Comunicación “Fluido Rosa”, de Radio3, emitie esti fin de selmana dende’l centru d’investigación artística de Ladines by asturnet 14 d'avientu, 2007 Ladines, nel conceyu de Sobrescobiu, ta acoyendo durante tola selmana les grabaciones del programa “Fluido Rosa”: espaciu musical empobináu a la difusión de la música y la creación plástica contemporánea, que Radio 3 emitirá durante esti fin de selmana dende esta llocalidá del occidente astur. La propia directora del espaciu, Rosa Perez, va impartir un taller sobre producción radiofónica nel centru d’investigación artística de Ladines. El Centru d’investigación artística de Ladines, ta dirixíu pol famosu artista Cuco Suárez, y funciona como galería d’arte, centru de promoción d’artistes y de creacion cultural a más de desenrollar una importante llabor de formación en disciplines como pintura, escultura, diseñu, fotografía o arte multimedia. Tamien organiza seminarios de crítica artística y periodismu artístico asina como talleres de diversu tipu. 14 d'avientu, 2007 0 FacebookTwitterPinterestEmail
Comunicación Radio Parpayuela convoca un concursu pa remocicar el diseñu del so logotipu by asturnet 10 d'avientu, 2007 Radio Parpayuela, con motivu de la cellebración del so vixesimosegundu aniversariu, ta acabante d’abrir un concursu pa remocicar el diseñu del logotipu de la emisora. Tolos que quieran participar nel mesmu, que cunta con un premiu en metálicu de 300 euros, tienen el plazu abiertu pa presentar proyectos hasta’l día 30 de xineru de 2008. Los trabayos habran d’entregase por triplicao y deberán llevar obligatoriamente, anque na forma que quiera’l diseñador, la figura d’una parpayuela, una codorniz. Tolos logotipos van recoyese nel llocal de la emisora y puen unviase tamien por correu a la dirección Radio Parpayuela (Cai Rosalía de Castro s/n, 33600 Mieres, o al correu electrónicu parpayuela@parpayuela.com. Un xuráu compuesto por persones representatives de la dirección de Radio Parpayuela fallará’l logo ganador, que pasará a ser propiedá de la empresa. Quince díes ennantes del fallu, el xuráu asoleyará los nomes de los finalistes del concursu. 10 d'avientu, 2007 0 FacebookTwitterPinterestEmail
Comunicación Carlos Rubiera entrevistáu güei sábadu a les 13:00 hores na Cadena Ser by asturnet 8 d'avientu, 2007 Carlos Rubiera sacaba al mercáu estos díes un nuevu discu, “Asturianaes”, el miércoles yá daba una entrevista n’Asturnews y güei sábadu va falar con más detenimientu del so discu na Cadena Ser de Xixón. Inaciu Galán va entrevistalu güei sábadu a partir de la una la tarde. Una entrevista na que va cuntar detalles del discu que ta acabante de sacar al mercáu, onde axunta temes tradicionales y composiciones propies. “Falando d’Asturies” emítese tolo sábados a partir de la una la tarde en Radio SER Xixón, nel 96.5 del FM y pel programa tienen pasao munches de les figures culturales más d’actualidá d’Asturies. 8 d'avientu, 2007 0 FacebookTwitterPinterestEmail
Comunicación Asturnews fina 2007 con más de 400.000 páxines vistes al mes by asturnet 6 d'avientu, 2007 Asturnews superó nel mes de Payares les 320 mil páxines vistes mensuales superando la media de más de 200.000 que tuvo na segunda parte del añu y calteniendo’l xorrecimientu que en visites y páxines vistes vien algamando a lo llargo del 2007, coincidiendo col so rediseñu y col xorrecimientu de les noticies mensuales que superen yá les 400. Les páxines vistes al mes de calter namái qu’informativu supero les 320 mil y les demás correspondieron a les páxines de la sección d’opinión, que tamién vien xorreciendo en visites y páxines vistes alo llargo 2007. Asturnews tien quince veces más páxines vistes que publicaciones como’l Diari de Barcelona o Diario de Marbella y supera enforma a páxines web del altor de Barcelona TV, Granada Digital o el portal Lleida.com. 6 d'avientu, 2007 0 FacebookTwitterPinterestEmail
