Comunicación La exposición fotográfica de l’A.P.F.A nel Campus de Mieres var tar abierta un mes más by asturnet 7 de febreru, 2007 La exposición iguada pola Asociación Profesional de Fotoperiodistes d’Asturies, con motivu de les primeres Xornaes Internacionales de Periodismu cellebraes del 1 al 4 de Febreru , va tar disponible un mes más nel hall del Campus Universitariu de Mieres por mor de la bona rempuesta del públicu. La colección recueye más de 200 semeyes d’actualidá y venceyaes al mundu del fotoperiodismu. La muestra cuenta con fotografíes de l’axencia Reuters, Jose María Rubio, Gorka Lejarcegi del diariu “El País”, Javi Martínez de “El Mundo”, y “Plástica”, Miguel Berrocal d’ABC. Esta xera formó parte de les Primeres Xornaes de Fotoperiodismu xunto con charres, conferencies y un taller de fotoperiodismu al cargu d’Antonin Kratochvil, miembru de l’Axencia VII. Asina mesmo L’Asociación Profesional de Fotoperiodistes d’Asturies presentó la so publicación durante’l desendolcu de les xornaes. 7 de febreru, 2007 0 FacebookTwitterPinterestEmail
Comunicación Andecha Astur de Ribeseya sofita la campaña p’algamar un dominiu asturianu n’internet by asturnet 6 de febreru, 2007 Alrodiu de la concesión del dominiu propiu pal catalán .cat vuelven a sintise voces n’asturies. El Grupu Adecha Astur del Conceyu de Ribeseya mostro’l so sofitu a la campaña entamada recientemente pola plataforma “Por Un Puntu Ast” pa obtener un dominiu propiu n’internet “.ast “pa les páxines feches n’asturianu na rede. L’Asociación por un puntuAst entamó esta campaña en viendo los bonos resultaos obteníos na obtención del dominiu .cat en cataluña pa les páxines feches en catalán. La espaciu n’internet de la plataforma ye’l blog http://porunpuntuast.blogspot.com, onde se recueyen tolos sofitos que les distintes asociaciones o particulares quieran da-y a la propuesta. Andecha Astur de Ribeseya 6 de febreru, 2007 0 FacebookTwitterPinterestEmail
Comunicación Política Llingüística organiza un “Cursu d’asturianu faláu” cola RTPA by asturnet 2 de febreru, 2007 La Oficina de Política Llingüística del Principáu va desendolcar un “Cursu Básicu d’Asturianu Faláu pa Profesionales de la RTPA”, qu’entama en collaboración cola propia RTPA pa formar al so personal. El cursu desendolcaráse en 40 hores, acordies col programa que se reproduz darréu: CURSU BÁSICU D’ASTURIANU FALÁU PA PROFESIONALES DE LA RTPA (del 2 de febreru al 24 marzu del 2006) ENTAMEN: Radio Televisión del Principáu d’Asturies y Oficina de Política Llingüística del Principáu DIRECTOR: Ramón d’Andrés Díaz DURACIÓN: 40 hores MATRÍCULA GRATUITA ASIGNATURES Y PROFESORES: Variedaes xeográfiques de la llingua asturiana (8 hores). Profesor: Xosé Nel Comba Paz Ortoloxía de la llingua asturiana (10 hores). Profesor: Fernando Álvarez-Balbuena García Estilos y rexistros na llingua asturiana (8 hores). Profesor: Pablo Texón Castañón Práctiques y simulaciones d’asturianu faláu (14 hores). Profesor: Llinu Álvarez Santidrián FECHES: Díes 2-3, 9-10, 16-17, 23-24 de febreru del 2007 Díes 2-3, 9-10, 16-17, 23-24 de marzu del 2007 HORARIU: Vienres: de 18,00 a 20,00 hores. Sábados: de 10:00 a 13:00 hores. LLUGAR: Sede de la Radio Televisión del Principáu d’Asturies (Xixón) 2 de febreru, 2007 0 FacebookTwitterPinterestEmail
Comunicación La Comisión Europea augura un crecimientu superior al 400 % de los conteníos creativos on line by asturnet 29 de xineru, 2007 Según un nuevu estudiu fechu pa la Comisión Europea, los ingresos por conteníos on line en Europa van alcanzar los 8 300 millones d’euros en 2010, lo que supón un crecimientu superior al 400 % namás en cinco años. L’estudiu fechu muestrase optimista col mercáu de los conteníos creativos y vaticina un gran crecimientu por mor del aumentu de la implantación de la banda ancha, el crecimientu de les redes de móviles avanzaes y la proliferación del consumu de dispositivos dixitales. La Comisaria de Sociedá de la Información y Medios de Comunicación, Viviene Reding declaró que “la converxencia dixital que se espera dende va tiempu ta convirtiendose nuna realidá económica que crea grandes oportunidaes para los consumidores, los proveedores de conteníos y les industries tecnolóxiques d’Europa”. Dende la CE considerase que p’aprovechar esta oportunidá ha d’iguar un paquete de midíes sobre los conteníos on line nel mercáu único europeu, que se va asoleyar posiblemente durante’l segundu semestre de 2007. L’estudiu nomáu “Conteníos interactivos y converxencia: consecuencies pa la sociedá de la información” demuestra