Educación Terminal plazu pa presentar obres al XII Premiu Alberto Vega de poesía pa escolinos by asturnet 9 de mayu, 2011 El Centru Cultural y Recreativu «Belarmina García» de La Nava (Llangréu) convocó’l XII Premiu «Alberto Vega» de poesía pa escolinos de les cuenques mineres. La participación ta abierta a tolos alumnos y alumnes matriculaos que seyan menores de 18 años. Va haber un ganador absolutu y otros premios en delles categoríes, según les edaes. El plazu d’almisión de los trabayos, qu’han presentase por triplicáu nel centru cultural, acaba esti martes, 10 de mayu. Los poemes han dir firmaos con nomatu, pero acompañaos d’un sobre colos datos de los participantes. La estensión mínima ye de 14 versos y el poema tien de ser inéditu. Nel 2010, la ganadora del certame foi Verónica Sánchez, del IES Bernaldo de Quirós. La estudiante presentó la obra «Metrópolis», nel que describe una ciudá. Nesti concursu participen escolinos d’Ayer, Casu, Llangréu, Llaviana, L.lena, Mieres, Morcín, La Ribera, Riosa, Samartín del Rei Aurelio y Sobrescobiu. Bases completes del concursu 9 de mayu, 2011 0 FacebookTwitterPinterestEmail
Educación SUATEA reclama un añu más la oficialiá de la llingua asturiana by asturnet 5 de mayu, 2011 El sindicatu del enseñu SUATEA espubliza cada añu un documentu nel que fai balance de la situación del asturianu nel sistema educativu asturianu y reclama la meyora de les condiciones de lasignatura, tanto pa los escolinos como pa los maestros. Un añu más SUATEA reclama la oficialidá como la meyor ferramienta pa solucionar estos problemes del asturianu. Comunicáu completu de SUATEA: Esti añu conmemoramos el trentésimu segundu añu del día Les Lletres. Trenta y dos años de reivindicación llingüística a pasu firme, valtiando torgues, semando proyectos y sayando llaceries. Anguaño entamaron a implantase los planes destudiu del Minor de Llingua Asturiana na facultá de Filoloxía y la Mención de Maestros na facultá de Ciencies de la Educación. Siguen impartiéndose los Másteres de Llingua y lliteratura asturiana nos Másteres de Formación del Profesoráu dESO, Bachilleratu y FP. A propuesta de SUATEA la Conseyería Educación aceptó instalar lidioma asturianu nel sistema operativu Ubuntu dientro los ordenadores portátiles que mandará esti cursu al alumnáu de quintu Primaria. Vamos abriendo camín, pero atopamos pilancos quarreblagar, ente ellos: 1. La falta reconocencia de la especialidá de Llingua Asturiana nos cuerpos docentes non universitarios. 2. Esti asuntu taba presente nel pactu de gobiernu IU-PSOE onde se prevía un estudiu xurídicu que permitiere ponela en marcha. El famosu estudiu yá hai cuantayá que lu recibieron de la Secretaría dEstáu dEducación a mediaos de la llexislatura (9 xunu 2009) y nél infórmase-yos, como esti sindicatu tamién lleva diciendo, que la competencia paniciar el reconocimientu de la especialidá ye del Gobiernu asturianu que-y lo propondrá al del Estáu, siendo éstil competente pa creala una vez oyíes les comunidaes autónomes. Sabedores nel gobiernu de les sos competencies, el pasáu 4 de febreru tuvo llugar en Madrid, nel Ministeriu d’Educación, una de les últimes meses de negociación sectoriales d’Educación onde se negoció’l proyectu de Real Decretu d’Especialidaes de Maestros que se publicará esti añu. Nesta mesa negociación taba presente la confederación STEs Intersindical (a la que pertenez SUATEA) qu’a propuesta nuestra presentó la siguiente redacción del artículu 2. Especialidaes docentes del Cuerpo de Maestros: Tendrán la consideración de especialidades del Cuerpo de Maestros, las de la lengua o lenguas cooficiales en aquellas Comunidades Autónomas que así lo