Cooperación Homenaxe a los asturianos y asturianes despaecíos durante la dictadura militar arxentina by asturnet 29 de payares, 2006 La Conseyería de Xusticia, Seguridá Pública y Rellaciones Esteriores entama dende’l 29 de payares hasta’l 1 d’avientu un Homenaxe a los y les asturianes desapacíes nel periodu de la dictadura militar arxentina. EL Conseyeru de Rellaciones Esteriores, Francisco Javier García Valledor, xunta al Director Xeneral de Cooperación al Desarrollu, Rafael Palacios, van recibir a les families de los once asturianos desapaecíos durante esta etapa de la historia arxentina. Los astur-arxentinos desapaecíos nesti periodu fueron Ceferino Fernández Álvarez, Antonia Fernández de Tellez, Rocíos Martínez Borbolla, Cecilia Viñas, Adriana, Ana María y Eduardo Franconeti. Los y les ciudadanes astur-arxentinos desapaecíos nesta dictadura militar tarán representaos polos sos fíos, padres o madres. Xunto a ello, y como representante del Gobiernu arxentín, tará Adriana Arce. La representación sedrá recibida pola presidenta de la Xunta Xeneral del Principáu d’Asturies, Maria Jesús Álvarez, el Conseyeru de Xusticia y l’Alcaldesa de Xixón, Paz Fernández Felgueroso. Na visita a Asturies conocerán Uviéu, Xixón, Cangues, Cuadonga y Los Llagos pa concluir la visita nel Salón d’Actos del Palaciu de Congresos de la Feria Internacional de Muestres onde dende les 20,00 hores del 1 d’avientu se fadrá un conciertu homenaxe nel que van participar Xuacu Amieva, Toli Morilla, Juan Carlos Cáceres, Nuberu y Concha Buika con Niño Josele. 29 de payares, 2006 0 FacebookTwitterPinterestEmail
Cooperación Día Internacional de Soliedariedá con Palestina by asturnet 29 de payares, 2006 El 29 de payares cellébrase’l Día Internacional con Palestina, por mor d’esta cellebración la Coordinadora d’ONGs d’Asturies y el Comité de Soliedariedá cola Causa Árabe entamen una concentración nel Paséu Begoña de Xixón a partir de les 19,00 hores. Na concentranción Teatro Margen presentará’l so espectáculu “War” Más información 29 de payares, 2006 0 FacebookTwitterPinterestEmail
Cooperación La situación de les muyeres palestines ente la violencia de la ocupación nel Club Cultural La Escandalera by asturnet 28 de payares, 2006 La presidenta de la Unión de Comités de Muyeres Palestines (UCMP), Maha Nassar, va dar estar tarde una conferencia nel Club Cultural La Escandalera d’Uviéu. La conferencia entamará a les 20,00 hores de güei martes. L’actu ta organizáu pola Asociación Milenta Muyeres por mor de la cellebración el día 29 de payares del Día Internancional de Solidariedá col Pueblu Palestín. Les muyeres son un de los grupos más discriminaos de la sociedá Palestina, d’esta discriminación son producto los “vioplentos procedimientos de la ocupación militar israelina como’l sistema patriarcal tradicional de la Socidá Palestina. La UCMP ye una organización qu’asumió un conceptu progresista, social y políticu cola fin de crear un equilibriu ente les necesidaes sociales y culturales de los grupos marxinaos, y la necesidá d’un procesu de lliberación nacional en Palestina. 28 de payares, 2006 0 FacebookTwitterPinterestEmail
