapa), Jesús Sánchez, que desplicó que na negociación cola Concejalía de Educación y Cultura pala implantación del lleonés tuvieéronse en cuenta dos aspectos fundamentales:El primeru que nun fuera una enseñanza propia dun idioma sinon que prevaleciera la cultura y la tradición leonesa y que fuera una asignatura extraescolar. La postura del PP afitola la conceyala Arancha Miguélez que dixo tar con que la enseñanza del lleonés aporte a los colexos anque punxo en dulda la so utilidá: El sentido común me indica que los padres apuntarán a sus hijos antes a inglés o a informática que a leonés. Abel Pardo manifiesta tamién nesi alderique del Diario de León que sabiendo leonés se aprende tres veces más rápido italiano y dos veces más rápido francés y que así se cumple uno de los puntos del pacto de gobernabilidad. Noticia nel Diario de León 23 d'ochobre, 2007 0 FacebookTwitterPinterestEmail
Educación SUATEA solventa la discriminación en Pando y La Llaboral by asturnet 22 d'ochobre, 2007 Dende SUATEA tan acabante de difundir una nota de prensa esti martes na que ponen na conocencia de tola sociedá que “gracies a les presiones feches ente toos, salgamó la creación de estos dos grupos dasturianu que nun se formaren al entamar el cursu incumpliendo gravemente la Llei dUsu”. SUATEA anima a que “tola Comunidá Educativa (mayestros, escolinos, asociación de mas y pas) y toles instituciones y coleutivos sigan denunciando tolos casos de discriminación llingüística: ye la única mena que tenemos de que se respeten los nuesos derechos.Nos vixilaremos el cumplimientu de la Llei dUsu. Asina mesmo, SUATEA considera que “la oficialidá del asturianu y del gallego-asturiano tien que contemplase na reforma del Estatutu dAutonomía porque la Llei d’Usu ye insuficiente pa dar seguranza del respetu a los derechos llingüísticos de los ciudadanos d’Asturies. Mentanto, caltenemos les nueses postures y siguimos pidiendo les midíes urxentes que vienen darréu: Mesa de negociación cola Conseyería dEducación pa tratar: la precariedá llaboral del profesoráu, ratios, desdobles, inmediata apertura de la bolsa de Gallego-Asturiano Incorporación de la enseñanza de la Llingua Asturiana nel Currículu dInfantil.” 22 d'ochobre, 2007 0 FacebookTwitterPinterestEmail
Educación Los actos académicos y los congresos van ser los principales atractivos del cuartu centenariu de la Universidá by asturnet 8 d'ochobre, 2007 La Universidá d’Uvieu cellebra durante esti cursu academicu’l so cuartu centenariu y va facelo con abondos actos solemnes, congresos y conceyos universitarios. Esti programa d’actividaes ta dotáu con un presupuestu inicial de 300.000 mil euros, la mitada aportaos por Cajastur, según informó’l Rector de la Universidá, Juán Vázquez. Ente los actos más destacaos, que se presentaron el llunes 8 en rueda de prensa pol propiu Rector, destaquen la investidura que se va facer de varios doctores honoris causa nos ámbitos de la cultura y la ciencia. Amás tamien se va facer entrega de les medalles correspondientes al Cuertu Centenariu de la institución y les disticiones de la Universidá. Congresos y conceyos universitarios van completar la ufierta da la Universidá pa esti ciclu academicu. Ente ellos el Conseyu d’Universidaes, el conceyu del G9 d’Universidaes, el Comite Universitariu de Relaciones Internacionales, l’Asamblea Plenaria de Decanos de Derechu d’España y el Conceyu Internacional de Facultaes de Xeografía y Historia. Tambien se fan facer dellos congresos científicos y un coloquiu sobre inmigración, programáu del 18 al 20 d’ochobre. La Universidá d’Uviñeu va aprovechar esti añu de festeyos p’asoleyar dalgunos documentos como la nueva