Cooperación Un estudiu de la Fundación de Caxes d’Aforru diz que los asturianos siéntese na so mayoría igual d’asturianos qu’españoles by asturnet 7 de marzu, 2007 Un estudiu de la Fundación de les Caxes d’Aforros (FUNCAS) señala qu’el 69% de la población asturiana se siente igual d’asturiana qu’española. El porcentaxe de ciudadanos asturianos que se sienten esclusivamente asturianos baxa del 36% al 16% dende 1996. Los resultaos d’identificación cola comunidá autónoma varíen d’un territoriu a otru, asina mientres qu’en Extremadura’l sentimientu de pertenencia tanto a la comunidá autónoma como a España ye del 81%, n’Euskadi y Nafarroa esti sentimientu reduzse hasta un 33% y 43% respectivamente. D’otru llau na Comunidá Autónoma Vasca’l 46% de la población indentifícase esclusivamente con esta. Esti porcentaxe d’identificación esclusivamente cola comunidá autónoma ye en Catalunya d’un 38%, seguida por Nafarroa y les Islles Canaries con un 37% les dos. Nel polu opuestu taríen los ciudadanos de les dos Castilles y Madrid nos que los porcentaxes d’identificación cola propia comunidá son del 3 y 4% respectivamente. Nestos dos últimos casos ye onde’l sentimientu de pertenencia esclusiva a España ye mayor con 38 y 34% respectivamente. El sentimientu de pertenencia n’esclusiva a España sitúase n’Asturies nel 9%, medrando un puntu porcentual respectu a la encuesta de 1996. 7 de marzu, 2007 0 FacebookTwitterPinterestEmail
Cooperación Presentación del llibru La participación del Principáu d’Asturies nos asuntos comunitarios Europeos” by asturnet 6 de marzu, 2007 La obra , de Juan Fernández y Gonzalo Riesgo, ufre un estudiu sobre la xera comunitaria nel Principáu de Asturias coincidiendo cola cellebración del vigesimu aniversariu de l’adhesión d’España a la Unión Europea. La presentación va tener llugar güei martes 6 de Marzu a les 12:30 hores,na Casa d’Asturies en Bruseles y a les 19:00 nel Centru Asturianu de la capital belga. Nel actu van a intervenir les siguientes personas: Javier Velasco, Director de la Casa d’Asturias en Bruseles, Juan Fernández y Gonzalo Riesgo, autores de la publicación, y Francisco Javier García Valledor, Conseyeru de Xusticia, Seguridá Pública y Relaciones Esteriores. Juan Fernández incorporse en 1985 a la Oficina de asesoramientu sobre Comunidaes Europees del Principáu d’Asturies como Asesor Económicu, desempeñando’l cargu de director de la mesma dende 1992 a 1999. Dende avientu de 2003, ye’l xefe d’área de relaciones Esteriores de la Dirección Xeneral de Relaciones Esteriores y Asuntos Europeos y miembru del Conseyu de Redacción de la Revista Eurastur. Gonzalo Riesgo presta servicios dende 1999 como Asesor Xurídicu del Departamentu de Relaciones esteriores y asuntos Europeos de l’alministración del principáu d’Asturies. Ye llicenciáu en Derechu pola Universidá d’Uvieu y miembru del Illustre Colexu d’Abogaos d’Uvieu. 6 de marzu, 2007 0 FacebookTwitterPinterestEmail
Cooperación 8 de marzu Día de les Muyeres by asturnet 6 de marzu, 2007 El próximu día 8 de marzu cellébrase’l Día Internacional de les Muyeres. Esti día de llucha recuerda la situación de desigualdá social de les muyeres na sociedá reclamando dende distintos colectivos la puesta en práctica de políques que lleven a la igualdá social ente xéneros. L’asociación SOS Racismu proyecta güei, 6 de marzu a les 19,30, la película Extranjeras. La cinta va visionase nal Conseyu Abiertu de la cai Gascona 12. La Coordinadora Feminista pal próximu 8 de marzu convoca una concentración a les 20,00 hores frente al teatru Campoamor, depués de la concentración se va facer la yá tradicional fiesta feminista nel Bar Tamara d’Uviéu. El Grupu de Feminismu de Cambalache tien organizada una charra debate titulada “El Feminismu, Historia, corrientes y puntos críticos”. La charra va facese nel local de Cambalache na Cuesta La Ciega. El Colectivu Milenta Muyeres tien programada pal día 8 de marzu un video forum tituláu “Les muyeres perfectes”, l’actividá va desendolcase a partir de les 7 la tarde na Casa la Cultura de Grau. 6 de marzu, 2007 0 FacebookTwitterPinterestEmail