Cooperación Les Mocedaes Socialistes d’Uviéu entamen el 2 d’avientu un “rali fotográficu” tituláu “Uviéu Alternativu” by asturnet 27 de payares, 2006 Les Mocedaes Socialistes uveínes entamen el 2 d’avientu un rali fotográficu peles cais d’Uviéu a la gueta de les imáxenes más alternatives y vives de la ciudá. Esta actividá, abierta a tolos que quieran participar, tien por aciu alcontrar les imáxenes que definan les cais d’Uviéu dende los espacios, la so xente o l’ociu. El concursu ye parte de les VII Xornaes Culturales JOVETENSE y la participación ye llibre. La retirada de les cámares desechables coles que se fadrán les fotografíes, asina como la inscripción, podrá facese’l sábadu 2 d’avientu, a les 17,00 nel Paséu de los Álamos, acabando’l plazu d’entrega de les cámares, pal so reveláu, el martes 5 d’avientu. Depués de la entrega, y reveláu de les semeyes concederánse tres premios por parte d’un xuráu compuestu por miembros de les Mocedaes Socialistes d’Uviéu y de l’asociación xuvenil “El laboratorio de Ágora”. El primer premiu sedrá un cheque regalu de la FNAC por 60 y una cámara lomográfica; el segundu, 30 y una cámara lomográfica, y el tercer un cheque regalu de 30. Mocedaes Socialistes d’Uviéu 27 de payares, 2006 0 FacebookTwitterPinterestEmail
Cooperación Candidatures al premiu al Llabor Voluntariu d’Avilés by asturnet 23 de payares, 2006 Once candidatures van optar al premiu al Llabor Voluntariu 2006 del Ayuntamientu d’Avilés. Estos galardones vienen concediéndose dende’l 2004, cuando la Xunta de Portavoces de la Casa Conceyu d’Avilés algamó’l determín de convocalos pa facer un reconocimientu al llabor de los voluntarios. La distinción supón la consideración de que la promoción y fomentu del voluntariáu ye un retu que compromete a tolos sectores sociales y económicos na creación d’una sociedá más xusta y solidaria, ya intenta ufrir el merecimientu a les persones y entidaes que faen altruistamente estes actividaes. Les persones y entidaes candidates a esti galardón son: Angelita del Amo Santos, voluntaria na Asociación ATEAM Integra Lydia Sánchez Pardavila, voluntaria en Cruz Bermeya Mocedá Isabel Montiel González, voluntaria en la Asociación Española contra el Cáncer Voluntarios de la Fundación Avilés: Antonio Blanco Galán, Manuel Ángel González Hevia, Pura García Bara y Ana Galán Merchán Voluntarios de la Pastoral Penitenciaria grupo de Avilés Voluntarios de la Fundación Alcoa Asociación Lliga Reumatolóxica Asociación Rei Pelayo Asociación de Donantes de Sangre de Avilés Cruz Bermeya Asamblea d’Avilés Asociación de Familiares y Enfermos Mentales de Avilés 23 de payares, 2006 0 FacebookTwitterPinterestEmail
Cooperación Programa ALAS pa la movilidá d’estudiantes americanos descendientes d’emigrantes asturianos by asturnet 22 de payares, 2006 L’Axencia Asturiana d’Emigración, l’Institutu Asturianu de la Mocedá y la Universidá d’Uviéu roblaron un conveniu que fizo posible la puesta en funcionamiientu del “Programa ALAS” d’ayudes a la movilidá y de movilidaes ensin sofitu, la primer edición va posibilitar l’adxudicación de 20 beques pa mozos americanos descendientes d’asturianos. Los beneficiarios del Programa ALAS podrán estudiar na Universidá d’Uviéu demientres el segundu cuatrimestre académicu 2006-2007. Les estancies van proporcionar a los estudiantes la oportunidá d’averase a la cultura de los sos ascendientes y conocer en profundidá otru sistema universitariu. La presentación de solicitúes tien como data de fin de plazu el 23 de payares de 2006. El peridou lectivu comprende dende’l 21 de febreru al 29 de xunu de 2007. Podrán solictase dos tipos de movilidá: con ayuda y ensin ella. Nos dos garantízase’l reconocimientu académicu na universidá d’orixe, siempre que tea adherida al Protocolu de collaboración ente’l Principáu d’Asturies y la Universidá d’Uviéu o tenga vixente un conveniu con ésta de cooperación d’intercambiu d’estudiantes. La movilidá con ayuda ta remunerada. Los que l’algamen van disfrutar de la beca correspondiente y tarán exentos d’abonar la matrícula n’estudios oficiales de la