Cooperación Palacios solidarízase con Carnero y Morala pide’l reconocimientu ‘al derechu a lluchar pol futuru de les sos families y d’Asturies’ by asturnet 10 d'ochobre, 2006 El director de l’Axencia Asturiana de Cooperación al Desarrollu del Gobiernu asturianu, Rafael Palacios, fizo pública la so solidaridá y el so apoyu ‘personal y políticu’ a Cándido González Carnero y a Juan Manuel Martínez Morala, históricos dirixentes de la Corriente Sindical d’Izquierdes (CSI), ‘frente al intentu de criminalización emprendíu contra ellos dende determinaos sectores políticos y xudiciales’. La pitición de seis años y mediu de cárcele que pide pa ellos el Ministeriu Fiscal foi definida por Palacios como ‘un despropósitu que, amás, trata de distrayenos del verdaderu problema, que ye’l progresivu desmantelamientu de la industria naval en Xixón’. Rafael Palacios reconocía públicamente la llucha d’estos dos sindicalistes pol futuru del sector naval asina como de la indentidá industrial de Xixón, yá que ‘ye que públicu y notoriu dende hai bien d’años el so compromisu en causes sociollaborales y solidaries de diversa naturaleza’. Por eso, la pitición de seis años y mediu de prisión que solicita’l Ministeriu Fiscal pola so presunta vinculación coles movilizaciones del sector naval el 10 de marzu del añu 2005 ye, según Palacios, ‘un brutal despropósitu y supón, amás, una cortina de fumu pa distrayenos del verdaderu problema (el progresivu desmantelamientu de la industrial naval en Xixón), una agresión contra dos lexítimos representantes de la clase trabayadora nel nuestru país, Asturies’. Palacios, como director de l’Axencia Asturiana de Cooperación al Desarrollu del Gobiernu d’Asturies, responsable de la defensa y promoción de los derechos humanos, pidió ‘la retirada inmediata de la denuncia contra estos dos trabayadores y el respetu a los derechos humanos, que pasa pol reconocimientu al derechu a lluchar pol futuru de les sos families y d’Asturies, pol futuru individual y colectivu’. 10 d'ochobre, 2006 0 FacebookTwitterPinterestEmail
Cooperación Uviéu acueye la I Feria Europea del Emplegu by asturnet 25 de setiembre, 2006 L’Auditoriu Príncipe Felipe d’Uvieu va ser l’escenariu qu’acueya, nos díes 29 y 30 de Setiembre, la I Feria Europea del Emplegu organizada pola Cámara de Comerciu d’Uvieu, la Dirección Xeneral de Rellaciones Esteriores y Asuntos Europeos y el Serviciu Públicu d’Emplegu del Principáu d’Asturies.L’eventu, que forma parte de la festividá del Añu Europeu de la Movilidá de los Trabayadores, va celebrase a la vez en distintos países europeos, nos países candidatos, y n’Islandia, Noruega y Suiza. Los visitantes de la I Feria del Emplegu van poder informase sobre les oportunidaes d’emplegu de dalgunes empreses qu’ufierten oportunidaes llaborales en toa Europa, les instituciones participantes nesti proyeutu y los conseyeros EURES (el portal de movilidá llaboral de la Unión Europea) de caún de los países. El llabor de los conseyeros va ser da-y al públicu que vaiga les condiciones necesaries pa trabayar n’Europa. Amás de l’actividá de los puestos informativos, la organización tien programaes, pal día 29, abondes charres sobre oportunidaes de trabayu en caún de los países, sesiones informatives sobre condiciones y ventayes de trabayar nel estranxeru y conceyos con trabayadores que desarrollaron parte de la so trayeutoria profesional fuera de los sos llugares d’orixen y desplicarán la so esperiencia. Na xornada del sábadu 30 va seguir l’actividá nos puestos y, amás, van celebrase les pruebes y procesos de selección de personal de la empresa DuPont Iberica pa les sos vacantes nel ámbitu europeu. Más información: 25 de setiembre, 2006 0 FacebookTwitterPinterestEmail
