Cooperación El CMPA valora positivamente los cambios introducíos pol Institutu Asturianu de la Mocedá na convocatoria de subvenciones d’esti añu by asturnet 15 de febreru, 2007 El Conseyu de la Mocedá del Principáu d’Asturies considera que les sos vindicaciones manteníes a lo llargu de los últimos meses por mor de l’anterior convocatoria de subvenciones del IAM empobinaes a les asociaciones xuveniles, dio’l so frutu na convocatoria del presente añu, asoleyada el martes nel Boletín Oficial del Principáu d’Asturies. El presidente de la entidá xuvenil, Paulino Feito, señaló que “en cumplimientu del protocolu al efectu, l’IAM remitiónos n’avientu un borrador de la que diba ser la convocatoria d’esti añu, que siguía manteniendo munchos de los erros incluyíos na de 2006, que produxeren un fuerte maltar ente bien d’asociaciones poles munches dificultaes inxustificaes que suponíen pa los solicitantes”. Díes depués, esplicó Feito, el Conseyu remitió al Institutu Asturianu de la Mocedá un Informe nel que se facíen un bon númberu de suxerencies que, teniendo en cuenta’l nuevu Reglamentu de la Llei Xeneral de Subvenciones, permitiríen meyorar el proyectu de convocatoria. “L’IAM incluyó casi toes, colo que la convocatoria resulta sustancialmente meyor que la del añu pasáu, qu’entovía sigue provocando serios perxuicios a les asociaciones xuveniles”. El responsable del CMPA considera que n’esti 2007 les subvenciones del Institutu Asturianu de la Mocedá resulten más asequibles pa les asociaciones y entidaes xuveniles, “de lo que mos debemos felicitar toos y toes porque favorez la participación de los y les moces de la nuesa comunidá autónoma”, dixo Paulino Feito, quien puntualizó que “pudo ser meyor que la Directora del IAM nun ficiere esperar a tou’l mundu p’atender a les demandes del movimientu asociativu no tocante a les subvenciones que d’ella dependen” anque puntualizó que “nunca ye tarde si de verdá tien la intención de rectificar toda una llexislatura enllena de desaciertos”. La convocatoria publicada’l martes contempla tres llinies de proyectos subvencionables, diferenciando ente programes d’actividaes, servicios y funcionamientu internu, de contratación de mozos menores de 30 años, y de realización d’obres y compra d’equipamientu. Los formularios pa presentar les solicitues pueden alcontrase nes Oficines d’Información Xuvenil, los Conseyos de la Mocedá de Xixón, Uviéu y Asturies, y nel mesmu Institutu Asturianu de la Mocedá. Como ye avezao’l Conseyu de la Mocedá del Principáu d’Asturies va entamar una sesoría itinerante de bañdre pa toles asociaciones que tengan dalguna dulda sobre cómo pidir estes subvenciones. Más información 15 de febreru, 2007 0 FacebookTwitterPinterestEmail
Cooperación La Pita de la Xunta acompaña a Areces na inauguración de la Casa Conceyu de Siero by asturnet 14 de febreru, 2007 La visita oficial del presidente asturianu, Álvarez Areces, a La Pola, Siero, foi recibida por tres manifestaciones. El presidente acudió a la capital de Siero col envís d’inaugurar la Casa Conceyu alcontróse coles reivindicaciones de los trabayadores de Caxastur, les de los afectaos pol futuru polígonu de Bobes y la defensa de los derechos llingüísticos encabezada por La Pita de la Xunta pola Defensa de la Llingua Asturiana. 14 de febreru, 2007 0 FacebookTwitterPinterestEmail
Cooperación Culmina la recoyía d’alimentos pa los refuxaos saharauis by asturnet 10 de febreru, 2007 La asociación asturiana d’amigos del pueblu saharaui ufrirá güei una rueda de prensa pa rematar la campaña de recoyía d’alimentos, qu’arrancó’l pasáu mes d’avientu, pa los refuxaos saharauis afeutaos poles inundaciones de Tinduf, en Argelia. L’actu va facese a les 12 hores nel polígono de Roces de Xixón (c/Nicolás Copernico esq c/Jorge Juán) dende donde van salir los camiones colos alimentos. Na campaña participaron tolos sectores de la población civil asturiana y les instituciones y organismos sindicales, en rempuesta al llamamientu de la Media Luna Roja Saharaui y munches Organizaciones Internacionales . 10 de febreru, 2007 0 FacebookTwitterPinterestEmail