Universidá d’Uviéu. La movilidá enson ayuda nun ta remunerada. Los que l’algamwen habrán abonar los precios públicos por matrícula na Universidá d’Uviéu. Pa participar nel programa ALAS ye afayadizo ser descendiente d’emigrantes asturianos pa lo que se va pidir un certificáu del presidente del Centru Asturianu más averáu y/o documentu acreditativu de la condición de descendiente asturianu; habrá que tar cursando estudios nuna universidá llatinoamricana que s’alcuentre en condiciones d’adherise al Protocolu anexu al Conveniu Marcu de Collaboración ente’l Principáu d’Asturies y la Universidá d’Uviéu primero del entamu de la movilidá; cursar un mínimu de 15 créditos na Universidá d’Uviéu durante la estancia. Pa más información se puede consultar colaOficina de Relaciones Internacionales de la Universidad d’Uviéu o unviándo-yos un corréu llectrónicu a relinsur@uniovi.es. 22 de payares, 2006 0 FacebookTwitterPinterestEmail
Cooperación La violencia contra les muyeres nel Espaciu Solidariu de la Universidá by asturnet 16 de payares, 2006 L’Espaciu Solidariu del Vicerrectoráu d’Estudiantes de la Universidá d’Uviéu, del 20 de payares al 19 d’avientu, entama les Xornaes “La violencia contra las mujeres en países con conflictos bélicos”, na que collaboran’l Conseyu d’Estudiantes, el Conseyu de la Mocedá d’Asturies, l’Institutu Asturianu de la Muyer, Milenta Muyeres ya Ingeniería Sin Fronteras. Ente otros actos, el llunes 20 de payares, a les 12 hores nel Aula Escalonada del Edificiu Históricu, Nuria Varela, periodista, autora del llibru “Íbamos a ser reinas” y corresponsal de guerra nuna decena de países con conflictos armaos (Chechenia, Bosnia, Nicaragua, Chiapas, Libia, Afganistán, Sah.ara…) dará una conferencia titulada “La violencia contra las mujeres, un delito universal”. El martes 21 de payares, a les 18 hores na Facultá de Psicoloxía, el colectivu Milenta Muyeres participará nun coloquiu tres la proyección del documental “Gohla”, sobre’l movimientu asociativu de les muyeres n’Afganistán. El martes 28 de payares, a les 12 hores nel Salón d’Actos de la Facultá de Xeografía ya Historia, Maha Nassar, Presidenta de la Unión de Comités de Muyeres Palestines, falará sobre “Muyeres palestines en territoriu ocupáu. La violencia del Estáu”. Estes xornaes van completase con 2 exposiciones. La primera fadráse nel Campus de Mieres, dende’l 20 de payares al 4 d’avientu, “Tierra Prestada”, trata del llabor de la muyer nos campos de refuxaos sah.aragüis. La segunda, titulada “Les muyeres iraquines y la guerra” sedrá nel Campus de Viesques, del 5 al 19 d’avientu, y centrase nos efectos de la guerra d’Iraq sobre les muyeres y les neñes iraquines. 16 de payares, 2006 0 FacebookTwitterPinterestEmail
Cooperación La Casa la Cultura del Valle de San Xurde organiza una nueche de baille celta by asturnet 14 de payares, 2006 La Casa la Cultura del Valle de San Xurde, en Nueva, acoyerál sábadu que vien, 18 de payares a partir de les 19,30 hores, un taller de baille celta. El taller, que ta dirixíu a tolos públicos, tará impartíu por Dorothy Gillet y John Allan. Esta ye la segunda vegada que la Casa la Cultura de Nueva acueye una actividá desti tipu, tres la cellebradal pasáu mes dochobre que cuntó con gran asistencia de públicu. 14 de payares, 2006 0 FacebookTwitterPinterestEmail