que’l crecimientu del sector ye una realidá, anque Europa aun va a la zaga de los Estaos Xuníos nel desarrollu de la banda ancha, y de Xapón y Corea nel de servicios móviles. Un de los principales problemes pal desarrollu del sector ye la conectividá ya que, nel casu de la banda ancha persiste’l problema de que pue causar dixebres ente los distintos estaos miembros y nel ámbitu de los servicios móviles, aun pesen la poca implantación de la 3G y la mala regulación de les tarifes. Munchos d’estos obstáculos van solventase pola propia evolución del mercáu pero pa otros problemes va ser necesariu facer modificaciones nel marcu xurídicu europeu pa dar seguridá xurídica a los consumidores, a les empreses proveedores de conteníos y a la industria d’equipos. Anguaño tan estudiándose más de 175 contribuciones escrites con vistes a iguar un plan de trabayu en 2007. Más de 160 d’estes contribuciones fueron asoleyaes on line. 29 de xineru, 2007 0 FacebookTwitterPinterestEmail
Comunicación El gobiernu asturianu adxudica les canales de televisión dixital by asturnet 26 de xineru, 2007 El Conseyeru d’Economía y Administración Pública, Jaime Rabanal, dio anuncia de les concesiones de les llicencies de televisión dixital terrestre d’ámbitu autonómicu y local. Nel ámbitu autonómicu Productora Asturiana DTV, vinculada al grupu PRISA y qu’emite como Localia TV, algamó l’adxudicación de la llicencia autonómica. Nel local la editorial Prensa Asturiana algamó la llicencia nes 8 demarcaciones nes que se dixebró’l país. El Partíu Popular anunció la so intención d’apoyar la proposición non de llei d’Izquierda Xunida p’aumentar el númeru de llicencies autonómiques de TDT. La concesión administrativa pa estes canales tien una duración de diez años, y en pallabres del Conseyeru d’Economía con estes canales se van crear 835 puestos de trabayu. El Gobiernu asturianu invertirá 45.5 millones d’euros pa garantizar l’accesu a les nueves canales de televisión. Cada una de les canales puede ufrir cuatro programes dixitales, nos que s’incluyen les diferentes funciones adicionales del nuevu tipu de televisión. Los conceyos con más de 100.000 habitantes, Xixón y Uviéu, tienen la facultá d’adxudicar llicencies de televisión dixital terrestre. El Conseyeru dio anuncia de que la demarcación correspondiente a les Cuenques mineres del Caudal y del Nalón nun se adxudicó a la espera de que dende’l Ministeriu d’Industria reordené la mesma y se faiga una nueva qu’englobe los conceyos de la cuenca minera del Nalón. Les demarcarciones de la TDT, y les canales concedíes, son: Avilés: Editorial de Prensa Asturiana, El Comercio y Canal 48 Occidente. Cangas: Editorial Prensa Asturiana, Canal 48 Occidente y Mollares Pictures. Xixón: Editorial Prensa Asturiana, Televisión Local de Gijón y El Comercio Piloña: Editorial Prensa Asturiana, Canal 48 Occidente y UTE Opalo-Onix-Starteam. Llanes: Editorial Prensa Asturiana, Canal 48 Occidente y UTE Opalo-Onix-Starteam. L.luarca: Editorial Prensa Asturiana, Canal 48 Occidente y Centro Emisor de Occidente Uviéu: Editorial Prensa Asturiana, Oviedo Televisión y El Comercio El Conseyeru refirióse a les canales qu’emiten actualmente y que nun algamaron la llicencia. Rabanal dixo qu’estes empreses habrán “cumplir la llei y dexar d’emitir nos plazos correspondientes”. 26 de xineru, 2007 0 FacebookTwitterPinterestEmail
Comunicación La Unión Europea aboga por fomentar el pluralismu nos medios de comunicación by asturnet 19 de xineru, 2007 Énte la creciente preocupación del Parlamentu Europeu y dalgunes organizaciones non Gubernamentales pola concentración de medios y les sos posibles consecuencies na llibertá d’espresión, la CE, al travies de la Comisaria de Sociedá de la Información y Medios de Comunicación, Viviane Reding y la Vicepresidente Margot Wallström, asoleyó un plan d’aición en tres fases que va analizar la situación actual de los medios n’Europa y va proponer obxetivos concretos pa salvaguardar el pluralismu. Según la Comisaria Viviane Reding Europa vive un momentu nel que los medios de comunicación vieronse abocaos a cambios y reestructuraciones radicales continues por mor de la irrupción de les nueves tecnoloxíes y la creciente competencia poniendo en peligru’l pluralismu y con ello un de los valores clave de la democracia poro “ye precisu conocer a fondu l’actual realidá económica y xurídica de los medios de comunicación europeos, que ye lo qu’el nuesu plan en tres fases propón”. L’enfoque que la Comisión tien previstu adoptar, ta vertebráu en tres fases fundamentales: un análisis por parte de la Comisión de la situación nos medios europeos (yá se presentó un informe), un estudiu independiente sobre’l pluralismu nos medios y una consulta pública ente los países miembros de la UE. Estes tres fases tan inspiraes nes suxerencies que la propia Comisión fizo’n 2005 durante la Conferencia Audiovisual de Liverpool. Dalgunes d’estes suxerencies metíen por exemplu garantíes pa que les autoridaes reguladores nacionales sían independientes de los sos gobiernos nacionales y de los proveedores de servicios de medios audiovisuales Pa la CE’l conceptu de pluralismu nos medios de comunicación cambió por mor de los nuevos modelos d’empresa y ye muncho más ampliu que’l propiu conceptu de propiedá de dichos medios. La propuesta Reding-Wallström interpreta’l pluralismu como la posibilidá que tien caún de los ciudadanos d’acceder a una información variada y non polarizada. Les tres fases del procesu van tar supervisaes pol Grupu de Comisarios sobre Derechos Fundamentales, el Parlamentu Europeu y el Conseyu a los que la Comisión Europea va mantener informaos en tou momentu. Pluralismu nos Medios de Comunicación 19 de xineru, 2007 0 FacebookTwitterPinterestEmail
Comunicación L’asociación N’ast presentó la so páxina web by asturnet 15 de xineru, 2007 L’asociación cultural N’ast acaba d’asoleyar la so páxina web. La páxina ufre información sobre les diferentes campañes que vien desendolcando la organización, asina como de los diferentes posicionamientos públicos d’esta asociación de defensa de la llingua asturiana. Énte los apartaos del espaciu web de la organización se pueden alcontrar los posicionamientos de N’ast sobre temes non llingüísticos como los vezos y costumes, la música, l’haber asturianu o los deportes. 15 de xineru, 2007 0 FacebookTwitterPinterestEmail
Comunicación El Bloque por Asturies denuncia la falta de cobertura de la TDT na cuenca del Nalón by asturnet 11 de xineru, 2007 El conceyu del Nalón del Bloque por Asturies denunció la inesistencia de la señal de televisión dixital terrestre nel valle del Nalón. El Bloque por Asturies denuncia qu’un añu depués de la entrada en funcionamientu la mayor parte de la cuenca del Nalón nun tea en zona de cobertura. La desconexión de la señal actual de televisión, analóxica, fadráse en 2010 a partir d’esi momentu la única señal de televisión será la dixital El Bloque por Asturies del Nalón considera que la xestión de los diferentes equipos de gobiernu, en referencia a los conceyos del valle, foi “nefasta al nun conseguir que la TDT seya una realidá na comarca”. Los representantes de la organización política consideren que la non recepción de la señal de TDT ye una amuesa del abandonu y amenorgamientu de servicios de la cuenca del Nalón respectu al restu de ciudadanos del país. El Bloque por Asturies va entamar una campaña na que se pedirá per escritu que los ayuntamientos de la comarca entamen a desendolcar les xestiones afayadices pa garantizar la recepción de la TDT na cuenca del Nalón. 11 de xineru, 2007 0 FacebookTwitterPinterestEmail
Comunicación Grupos lleonesistes soliciten un dominiu propiu n’internet by asturnet 8 de xineru, 2007 La estela de la concesión del dominiu .cat llega, tamién, a Lleón. Les propuestes de los internautes lleoneses son les d’interceder énte l’ICANN (l’organismu internacional de xestión de los dominios) pa que reserve dos estensiones ensin emplegar, y que representaríen a Lleón. Los dos dominios sedrién .leo empobinada al territoriu lleonés y el .lli qu’identificaría los asuntos llingüísticos. La reivindicación cibernética entamó a partir de la publicación nel Diario de León pol periodista Antonio J. Nevado d’un artículu nel que se proponía un dominiu d’internet asemeyáu al catalán. La propuesta, pa formalizase, habría crear un comisión que tramitara énte l’ICANN el pagu d’una garantía de 45.000 al organismu internacional asina como la xestión de los sofitos sociales ya institucionales necesarios pal bon desendolcu de la propuesta. 8 de xineru, 2007 0 FacebookTwitterPinterestEmail
Comunicación Colunga acueye un Foru sobre la sociedá de la información by asturnet 29 d'avientu, 2006 La Casa de la Cultura de Colunga acoyerá a partir de les 20,00 hores el I Foru de la Sociedá de la Informaciñon. Esti foru tien por obxetu resaltar la importancia pa la humanidá de la era na que vivimos, gracies al desendolcu de les nueves tecnoloxíes. Nesti Foru participarán dellos espertos na materia de la sociedá de la información. 29 d'avientu, 2006 0 FacebookTwitterPinterestEmail