Educación El Conseyu d’Estudiantes entama alderiques n’UniOvi by asturnet 23 de marzu, 2015 El Conseyu d’Estudiantes, que se sumó a la fuelga, y les asamblees d’estudiantes esperen un atayante ésitu na Fuelga universitaria del martes 24, al tiempu que convoquen dos alderiques sol títulu “polítiques pa la Universidá que vien” onde van axuntar a aquelles persones que se postulen como posibles futuros xestores del futuru de la Universidá: los candidatos a rector y les y los candidatos a gobernar el Principáu d’Asturies. El Conseyu d’Estudiantes de la Universidá d’Uviéu decidió sumase a la Fuelga Xeneral Universitaria convocada pal martes 24 “por cuenta de lo grave de les consecuencies de la reforma del 3 más 2 y pa demostrar una vegada más la so oposición al actual Réxime de Permanencia y llapada a les y los estudiantes a secundala, a pesar d’escarecer el derechu a fuelga na Universidá d’Uviéu de regulación pa esti colectivu. reivindicación (la del derechu a fuelga y el paru académico) que va tar bien presente”. Les asamblees d’estudiantes tán convencíes de que la xornada del martes va ser un duru golpe a esta reforma y una llombarada a les reivindicaciones de la reforma del réxime de permanencia. La fuelga camienten que va ser un ésitu y la manifestación, que va salir a les 18:00 de Renfe, piensen que sedrá multitudinaria. Pa esi día, van entamar dos alderiques, sol títulu “polítiques pa la Universidá que vien” onde van axuntar a aquelles persones que se postulen como posibles futuros xestores del futuru de la Universidá: los candidatos a rector y les y los candidatos a gobernar el Principáu d’Asturies. Les hores y los ponentes son los siguientes: ALDERIQUE EDUCATIVU. Empieza a les 10.00 na Aula Magna del Edif. Hestóricu. Ponentes: -Santiago García Granda. Profesor de Química Física de la Universidá d’Uviéu. -Ánxeles Fal. Doctora en bioloxía, exbecaria d’investigación. Anguaño titulada cimeru de planificación, PAS llaboral d’Uniovi. Representante electa nel cómite d’empresa por CCOO. -Pedro Sánchez Llazu. Catedráticu de Bioquímica y Bioloxía Molecular. -Luis J. Rodríguez Muñiz. Vicerrector d’estudiantes. Exdirector de la Área d’Orientación y Accesu de la Universidá d’Uviéu. Profesor d’Estadística. -Lidia Freire. Estudiante de Llogopedia perteneciente a les Asamblees d’Estudiantes. ALDERIQUE POLÍTICU. Empieza a les 13.30 na Aula Magna del Edif. Hestóricu. Ponentes: -Daniel Armes Vallina. Presidente Foru Asturies Nuevu. -Héctor Piernavieja. Secretariu Xeneral de Podemos Mieres. Candidatu a les primaries autonómiques de Podemos. -Concha Masa. Númberu 2 d’Izquierda Xunida a les elecciones autonómiques. Profesora titular d’analís matemáticu de la Universidá d’Uviéu. El PP y el PSOE falten por confirmar la so asistencia al alderique políticu. Los dos alderiques van ser moderaos por Mily Cimadevilla, Periodista de los Informativos de la TPA. 23 de marzu, 2015 0 FacebookTwitterPinterestEmail
Educación SUATEA denuncia que la Conseyería dEducación vuelve degradar la llingua asturiana na educación by asturnet 20 de marzu, 2015 Nun comunicáu asoleyáu esti vienres 20 de marzu, el sindicatu SUATEA denuncia que la Conseyería dEducación vuelve degradar la llingua asturiana na educación por mor del borraor de nuevu currículu deducación secundaria pAsturies, nel que se reduz la carga horaria y dexa lasignatura “nuna situación tovía más precaria”. Darréu d’ello, SUATEA convoca asamblea específica pal profesoráu de llingua asturiana pal miércoles 25 de marzu a les 17,30 nel IES Aramo, dUviéu. Y dao questa situación de degradación de la materia ye compartida con otres, convócase