Cooperación Los sindicatos y otres asociaciones manifiestense dafechamente contrarios al borrador del curriculu de primaria by asturnet 30 de xineru, 2007 La decisión de la Conseyería d’Educación d’amenorgar el tratamientu educativu del asturianu ta siendo fuertemente respondida dende dellos colectivos de defensa de los derechos llingüísticos y los sindicatos mayoritarios na enseñanza que nun dulden en calificar d’auténticu xenocidiu cultural la propuesta d’Educación. Por el momentu namái que’l Suatea, sindicatu mayoritariu de la enseñanza n’Asturies, sacar un comunicáu que se reproduz nestes páxines, pero tanto FETE-UXT como Comisiones Obreres tan coincidiendo nes manifestaciones de los sos dirixentes na llínia del comunicáu de Suatea, atalantando qu’esti ye un golpe mortal a la optatividá de la llingua asturiana na primaria y que l’actitud d’Educación nun dexa más camín que la Oficialidá. Les asociaciones de defensa de los drechos llingüísticos tamién tan entamando a manifestatse sobre la tema. Asina dende l’Asociación de Trabayadores de la Normalización Llingüística, nun comunicáu de prensa, tresmitíase’l so esmolecimientu al ver que la llingua, nel futuru currículu, nun taba n’igualdá de condiciones qu’el restu de les enseñances. L’ATNL considera que “lo primero que tenía que plantease la Conseyería ye si l’asignatura d’asturianu cumple colos oxetivos que tien marcaos, si son abondes les hores de clase y si la manera d’ufiertala ye la meyor pa que los neños y neñes salgan de la escuela siendo capaces de lleer, falar y escribir n’asturianu”. Dende esta asociación recuerden al Conseyeru d’Educación “el so compromisu públicu de facer del asturianu la llingua vehicular de la enseñanza en dalgunos centros pilotu” esta idega dende l’anuncia del nuevu currículu educativu considérase que quedó erma. Nestos centros pilotu l’asturianu sería la llingua vehicular de la enseñanza, dándose toles clases n’asturianu, cola escepción de les correpespondientes a les demás llingües. Dende l’ATNL sobrayen que nel currículu asoleyáu por Riopedre se fale ente los sos obxetivos del respetu a los derechos humanos pa depués amuesar unos fechos que choquen dafechu col cumplimientu de los mesmos. La redacción de los nuevos currículos educativos encuádrase nel marcu del 35% de la enseñanza na qu’el gobiernu asturianu puede iguar a la so conveniencia. Les comunidaes nes que la so llingua ta declarada oficial el porcentaxe horariu sobre’l qu’actuen los gobiernos autónomicos ye del 45%. Una de les preocupaciones de Riopedre ye aumentar les hores de castellano que de 870 hores, ente los tres ciclos educativos, pasarán a ser 1.100 hores darréu s’apruebe’l futuru currículu. Otres de les asignatures que verán incrementáu’l so horariu llectivu son les matemátiques, l’ingles o conocimientu del mediu. 30 de xineru, 2007 0 FacebookTwitterPinterestEmail
Cooperación “Palestina nos mios güeyos” charra d’una brigadista internacional nel Conceyu Abiertu by asturnet 26 de xineru, 2007 El Conceyu Abiertu tien programada pa esta tarde una charra de la Brigadista Internacional en Palestina Laura Camargo. La brigadista cuntará les sos esperiencies nel territoriu palestín dientro de la Brigada Komite Internazionalistak. La charra fadráse a partir de les 20.00 nel Conceyu Abiertu, cai La Gascona 12 d’Uviéu. Palestina en mis ojos 26 de xineru, 2007 0 FacebookTwitterPinterestEmail
Cooperación El Ministeriu de Sanidá quier prohibir la publicidá de la sidra by asturnet 26 de xineru, 2007 El Ministeriu de Sanidá ta preparando una llei que restrinxirá de la publicidá a toles bebides de más de 1,2 graos d’alcohol. Esta medida afectará a les campañes que se desendolquen pa promocionar la sidra asturiano, que tien ente 5 y 5,5 graos d’alcohol. Los profesionales del sector argumenten que lo que s’habría promover ye’l consumu responsable y que nun se meta “nel mesmu sacu llegal” a bebides como’l güisqui, el vino o la propia sidra. La decisión del Ministeriu de Sanidá coincide cola aporbación del Ministeriu d’Agricultura d’una subvención de 600.000 pal fomentu de la bebida asturiano, que se va materializar na Feria Internacional de la Sidra que se fadrá a mediaos d’añu en Xixón. Ministeriu de Sanidá 26 de xineru, 2007 0 FacebookTwitterPinterestEmail