tuvieran regulado y aquellas lenguas propias de las comunidades autónomas que, no teniendo estatus de cooficial, gocen de distintos niveles de protección en su legislación autonómica y soliciten su reconocimiento como especialidad docente. El representante del ministeriu comentó a los presentes na mesa que depués de preguntar a Asturies (Gobiernu Asturianu), esti nun quier la redacción propuesta por SUATEA; poro, quedará como proponía’l Ministeriu: Tendrán la consideración de especialidades del Cuerpo de Maestros, las propias de la lengua cooficial en aquellas Comunidades Autónomas que así lo tuvieran regulado. Anque esta redacción nun torgue que les llingües propies non cooficiales puean tener accesu a la Especialidá docente, la nuestra propuesta abría amañosa y ensin torgues, la puerta a la reconocencia de la Especialidá de la Llingua Asturiana ensin nengún esfuerzu cooficializador, que tanto-y repuna y resquema al Gobiernu asturianu. A esta ferramienta normativa amañosa que-yos apurrimos al Gobiernu asturianu compuestu por PSOE-IU, respuenden arrefundiándola. Esta villana acción demuestra dos coses: – Que la responsabilidá de que nun haya Especialidá de Llingua, por muncho que quieran engañar a la ciudadanía, ye del Gobiernu asturianu compuestu por PSOE-IU -Y la falta de respetu que-y tienen tanto a los derechos llaborales del profesoráu, como a los derechos llingüísticos de la ciudadanía asturiano reconocíos na llexislación mundial, europea, estatal y asturiana. 3. La falta de respetu a los derechos de los padres del alumnáu dEducación Infantil (EI) cuando elixeron voluntariamente recibir Llingua Asturiana o Gallego-Asturiano y nun lo reciben, depués de venir escolarizaos nesti idioma años enantes. El cursu pasáu publicóse la sentencia del Tribunal de Xusticia dAsturies sobrel recursu contral currículu dEI plantegáu por SUATEA por vulneración del artículu 10 (el Principáu d’Asturies va garantizar la enseñanza del bable/asturiano en tolos niveles y graos, respetando non obstante, la voluntariedá del so deprendizaxe) de la Llei dUsu (Ll.U). Al rau dello y de la so aplicación, entrevistémonos col xefe dinspección y lex-conseyeru Riopedre pa denunciar que na cuasi totalidá de les escueles nun se-yos ufiertaba a los padres y madres la posibilidá de que los sos fíos/es cursaren esos estudios. La rempuesta fue que dao que nel currículu dEI nun se noma pa nada les nuestres llingües autóctones nun había por qué enseñales. Alvirtióse-yos questa actuación yera contraria al mandáu del art. 10 Ll.U., que tien de respetalul currículu al ser ser aqella llei de rangu superior. Nun solo se-y pue imputar a la Conseyería la inoperancia y la omisión nel cumplimientu de la llei, sinón quactuó intencionalmente en contra della, cuando espresamente denegó y deniega les piticiones esplícites orales y al traviés dinstancies presentaes nos centros oralmente y nel Rexistru Xeneral polos padres y madres, demandando que les sos fíes y fíos reciban escuela de Llingua Asturiana. Y entovía más, nesti cursu, nel ámbitu de los retayos nes plantiyes y nel específicu dactuaciones desaniciu del nuestru patrimoniu llingüísticu y cultural, la conseyería Educación eliminó la enseñanza de la nuestra llingua en 13 (22% del total onde había) de les 59 (23%del total de centros dEI y Primaria quatendíen solo al 13% del alumnáu) escueles onde hastal cursu pasáu se venía dando. Esi esaniciu faise, na mayoría los casos, magar quel 100 de los padres y madres lo escoyeren voluntariamente y frañendo manifiestamente los sos derechos. Otru datu que rescampla labandonu de la Conseyería dEducación desta enseñanza na EI ye que magar que solicitamos