Comunicación RTVE va emplegar les llingües cooficiales nes sos emisiones y los asturianos vamos seguir pagando la normalización de les demás by asturnet 5 d'avientu, 2007 L’Asturianu va perder otra vegada una pergrande posibilidá de normalización por nun ser una llingua oficial, darréu de la decisión del gobiernu de que RTBE use les llingües cooficiales en cuantes que les emisiones seyan dafechu dixitales. La perda económica d’una aición d’esti tipu por nun ser oficial la llingua ye bien grande pa Asturies, mentantu los asturianos pagamos la normalización d’otres llingües. La Comisión Mixta de control parlamentariu de RTVE foi la encargada d’aprobar esti martes, colos votos del Grupu Socialista, Izquierda Unida, Entesa y CiU el conteníu del mandatu marco de la Corporación, qu’incorpora suxerencies de distintos grupos ente les que destaca la difusión de llingües cooficiales en función de “les realidaes llingüístiques de cada comunidad autónoma” cuando la nueva tecnoloxía de difusión dixital lo permita. Anguañu esta emisión sólo puede fcese en Madrid y Barcelona, siún una enmienda pactada pol PSOE y Entesa y sofitada por otros grupos. 5 d'avientu, 2007 0 FacebookTwitterPinterestEmail
Comunicación El Principáu entamará a dar les ayudes a la compra d’ordenador esti mesmu mes. by asturnet 5 d'avientu, 2007 El gobiernu d’Asturies concederá ayudes de 350 euros por hogar pa la compra d’un equipu informáticu y de 150 euros pa la conesión a la rede de banda ancha durante un añu. La iniciativa, que ñaz embaxo’l nome de “Programa hogar tic” foi anunciada ayeri pola conseyera d’Administraciones Públiques y vocera del Gobiernu, Ana Rosa Migoya, que destacó tamien que’l presupuestu pa esti programa ye de 7 millones d’euros. Alredor de 200.000 asturianos d’ente 18 y 35 años van poder beneficiase d’esta nueva subvención del gobiernu ensín nengún llímite rellacionáu col tope de renta nin salarial. Les ayudes van poder solicitase, según sorayó Migoya, a partir de la so espublización nel BOPA de los prósimos díes pero afectará a tolos ordenadores compraos a partir del 1 d’avientu d’esti mesmu añu. 5 d'avientu, 2007 0 FacebookTwitterPinterestEmail
Comunicación Los televidentes voten pola meyor seición del programa de la TPA “Al Aldu” by asturnet 4 d'avientu, 2007 El blogue RTPA NASTURIANU entama agora una encuesta sobrel programa Al Aldu. Col envís de conocer cuála ye la sección preferida polos telespectadores de la TPA desti programa diariu. Recordamos a los llectores les secciones dAl Aldu: Los llunes Carlos Suari ta al frente de la sección deportiva A galmiaes, que percorre lactualidá deportiva dAsturies, col so espaciu pal deporte tradicional. La risión, una sección coordinada por Lluis Antón González y onde apaecen dalgunos de los meyores monologuistes modernos del país. Miliol del Nido lleva a los espectadores les sos Recetes con cuentu los miércoles, mientres los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, quencamienta a los espectadores actividaes pa la fin de selmana. El programa emítese tolos díes a les 10’30 la mañana, en repetición a la 1:30 la nueche, y los sábados a les doce, emitiéndose al traviés de la TPA2, na TDT, una hora más tarde en tolos casos. VEA LOS VIDIOS DE LES 5 SECCIONES D’AL ALDU A GALMIAES: CON CARLOS SUARI LA RISIÓN RECETES CON CUENTU: MILIO’L DEL NIDO XENTE DE CASA: CON INACIU GALÁN L’AXENDA: CON MERCEDES MENÉNDEZ Vota na páxina web rtpanasturianu 4 d'avientu, 2007 0 FacebookTwitterPinterestEmail