Cooperación Expolangues ensin representación asturiana by asturnet 26 de xineru, 2007 La 25 edición del Salón Expolangues nun cuenta cola participación de nenguna represenación asturiana. La Feria parisina de les llingües acueye esta vegada a 60 delegaciones llingüísitiques de 20 estaos, y tien como país d’honor a Rusia. La Feria vien cellebrándose dende’l 24 de xineru y va acabar mañana 27 de xineru. Nesta Feria llingüísitica les demás llingües peninsulares participen con dellos stands que promocionen el conocimientu sobre la realidá llingüísitica de les sos comunidaes. Expolangues 26 de xineru, 2007 0 FacebookTwitterPinterestEmail
Cooperación Xornaes sobre los Derechos Humanos nel Mediu Oriente by asturnet 24 de xineru, 2007 A partir del día 25 y hasta’l 27 de xineru Uviéu y Xixón acoyerán les Xornaes Internacionales sobre Derechos Humanos n’Oriente Mediu. L’obxetivu de les xornaes ye que dende’l debate xurídicu s’algame dar conocencia a la sociedá de la situación de privación de derechos que viven los pueblos de los países del mediu oriente ocupaos militarmente. Estes Xornaes Internacionales sobre los derechos humanos n’Oriente Mediu tienen como fin abordar dende una perspectiva plural la situación esistente nos países y pueblos d’Oriente Mediu sometíos a una ocupación militar (Iraq y Palestina). Con eso fin, aconceyarán xuristes, políticos, profesores y dirixentes sociales del Estáu español y d’otros estaos europeos; asina mesmo, cuntaráse cola presencia de representantes de colectivos y asociaciones de los países ocupaos. Los aspectos políticos y xurídicos que plantega l’actual situación del Oriente Mediu y la posición d’Europa frente a los conflictos esistentes nel aria; tamién se van revisar les diferentes violaciones a los derechos humanos de les poblaciones de los países ocupaos. Les xornaes tán organizaes pola asociación Jueces para la Democracia, la Conseyería de Xusticia y de la Unión Progresista de Fiscales Derechos Humanos n’Oriente Mediu 24 de xineru, 2007 0 FacebookTwitterPinterestEmail
Cooperación El Conseyu de Mocedá de Xixón presenta una guía de participación xuvenil by asturnet 23 de xineru, 2007 El presidente de la entidá xuvenil xixonesa, Jordán Suárez, presentó ayeri la nueva Guía de Participación editafa pol Conseyu y promovida pola Oficina de Mocedá del Ayuntamientu de Xixón. La guía tien por finxu averar a la mocedá a les asociacones xuveniles y a la participación cívica. Los primeros exemplares de la Guía van repartise pelos Institutos d’Educación Secundaria de Xixón. La edición de la Guía de Participación Xuvenil del Conseyu de Mocedá de Xixón ye parte d’una campaña de sensibilización que la organización vien desenvolviendo pelos centros d’enseñanza secundaria del conceyu de Xixón. La campaña tien por obxetivu averar a l’adolescencia a la participación cíviva mediante la creación de nueves asociaciones o la participación nes yá esistentes. La Guía tien una tirada inicial de 2000 exemplares y entregaráse nos Institutos d’Eduación Secundaria de Xixón y na Oficina d’Información Xuvenil. 23 de xineru, 2007 0 FacebookTwitterPinterestEmail
Cooperación Una delegación asturiana participa nel Foru Social Mundial by asturnet 23 de xineru, 2007 El Foru Social Mundial, qu’esti añu se cellebra en Nairobi, Kenia, cuenta con una delegación asturiana encabezada pol Director de l’Axencia Asturiana de Cooperación, Rafael Palacios y pola presidenta de la Coordinadora d’ONG’s d’Asturies Ana Suárez. Esta ye la sétima edición d’esti Foru qu’entamó na ciudá brasileña de Porto Alegre. El foru desendolcase, dende’l día 20 de xineru hasta’l 25 de xineru, cola fin d’ufrir alternatives al modelu neolliberal. 23 de xineru, 2007 0 FacebookTwitterPinterestEmail