los datos descolarización desa etapa nun mos los dan y tenemos que sacalos al traviés dencuestes telefóniques a los centros (como nos vieyos tiempos). Radiografiada y diagnosticada la situación, SUATEA anició una campaña ente lafiliación y les escueles pa que denunciare esta illegalidá pela vía alministrativa de mano y depués na xurisdiccional contencioso-alministrativa. Anguaño yá tenemos presentaos dos recursos dalzada por falta de rempuesta a les reclamaciones vía alministrativa. Hai interpuestes más de 25 reclamaciones de padres y madres de delles escueles dAsturies y una de la dirección y asociación de padres y madres duna escuela específica dEI. 4. El pilancu que suponía un númberu mínimu descolinos/es solicitantes como condición pa recibir escuela del aria en Primaria, Secundaria y Bachilleratu, ta valtiáu por sentencia del Tribunal Superior se Xusticia dAsturies quanuló esti requisitu reguláu na Resolución de 16 de mayo de 2008, de la Conseyería dEducación y Ciencia, pola que sestablez la ufierta y les condiciones pa la elección de materies optatives y materies opcionales pa la Educación Secundaria Obligatoria. Sicasí, la Conseyería, calteniendol so tonu desaniciador, en cuenta dacatar la sentencia, vergoñosamente, tienla recurrida. En SUATEA pidiremos que sacate esa sentencia’l cursu que vien y pa ello que seliminen les ratios mínimes nes instrucciones daniciu de cursu en toles etapes educatives. En viendo esta situación ye menester rozar los matos que sema lalministración educativa y estaferiar y siguir allargandol camín fechu pa que mos lleve a la OFICIALIDÁ DE LA LLINGUA ASTURIANA Y GALLEGO-ASTURIANO. Poro, pidímosvos el vuestru apoyu diariu na nuestra xera sindical, la participación nos movimientos sociales quandechen palgamar esi oxetivu y asistencia a la manifestación que tolos años se convoca’l primer vienres de mayu col mesmu envís. 5 de mayu, 2011 0 FacebookTwitterPinterestEmail
Educación La Xunta dEscolinos fai homenaxe a Mánfer de la Llera by asturnet 4 de mayu, 2011 Un añu más Avilés celebra la Xunta d’Escolinos y failo dedicándo-yla al escritor al que ta dedicada esti añu la Selmana de les Lletres Asturianes. Los actos van celebrase na Casa Cultura dAvilés, el 4 y 5 de mayu, dedicando la primer xornada a primaria y la segunda a secundaria, con tolos institutos del conceyu convidaos. Na Xunta, que llega a la so octava edición, van facese representaciones teatrales per parte descolinos, llectura de poemes y otres actividaes. Lautor del cartelu ye Miguel Solís. 4 de mayu, 2011 0 FacebookTwitterPinterestEmail
Educación La política de xéneru protagoniza un cursu de branu en Ribeseya by asturnet 12 d'abril, 2011 LUniversidá dUviéu vieno acabante facer anuncia del desenvolvimientu dun cursu de branu, en Ribesella, sobre Xéneru y Política nes Decisiones Xudiciales, dientru de la soprogramación d’esti 2011. El cursu en cuestión va tener llugar los díes 25-26-27-28 y 29 de Julio nel Institutu dEducación Secundaria Avelina Cerra y ta abiertu a lasistencia de toes aquelles persones comenenciudes. El cursu va dirixilu’l profesor Luis Martínez Roldán y presenta un máximu de 50 places. La inscripción tien un costu de 211,10 , permaneciendo abierta la matrícula dende’l 11 dabril hastal 20 de xunetu. Pa poder algamar más información o matriculase, pue llamase al teléfonu 985.103.930. 12 d'abril, 2011 0 FacebookTwitterPinterestEmail
