Educación La Conseyería de Cultura presentó les actividaes complementaries pa les clases de llingua asturiana by asturnet 23 de payares, 2009 La Conseyería de Cultura y Turismu dAsturies presentó, cola presencia Consuelo Vega Díaz, Directora Xeneral de Política Llingüística, y Juan José Sánchez Navarro, Director Xeneral de Polítiques Educatives, Ordenación Académica y Formación Profesional, amás duna nudrida representación de los músicos, escritores y actores, que van participar nes actividaes programaes pa esti cursu. El Director de Polítiques Educatives repasó los datos descolarización del presente cursu 2009-2010 y afirmó quhai una progresión constante y sostenida nel númberu dalumnos que cursen lasignatura de Llingua Asturiana en centros públicos, y un aumentu significativu de la matriculación nesta asignatura na enseñanza concertada. Pela so parte, la Directora de Política Llingüística declaró que lAxenda Didáctica Escolar sorganizó col envís de sofitar el trabayu de los docentes y pa que la comunidá educativa compruebe que lasturianu ye, amás, la llave pa entrar nel ricu mundu de la cultura (música, lliteratura, teatru.) que se vien faciendo en llingua asturiana. LAxenda Didáctica Escolar ta abierta a la participación de tolos centros educativos del Principáu, yá seyan públicos o concertaos, dEducación Primaria, Secundaria y Bachilleratu. En total, les 23 actividaes que sufierten van destinaes a 300 colexos ya institutos. Diez de les actividaes tán organizaes coal fin de contribuyir a que lalumnáu asturiano de Primaria, Secundaria y Bachilleratu savere al panorama musical de la mano de músicos destacaos como Anabel Santiago, Chus Pedro, Toli Morilla o Xuacu Amieva. En cuantes a les actividaes rellacionaes cola lliteratura, propónense un total de cinco, que van analizar lactualidá poética, el cómic y la lliteratura infantil y xuvenil. Van tar dirixíes polos escritores Chechu García, Iris Díaz Trancho, Marisa López Diz y Vicente García Oliva. Complementen la programación de lAxenda les artes escéniques, con un total docho actividaes y la participación dAsturmitomanía, Eladio de Pablo, Hixénico Papel ol Teatru Margen, ente otros. 23 de payares, 2009 0 FacebookTwitterPinterestEmail
Educación Xosé Lluis García Arias ye’l nuevu Catedráticu de Dialectoloxía de la Universidá d’Uviéu by asturnet 11 de payares, 2009 Xosé Lluis García Arias ye’l nuevu Catedráticu de Dialectoloxía de la Universidá d’Uviéu dende qu’esti miércoles pela mañana, el Tribunal de la plaza pola que concursaba depués de 22 años de la mayor polémica que vivió la Facultá de Filoloxía restituyera lo qu’inxustamente se-y torgó nun xuiciu a la normalización de la llingua asturiana que Gregorio Salvador y Emilio Alarcos ente otros sofitaron nel desendolcu de la plaza de Dialectoloxía na que concursó en 1987. Xosé Lluis García Arias amosó delantre’l Triibunal la so impeclable trayectoria dovcente ya investigadora faciendo xurdir de los miembros del mesmu afalagos xustros sobre’l so preyectu investigador y la so granible estatya nel tarrén de la investigación dialectolóxica. Un nivel, el de Catedráticu, que por méritos ya tendría d’adornar el currículu de García Arias dende va munchu tiempu, como reconocieron los miembros del Tribunal, y qu’algama nel momentu en qu’entama a afitase dafechu’l so llabor nel tarrén etimolóxicu. Hai 22 años, un Tribunal encabezáu por Gregorio Salvador y Josefina Martínez torgó-y a Arias algamar una Cátedra pola que concursba en competencia con Francisco García, profesor tristemente fallecíu que con muncha menor esperiencia y resultaos investigadores algamó la plaza a lo postrero no que foi un llamentable xuiciu al alitar de la normalización de la llingua asturiana qu’encabezaba Xosé Lluis García Arias, como Presidente de l’Academia de la LLingua. 11 de payares, 2009 0 FacebookTwitterPinterestEmail