Historia de la Universidá d’Uvieu amás de material audiovisual y electrónicu de diversa índole. Otres actividaes van ser la cellebración d’amueses artístiques, premios culturales y competiciones deportives, conciertos de música clásica, coral o de rock y fiestes universitaries. Especial atención van recibir los alumnos estranxeros qu’estudien na Universidá embaxo’l sistema de beques de la Unión Europea Erasmus, que esti año cellebra’l so vixesimu aniversariu, cola cellebración de varios actos ente los que tan la proyección de curtio ellaboraos polos alumnos, escursiones y delles xeres especiales. Tamien se va collaborar coles universidaes d’America Llatina, al travies del programa America, y con otres centros españoles mediante los Días de les Universidaes. 8 d'ochobre, 2007 0 FacebookTwitterPinterestEmail
Educación L’asociación Dante Alighieri entama’l cursu cola presentación de la so ufierta académica by asturnet 7 d'ochobre, 2007 Entama un nuevu ciclu academicu na asociación Dante Alighieri d’Uvieu con una actu de presentación nel Club Prensa Asturiana a les 20:00 hores nel que va tar presente’l vicecónsul d’Italia p’Asturies y Lleón, Paolo Ercolani. Van intervenir tamien a presidenta de la sociedá, Carmen Martín Alonso:; la responsable del área “Historia del arte y patrimoniu”, María Elena Palmegliani y el encargáu de la sección “Didáctica”, Giusy di Stefano. La sociedá Dante Alighieri nació n’Italia en 1889 y anguaño ta presente en más de 60 paises col enfotu de velar pol buen usu y la salú de la llingua italiana. Ente otros premios furon gallardonaos en 2005 col Premiu Príncipe d’Asturies de Comunicación y Humanidaes. 7 d'ochobre, 2007 0 FacebookTwitterPinterestEmail
Educación La Xunta denuncia nuevos casos de discriminación by asturnet 7 d'ochobre, 2007 La Xunta pola Defensa de la Llingua Asturiana tien que volver a denunciar nuevos casos de discriminación llingüística na enseñanza. Sigún l’asociación a la situación de marxinación que carez la llingua asturiana nel sistema educativu, llendada a una asignatura voluntaria en primaria y optativa en secundaria, súmense los cientos de casos destudiantes a los que, tovía depués descoyer lasignatura dasturianu, se-yos niegal derechu a cursala. La Xunta pola ta acabante de comprobar que “la dirección del Institutu de Pando nUviéu niega la posibilidá de cursar lasignatura de Llingua Asturiana a 7 alumnos que la escoyeron como primer optativa na matrícula pa esti cursu. Nun primer momentu la dirección del centru llegó a dicir a los alumnos quen Bachilleratu nun yera obligatorio ufiertar lasignatura, a la fin reconocen que se reordena a los estudiantes notres asignatures pa que desta manera se cubran los mínimos a los que nun llegaben. Esta situación nun ye nueva nesti institutu, nos tres últimos años tampoco nun hebo grupu dasturianu.” La situación repítese de forma asemeyada notros centros: “nel institutu de Turón quitóse un grupu dasturianu con tres matriculaos. Nel institutu de Candás nun dexen matriculáse a un alumnu dESO por nun tener garrada lasignatura en primeru y segundu; otru, por escoyer asturianu como optativa en cuenta del francés, foi espulsáu deducación billingüe (ninglés)”. La Xunta pola Defensa de la Llingua Asturiana quier denunciar “questes situaciones repítense cada añu nel entamu del cursu escolar ensin que la inspección educativa faga nada por evitalo. Como cada añu, la Conseyería dEducación y les direcciones de dalgunos centros incumplen la llei sistematicamente, negandol derechu a estudiar asturianu a cientos destudiantes de toles etapes que lo piden voluntariamente”. 7 d'ochobre, 2007 0 FacebookTwitterPinterestEmail