Cooperación Andecha Astur y Izquierda Asturiana anuncien la formación de llistes conxuntes nes elecciones municipales by asturnet 3 de marzu, 2007 Les organizaciones amuesaron el so interés pa qu’esti prealcuerdu seya’l primer pasu de la fusión de la esquierda nacionalista. L’alcuerdu tien como fin evitar la duplicidá de llistes de la esquierda nacionalista y ufrir una alternativa asturiana, d’esquierda, verde y non clientelar. Germán Abad, Secretariu d’Organización d’Andecha Astur y Faustino Zapico, Secretariu Xeneral d’Izquierda Asturiana anunciaron que les dos formaciones algamaron un principiu d’alcuerdu pa concurrir conxuntamente a les elecciones municipales. Los responsables de les dos organizaciones consideren que “l’alcuerdu ye mui positivu porque favorez y reflexa de forma práctica la xuntura de la esquierda nacionalista, amás de tornar la duplicidá de candidatures y la competencia ente llistes con programes mui asemeyaos que van presentar unes propuestes en clave asturiana, verde y d’esquierda”. Los llíderes políticos d’Andecha Astur y Izquierda Asturiana consideren qu’el pasu tomáu yera una “demanda d’un sector de la población que s’afaya güérfano d’una propuesta diferente de facer política que s’afinque na concepión d’Asturies como un país amu del so futuru, y de la defensa insobornable del so mediu ambiente y de la so identidá”. Nel comunicáu d’anuncia del alcuerdu electoral les dos formaciones dediquen unes llinies a la situación política de los partíos con representación na Xunta Xeneral del Principáu. Asina les dos formaciones coinciden na valoración negativa de les opciones estatales; entamando per un Partido Popular encalláu na derecha neolliberal más tradicional, que nun pue en nengún casu ser garantía dun gobierno progresista no social y no económico mentres que per otru llau consolídasel pautu anunciáu ente PSOE-IU-BA-LV, que les formaciones desquierda nacionalista cuenten como el segundu actu duna comedia na que sempapueta los electores con propuestes desquierdes que sescaecen o saparquen cuando quital maquillaxe de la campaña electoral y llega al gobiernu y nel que los partíos desi pautu que defenden supuestes alternatives asturianistes y verdes nun son más que piones al serviciu de les polítiques dun presidente nefastu como Areces. El principiu d’alcuerdu ta ensin ratificar poles organizaciones. El pactu electoral contemplará les diferentes fórmules de repartu de les llistes electorales en función de la representación de cada partíu nos diferentes conceyos. Asina mesmo Andecha Astur y Izquierda Asturiana mantienen abiertu esti pactu a otros colectivos que tá negociando actualmente. 3 de marzu, 2007 0 FacebookTwitterPinterestEmail
Cooperación La revista Alcuentros entrevista a Ramón d’Andrés y a Antón García by asturnet 1 de marzu, 2007 La revista cántabra de llingües minorizaes Alcuentros presenta nel so últimu númeru dos entrevistes a Ramón d’Andrés, Xefe de la Oficina de Política Llingüística, y a Antón García, de la Editorial Trabe. La revista Alcuentros nació en 2003 cola fin d’ufrir una publicación filolóxica respetuosa col cántabru y les llingües minorizaes. 1 de marzu, 2007 0 FacebookTwitterPinterestEmail
Cooperación IAS propón un usu públicu pa la Fábrica de Tabaco de Cimavilla by asturnet 1 de marzu, 2007 Pablo Rodíguez Alonso propón la creación d’un Centru de Salú y equipamientos deportivos que dean serviciu a los vecinos del barriu y de parte de la zona centru. El centru “ha devolver parte del perxuiciu que supusó la perda de la Fábrica de Tabaco” Ente l’entamu de les obres de demolición de l’antigua Fábrica de Tabacos, Pablo Rodríguez Alonso, portavoz d’Izquierda Asturiana en Xixón y candidatu a l’alcaldía nes elecciones de mayu de 2007 recordó “la propuesta d’IAS pa la creación na antigua Fábrica de Tabacos d’un Centru Integráu, siguiendo les llinies del denomináu Xixón-Sur que daría serviciu al barriu y a les zones cercanes del centru de la ciudá. La propuesta d’IAS ye la creación d’un edificiu multidisciplinar nel que tengan entrada usos que diríen dende los servicios sociales, culturales, deportivos o los sanitarios. Una de les cuestiones que se sorrayen dende la formación d’izquierdes ye la necesidá de facer les prospecciones arqueolóxiques na zona. El portavoz d’Izquierda Asturiana en Xixón pidió que l’espaciu se mantuviera en tou momentu’l carácter públicu del espaciu. 1 de marzu, 2007 0 FacebookTwitterPinterestEmail