Cooperación Unicef, premiu Principe d’Asturies de la Concordia 2006 by asturnet 13 de setiembre, 2006 La organización de les Naciones Uníes d’ayuda a la infancia impúnxose esta mañana a otres seis candidatures finalistes al Premiu Príncipe d’Asturies de la Concordia 2006, ente les que ruxía con fuerza la candidatura conxunta del actor Paul Newman xunto a Aaron E. Hotchner, poles sos actividaes filantrópiques, asina como la de los Bomberos de Nueva York. Con esti premiu, el xuráu del premiu a la Concordia reconoz ‘l’esfuerzu xenerosu de más de sesenta años en favor de los neños y mui especialmente, la so llucha más recien, nel continente africanu, contra la inorancia, la probitú y la enfermedá’. El Premiu de la Concordia dáse-yos “a aquella persona o persones o institución cuyu llabor ayudare de forma exemplar y relevante al entendimientu y a la convivencia en paz ente los homes, a la llucha contra la inxusticia o qu’abriere nuevos horizontes al conocimientu o se destacare, tamien de manera estraordinaria, na conservación y protección del patrimoniu de la humanidá”. Na pasada edición de los Premios Príncipe d’Asturies el Premiu a la Concordia foi pa les Fíes de la Caridá de San Vicente de Paúl. 13 de setiembre, 2006 0 FacebookTwitterPinterestEmail
Cooperación Rafael Palacios inaugura una escuela en Bosnia dientro del Plan de Cooperación by asturnet 29 d'agostu, 2006 El responsable de lAxencia de Cooperación al Desarrollu del Gobiernu del Principáu dAsturies, Rafael Palacios, inauguró una nueva escuela en Vilenjaca nel conceyu de Cazin (Bosnia) dientro del so plan de cooperación al desarrollu. Nel actu dinauguración, Palacios tuvo acompañáu pol presidente de Bosnia, Sulejman Tihic, pol alcalde de Cazin, Nermin Ogresevic, y pola presidenta del Parlamentu del Katon Unsko Sansko, Jasminka Duric. No que va dañu, laxencia asturiana tien invertío en proyectos dapoyu a la educación Primaria y Secundaria nesti país por valor de 300.000 euros. Parte de les inversiones tamién van destinaes al desarrollu social del conceyu de Cazin. 29 d'agostu, 2006 0 FacebookTwitterPinterestEmail
Cooperación El Conseyu de la Mocedá de Xixón entama la segunda fiesta d’asociaciones. by asturnet 20 de xunetu, 2006 Dende’l xueves 27 de xunetu hasta’l domingu 31 la playa de Poniente de Xixón tendrá la II fiesta d’Asociaciones. La iniciativa del Conseyu de la Mocedá de Xixón busca ufrir un espaciu de convivencia pa los diferentes grupos participativos de Xixón y Asturies nel que poder amuesar les aiciones, proyectos y problemátiques d’esti colectivu. La fiesta ta abierta a asociaciones xuveniles, culturales, sociales, polítiques, sindicales. Amás de les presentaciones de les entidaes tamién hai espacios pa les artes, y ente éstes hai que destacar el conciertu de Dixebra’l sábadu 29 a les 22,30 hores. El presidente del Conseyu de Mocedá de Xixón, Jordi Suárez, afirmó ayeri, na presentación de la fiesta, que “l’oxetivu de la fiesta nun ye otru que’l d’informar a la mocedá de tou’l movimientu asociativu qu’esiste” asina como amuesa-yos los proyectos ya idegues que se tan poniendo a funcionar nos barrios y ciudaes”. Na presentación tuvo tamién el presidente del Conseyu de la Mocedá d’Asturies, Paulino Feito, que dixo qu’hata esti momentu naide nun s’atreviere a facer dalgo asina, dando asina respuesta al interés qu’amuesen los xóvenes pol asociacionismu” El Conseyu de Mocedá de Xixón ye un puntu d’alcuentru de les Asociaciones Xuveniles de Xixón. Faen actividaes empobianes a promocionar y sofitar a les asociaciones pal desendolcu de les sos actividaes, asina como a la formación en diferentes temes d’intervención o relacionaos cola problemática xuvenil mesmo de los cabezaleros, como de los voluntarios o asociaos de les mesmes. 20 de xunetu, 2006 0 FacebookTwitterPinterestEmail