tamién otra xeneral de profesoráu pal mesmu día y llugar a les 18,30. Los borraores de decretu pelos que se regula nAsturies el currículu deducación secundaria (ESO y Bachilleratu) tán suponiendo, sigún el sindicatu asturianu, una nueva agresión a la presencia de la llingua asturiana y del gallego-asturiano nel sistema educativu. Al marxe de les valoraciones xenerales y les referentes a otres materies que merecen toos dos testos, que suponen laplicación nAsturies duna llei nefasta como la LOMCE, no que toca a la llingua asturiana pa SUATEA rescampla que: 1) La materia apaez somorguiada nuna montonera dasignatures optatives, lo que torga la so escoyeta per parte del alumnáu. 2) Oblígase al alumnáu que garre lasignatura nos cursos superiores a tenela estudiao los anteriores. Teniendo en cuenta que la materia dasturianu sufre constantemente, y hasta bien avanzául cursu, que-y saquen alumnos pa otres materies, o que directamente nun se los dexe matriculase por tener que facer hores de refuerzu notres materies, topámonos con que podría dase la situación de quun alumnu o alumna pase los cuatro años de la ESO ensin poder cursar lasignatura queriendo facelo toos ellos. 3) En bachilleratu lasignatura baxa de 4 hores selmanales a 1, y compite cola materia de Relixón. Nun fai falta desplicar la barbaridá pedagóxica que supón una asignatura, y amás en bachilleratu, de la que namás simparte una hora a la selmana. 4) La permanencia de les ratio mínimes en bachilleratu supón otra torga más pa la pervivencia de la materia. Nesi sentíu, SUATEA quier amosar el so esmolecimientu pola situación que sabriría, daprobase esti decretu, tanto pal alumnáu como pal profesoráu que la imparte, que sigue ensin ver aprobada la especialidá docente, tan necesaria pa la so estabilidá y que supondría una meyora evidente de les sos condiciones y de les de la propia materia. Por too ello, SUATEA convoca asamblea específica pal profesoráu de llingua asturiana pal miércoles 25 de marzu a les 17:30 nel IES Aramo, dUviéu. Y dao questa situación de degradación de la materia ye compartida con otres, convócase tamién otra xeneral de profesoráu pal mesmu día y llugar a les 18:30. Na opinión del sindicatu, “con una lexislatura a piques de rematar, la conseyera nexerciciu, Ana González, paez querer despedise del sistema educativu asturianu dexandol mesmu mal tastu que dexaron los sos antecesores no que toca a la llingua del país”. 20 de marzu, 2015 0 FacebookTwitterPinterestEmail
Educación Cursu d’Asturianu nel conceyu maliayu by asturnet 19 de marzu, 2015 El Serviciu de Normalización Llingüística de la Comarca de la Sidra, en collaboración col Atenéu Obreru de Villaviciosa, continúa per tercer añu consecutivu la so programación de cursos dasturianu nel conceyu maliayu y abrel plazu pa la inscripción nesti Cursu Básicu de Llingua Asturiana, que se va impartir los llunes y los miércoles de 17:30 a 19:00 nos locales del Atenéu, ente’l 6 d’abril y el 10 de xunu de 2015. El plazu dinscripción tara abiertu hastal propiu 6 d’abril de 2015, y los interesaos podrán apuntase poniéndose en contactu col Serviciu de Normalización Llingüística de la Comarca de la Sidra (teléfonu -de 9:00 a 15:30 de llunes a xueves-: 985 71 84 13; email:normastur@lacomarcadelasidra.com o bien col propiu Atenéu de Villaviciosa mail: secretaria@ateneovillaviciosa.es. Les clases serán puestes por Pablo Suárez Fernández, filólogu, especialista en llingua asturiana y responsable del serviciu de normalización llingüística de la comarca de la sidra. 19 de marzu, 2015 0 FacebookTwitterPinterestEmail