Cooperación El CMU reclama una rede wifi nos Centros Sociales d’Uviéu by asturnet 22 de febreru, 2007 La presidenta del Conseyu de la Mocedá d’Uviéu, Lucía Menéndez, aconceyó ayeri col conceyal de mocedá uvieín, Gerardo Antuña, cola fin de tresmiti-y les propuestes de la organización xuvenil en materia d’ociu y mocedá. Ente les propuestes del CMU figura la de la instalación d’una rede wifi nos centros municipales, rede que sólo ta instalada nel cibercentro de La Lila. Otres de les propuestes qu’el Conseyu de la Mocedá treslladó al Conceyal del aria fue la d’optimizar los recursos publicitarios de la conceyalía na promoción de les actividaes culturales. Ente los compromisos d’Antuña figura la construcción d’un nuevu Centru Xuvenil nel barriu de La Corredoria, actualmente principal zona d’espansión de la ciudá, y que vien siendo una de les principales vindicaciones de los movimientos xuvenil y vecinal uvieín, y que yá fuera comprometíu hai cuatro años. Les propuestes del Conseyu de la Mocedá d’Uviéu surden de les Meses de Trabayu que les asociaciones compusieron a lo llargo de 2006. Conseyu de la Mocedá d’Uviéu 22 de febreru, 2007 0 FacebookTwitterPinterestEmail
Cooperación Angela Vallvey algama’l II Llanes de Viaje by asturnet 19 de febreru, 2007 La escritora Ángela Vallvey Arévalo gana’l “II Premiu lliterariu Llanes de viaxes 2007” cola obra “El viaje de una hora de lechuga”. La ganadora recibirá 30.000, amás de la espublización y la promoción del llibru. Esti premiu tien por aciu fomentar la imaxe turística del conceyu llaniscu. El xuráu taba compuestu por Rosa Regás, Fernando Marías, Pepe Monteserín, Marta Rivera de la Cruz, Luisa Castro, Eugenia Rico, Ramón Pernas, Pedro Páramo y Silvia Pérez, directora de Imagine Ediciones, además de Dolores Álvarez Campillo, Alcaldesa de Llanes. Na primer edición d’esti premiu participaron 28 obres, resultando ganador el llibru “Viaje a la Costa de las Ballenas” del historiador y escritor andaluz Juan Eslava Galán. Na segunda edición presentáronse 36 testos. El premiu va entregase’l prosimu mes d’abril en Llanes. 19 de febreru, 2007 0 FacebookTwitterPinterestEmail
Cooperación Convócase una nueva edición del Pueblu Exemplar d’Asturies by asturnet 19 de febreru, 2007 La Fundación Príncipe d’Asturies entamó la distribución de los cartafueyos cola convocatoria y el reglamentu del Premiu Pueblu Exemplar 2007. El galardón echó andar en 1990 y la so dotación económica ye de 25.000. El premiu emponínase a recocer a “los llugares o grupos humanos que destaquen na defensa de los sos valores, el entornu natural, patrimoniu históricu, cultural o artísticu, o na realización d’obres comunales o otres manifestaciones de solidaridá estraordinaria”. El Reglamentu de los premios permite qu’el galardon reconociera’l llabor de llugares como Cuñaba (Valle Bah.u de Peñamellera), el colectivu ecoloxista Cubera, los pastores de los Picos d’Europa, la sidra como foi’l casu de Nava, o la recuperación del patrimoniu cultural como nel casu de Porrúa. Les bases de la convocatoria pueden descargase dende la páxina de la Fundación Premios Príncipe d’Asturies. 19 de febreru, 2007 0 FacebookTwitterPinterestEmail
Cooperación Macroconciertu n’apoyu del Hospital de Parapléxicos by asturnet 16 de febreru, 2007 El sábadu 17 de febreru la PlataformaPro Hospital de Parapléxicos va cellebrar un conciertu p’apoyar el centru. La Plataforma tien precista una manifestación pa marzu pa reclamar la so creación. El conciertu va entamar a les 12 del mediudía na carpa instalada en Llangréu Centru. Ente los grupos que van participar destaquen Los Berrones, Stukas, Tomás y los demás o Anabel Santiago. El conciertu cuntará cola participación de Rosi Fernández, Anabel Santiago, Juan José Fernández, José Manuel González Granda, Raúl García, Carlos Ronderos, Jeremías Cuello, José Manuel Collado, amás del “Cuarteto TOrner” y del “Ochote Langreano”. Esta será la primer parte del conciertu en defensa de la realización del Centru de Parapléxicos en Llangréu. La segunda parte de la xornada entamará a partir de les 19.30 hores cola participación de los Stukas, Los Berrones, Tomás y los demás, Human, Conciencia Intrranquila y Despreciables. El monologuista Marcelino Díaz participará tamién dientro d’esti festival. 16 de febreru, 2007 0 FacebookTwitterPinterestEmail