Cooperación La delda externa declarada culpable de la desigualdá económica y social nel mundu by asturnet 13 de payares, 2006 El IV Alcuentru internacional de Cooperación Asturiana pal Desarrollu acanó esti sábadu cola llectura del veredictu del Tribunal popular sobre la delda externa. El veredictu popular consideró que’l mecanismu de la delda externa sostién la probeza y la desigualdá económica y social nel mundu. Durante les tres xornaes de vistes el Tribunal Popular escuchó los diferentes argumentos en contra de la delda externa presentaos en tres bloques temáticos, migraciones, muyer y ecoloxía. L'”acusación particular” a la delda externa formáronla Óscar Natalichio, de la Universidad Popular Madres de Plaza de Mayo, que dixere que “la delda externa incrementóse nun 350% nos últimos años, al tiempu que les migraciones, amuesando les rellaciones ente estos fenómenos”. Emma Esther González, téstiga hondureña, afitó que “les muyeres somos les principales perxudicaes pela delda, cada vegada tenemos menos accesu a un trabayu xustu y remuneráu, sofrimos pol fechu de ser muyeres, somos quienes más sofrimos nes guerres”. Emma ESther esixó una auditoria interna de la guerres pa certificar que les muyeres son “en realidá les principales acreedores”. Pedro Ramiro Pérez, Observatorio de Multinacionales en América Latina, que fizo d’acusación particular nel bloque de la delda ecolóxica sorrayó que’l “nuesu modelu de consumu esixe cada vegada un mayor consumu enerxéticu, que ta llevando al saquéu de los recursos naturales de los países del Sur y a la perda de la soberanía alimentaria”. 13 de payares, 2006 0 FacebookTwitterPinterestEmail
Cooperación Inauguráronse los IV Alcuentros Internacionales de Cooperación pal Desarrollu. Tribunal Popular a la delda esterna. by asturnet 9 de payares, 2006 Nel actu d’inauguración d’ayer participaron Jesús Montes Estrada, Conceyal de Cooperación del Ayuntamientu de Xixón, Carmen Manjón, Conceyala de Cooperación del Ayuntamientu d’Uviéu, Rafael Palacios, Director de l’Axencia Asturiana de Cooperación y Ana Suárez, presidenta de la Coordinadora Asturiana d’ONGs. Güei dende les 16,00 hores, nel Antiguu Institutu de Xixón, entama’l Tribunal Popular de la Delda Esterna cola constitución del Tribunal y les intervenciones d’espertos na tema. La presidenta de la Coordinadora d’ONGs comentó que con estos actos se tien por oxetivu visibilizar la “illexitimidá y en munchos casos la illegalidá de la delda esterna con tou’l rigor xurídicu posible” asina como facer publica la crítica de los colectivos de cooperación a les polítiques que vien desenvolviendo l’Estáu Español, pos la futura llei de delda española “anque con avances importantes” ye una “oportunidá perdida na llucha contra la probeza” declaró Ana Suárez. Los Alcuentros enmárquense na campaña “¿Quien debe a quién?”, que tien por oxetivu rellanzar les demandes d’abolición de la delda. Na inauguración presentáronse les organizaciones que formar parte del tribunal demientres los tres próximos díes. Nelson Arévalo, voceru de la organización CORDES d’El Salvador, reivindicó esti espaciu como una oportunidá pa que les diferentes organizaciones de países del sur asisitentes algamen alcuerdos pa facer un documentu conxuntu que permita trabayar na denuncia nos sos países d’orixe. “Un país del Norte val como espaciu d’alcuentru pa que distintos países del Sur entamen a organizar movimientos de protesta y resistencia escontra la delda. Ye afayadizo presionar nel Norte, pero muncho más reforzar les reivindicaciones nel Sur”. El profesor d’Economía Social de la Universidá Popular de las Madres de la Plaza de Mayo, Oscar Natalachio señalaba que “la situación d’Arxentina ye l’exemplu máximu de la influencia que la delda tien na emigración” citando que cada arxentín tien más de 4.000 dolares de delda. Noticia relacionada 9 de payares, 2006 0 FacebookTwitterPinterestEmail