Cooperación El Teatru Campoamor acueye una gala solidaria d’apoyu al pueblu saharaui by asturnet 28 de xunu, 2006 Tontxu, Javier Gurruchaga y Caco Senante son dalgunos de los artistes que van participar el prósimu día 8 de xunetu na primer gala de la solidaridá “Asturies col pueblu saharaui”, que va ser presentada por Marta Reyero, Pepe Colubi, Gonzalo Moure y Esther Canteli, nel Teatru Campoamor, a les siete la tarde. La gala ta organizada pola Asociación Asturiana d’Amigos del Pueblu Saharaui y la Delegación Saharaui p’Asturies en collaboración con distintes empreses, l’Ayuntamientu d’Uvieu y el Gobiernu del Principáu d’Asturies. La gala estará coordinada por Ignacio Gómez Sandoval. Cola recaudación de les entraes, que van costar 20 euros pa los adultos y seis pa los neños, van facese distintos proyectos nos campamentos de refuxaos de Tinduf 28 de xunu, 2006 0 FacebookTwitterPinterestEmail
Cooperación El secretariu xeneral de la Fundación Príncipe d’Asturies nomáu Caballeru de la Lexón d’Honor francesa by asturnet 20 de xunu, 2006 El Gobiernu frances ta acabante de nomar al secretariu xeneral de la Fundación Príncipe d’Asturies, Juan Luis Iglesias Prada (Sama, 1941) Caballeru na Orden Nacional de la Lexón d’Honor, condecoración más alta que concede’l gobiernu de Jacques Chirac que vien a reconocer la trayectoria de diferentes personales que destacaren polos sos meritos estraordinarios nel ámbitu civil o militar. Juan Luis Iglesias Prada ye doctor en Derechu y catedráticu de Derechu Mercantil na Universidá Autónoma de Madrid, foi secretariu xeneral tecnicu del Ministeriu d’Educación y Ciencia y conseyeru nacional d’Educación. Secretariu xeneral de la Fundación Príncipe d’Asturies dende 2004 y vocal del so Patronatu, ye amás academicu de númberu de l’Academia Asturiana de Xurisprudencia y de los patronatos de la Universidá Antonio de Nebrija y de la Fundación “Profesor Rodrigo Uría”. Sociu fundador del bufete d’abogaos “Uría-Menendez”, Iglesias Prada ye director adxunto de la Revista Derecho Mercantil y miembru del conseyu de redacción d’otres espublizaciones xurídiques, asina como vocal permanente de la Comisión Xeneral de Codificación. 20 de xunu, 2006 0 FacebookTwitterPinterestEmail
Cooperación L’Axencia Asturiana de Cooperación presenta un mundu más solidariu n’asturianu by asturnet 13 de xunu, 2006 ¿Si’l mapa mundi representare les verdaderes proporciones de los países cambiaría’l nuestru conceptu del mundu, fomentando la solidaridá ente los pueblos? Con esa filosofía Arno Peters espublizaba en 1974 un mapa fiel a la realidá del planeta, pa terminar cola imaxe ‘eurocentrista’ de la tierra que se popularizare nos últimos cuatro sieglos. Na busca d’esi mundu más solidariu, el director de l’Axencia Asturiana de Cooperación al Desarrollu, Rafael Palacios, presentaba esta mañana na Sala de Prensa de la Conseyería de Xusticia’l primer mapa de Peters en llingua asturiana. Nel añu 1569 espublizábase’l primer mapa del mundu, calculáu pol cartógrafu Gerhard Kremer y que pasó a la hestoria conocida como Mercator. Esta representación de la Tierra ye, ensin duda, la que fue más aceptada y usada nos últimos cuatro sieglos d’hestoria. Sin embargu, l’hestoriador Arno Peters demostró les abondes incorrecciones d’esta proyección qu’en munches ocasiones vieno a ser llamada ‘eurocentrista’ poles desproporcionaes representaciones de los continentes que-y daba al europeu unes dimensiones mui superiores a les que tien. ‘Son siempre los países del Tercer Mundu, los estaos excoloniales, les