Cooperación Asturies tien yá 29 conceyos cola toponimia tradicional oficializada by asturnet 20 de xunu, 2008 El conceyu de Proaza tien dende esti xueves 19 oficializada dafechu la toponimia tradcional, xuntándose a los otros 28 conceyos que ya vieren como se diba espublizando la so toponimia nel BOPA dende qu’entamare’l procesu de normalización de la toponomia oficial na llexislatura pasada. El Conseyu de Gobiernu d’Asturies autorizó na so reunión d’ayeri xueves, el proyectu de Decretu pol que s’apauten los topónimos oficiales del conceyu de Proaza. Ayer foi’l conceyu númberu 28 que vió apaecer nel Boletín Oficial del Principáu dAsturies la so toponimia oficial tres la so aprobación el pasáu 8 dabril nel Conseyu de Gobiernu. El restu de Conceyos sobre los que trabayó la Xunta Asesora de Toponimia del Principáu dAsturies y que tienen los sos nomes tradicionales de llugar aprobaos son: Carreño, El Franco, Llanes, Gozón, L.lena, Llangréu, Cabranes, Sariegu, Bimenes, Villaviciosa, Xixón, Nava, La Ribera, Colunga, Noreña, Grau, Amieva, Corvera, Rivadeva, Pezós, Morcín, Grandas de Salime, Casu, A Veiga, Llaviana y Samartín del Rei Aurelio. Llistáu completu: Bimenes (BOPA del 2-XII-2005) Cabranes (BOPA del 2-XII-2005) Carreño (BOPA del 6-V-2005) El Franco (BOPA del 6-V-2005, decretu de modificaciones del 22-XII-2006) Gozón (BOPA del 25-VII-2005, corrección del 18-VIII-2005) Llanes (BOPA del 6-V-2005, corrección del 13-VI-2005) Llangréu (BOPA del 25-VII-2005) L.lena (BOPA del 26-VII-2005) Nava (BOPA del 29-VIII-2006, corrección del 12-IX-2006) Sariegu (BOPA del 2-XII-2005) Villaviciosa (BOPA del 2-XII-2005, corrección del 12-I-2006) Xixón (BOPA del 3-X-2006, corrección del 20-IX-2006) La Ribera (BOPA del 8-I-2007) Colunga (BOPA del 8-I-2007) Corvera (BOPA del 27-II-2007) Grau (BOPA del 27-II-2007) Noreña (BOPA del 27-II-2007) Amieva (BOPA del 27-II-2007) Ribadeva (BOPA del 17-IV-2007) Pezós (BOPA del 19-IV-2007) Morcín (BOPA del 3-V-2007) Grandas de Salime (BOPA del 3-V-2007) Casu (BOPA del 4-VI-2007) A Veiga (BOPA del 21-VI-2007) Llaviana (BOPA del 4-I-2008) Samartín del Rei Aurelio (BOPA del 7-II-2008) Riosa (BOPA del 3-III-2008) Ayer (BOPA del 24-IV-2008) Proaza (Conseyu de Gobiernu del 19-VI-2008) 20 de xunu, 2008 0 FacebookTwitterPinterestEmail
Cooperación El semiólogu y filósofu Tzvetan Todorov algama’ l Príncipe d’Asturies de Ciencies Sociales by asturnet 18 de xunu, 2008 El semiólogu y filósofu Tzvetan Todorov foi galardonáu col Premiu Príncipe d’Asturies de Ciencies Sociales, fallu que se dio a conocer esti mediudía n’Uviéu. Al premiu optaben 36 candidatures de les cuales la del economista Jeffrey Sachs foi finalista nos discutinios del xuráu. El xuráu considera que’l galarodnáu representa’l “espíritu de la unidá d’Europa del Este y del oeste”. De la mesma manera, nel acta resáltase los ideales de “llibertá, igualdá, integración y xusticia” que representa’l galardonáu. El senador Manuel Fraga dio llectura, esti mediudía n’Uviéu, al acta del xuráu qu’otorgó’l galardón por unanimidá. Nel testu, considérase al semiólogu búlgaru como representante de “un rigurosu métodu estructuralista qu’aplicó a la lliteratura y a la crítica lliteraria”. Todorov foi evolucionando hacia l’análisis cultural y la historia de les idees y les sos preocupaciones inteleutuales, la so sabiduría y erudición, que superen fronteres y busquen puntos d’alcuentru, permitiéronse-y abarcar grandes temes del nuesu tiempu como’l desarrollu de les democracies, l’entendimientu ente cultura, los desarraigonaos, la reconocencia del otru y l’impautu de la violencia na memoria coleutiva”, según consta nel acta. 18 de xunu, 2008 0 FacebookTwitterPinterestEmail