Educación La Universidá abre la matrícula pa los cursos de branu 2011 by asturnet 12 d'abril, 2011 LUniversidá dUviéu vieno acabante facer anuncia de la programación de los cursos de branu de 2011, abriendo esti llunes día 11 la matrícula, que pa caltenese abierta hasta xunu. La realización de los cursos va supeditada a qu’algamen un númberu de matricules abondu. El plazu matrícula, pol que les persones interesaes puen realizar la matrícula, tantu per internet como al traviés de les sedes d’Estensión Universitaria d’Uviéu o Xixón, va tener llugar ente’l 11 d’abril y el 5 de mayu. Ente’l 9 y el 13 de mayu l’alumnáu afectáu pola anulación de los cursos con baxa demanda, va poder camudar la so matrícula pa dalgún de los cursos ensin anular, o solicitar la devolución de les tases abonaes. 3. A partir del 16 de mayu va abrise nuevamente’l plazu de matrícula y va permanecer abiertu hasta l’entamu de cada cursu. Sicasí, 21 díes antes del entamu, van poder ser anulaos aquellos cursos, que magar les mires de financiamientu previstes, resulten invidables. Pa poer algamar más información o matriculase, pue llamase al teléfonu 985.103.930. Páxina Web de los Cursos de Branu 2011 de la Universidá d’Uviéu 12 d'abril, 2011 0 FacebookTwitterPinterestEmail
Educación Más d85 instituciones van participar nel X Foru Empléu de la Universidá d’Uviéu by asturnet 5 d'abril, 2011 Estudiantes de los últimos cursos y acabante titular de la Universidá dUviéu tienen una cita destacada la selmana próxima en Xixón, la que puede convertise na so primer oportunidá llaboral. Trátase del X Foru Empléu de la Universidá d’Uviéu, entamáu pola institución académica y la Fundación Universidá d’Uviéu, que va tener llugar nel Pabellón Central del Recintu Ferial “Luis Adaro” de Xixón, los díes 5 y 6 d’abril. El Rector de la Universidá d’Uviéu, Vicente Gotor, presentó esta nueva edición del Foru que va cuntar cola participación de 86 instituciones. Más de 75 empreses van tener presencia física con un stand nel recinto y el restu collaboren en distinta midida col desenvolvimientu de la presente edición. El rector animó a los mozos a participar nesti Foru que sirve como puntu d’alcuentru ente estudiantes, titulaos y empreses. Vicente Gotor recordó que la empleabilidá y la cultura entamadora son dos exes fundamentales dientro del Campus d’Escelencia de la Universidá d’Uviéu. Participaron tamién na presentación d’esta décima edición, el director de la Obra Social y Cultural de Caxastur, José Vega, y el representante de la Comisión Executiva de FENA, Laureano Cavia, amás de la Vicerrectora d’Estudiantes y Empléu, Susana López Llabres. La inauguración va cuntar cola participación de Pilar Jericó, Doctora n’Organización d’Empreses y esperta en llideralgu, encargada de la conferencia d’apertura que va llevar el títulu “Atrévite a ser protagonista del to propiu futuru”. van celebrase tamién cerca de 20 presentaciones d’empreses participantes, y trés meses redondes: una d’elles sobre discapacidá y empléu y otros dos venceyaes a los Clusters de Biomedicina y Salú y Enerxía, Medioambiente y Cambéu Climáticu del Campus d’Escelencia Internacional, según el VII Alcuentru de Directivos, entamáu por FENA, que va analizar “Los desafíos de la nueva economía” y va cuntar col ex ministru Jordi Sevilla na conferencia inaugural. Como ye habitual, lautoempléu y la creación d’empreses van tener el so espaciu nel foru, con presencia de les entidaes de sofitu a estes iniciatives. El Foru Emplego ye una iniciativa que se vien celebrando dende l’añu 2002 y que’l pasáu añu axuntó a más de 6.000 participantes. 5 d'abril, 2011 0 FacebookTwitterPinterestEmail