Educación La UNED inaugural cursu nAsturies by asturnet 28 d'ochobre, 2009 El Centru Asociáu de la UNED nAsturies celebra güei, miércoles 28, a les siete la tarde, la llección inaugural del cursu, a caregu dEmilio González-Capitel, director-conservador del Parque Natural de les Fontes del Narcea, Degaña ya Ibias, que va llevar por títulu El suroccidente asturianu y la so conservación. Lactu va celebrase nel Salón dActos del Centru, asitiáu na redolada de la Universidá Llaboral. 28 d'ochobre, 2009 0 FacebookTwitterPinterestEmail
Educación Últimos díes del Festival de Lliteratura Infantil y Xuvenil by asturnet 16 d'ochobre, 2009 Villaviciosa acueye esti Festival que llegal domingu al so fin. El vienres les actividaes pa neños van siguir pela mañana, presentándose pela tarde, a partir de les siete, el llibru Bruxes males, bruxes bones de Francisco Pimiango (autor y ilustrador); y la colección de llibros fomada por Animalinos, Animalaes, Los animales y La primavera, pa rapacinos de 0 a 3 años, que son obra de Sabel Tuñón, Lurdes Álvarez y del ilustrador Enrique Carballeira. Toes estes obres espublízales Ámbitu. La fin de selmana, el Gremiu dEditores dAsturies sigue col so stand de venta de llibros, de 11 a 21. Amás, el sábadu, a les 11.00 hores, van actuar los grupos musicales «Doctor Centollu», «Mosquitas Muertas» y «Bichosaurios». A les 11.45, va presentasel llibru ¡Cómo te güelen los pies!, de M.ª Luz Pontón, y asoleyáu por Editorial Trabe. Mientres, Casa la Cultura «M.ª Josefa Canellada» de Cabranes a celebrase la presentación del llibru Arroz, agua y maiz, de Berta Piñán. Premiu «Mª Josefa Canellada» de Lliteratura Infantil y Xuvenil 2008, en coedición de la Conseyería de Cultura y Turismu y la Editorial Pintar-Pintar. De vuelta a Villaviciosa, a les 13:30, va actuar el grupu musical «Pingüinos asesinos», el grupu «Nun Tris», y a les seis, Alfredo González, ganador del Premiu al Meyor Cantar en llingua asturiana. El domingu ye lúltimu día pa mercar llibros col 10% de descuentu nel stand del Gremiu dEditores dAsturies, onde va fallase a les 11.00 hores, el «I Concursu de Relatos Ilustraos nasturianu», con una entrega de premios, y media hora más tarde, conciertu de los grupos musicales «Fracaso escolar» y «Pingüinos asesinos». El Festival va pesllase a les 12.30 hores con un conciertu del grupu «Tejedor». Programa completu del Festival 16 d'ochobre, 2009 0 FacebookTwitterPinterestEmail
Educación El Festival de Lliteratura Infantil y Xuvenil entama coles Xornaes escolares by asturnet 14 d'ochobre, 2009 El I Festival del Llibru Infantil y Xuvenil, que va facese en Villaviciosa, entama esti xueves 15 a les nueva la mañana coles Xornaes escolares, nes que va cuntase coles esposiciones Arroz, agua y maíz, con poemes de Berta Piñán ilustraos por Elena Fernández y Montesín, de M.ª Josefa Canellada; cuentacuentos a cargu dOlga Cuervo, dellos talleres con escritores asturianos, conciertos didácticos de música tradicional asturiana a cargu de Daniel García de la Cuesta y un espectáculu de maxa a cargu de José Armas «El Ilusionista». A les cutro y media el Gremiu dEditores dAsturies abre lstand coles sos publicaciones y a les siete Esther García presental llibru Menú de versos, de la Editorial Pintar-Pintar. El Festival va siguir con actividaes variaes hasta domingu 18 d’ochobre, que pueden consultase nel programa completu. Programa completu del Festival 14 d'ochobre, 2009 0 FacebookTwitterPinterestEmail