Cooperación El Ministeriu de Vivienda estudia integrase nel Patronatu de la Fundación Óscar Niemeyer dAvilés by asturnet 4 de xunu, 2008 El Conseyeru dInfraestructures, Política Territorial y Vivienda, Francisco González Buendía, alcontróse esta mañana cola Ministra de Vivienda, Beatriz Corredor, que manifestó la so intención dintegrar el Ministeriu de Vivienda nel Patronatu de la Fundación Óscar Niemeyer. Al actu, que se celebró na sede del Ministeriu de Vivienda en Madrid, asistió tamién el Director Xeneral de Vivienda, Enrique Álvarez González. Nel alcuentru, Beatriz Corredor comunicó a Buendía que la tramitación pa quel Centru Cultural Internacional Óscar Niemeyer seya sede permanente de los fondos documentales de la Bienal Iberoamericana dArquitectura y Urbanismu (BIAU) sigue la so marcha correctamente. La Bienal Iberoamericana dArquitectura y Urbanismu surdió en 1998 por iniciativa del Ministeriu de Vivienda, cola intención de crear un espaciu dalcuentru ente los arquitectos de la Península y los del otru llau del Atlánticu. El mes dabril pasáu, el Conseyu Rector de la BIAU adoptó por unanimidá la decisión demprimar los trámites pa la robla dun alcuerdu de collaboración pa quel Centru Cultural Internacional Óscar Niemeyer se convierta en sede permanente de la Bienal, contando nun principiu nes sos instalaciones colos fondos documentales de la Bienal. Asina mesmo, alcordóse quel mes de xunetu próximul Conseyu de la BIAU saconceye nAvilés onde celebra una sesión ordinaria y va aprovechar pa conocer de primer mano toles actividaes que se desendolquen en tornu al futuru Centru Niemeyer. Per otra banda, los responsables en materia de vivienda del Gobiernu central y autonómicu fixeron un repasu de la execución del Plan de Vivienda 2005-2007. A 28 de febreru de 2008 el grau de cumplimientu algamáu nAsturies ye del 142% (el pieslle definitivu del exerciciu de 2007 ellabórase con datos a 31 de mayu de 2008). Respecto a la Renta Básica dEmancipación pa xóvenes, el Conseyeru dInfraestructures, Política Territorial y Vivienda afirmó que Asturies ye una de les comunidaes autónomes más avanzaes na so xestión. El númberu de solicitúes concedíes dende la so puesta en marcha ye de 2.600. Finalmente, la Ministra de Vivienda manifestó la so intención de visitar Asturies a finales del presente mes de xunu o principios de xunetu, onde posiblemente, según señaló Buendía, se formalice la incorporación del Ministeriu que dirixe al Patronatu Fundación Óscar Niemeyer. Francisco González Buendía valoró de mui positivu lalcuentru calteníu cola máxima responsable en materia de vivienda del Gobiernu central, que continúa cola so ronda de contactos con responsables autonómicos. 4 de xunu, 2008 0 FacebookTwitterPinterestEmail
Cooperación Los investigadores de nuevos materiales al serviciu de la humanidá algamen el Príncipe d’Asturies d’Investigación by asturnet 4 de xunu, 2008 La candidatura conxunta compuesta polos investigadores y creadores de nuevos materiales al serviciu de la humnidá foi galardonada col Premiu Príncipe d’Asturies d’Investigación Científica y Téunica. La candidatura ta integrada por Robert Langes: el físicu Sumio Iijima; el tamién ixenieru Shuji Nakamura y los químicos Tobin Marks y George M. Whitesides. El fallu diose a conocer esti mediudíua nel Hotel Reconquista d’Uviéu. Los científicos galardonaos descubrieron los ‘nanotubos’ de carbonu, los diodos emisores de lluz (LEDs), biomateriales que posibiliten la lliberación intelixente de fármacos, la producción de texíos y órganos pa tresplante, asina como la fabricación de materiales de la ‘nanoescala’, el desarrollu de nuevos plásticos y materiales aprovechables. 4 de xunu, 2008 0 FacebookTwitterPinterestEmail
Cooperación Helena Trexo y José Luis Campal algamen ex aequo’l Concursu de llectures pa rapazos de l’Academia by asturnet 30 de mayu, 2008 Helena Trexo y José Luis Campal y Aurora Sánchez algamaron ex aequo’l Concursu de llectures pa rapazos de l’Academia con “Olaya n?Árifca” y “Cuentiquinos del versu”. El xuráu del premiu, dau a conocer esti vienres 30 de mayu, taba formáu por Urbano Rodríguez como presidente, Vicente García Oliva como vocal y Pablo Xuan manzano como secretariu. 30 de mayu, 2008 0 FacebookTwitterPinterestEmail
