Comunicación Estrenóse la temporada nueva de Pieces, con Vanessa Gutiérrez como presentadora by asturnet 7 de xunu, 2008 El programa de la TPA Pieces, producíu por Ámbitu y dirixíu por Ramón Lluís Bande, estrenó esti sábadu pasáu pela mañana nueva temporada remocicando los sos conteníos y cola novedá de la presencia duna presentadora que guial programa, Ana Vanessa Gutiérrez. N’esti primer programa Felpeyu presentó’l so discu “Cantares”, Xuan Bello faló de “La Hestoria tapecida”, Valentín Vega comentó la so última esposición de semeyes y pudieron vese otros temes de calter internacional. Camín de cantares, per otru llau, estrenó tamién, de la mano de Xosé Ambás, la so tercer temporada na TPA. El programa, inspiráu nel Archivu de la Tradición Oral del presentador sigue con un esquema y una vocación idéntiques a les que tuvo dende’l so ñacimientu. La TPA sigue emitiendo tamién nos sos horarios habituales los programes “Al aldu”, “Nós”, “El cuentancuentos de Presta asgaya” y dellos espacios más n’asturianu dientro de programes como “Terapia de grupo”. “Al aldu” emítese de llunes a sábadu a les diez y cuartu la mañana tratando distintos temes (“La risión”: monólogos con Lluis Antón González y otros actores, “A galmiaes”: deportes con Carlos Suari, “Recetes con cuentu”: cocina con Milio’l del Nido, “Xente de casa”: noticies internacionales dende otru puntu de vista con Inaciu Galán y “L’Axenda” de la fin de selmana con Mercedes Menendez. “Nós”, presentáu pol director d’Asturnews, Próspero Morán, emítese los sábados pela mañana incluyendo entrevistes, reportaxes y visites peles villes d’Asturies. “Presta asgaya”, ye un programa infantil qu’entamó siendo en castellán y apocayá la TPA pasó a emitir parcialmente n’asturianu, tolos díes pela mañana, constando d’un cuentacuentos. 7 de xunu, 2008 0 FacebookTwitterPinterestEmail
Comunicación El sábadu entama na TPA la nueva temporada de Camín de cantares y Pieces by asturnet 6 de xunu, 2008 Como yá anunciare Asturnews en primicia va delles selmanes, el programa de la TPA Pieces, producíu por Ámbitu y dirixíu por Ramón Lluís Bande, va estrenar nueva temporada remocicando los sos conteníos. Y la principal novedá va ser la presencia duna presentadora que guiel programa, lhasta agora redactora de Les Noticies, Ana Vanessa Gutiérrez. Según la productora, con esti cambiu quixeron convertir el programa nun espaciu d’actualidá cultural que quier señalar caminos d’interés na cultura asturiana y onde Gutiérrez va ser muncho más qu’un bustu parlante. Camín de cantares, per otru llau, va estrenar de la mano de Xosé Ambás, la so tercer temporada na TPA. El programa, inspiráu nel Archivu de la Tradición Oral del presentador va siguir con un esquema y una vocación idéntiques a les que tuvo dende’l so ñacimientu. 6 de xunu, 2008 0 FacebookTwitterPinterestEmail
Comunicación PSOE y PP apreben na Xunta la continuidá de Pérez Ornia como direutor de la RTPA by asturnet 6 de xunu, 2008 La Xunta Xeneral del Principáu aprobo güei colos 40 votos que sumaron PSOE y PP la candidatura de José Ramón Pérez Ornia, pa qu’asina continúe como direutor xeneral del Ente Públicu de Comunicación del Principáu d’Asturies, qu’abarca la Radio Televisión del Principáu d’Asturies (RTPA). La candidatura d’Ornia, del Grupu Socialista, foi la única presentada. Los cuatro diputaos d’IX-BA-Verdes, sin embargu, escribieron nes sos papeletes un ‘Non’ que finalmente contó como votu nulu. Escenificaron asina el so refugu, na llinia de les crítiques a la xestión d’Ornia que ya espresó ayeri’l diputáu Francisco Javier García Valledor. Previamente, aprobóse’l dictame sobre les compatibilidaes del candidatu, cola astención d’IX. Dempués, nos pasiellos de la Xunta y en declaraciones a los periodistes, el voceru del PSOE, Fernando Lastra, mostró la so sorpresa ante la posición d’IX y dixo que se “automarxinara” en tol procesu porque nin siquiera propunxo una candidatura alternativa. 6 de xunu, 2008 0 FacebookTwitterPinterestEmail
