ConvocatoriesFiestes La Oficina de la Llingua de Xixón ufierta dos beques de formación pa especilistes o espertos en Filoloxía Asturiana by asturnet 2 de marzu, 2005 La Fundación Municipal de Cultura del Ayuntamientu de Xixón ta acabante convocar les sos beques de formación especializao, ente les qu’ufierta dos places destinaes a la Oficina de la Llingua. Los candidatos a disfrutar de les beques nel departamentu de promoción del asturianu habrán tener les titulaciones d’especialista o espertu en Filoloxía asturiana algamaes nos últimos cuatro años. Cada beca ta dotada con una asignación de 6010 euros. Los candidatos selecionaos pa les beques de la Oficina Municipal de la Llingua habrán desenvolver los llabores d’estudiu, planificación y execución de mecanismos de promoción y difusión del asturianu al traviès de los servicios públicos, asina como’l diseñu y execución de programes y actividaes, trabayos de campu, estudios comparativos y ellaboración de testos y materiales didáuticos. Les ‘bases’ d’esta convocatoria puen consultase na web institucional del Aytu de Xixón: o nel tablón d’anuncios de l’antigua Pescadería. 2 de marzu, 2005 0 FacebookTwitterPinterestEmail
ConvocatoriesFiestes Convocatoria pa formar parte del Xuráu Mozu del Festival de Cine de Xixón by asturnet 15 d'ochobre, 2004 Hasta’l prósimu 31 d’ochobre ta abiertu el plazu pa inscribise como candidatos al Xuráu Mozu del 42º Festival Internacional de Cine de Xixón que va cellebrease del 25 de payares al 3 d’Avientu. Los miembros d’esti xuráu van poder calificar les películes a concursu de la sección oficial y el resultáu final de les sos valoraciones va decidir el premiu del Xuráu Mozu al meyor llargometraxe, dotaú con 10.000 euros y al meyor cortometraxe, dotáu con 6.000 euros. Los interesaos tienen dir inscribise enantes del 31 d’ochobre nes oficines del Festival, asitiaes nel Paséu de Begoña, 24, entresuelu, de Xixón, presentando fotocopia del D.N.I. Tamién pueden facelo al través d’Internet, siguiendo les indicaciones de la páxina Web del certame www.gijonfestival.com, col únicu requisitu de ser menores de 26 años y mayores de 17. 15 d'ochobre, 2004 0 FacebookTwitterPinterestEmail
ConvocatoriesFiestes Tercer concursu de relatos n’asturianu ‘Ayuntamientu de Cangas del Narcea’ by asturnet 4 d'ochobre, 2004 La conceyalía de Cultura del Ayuntamientu de Cangas del Narcea convoca’l tercer concursu de relatos curtios en llingua asturiana. Al certame van poder presentase tolos mayores de 16 años con un trabayu namás por autor. La estensión de los relatos tien ser ente cinco y diez páxines y el tema ye llibre. El premiu ta dotáu de 600 euros pal ganador, 300 pal finalista y 200 pal tercer clasificáu, hai tamién una cantidá de 600 euros empobinada a al meyor trabayu en dialectu occidental que nun fuera premiáu nel certame xeneral. El plazu presentación d’orixinales acaba’l 28 d’ochobre y tienen d’empobinase a la Oficina d’Información Xuvenil de Cangas del Narcea. Los trabayos habrán presentase per triplicao y unviase por corréu certificáu nun sobre ensin remite nel que s’axunte otru sobre cerráu colos datos del autor. El xuráu va tar presidíu pola conceyala de Cultura y van formalu maestros y profesores d’asturianu, más un miembru de l’Academia la Llingua. 4 d'ochobre, 2004 0 FacebookTwitterPinterestEmail
ConvocatoriesFiestes L’Ayuntamientu convoca otra vuelta el Concursu de Narrativa Conceyu de Llangréu by asturnet 2 d'ochobre, 2004 Col envis de promover la creatividá lliteraria en Llingua Asturiana, el Conceyu de Llangréu convoca esti concursu que tien de premiu 600 euros y la publicación de la obra ganadora y que tamién ufierta dos accésit de 300 y 150 euros. Los interesaos tienen hasta la fin d’esti mes d’ochobre pa unviar los trabayos y el fallu del xuráu conoceráse nel mes d’Avientu. Nesti concursu nel que les obres han tener una estensión mínima de 50 fueyes, tamañu DIN-A4 a doble espaciu, y la temática ye llibre, siendo condición indispensable que tea escrita en llingua asturiana. Pa participar nesti certame, los exemplares podrán mandase per corréu o entregase na Casa la Cultura de Sama (Escueles Dorado), c/ Dorado, 6 Planta 2ª 33900 Llangréu; n´horariu de 8 a 3 de la mañana, dende xunetu hasta l´últimu día d´ochobre. Dientru´l sobre habrá dir otru, zarráu, coles señes del que concursa. Premiaráse la obra ganadora con 600 (99.832 pts.) y espublizamientu de la mesma, con 25 exemplares pal autor/a. A xuiciu del xuráu podrá dase un accésit de 300 (49.916 pts.) o dos de 150 (24.958 pts.). Por embargu, si asina lo atalanta necesario’l xuráu, los premios podrán quedar ermos. El fallu del xuráu, al que nun se podrá retrucar, asoleyaráse nel mes d´avientu y, como asocede siempre con esti tipu de convocatories, participar na mesma supón l´aceutación dafechu d´estes bases Pa poer algamar más información pue llamase al tlf. 985-67-81-58 o personase na Casa la Cultura de Sama n´horariu de 8 a 3 de la mañana. 2 d'ochobre, 2004 0 FacebookTwitterPinterestEmail
ConvocatoriesFiestes IIPremiu de poesía ‘Nené Losada Rico’ by asturnet 30 de setiembre, 2004 30 de setiembre, 2004 0 FacebookTwitterPinterestEmail
ConvocatoriesFiestes Culturaqui 2004: amuesa d’artes plástiques. by asturnet 26 de mayu, 2004 26 de mayu, 2004 0 FacebookTwitterPinterestEmail
ConvocatoriesFiestes VII Concursu de cartelos del 28 de xunu by asturnet 26 de mayu, 2004 26 de mayu, 2004 0 FacebookTwitterPinterestEmail
ConvocatoriesFiestes Concursu de logotipos del club d’axedrez de Candás by asturnet 26 de mayu, 2004 26 de mayu, 2004 0 FacebookTwitterPinterestEmail
ConvocatoriesFiestes XV Amuesa de fotografía “Man Ray” by asturnet 26 de mayu, 2004 26 de mayu, 2004 0 FacebookTwitterPinterestEmail
ConvocatoriesFiestes II Premiu de relatos curtios by asturnet 26 de mayu, 2004 26 de mayu, 2004 0 FacebookTwitterPinterestEmail