Cooperación La Universidá dUviéu celebra les elecciones al Claustru by asturnet 29 de mayu, 2008 La Universidá dUviéu, quapocayá escoyó nuevu Rectos, celebra güei les elecciónes al Claustru, el máximu órganu de decesión de la Universidá, onde ente otres coses pueden cambiase los estatutos de la Institución. A lo llargo de tol día va poder votase nes meses electorales instalaes en toles escueles y facultaes de la Universidá dUviéu pa escoyer a los estudiantes, personal dalministración y serviciu y profesores que van representar a los sos colectivos nel órganu cimeru de la Universidá. Delles facultaes nun celebren güei elecciones por mor de la presentación de namás una candidatura, qu’automáticamente pasen a ser miembros del Claustru. Güei pela nueche podrán conocese los resultaos destos comicios. 29 de mayu, 2008 0 FacebookTwitterPinterestEmail
Cooperación El Premiu Príncipe d’Asturies de Cooperación va pa la llucha contra la malaria n’África by asturnet 28 de mayu, 2008 Nuna d’eses candidatures conxuntes que tanto-y presten a la Fundación príncipe d’Asturies, el xuráu vieno acabante de dexar esti miércoles el Premiu Príncipe d’Asturies de Cooperación Internacional. Les ganaores son les principales organizaciones qu’encabecen n’África la llucha escontra la Malaria que reciben el fallu favoratible del xuráu n’Uviéu. La candidautra impúnxose a la de la Corte Penal Internacional de L’Haya que tamién foi finalista nes decisiones del xuráu. La candidatura ganadora ta compuesta poles organizaciones Ifakara Health Research and Development Centre (Tanzania), The Malaria Research and Training Centre (Mali), Kintampo Health Research Centre (Ghana) y Centru d’Investigación en Salú de Manhiça (Mozambique). El xuráu encargáu de fallar el premiu reconoció esplícitamente l’esfuerzu realizáu poles cuatro organizaciones que lideren la llucha escontra la malaria n’África pa “romper la rellación ente la enfermedá y la probitú”. Nel acta, que lleyó’l presidente, Antonio Garrigues Walker, recuérdase que la enfermedá “amenaza al 40 por cientu de la población mundial” especialmente nel África subsahariana “onde muerre un neñu menor de cinco años cada 30 segundos”. La candidatura, propuesta por Mariano Puig, miembru del xuráu del Premiu Príncipe d’Asturies de Cooperación, destacó ente les 26 candidatures procedentes de 13 nacionalidaes les qu’optaron a esti galardón. Ente los candidatos taben tamién l’ex presidente d’Estaos Uníos Jimmy Carter, l’ex primer ministru británicu Tony Blair, el Foru Económicu Mundial –Foro Davos–, y la Organización Meteorolóxcia Mundial, amás del compositor y activista políticu, Bob Geldof. 28 de mayu, 2008 0 FacebookTwitterPinterestEmail
Cooperación XEGA opina sobre les declaraciones nes que Felechosa comparaba los drechos de los asturfalantes colos de los transexuales by asturnet 20 de mayu, 2008 La organización Xente Gai Astur (XEGA) emitió ayeri un comunicáu nel quopinaba sobre les declaraciones del conceyal de Cultura del Conceyu dUviéu, Xosé Suárez Arias-Cachero Felechosa, que pa la organización gai busca lenfrentamientu ente los drechos de los transexuales y los de los falantes dasturianu. Pa XEGA, nes sos declaraciones ledil da por fecho que les persones transexuales tienen nestos momentos mayores drechos que los usuarios de la llingua asturiana, lo que ye una amuesa del so despreciu phacia les persones transexuales. Les declaraciones de Felechosa yá provocaren questi sábadu fuere llamáu pol PSOE dUviéu, abertzale y acusáu dutilizar lasturianu pa medrar políticamente. XEGA manifestó tamién tar ablucada énte unes declaraciones “que muestren claramente mala fe ya inorancia per parte de quien les emitió. Nel comunicáu