Comunicación Ambás ye güei linvitáu especial d¡Acuto!, el programa de Carlos Suari na RPA by asturnet 3 de xunu, 2008 La radio pública dAsturies, RPA, estrenó va nueve selmanes el programa ¡Acuto!, un espaciu de Carlos Suari onde se fai repás de los deportes y xuegos tradicionales dAsturies. El programa emítese tolos martes a les 16:30 hores, con una duración de media hora. Nesta entrega nona d¡Acuto!, el convidáu yel perconocíu etnógrafu, músicu y presentador de la TPA, Xosé Antón Ambás, que va facer, xunto a Suari y a la música del so grupu Tuenda, un repás pela tradición musical de los xuegos, los bailles y les dances d’Asturies. Como guinda del programa, ¡Acuto! va ufrir a los sos oyentes, un adelantu del discu nuevu de Tuenda, cola versión orixinal y la reellaboración del tema. 3 de xunu, 2008 0 FacebookTwitterPinterestEmail
Comunicación El xixonés Juan Carlos Martínez nun va poder ser l’aficionáuprofesional de Fernando Alonso by asturnet 2 de xunu, 2008 El xixonés Juan Carlos Martínez nun va poder ser l’aficionáuprofesional de Fernando Alonso pol que quería atopar ING Direct. el manager d’Alonso y la compañía escoyeron pa esi llabor a un estudiante universitariu de 22 años, Álvaro Ademá, qu’exercerá como vínculu ente l’asturianu y los sos seguidores. El procesu d’esbilla tuvo de decidise ente más de 35.200 candidatures en tol mundu y duró dos meses dende la publicación de la ufierta de trabayu na prensa ya Internet. Álvaro Ademá tien 22 años, cursa estudios de Periodismu y ye, sigún ING, un gran conocedor del mundu de la Fórmula 1 y apasionáu seguidor de Fernando Alonso. Amás, tien experiencia como redactor y fotógrafu en portales d’Internet especializados nel mundu del motor. 2 de xunu, 2008 0 FacebookTwitterPinterestEmail
Comunicación LAsociación de Telespectadores y Radioyentes dAsturies premia un programa de la TPA grabáu en Madrid by asturnet 30 de mayu, 2008 LAsociación de Telespectadores y Radioyentes dAsturies (ATR) ta acabante anunciar que va otorgar, na so XI Edición el premiu ATR al programa Asturias en 25, de TPA, y que produz Asturmedia, filial de la empresa catalana Mediapro y de Prensa Asturiana Media (PAM),del grupu Prensa Ibérica, propietariu de La Nueva España. Del pograma, rodáu nestudios de Madrid y presentáu pola periodista Luján Argüelles, el xuráu destacó lestupendu trabayu lleváu alantre nes diferentes fases del programa, faciendo especial cincapié na promoción dun mayor conocimientu del Principáu, que los distintos participantes tienen de consiguir Lasociación distingue con estos gallardones a aquellos espacios o persones que con más eficacia collaboren na xera de dignificar los conteníos de la radio y la televisión del ámbitu del Principáu dAsturies. El premiu llevólu lañu pasáu Conexión Asturias, tamién de la TPA. Sicasí, frente a estos premios a programes emitíos en castellán, los telespectadores asturianos siguen prefiriendo la programación fecha nasturianu, lo que queda demostrao polos datos daudiencies de Nós, Al aldu o Camín de cantares, ente otros. El propiu director de la TPA, José Ramón Pérez Ornia, reconoció va delles selmanes que la programación nasturianu dobla a la fecha en castellán. Lactu dentrega del premiu va tener llugar el próximu martes 10 de xunu, nUviéu. 30 de mayu, 2008 0 FacebookTwitterPinterestEmail