Educación La Xunta llama a denunciar les agresiones na enseñanza by asturnet 9 d'ochobre, 2009 Viendo los estorbos que se ponen de contino nos centros denseñanza, tanto de Primaria como de Secundaria pa col enseñu del asturianu, la Xunta pola Defensa de la Llingua Asturiana fai un llamáu a tola xente que tenga conocimientu de casos nos que la opción llibre de cursar estudios dasturianu la deniegue dalgún centru educativu. La presencia del asturianu na educación ye marxinal y testimonial, dase una situación dagresión continua a los derechos llingüísticos y educativos de los y les estudiantes, y un incumplimientu sistemáticu de la llexislación esistente nAsturies nesti campu. Esto traduzse en que, cursu tres cursu, niégasel derechu a estudiar la llingua asturiana a miles de mozos y moces estudiantes que lo piden voluntariamente. Nos últimos díes, foi posible resolver un casu nun institutu de Xixón nel que se negaba la opción de cursar asturianu a dellos estudiantes que lu hubieren pidío. Depués de facer les xestiones correspondientes, foi posible iguar esta situación y que finalmente el centru accediera a ufrir lasignatura. Sabemos que nun ye lúnicu casu y que en munchos dellos podríemos tar en condiciones dactuar de lleganos la información en tiempu. Por eso, encamentamos a tolos estudiantes, families, trabayadores de la enseñanza y a cualquier persona que pueda tener información sobre esti tipu de situaciones, a que se pongan en contactu cola Xunta pola Defensa de la Llingua Asturiana pa denunciar y actuar contra estos fechos. Más información na páxina web de la Xunta 9 d'ochobre, 2009 0 FacebookTwitterPinterestEmail
Educación Les escueles de música de Llangréu y Noreña entamen un taller de xuegos tradicionales padultos by asturnet 7 d'ochobre, 2009 Les escueles de música tradicional de Llangréu y Noreña abren esti añu conteníos a munches más coses que la música, en primer llugar anunciaron yá un cursu pal aniciu de los neños na cultura tradicional, y dan anuncia agora dun cursu de xuegos tradicionales, que según el profesor, Carlos Suari va tener un enfoque mui al estilu taller, lo principal ye poner en común xuegos y deportes. Sicasí, tamién va tener conteníu teóricu, anque seya namás Ente carrera y carrera, dando cuenta de dalguna curiosidá, apunte metodolóxicu o teóricu. Les clases, que van durar tol cursu académicu sedrán un día a la selmana, a últimes hores de la tarde (de 7 a 9 aprox.). Anque esti cursu pue camudar dependiendo del númberu d’alumnos, pudiendo duplicase. El cursu de xuegos tradicionales padultos empobínase a una población variao que, como base, presenta bona gana de pasalo bien y reflexonar sobre la importancia de lo lúdico nel nuesu patrimoniu cultural. Por eso, toa persona con interés na tradición asturiana va tener la oportunidá de recibir otru puntu de vista sobre una estaya davezu escaecida y maltratada. Amás, perfiles profesionales comol danimador/a sociocultural, monitor/a de tiempu llibre, maestra/u o profesor/a, van sacar bon rendimientu desti cursu que tamién va tratar del significáu y la bayura lúdica asturiana, del so orixe y la so posible aplicación na sociedá actual. D’haber un grupu namás, el cursu sedrá en Noreña que ta más céntrico. Pa más información o papuntase ha llamase al teléfonu 985 67 71 13. 7 d'ochobre, 2009 0 FacebookTwitterPinterestEmail
Educación Una Universidá nueva dempués de Boloña, esti xueves en Xixón by asturnet 6 d'ochobre, 2009 El xueves que vien, 8 dochoe, a les 19.30 hores, va pronunciase la conferencia titulada Una nueva Universidad tras Bolonia, per parte de Miriam Cueto Pérez, Directora Rexonal dUniversidaes. Lactu va tener llugar nel Salón dActos de la Cátedra Gaspar Melchor de Xovellanos dEstensión Universitaria, asitiada na cai Tomás y Valiente, 1 de Xixón. La entrada al actu, quorganizal Vicerrectoráu dEstudiantes y Empléu, ye llibre y de baldre. 6 d'ochobre, 2009 0 FacebookTwitterPinterestEmail