comenten que “Creemos que namás cuando se quier xugar a enfrentar colectivos se pueden facer unes declaraciones como les emitíes la pasada selmana pol edil popular yá que de les mesmes deduzse perfectamentel so deséu denfrentar les reivindicaciones del colectivu transexual coles que piden la oficialidá llingüística na nuesa comunidá autónoma. XEGA incidió nel comunicáu na llexitimidá de dambes dos reindicaciones, nun viendo necesario nin correcto abrir una carrera pa ver cuála tien que se solucionar primero. El PSOE llama abertzale a Felechosa, que comparó los derechos de los asturfalantes colos de los transexuales 20 de mayu, 2008 0 FacebookTwitterPinterestEmail
Cooperación El Conceyu Abiertu organiza una visita al conxuntu Etnográficu de Sietes y a la Ruta de Los Molinos del Profundu by asturnet 8 de mayu, 2008 La salida pa esta escusión va ser el día 11 de mayu a les 9 la mañana de la Cai Xovellanos, frente al Hotel Regente y tien un preciu de 12 euros. La fcha tope p’apuntase yel xueves 8 de mayu y pue facese per corréu lletrónicu o nel númberu 985 203 122 de llunes a vienres (18:00 a 21:00h). La población de Sietes, cuenta con unos 60 habitantes y ta a una distancia de 14,9 kilómetros de la capital del conceyu: Villaviciosa, formando parte de la parroquia de Vallés. La recuperación d’esti conxuntu etnográficu, foi el suañu de l’etnólogu maliayu (yá fallecíu) Rafa Balbín, ún de los mayores espertos nel estudiu de horros y paneres. Él, xunto con otres persones propuso la iniciativa a l’Ayuntamientu y llucharon pola so execución, porque como dicía Balbín, «los hórros, les paneres y los molinos son un patrimoniu cultural y turísticu por esplotar en Villaviciosa». Pa Balbín, la obra de Sietes yera un primer pasu hacia «la revalorización de tola riqueza etnográfica de la zona rural maliaya», na que, según los sos propios estudios, tán contabilizaos 1814 horros y 572 paneres. El Profundu naz na llende del conceyu de Villaviciosa colos de Piloña y Cabranes. El so recorríu aprosimáu ye de 14 km y cuerre na so mayor parte per fondes vallines tapaes con gran bayura de vexetación autóctona: carbayos, llameres, umeros, castañares y ente la fauna destaquen los xabalinos, raposos, corzos y llondros, y truches pa con ello. En 9 de los sos 14 km de recorríu, sucédense hasta un total de ventidós molinos, que notru tiempu xurtieron de farina a les parroquies de Breceña, Coru, Llugás, Fuentes y Amandi. La ruta sale del barriu de Busláz na parroquia de San Pedro de Breceña, hasta llegar a Valbúcar na parroquia de Amandi. 8 de mayu, 2008 0 FacebookTwitterPinterestEmail
Cooperación Presentóse un nuevu diccionariu de cántabru, que lautor califica como parte del tueru llingüísticu asturlleonés by asturnet 25 d'abril, 2008 L’Asociación en Defensa de los Intereses de Cantabria (ADIC) y la Conseyería de Cultura de Cantabria presentaron el xueves 22 d’abril el so Diccionario Castellano-Cántabro, obra de la que se fizo una tirada de 2.000 exemplares, de los que yá se vendieron más de cuatrocientos a un preciu de 14 euros dende xunetu de 2007. L’autor solliñó la necesidá de difundir esti patrimoniu asitiándolu nel so llugar como parte del tueru llingüísticu asturlleonés. El proyectu cuntó con un presupuestu de 6.000 euros, de los que la Conseyería de Cultura cántabra apurrió 2.500. La obra recueye unes 5.000 entraes castellanes coles sos correspondientes equivalencies cántabres, caúna acompañada de les etiquetes rexonales qu’amuesen los conceyos nos que foi recoyida. El so autor, Daniel Estrada Gómez-Acebo, traductor ya intérprete santanderín, esplicó que la finalidá d’esti diccionariu ye puramente descriptiva, ensin pretender crear una normativa pal cántabru, solliñando la necesidá de difundir esti patrimoniu asitiándolu nel so llugar como parte del tueru llingüísticu asturlleonés. 25 d'abril, 2008 0 FacebookTwitterPinterestEmail