Comunicación Un diariu nasturianu podría tar funcionando a partir de marzu de 2009 by asturnet 30 de mayu, 2008 Asturnews avanzó va un mes laconceyamientu dun grupu dinversores cola fin davanzar nel proyectu de creación dun periódicu diariu nasturianu en papel. Un mes más tarde, Lórganu dinformación del Círculu Lliberal, LAsturies Lliberal anunció ayeri que nel aconceyamientu del grupu de promotores fechu nel Hotel Palacio de Figareo, en Mieres, yá se punxeron les bases pal proyeutu editorial que quier afitar un diariu impresu, íntegramente editáu na nuestra llingua, en xunto a otres estayes empresariales relatives al mundu audiovisual ya informáticu que tamién formaríen parte de la iniciativa. Según lAsturies Lliberal, nel proyeutu editorial afáyense nesti momentu cinco empresarios asturianos destremaes rames económiques, amás dun piñu persones provenientes del mundu de los medios de comunicación, de la xestión del protocolu, de la cultura asturiana y representantes de la industria editorial dámbitu estatal. Esti grupu tendría, según los lliberales, una fecha fixada pa la salida al mercáu desti proyectu periodísticu: el 21 de marzu de 2009. El proyectu quier ser, comente dende lAsturies Lliberal, una ufierta d’Opinión abierta a toles sensibilidaes del asturianismu. Nesi capítulu destaca la propuesta de venceyar a la xente de los blogues n’asturianu col proyeutu editorial. Un grupu de promotores estudia la creación dun periódicu diariu nasturianu 30 de mayu, 2008 0 FacebookTwitterPinterestEmail
Comunicación El Príncipe d’Asturies d’Investigación acueye 43 candidatures by asturnet 30 de mayu, 2008 Un total de 43 candidaturas de 23 nacionalidaes opten al Premiu Príncipe d’Asturies d’Investigación Científica y Téunica que tien de fallase’l prósimu día 4 n’Uviéu. 30 de mayu, 2008 0 FacebookTwitterPinterestEmail
Comunicación El dúu Mestura va tar en “Falando d’Asturies”, de la Cadena Ser, esta fin de selmana by asturnet 23 de mayu, 2008 El dúu Mestura va tar presentando esti sábadul so discu últimu Poemes de carambelu, nel espaciu Falando dAsturies, que presenta Inaciu Galán, dientro del programa A vivir que son dos días, de la Cadena Ser de Xixón, que se garra nel 96.5 del FM. Poemes de carambelu foi nun entamu un llibru de poemes infantiles espublizáu pola voz femenina del dúu, Marisa López Diz. La música cuerre a cargu de la otra metá del dúu, Luis Suárez. El discu, editáu por Pintar Pintar, ta producíu por Mento Hevia, que tamién collabora tocandol baxu, la percusión y los sintetizadores. Marta Rodríguez foi, pela so parte, la encargada del curdión. El domingu y tamién dientro dA vivir que son dos días, na estaya Xixón de cerca, Inaciu Galán treslládase esta selmana a lAsturies de 1808, recordando los fechos daquel día en directu y dende los llugares que los protagonizaron. 23 de mayu, 2008 0 FacebookTwitterPinterestEmail
Comunicación Espublizastur ufrel primer númberu de la revista Al debalu na rede y de baldre by asturnet 22 de mayu, 2008 La revista xeneralista nasturianu Al debalu, asoleyada pola editorial Espublizastur y dirixida por Fonsu Fernandi asoleyó apocayál so primer númberu y los sos responsables úfrenla agora de baldre pa descargala na rede. Nel primer númberu participen Inoa Frechilla, R. Barrera, Edu Pidal, Alejandro D.B., Ana Bobes, Daniel García, Julio Rodríguez y Xurde Margaride, ente otros. Descarga la revista de baldre 22 de mayu, 2008 0 FacebookTwitterPinterestEmail