Educación LAyuntamientu de Xixón edita dos xuegos de mesa fechos polos escolinos del conceyu by asturnet 1 d'ochobre, 2007 La Oficina Municipal de la Llingua de Xixón editó dos xuegos de mesa fechos polos alumnos d’Educación Secundaria de los institutos Emilio Alarcos y Doña Jimena, que fueron los ganadores de la primer edición del concursu “Vas velo,trebeyos pal aula”. El certame tuvo como premiu la edición de 300 exemplares de caún de los xuegos que serán repartíos ente los escolinos xixoneses asina como un intercambíu cultural col conceyu portugués de Miranda del Douro. Los escolinos/es del Doña Jimena algamaron el premiu col xuegu “De coríu a coríu”, un pasatiempu inspiráu nel “xuegu de la oca” , que tien un lléxicu rellacionáu cola casería asturiana. Per otru llau, los escolinos y escolines del institutu Emilio Alarcos presentaron “El xuegu de la Llingua”, una variedá del xuegu “Tabú”. “El xuegu de la Llingua” va repartise ente escolinos y escolines de Secundaria y “De coríu a coríu” ente los de los caberos cursos de Primaria. El xuráu tuvo formáu por Carmen Rúa y María Xosé Rodríguez, presidenta y secretaria respeutivamente; y como vocales, el xefe del Departamentu de Programes Educativos de la Fundación Municipal de Cultura, Manuel González; el coordinador d’Enseñanza de la Llingua de la Conseyeria d’Edución; y el vicesecretariu y miembru de l’Academia de la Llingua, Urbano Rodríguez. 1 d'ochobre, 2007 0 FacebookTwitterPinterestEmail
Educación LAcademia de la Llingua Asturiana pesllaba esti sábadu los XXV Cursos de Branu by asturnet 28 de setiembre, 2007 El Vicerrector d’Extensión Universitaria de la Universidá dUviéu, Javier Mato, y la Presidenta de lAcademia de la Llingua, Ana Cano, pesllaron los XXV Cursos de Branu nun actu que tuvo llugar esti vienres a les 19:30 hores y nel que como cada añu lAcademia pieslla de manera oficial los cursos que celebra a principios dagostu nIbias. A lo llargo del actu intervinieron el direutor de los Cursos de Branu, Xosé Antón González Riaño, la Presidenta de lAcademia, Ana Cano y el Vicerrector d’Extensión Universitaria de la Universidá dUviéu, Javier Mato, que sorprendió a los presentes, qu’enllenaben el Salón de Graos de la Facultá de Filosofía, con una intervención nun asturianu curiáu y bien pronunciáu col que prometió asistir a la inauguración de los cursos n’Ibias l’añu entrante. La presidenta de l’Academia nun dexó pasar la oportunidá de desixir a la Universidá, representada nel Vicerrector, mayor respetu pa que nun se sigan refugando nel rexistru xeneral los escritos en llingua asturiana o les tesis que tienen los sos títulos o resúmenes na nuesa llingua, pa que nun se tenga que depender de la bona o mala predisposición de les persones que tienen al cargu les xestiones alministratives. Ana Cano tamién fizo alcordanza de que’l Ministeriu d’Educación dexa nes manes de les Universidaes y los Gobiernos la implementación de les titulaciones que consideren afayadices, colo que ya nun se puen dar disculpes pa seguir allargando l’afitamientu de la especialidá de Filoloxía asturiana como títulu de gráu. Nos cursos desti añu participaron un total de 150 alumnos matriculaos nos siete niveles que simpartieron: Cursu Elemental de Llingua Asturiana, Cursu Avanzáu de Llingua Asturiana, Cursu de Capacitación pa la Traducción al Asturianu, toos tres inxertos nos Cursos dEstensión Universitaria de la Universidá dUviéu y los cursos Lasturianu na rede dInternet, El cine nasturianu. Aplicaciones educatives, Otros xuegos y tradiciones populares na enseñanza, y la primera fase del Curso de Capacitación en Gallego-Asturiano. 28 de setiembre, 2007 0 FacebookTwitterPinterestEmail