perxudicaes nel mapa Mercator’, escribía Peters. ‘Esti mapa correspuende a una espresión de la epoca d’europeización del mundu, na dómina na que l’home blancu dominaba’l planeta’. La poca esactitú del mapa conocíu como Mercator, nel qu’Europa (9,7 millones de km. cuadraos) apaez mayor qu’America del Sur (17,8 millones de km. cuadraos), fue tachada por munchos por esparder una imaxe del mundu enquivocada que venía a fomentar la insolidaridá ente los pueblos. Ésta foi la razón de que Peters trabayare nun nuevu mapa que, ente otres coses, representare fielmente les árees xeográfiques riales, espublizándose en 1974 y garrando cada día más apoyu sobre too ente persones, grupos ya instituciones comprometíes col desarrollu del Tercer Mundu. N’España, el mapa Peters fuere editáu pola Coordinadora d’Organizaciones Non Gubernamentales y agora, l’Axencia Asturiana de Cooperación al Desarrollu, ta acabante d’imprimilu en llingua asturiana. 13 de xunu, 2006 0 FacebookTwitterPinterestEmail
Cooperación Valledor inaugura la II Conferencia Internacional de Salú y Desarrollu en Centroamérica by asturnet 30 de mayu, 2006 El conseyeru de Xusticia, Francisco Javier García Valledor, inauguraba ayeri la II Conferencia de Salú y Desarrollu en Centroamerica n’El Salvador, financiada pol Principáu d’Asturies y los Ayuntamientos de Xixón y Aviles, cola que terminaba’l so viaxe institucional per Venezuela y El Salvador. En talu viaxe, Valledor pudo visitar y inaugurar un Centru de Día pa mayores del Centru Asturianu de Caracas, asina como participar nel hermanamientu de los grupos folclóricos Covadonga de Caracas y Azabache de Xixón. Na so intervención d’ayeri na inauguración de la II Conferencia de Salú y Desarrollu en Centroamerica, el Conseyeru Valledor destacó l’apoyu del Gobiernu d’Asturies pa financiar diferentes proyectos de cooperación que tengan por oxetivu’l desarrollu integral de les persones, nel que la salú tien un papel primordial. De fechu, a lo llargo del añu 2005 l’Axencia Asturiana de Cooperación al Desarrollu del Gobiernu del Principáu d’Asturies destinó más d’un millón cien mil euros a financiar proyectos de salú, dedicando más del 75% a iniciatives llegaes d’America Llatina. Valledor terminaba asina’l so viaxe per Venezuela y El Salvador, qu’escomenzaba’l pasáu 26 de mayu en Caracas, onde’l conseyeru de Xusticia mantuvo un alcuentru cola Directiva del Centru Asturianu, onde inauguró un Centru de Día pa los mayores de tala entidá. Enantes de salir pa El Salvador, col oxetivu d’asistir a la inauguración d’estes xornaes sobre salú y desarrollu, el Conseyeru participó nel hermanamientu ente los grupos folklóricos Covadonga de Caracas y Azabache de Xixón, que terminó con una fiesta asturiana nes instalaciones del Centru Domingo. 30 de mayu, 2006 0 FacebookTwitterPinterestEmail
Cooperación Bill Gates y la so muyer, premiu Príncipe d’Asturies de Cooperación Internacional 2006 by asturnet 4 de mayu, 2006 El fundador de Microsoft, Bill Gates y la so muyer Melinda ven reconocida la so ‘xenerosidá y filantropía ente los males qu’asolen el mundu’ cola concesión del premiu Príncipe d’Asturies de Cooperación Internacional 2006 qu’acaba de facer públicu’l xuráu de los prestixosos premios de la Fundación homónima. Pal xuráu, la Fundación que lleva’l nome del matrimoniu Gates ‘ayuda a la salú global de la humanidá’, al dedicar considerables recursos personales de los sos fundadores en llugares tan necesitaos como’l continente africanu. ‘Esti desprendimientu’, valora l’acta del xuráu, ‘constitúi una aportación valiosa a la cooperación internacional y una referencia etica’. Fundación Bill y Melinda Gates 4 de mayu, 2006 0 FacebookTwitterPinterestEmail