Educación Presentóse lAxenda Escolar del Conceyu de Xixón by asturnet 6 d'ochobre, 2009 La Oficina Municipal de la Llingua del Conceyu de Xixón presentó l’Axenda Escolar 2008/2009, que se dedica esti añu a l’astronomía. Nel actu tuvieron presentes el Conceyal de Política Llingüística, D. Jesús Montes Estrada; la Responsable de la Oficina Municipal de la Llingua, Mª Xosé Rodríguez López, y María de los Ángeles García Rodríguez, l’autora de los testos de la mentada axenda. Ésta ye la sesta axenda escolar que s’edita col oxetivu de promover l’usu y conocimientu de la llingua asturiana ente l’alumnáu de secundaria y bachilleratu, al tiempu que se-yos faciliten a los estudiantes recursos pa una meyor organización y distribución del tiempu escolar. Si les primeres axendes falaben de los díes internacionales, de les llingües del mundu, de la ecoloxía, de Xixón y de lliterarura, esti añu, declaráu Añu Internacional de l’Astronomía, la Oficina decidió tocar esi tema. Al traviés de les illustraciones de Lupe Sabugo y los testos de Mª Ángeles García Rodríguez, esta axenda recueye los típicos espacios pal horariu escolar, les feches d’exámenes, el profesoráu, los deberes diarios, les actividaes estraescolares, los trabayos de cada asignatura o un xustificante pa les faltes d’asistencia, pero tamién dexa sitiu pa les feches importantes, pa les señes de los compañeros de clas, cola astronomía como exa vertebradora de tola publicación. L’axenda va repartise ente tol profesoráu d’asturianu del conceyu de Xixón y los casi 700 alumnos y alumnes matriculaos en llingua asturiana en Secundaria y Bachilleratu nos centros escolares del so territoriu. 6 d'ochobre, 2009 0 FacebookTwitterPinterestEmail
Educación Los Títulos propios de Master van tener ayudes públiques n’Uviéu by asturnet 3 d'ochobre, 2009 El Gobiernu del Principáu d’Asturias va asoleyar nesti mes d’ochobre una convocatoria de ayuda pa matrícules en dellos títulos propios de la Universidá d’Uviéu, empobinada a estudiantes que s’alcuentren en situación llegal de desemplegu. Los interesaos tienen amás que tener ñacencia ente’l 1 de xineru de 1969 y el 31 d’avientu de 1983 y tar en posesión d’un títulu oficial universitariu. L’importe de la ayuda de matrícula va ser el preciu públicu afitáu pa los servicios académicos que conduzan a la obtención del Títulu propiu de Máster de la Universidá nel númberu d’años establecíu nel correspondiente plan de estudios, siempres que’l períodu de matricula seya anterior al 30 de Payares de 2009. Les ayudes van concedese en réximen de concurrencia competitiva. Si se superase la cuantía total prevista, el criteriu d’alxudicación va ser el de concesión al solicitante de mayor edá. El plazo presentación de solicitudes va finar el 15 de Payares de 2009, inclusive. Títulos Propios de la Universidá d’Uviéu consideraos d’interés estratéxicu pala Comunidad Autónoma del Principado de Asturias: MÁSTER EN DIRECCIÓN DE EMPRESAS, MBA EJECUTIVO MÁSTER DE CIRUGÍA ORAL MÁSTER EN CONTABILIDAD DIRECTIVA Y CONTROL DE GESTIÓN MÁSTER EN CONTABILIDAD Y DIRECCIÓN PARA LA ADMINISTRACIÓN PÚBLICA MÁSTER EN DIRECCIÓN DE COMUNICACIÓN Y NUEVAS TECNOLOGÍAS MÁSTER EN GESTIÓN CONTABLE AVANZADA PARA PYMES MÁSTER EN GESTIÓN DE ORGANIZACIONES DE COOPERACIÓN PARA EL DESARROLLO Y DE INTERVENCIÓN SOCIAL MÁSTER EN GESTIÓN DEL DISEÑO INDUSTRIAL MÁSTER EN GESTIÓN Y DESARROLLO DE LA INDUSTRIA ALIMENTARIA MÁSTER EN PERIODONTOLOGÍA MÁSTER EN SEGUROS PRIVADOS MÁSTER EN TRANSPORTE Y GESTIÓN LOGÍSTICA MÁSTER INTERNACIONAL EN GESTIÓN DE LA INNOVACIÓN Y EL DESARROLLO EMPRESARIAL Más información y documentu de solicitú 3 d'ochobre, 2009 0 FacebookTwitterPinterestEmail