Educación Una ufierta de places educatives mui amenorgada by asturnet 1 d'abril, 2011 La ufierta pública demplegu d’Asturies nel 2011 va ser de namái que 174 places, depués de que’l Conseyu de Gobiernu aprobara esti xueves la convocatoria de 125 places docentes. De les 125 places, 118 son pa maestros y siete pa inspectores denseñanza primaria y lo demás de la ufierta pública anunciada ufre 23 places de médicos de familia del Serviciu de Salú d’Asturies (Sespa) y 26 d’auxiliares d’enfermería del organismu autónomu ERA. Lo pior qye que nun se trata de places nueves, sinón de places que nesti momentu ocupen interinos. 1 d'abril, 2011 0 FacebookTwitterPinterestEmail
Educación La Tertulia Enrique García Rendueles aldericó sobre’l sistema universitariu by asturnet 30 de marzu, 2011 Santiago Fano, voceru del movimientu de les Asamblees dEstudiantes y miembru del Conseyu dEstudiantes de la Universidá dUviéu, tuvo na Tertulia esplicando la situación quanguaño vive la Universidá dUviéu. Igualmente fizo un repás del gráu dorganización desti movimientu asina como de les sos reivindicaciones y la so llínia dactuación táctica, dirixida haza una movilización sostenible nel tiempu. El tema, que ye de gran actualidá, xeneró dellos alderiques. Nun entamu aldericóse sobrel nivel de polítización de les movilizaciones estudiantiles. Fano espuso que la fuercia del movimientu se basa, ente otros factores, na so independencia al respective de los distintos partíos políticos al mesmo tiempu que nun arrenuncia a tener una perspeutiva crítica sobrel entornu social, yá que la Educación y la Universidá nun pueden ser entendíes al marxe de la sociedá. Otru alderique que se desendolcó foi sobrel sistema educativu en xeneral, el so progresivu deterioru dende la enseñanza primaria, y la so escasa conexón cola realidá asturiana (por exemplu, el deficitariu enseñu de la xeografía del País). Dúltimes, aldericóse tamién sobre l’Estáu del Bienestar, los sos distintos modelos (lasistencialista de Gran Bretaña y el socialdemócrata/universalista de los países nórdicos) y la so actual situación de crisis por mor de la ofensiva neolliberal, de la desestructuración política de la clase obrera y duna determinada xestión de lo público en clave caciquil y demagóxica. Al fin, concluyo la Tertulia recordándose quel derechu a la educación ye un derechu humanu fundamental que debe tar garantizáu polos poderes públicos. 30 de marzu, 2011 0 FacebookTwitterPinterestEmail
Educación Les Asamblees d’Estudiantes convoquen una manifestación pola universidá pública by asturnet 21 de marzu, 2011 Les Asamblees d’Estudiantes de la Universidá d’Uviéu tienen convocada pal miércoles desta selmana, 23 de marzu, una manifestación na Plaza dEspaña dUviéu, de magar les doce la mañana. Los estudiantes desta plataforma protesten poles condiciones creaes colos nuevos planes y normatives del sistema conocíu como Boloña, que según estos estudiantes fai xubir el preciu de los estudios, impide laccesu a la educación pública y nun xeneró una universidá de más calidá. La organización ta promocionando esta manifestación al traviés dun vidiu que circula pela rede na que son los propios estudiantes quien espliquen los problemes que ta xenerando pa la universidá pública Boloña. 21 de marzu, 2011 0 FacebookTwitterPinterestEmail
Educación Peñamellera Alta convoca dellos talleres en Ruenes by asturnet 11 de marzu, 2011 El centru cultural de Ruenes, en Peñamellera Alta, ufierta un programa cultural abiertu a tolos interesaos. Tán programaos dellos cursinos, dedicaos a la Música Tradicional, col maestru músicu Eliseo Parra; Dirección de Cine p’actores y directores cola directora de cine María Ripoll; Fotografía dixital col maestru fotógrafu José María Esmorniáu y Novela y guión de teatru cola escritora Sara Rosemberg. Los detalles de los talleres pueden consultase na web http://tresendinarte.blogspot.com/ 11 de marzu, 2011 0 FacebookTwitterPinterestEmail