Educación Suatea entama una campaña pa meyorar les condiciones llaborales del Profesoráu by asturnet 19 de marzu, 2015 Nuna rueda de prensa convocada por SUATEA esti día fíxose pública la campaña Pola escuela pública cola que’l sindicatu educativu quier enfotase en denunciar la yá insostenible situación del profesoráu asturianu nos centros. Esta campaña, que yá ta siendo espublizada polos institutos y colexos averase a pidir una meyora de les condiciones llaborales del personal, incluyendo ente otres reivindicaciones, la recuperación del poder adquisitivu, l’amenorgamientu de la xornada y el refugu a la contratación de becarios con funciones docentes qu’introduciríen la precariedá, nel términu más absolutu, ente los enseñantes. La Conseyería d’Educación, na opinión de SUATEA, “a pesar de les sos declaraciones grandilocuentes contra la Llei Wert lo que fai ye siguir realizando retayos y, tocantes a los currículos, aplicala a raxatabla”. Por eso, consideren qu’esti ye’l momentu de denunciar que “siguir cola implantación de la nueva llei d’educación va suponer imponer, ensin alderique social nin conocencia con antelación abonda , una nueva organización nos centros que va llevar a una reconversión de parte del profesoráu de resultes de la perda de la carga horaria pa munches especialidaes”. Tamién consideren en SUATEA qu’esti ye un momentu clave pa retomar les reivindicaciones docentes: “per un sitiu enfrentamos a un ábanu de cambeos col trabayu extra qu’ello implica cuando ye sabíu que la LOMCE puede tener fecha de caducidá y sería un esfuerzu baldío; per otru llau la proximidá de les elecciones autonómiques oblíganos a faer manifiestes les necesidaes urxentes del profesoráu y del propiu sistema educativu asturianu pa qu’éstes sían recoyíes poles distintes organizaciones polítiques ente los sos compromisos electorales”. Nesti sentíu dende SUATEA soliciten entevistes colos principales partíos que se van presentar a los comicios. 19 de marzu, 2015 0 FacebookTwitterPinterestEmail
Educación Denuncien que la Conseyería dEducación va recortar el 75% de les hores de Llingua Asturiana en Bachilleratu by asturnet 17 de marzu, 2015 Iniciativa pol Asturianu vieno acabante denunciar nuna nota de prensa asoleyada esti día la intención de la Conseyería dEducación de recortar el 75% de les hores de Llingua Asturiana en Bachilleratu. La organización ve nesta decisión la verdadera cara de la Conseyera Ana González, que siempres echa la culpa a otros de los problemes del asturianu eludiendo la so responsabilidá directa. Iniciativa pol Asturianu denuncia la situación que-y espera a lasignatura de Llingua Asturiana en Bachilleratu de confirmase los planes de la Conseyera dEducación del Gobiernu dAsturies, Ana González, y que pudieron sabese estos díes pol borrador del currículu unviáu a los centros educativos asturianos. Nel borrador la Conseyera González vuelve usar la LOMCE “pa escudase y atacar a la llingua asturiana, recortando 3 de les 4 hores selmanales que tien lasignatura optativa” sigún l’asociación. Pa Iniciativa pol Asturianu “esta decisión ye llamentable y un ataque directu al nivel educativu nel que lasignatura tien una situación más feble, pues ye en Bachilleratu onde hai un menor porcentaxe de matriculación, frutu de les polítiques dEducación nAsturies, queviten que lasignatura pueda ser materia evaluable na PAU, faciendo que munchos alumnos prefiera optar por otres materies que sí-yos puntúen pacceder a places universitaries”. Darréu d’ello, n’Iniciativa desixen a la Conseyera que retire “de manera inmediata esti borrador de currículu y que dexe a lasignatura de Llingua Asturiana pelo menos nes mesmes condiciones (yá negatives) que tenía hasta agora en Bachilleratu. De nuevo lasignatura tendrá que competir con otres llingües estranxeres y con Relixón, nuna situación inxusta y absurda. La Conseyera dicía va poco tar esforzándose por consiguir la especialidá docente pal profesoráu dasturianu. Agora vemos cuáles son les sos verdaderes intenciones”. La mentada situación vienen denunciándola organismos internacionales comol Conseyu dEuropa o la UNESCO y ye la que ta llevando a la llingua asturiana a la marxinalidá y la desapaición y dende Iniciativa pol Asturianu desixen-y a la Conseyera Ana González “que dea esplicaciones y nun recorte todavía más la presencia del asturianu en Bachilleratu, pa lo que-y fadremos llegar un entruga que sentregará nel Rexistru del Gobiernu dAsturies”. 17 de marzu, 2015 0 FacebookTwitterPinterestEmail
Educación L’alumnáu de la Universidá d’Uviéu torna protestar contra Miriam Cueto pol Réxime de Permanencies by asturnet 12 de marzu, 2015 Esta mañana un grupu d’estudiantes de la Universidá d’Uviéu dirixieron una nueva protesta en contra del Réxime de Permanencia y la qu’atalanten ye la so principal responsable, Miriam Cueto. La reividicación tuvo llugar nel Campus del Milán onde s’inauguraben les Xornaes de Prevención de Riesgos Llaborales. Amás de Miriam Cueto, atopábase’l rector, Vicente Gotor, y otres personalidaes rellacionaes cola Universidá. Un vídiu de la protesta, difundíu pela mañana en YouTube desapaeció pela tarde de la rede. Los estudiantes presentáronse nel actu con unos cartelos nos que podíen lleese mensaxes como: “Non al Reglamentu de Permanencia”, “Falten1099” o “Miriam Cueto culpable”. Momentos antes de rematar l’actu, la responsable d’universidaes abandonó la sala, ente berros el alumnáu uviéin: “Miriam Cueto dimisión”. Gotor salió na so defensa alegando que dende la Universidá yá se ta intentando solucionar la problemática del Reglamentu de Permanencia. Sicasí, ella namái afirmó que’l resolvimientu d’esti conflictu depende del gobiernu, del cual ella forma parte y ye máxima responsable de política universitaria. L’alumnáu aportunó en que nun resulta prestoso “recurrir a esti tipu de midíes, pero consideramos que les víes formales escosáronse tres 4 años d’intentu de diálogu y presentación de propuestes de cambéu a esti inxustu reglamentu, que yá espulsó a 1099 estudiantes de la Universidá d’Uviéu”. Por eso dexaron bien a les clares que nun van dexar d’allegase a cuantos sitios faiga falta pa visibilizar esta problemática y poner nome y apellíos a los sos responsables. VÃdiu onde se recoyÃa la protesta, que foi borráu de You Tube 12 de marzu, 2015 0 FacebookTwitterPinterestEmail
Educación SUATEA refuga’l currículu d’ESO pola inquietú que xenera by asturnet 12 de marzu, 2015 La publicación del borrador currículu dESO y el so unviu a los centros educativos y a los sindicatos per corréu electrónicu amuesa sigún SUATEA “otra vuelta al descaru de la Conseyería respective a un tema que ta xenerando inquietú ente la comunidá educativa”. Pal sindicatu, “el procesu nun tuvo tresparencia y la comunidá educativa quedó al marxe del debate sobre la implantación de la LOMCE en secundaria”. Recuerden que pal próximu cursu entraríen en vigor el restu de cursos de primaria -yá empezó a ponese en 1º, 3º y 6º de primaria- y en 1º 3º dESO y 1º de Bachilleratu. La Conseyería dEducación, pesie a les sos proclames anti-LOMCE, presentó un borrador de currículu quaplica casi mecánicamente lo plantegao en dicha Ley. Esta aplicación implica pa SUATEA “trastocar la organización de los centros educativos, modificar les programaciones docentes, cambiar