Comunicación Alberto Álvarez Peña comenta los actos del VIII Seminariu Belenos na Cadena Ser by asturnet 1 d'avientu, 2007 L’etnógrafu y miembru de la Fundación Belenos, Alberto Álvarez Peña, va comentar los actos qu’entamaron esta mañana en La Puela d’Allande, les actividaes del VIII Seminariu d’Estudios Asturianos de la Fundación Belenos. Na entrevista, que va facer Inaciu Galán, va conectase col etnógrafu, qu’esta mañana daba llectura a una comunicación sobre “La mitoloxía asturiana nel marcu les mitoloxíes europees”. “Falando d’Asturies” emítese tolo sábados a partir de la una la tarde nel programa A vivir que son dos días Asturies, dirixíu por Begoña Natal y nes onde de Radio SER Xixón, nel 96.5 del FM. Pela sección dirixida por Inaciu Galán tienen pasao munches de les figures culturales más d’actualidá d’Asturies. 1 d'avientu, 2007 0 FacebookTwitterPinterestEmail
Comunicación Nomes dAsturies yel programa prefiríu pol públicu de la RPA by asturnet 29 de payares, 2007 Ta acabante de pesllase una encuesta fecha pol blogue de los siguidores de les emisiones nasturianu de la RTPA, na que se buscabal programa nasturianu preferíu polos oyentes de la radio pública asturiana. El resultáu 48% de los votos y el primer puestu pal programa Nomes dAsturies y mui cerca, col 41% Rockmería. Nomes dAsturies ye un programa qual mou de les vieyes noveles radiofóniques percorre la hestoria d’Asturies al traviés de la dramatización con actores de la vida de personalidaes asturianes y llugares ya instituciones del país, dirixíos por Chechu García y con Eva Vallines, Rocío Pinín, Roberto Corte, Silvino Torre, Chechu García, Azucena álvarez y otros como actores. Los guiones tán fechos por escritores como Cristina Muñiz, Inaciu Galán y González, Ana Belén Suárez o Carlos Suari. El programa emítese los llunes de 13:05 a 13:30 hores y en redifusión de 23:30 a 00:00 hores. Rockmería, el segundu preferíu polos oyentes ta dirixíu pol músicu y empresariu Xune Elipe y algamól 41% de los votos. En tercer puestu, col 4% los votos, quedó Música, músiques, onde Ismael Arias percorra los caminos de la música asturiana más averada al mundiu de la tonada. Curtu quedó, col 2% Paraísu Natural, magacine presentáu agora por Antón García y en distintes etapes por Consuelo Vega y Carlos Suari. El blogue RTPA NASTURIANU entama agora una encuesta sobrel programa Al Aldu. Col envís de conocer cuála ye la sección preferida polos telespectadores de la TPA desti programa diariu. Recordamos a los llectores les secciones dAl Aldu: Los llunes Carlos Suari ta al frente de la sección deportiva A galmiaes, que percorre lactualidá deportiva dAsturies, col so espaciu pal deporte tradicional. La risión, una sección coordinada por Lluis Antón González y onde apaecen dalgunos de los meyores monologuistes modernos del país. Miliol del Nido lleva a los espectadores les sos Recetes con cuentu los miércoles, mientres los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, quencamienta a los espectadores actividaes pa la fin de selmana. Blogue de los siguidores de los programes n’asturianu de la RTPA 29 de payares, 2007 0 FacebookTwitterPinterestEmail
Comunicación L’Alianza Francesa d’Uviéu ufre una conferencia sobre la figura del escritor Albert Camus by asturnet 26 de payares, 2007 Esti llunes 26 de payares l’Alianza Francesa d’Uvieu, asociación ganadora del Premiu Príncipe d’Asturies 2005 de Comunicación y Humanidaes, organiza una mesa redonda robra la figura del escritor Albert Camus. L’actu titúlase “Albert Camus, cuarenta años despues del premio Nobel” y va tratar d’averase a la figura del filósofu frances nel cuarenta aniversariu de que-y otorgaren el premiu nobel de lliteratura. El coloquiu, que va entamar a les 20:00 hores nel Club Prensa Asturiana d’Uvieu, va ter presentaú pol presidente de l’Alianza Francesa Frank Menendez Mancera, que introdicirá al agregáu cultural de la Embaxada de Francia, Adelino Braz, y los profesores de Lliteratura Francesa de la Universidá d’Uvieu Dalia Álvarez Molina y Jose María Fernández Cardo. 26 de payares, 2007 0 FacebookTwitterPinterestEmail