la organización de los diferentes cursos, cola lóxica medría de la xera burocrática que vendríen a empiorar enforma les condiciones llaborales del profesoráu, que yá anguaño ta saturáu dafechu pola obligación de destinar bona parte del so tiempu a cuestiones que nun tienen un ris que ver cola xera docente”. Ente les midíes que la Conseyería quier aplicar ensin intentar siquiera minimizar limpactu de la LOMCE tán “el segregar al alumnáu de magar empiecen 1º de la ESO, colos Programes de Meyora del Aprendimientu y el Rendimientu (sic), afitar itinerarios y una segregación precoz del alumnáu, empobinalu pa víes educatives ensin futuru o implantar reválides que pretenden peñeralu, o poner estudios de relixón con carácter evaluable”. Pal sindicatu “la mocedá asturiana va ser la que sufra esta falta de voluntá política de tornar los efectos duna Llei que posiblemente seya derogada en menos dun añu. Perol dañu, de nun se paralizar la so aplicación, va ser irreparable”. Nestos momentos de vísperes electorales quauguren cambios sustanciales nel panorama políticu asturianu y estatal, SUATEA nun ye a entender que la Conseyería opte “pola sumisión total a les polítiques marcaes pol ministru Wert. Nesi sentíu, SUATEA desixe a la Conseyería que paralice laplicación del currículu dEnseñanza Secundaria Obligatoria y Bachilleratu, que del so currículu por cierto sigue ensin sabese nada”. 12 de marzu, 2015 0 FacebookTwitterPinterestEmail
Educación El Réxime de Permanencia de la Universidá d’Uviéu lleva a los estudiantes a nueves propuestes by asturnet 12 de marzu, 2015 Esta mañana un grupu d’estudiantes de la Universidá d’Uviéu dirixieron una nueva protesta en contra del Réxime de Permanencia y la qu’atalanten ye la so principal responsable, Miriam Cueto. La reividicación tuvo llugar nel Campus del Milán onde s’inauguraben les Xornaes de Prevención de Riesgos Llaborales. Amás de Miriam Cueto, atopábase’l rector, Vicente Gotor, y otres personalidaes rellacionaes cola Universidá. Un vídiu de la protesta, difundíu pela mañana en YouTube desapaeció pela tarde de la rede. Los estudiantes presentáronse nel actu con unos cartelos nos que podíen lleese mensaxes como: “Non al Reglamentu de Permanencia”, “Falten1099” o “Miriam Cueto culpable”. Momentos antes de rematar l’actu, la responsable d’universidaes abandonó la sala, ente berros el alumnáu uviéin: “Miriam Cueto dimisión”. Gotor salió na so defensa alegando que dende la Universidá yá se ta intentando solucionar la problemática del Reglamentu de Permanencia. Sicasí, ella namái afirmó que’l resolvimientu d’esti conflictu depende del gobiernu, del cual ella forma parte y ye máxima responsable de política universitaria. L’alumnáu aportunó en que nun resulta prestoso “recurrir a esti tipu de midíes, pero consideramos que les víes formales escosáronse tres 4 años d’intentu de diálogu y presentación de propuestes de cambéu a esti inxustu reglamentu, que yá espulsó a 1099 estudiantes de la Universidá d’Uviéu”. Por eso dexaron bien a les clares que nun van dexar d’allegase a cuantos sitios faiga falta pa visibilizar esta problemática y poner nome y apellíos a los sos responsables. 12 de marzu, 2015 0 FacebookTwitterPinterestEmail
Educación Xornaes d’Educación d’IX by asturnet 26 de febreru, 2015 Les Xornaes d’educación d’IX Asturies van celebrase los díes 27 y 28 de Febreru nel Auditoriu PrincipeFelipe d’Uviéu, siendo abiertes y gratuites, y van cuntar cola presencia del coordinador federal d’educación, Enrique Díez, y el coordinador xeneral, Manuel González Orviz. Ente los ponentes d’estes xornaes atópase’l coordinador de la área federal d’educación d’IX, Enríque Díez, que va falar el día 27 sobre la construcción democrático y popular d’una nueva llei d’educación, que sía alternativa al conxuntu de lleis promulgaes pol PP y pol PSOE. Díez va ser presentáu pol coordinador xeneral d’Izquierda Xunida d’Asturies, Manuel González Orviz, que ye maestru d’educación especial. Otres temes que se van tratar van ser la educación de 0 a 3 años, la educación non sexista y coeducativa, y la ciencia y la tecnoloxía nel marcu d’una educación integral, al cargu de Faustino Sabio, Pedro Carlos Martínez, y Francisco Rey, respectivamente. Sobre estos aspeutos va esponese y va aldericase’l día 28. En palabres del coordinador de l’área rexonal d’educación, Francisco Rey, Ante’l brutal ataque a la educación pública que suponen los retayos del PSOE y el PP, la Llei Wert, y el 3+2 n’Universidá, ye necesario que la sociedá movilícese. Pero tamién ye necesario que se forme y alderique. Nun se trata solo de protexenos de los ataques del gobiernu, sinón de formular una alternativa. A les xornaes va poder asistir cualquier persona y namái ye necesario, por motivos d’aforu, confirmar l’asistencia por mail a areaeducacionarrobaizquierdaxunida.com. 26 de febreru, 2015 0 FacebookTwitterPinterestEmail
Educación La Fuelga algama un 95% na ESO y FP y un 75% na Universidá by asturnet 26 de febreru, 2015 L’alumnáu asturianu salió ayeri pela tarde a la cai en contra del amenorgamientu de los graos de cuatro a tres año y l’ampliación de másteres d’unu a dos y güei volvieron faecolo con una protesta doble , en Xixón, dende la plaza del Institutu, y n’Uviéu, dende la de la Catedral. Con pancartes contra la reforma del ministru Wert, l’alumnáu asturianu calificó d’ésitu la segunda xornada de fuelga convocada pa güei. Según el Sindicatu d’Estudiantes, el paru tuvo un siguimientu del 95% n’ESO y FP, y de un 75% nes facultaes universitaries. N’Uviéu, na plaza d’España, onde s’alluga la Delegación del Gobiernu, lleéronse manifiestos contra esta reforma universitaria y diversos colectivos amosaron el so sofitu a les movilizaciones estudiantiles. La fuelga n’Uviéu foi secundada en mayor midida nos campus del Milán y Llamaquique, mientres, como ye vezu, les facultaes allugaes n’El Cristu amosaron menos sofitu al paru convocáu. La organización sorrayó que munchos institutos d’Enseñanza Secundaria Obligatoria amosaron que “les clases quedaron ermes”. Pal alumnáu esti altu siguimientu de la fuelga de los alumnos d’enseñances medies reflexa la so “esmolición” pola incidencia qu’esta reforma va tener nos sos estudios y na economía de les sos families. Les protestes de güei xúntense a les d’ayeri con una manifestación n’Uviéu qie terminó con 25 alumnos nel Edificiu Históricu de la Universidá d’Uviéu coles mires de “aldericar sobre l’estáu de la institución académica y faer propuestes pa llograr una Universidá meyor”. La Xunta Estudiantil Asturiana afrontaba esti xueves la so primer convocatoria de fuelga, que coincide cola entamada n’otres naciones del Estáu español, asina como la entamada posteriormente a nivel estatal pol SE. Pa ello, dende la XEA llevaben una selmana de trabayu d’axitación y propaganda. Amás d’ello, desendolcaron un bloque críticu estudiantil na manifestación entamada pol SE n’Uviéu dende la plaza la catedral a les 12:00 hores, ya que consideren que “los plantegamientos y alternatives, choquen coles posiciones y práutiques de la organización convocante, el Sindicato de Estudiantes, pero ye al mesmu tiempu imprescindible facer ver al estudiantáu les alternatives esistentes”. 26 de febreru, 2015 0 FacebookTwitterPinterestEmail