Cine Avilés acueye un festival sobre surf organizáu pola asociación Artículo20 by asturnet 7 d'avientu, 2007 L’asociación cultural Articulo 20 d’Aviles organiza pa esti xueves 7 d’avientu la primer edición de Surfilm Cinefest, festival cinematográficu empobináu a difundir el legáu cultural que acompaña a la praútica del surf. De les 17:00 hores a les 22:00, la Casa de Cultura de la capital avilesina acoyerá delles proyecciones y una mesa redonda d’alderique sobre mediu ambiente y cambiu climáticu. La asistencia ye llibre y le entrada de baldre. Esta iniciativa de Art20 tamien cunta col sofitu nes llabores organizatives de la Conceyalía de Cultura del Ayuntamientu d’Aviles y los responsables del Surfilm Festibal de San Sebastián 7 d'avientu, 2007 0 FacebookTwitterPinterestEmail
Cine La Universidá espubliza’l guión de “La Torre de Suso”, del asturianu Tom Fernández by asturnet 5 d'avientu, 2007 La Uniniversidá d’Uvieu al travies del so serviciu d’espublizaciones ta acabante d’asoleyar el llibru que recueye’l guión cinematográficu de la película “La Torre de Suso”: obra del asturianu Tom Fernández. El volumen, de formatu bien cuidáu, incluí una introducción de la Profesora de Filoloxía Española Magdalena Cueto que foi maestra del director en dellos cursos de guión y creación cinematográfica na Universidá. Nel llibru tamien se recueye un testu del director cuntando’l procesu de creación de la película en toles vertientes de la obra, una serie de debuxos orixinales del storyboard del propiu Tom Fernández y una esbilla de les meyores semeyes de la película. 5 d'avientu, 2007 0 FacebookTwitterPinterestEmail
Cine FNAC proyecta esti xueves un documental sobre’l xenocidiu en Ruanda by asturnet 5 d'avientu, 2007 El civlu de documentales que tan esibiendo los responsables de programación del Fórum de la FNAC (Parque Principado en Siero) estos díes, van abordar el tema del xenocidiu en Ruanda na pasada decada de los 90 al travies de la obra “Shake hands with the devil. The journey of Romeo Dellaire” del director canadiense Peter Raymont. El pase va entamar esti xueves 6 d’avientu, a les 19:00 hores. Romeo Dallaire, protagonista del documental, yera’l teniente canadiense que tuvo al mandu de la misión de paz en Ruanda a les órdenes de les Naciones Xuníes. Dallaire escribió la so esperiencia nun llibru, que ye nel que se basa esti documental. La obra que esti xueves proyecta la FNAC algamó en 2005, el Premiu del Públicu al Meyor Documental Internacional nel Festival de Sundance. 5 d'avientu, 2007 0 FacebookTwitterPinterestEmail
Cine “Portman, a la sombra de Roberto” denuncia’l desaniciu ecolóxicu y económicu que se vive na costa murciana by asturnet 4 d'avientu, 2007 El Forum de FNAC, nel centru comercia Parque Principado de Siero, acueye esta tarde a les 19:00 hores la proyección del documental de Miguel Martí, Portman, a la sombra de Roberto. La cinta ye una denuncia de la situación grave de desaniciu mediuambiental que se vive nel pueblu de Portman, na bahía e Murcia. Esti trabayu foi presentáu na sección “Tiempo de historia” de la Selmana Internacional de Cine de Valladolid en 2001. La cinta ta centrada nel cierre del Lavaderu Roberto, un de los mayores por flotación del mundiu. Dende que la empresa Peñaroya ta instalada na bahía (llegó na metá de los 50) esta vive saturada con millones de tonelaes de residuos tóxicos procedentes del laváu del mineral. La situación ye más grave dende que en 1991 cerrara’l lavaderu xuntando al desastre ecolóxucu otru más grande económicu y social. 4 d'avientu, 2007 0 FacebookTwitterPinterestEmail
Cine “Los Hnos Marx en el Oeste” ye’l platu pa gúei nel ciclu “Llunes de Cine” n’Uviéu by asturnet 3 d'avientu, 2007 Los hermanos Marx empobine nesta ocasión pal Oeste americanu a facer fortuna. Entos merquen una mina ensin valor, na llocalidá de Cripple Creek, que resulta tar nunos terrenos mui polos que nagua una poderosa compañía de ferrocarriles. Estu ye l’argumentu de “Los Hermanos Marx en el Oeste”, película cola que entama esti mes d’avientu nel ciclu Llunes de Cine del Teatru Filarmónica d’Uvieu. El pase entamará, como davezu, a les 20:30 hores. “Los Hermanos Marx en el Oeste” data del añu 1940 y foi la segunda de les películes que los cómicos rodaron pa los estudios MGM embaxo la dirección d’Edward Buzzell. Aun ensín la participación de la clásica Margarett Dummont y ya ensín el llastre de Zeppo esta comedia, parodia del western, está considerada como una de les meyores que rodaren los Marx durante una etapa de clara decadencia. 3 d'avientu, 2007 0 FacebookTwitterPinterestEmail
Cine Ernesto Sevilla y Joaquín Reyes conducirán la gala de cierre del festival de cine by asturnet 30 de payares, 2007 Ernesto Sevilla y Joaquín Reyes van ser los encargaos de zarrar la edición del 45º Festival Internacional de Cine de Xixón nuna gala que se va cellebrar el sábadu a partir de les 20:30 hores nel Teatru Xovellanos. Estos dos cómicos son famosos nel panorama nacional pol so trabayu en programes como “La hora Chanante” y “Smonka”, nel canal temáticu Paramount Comedy y recientemente por “Muchachada nui” na 2 de Televisión Española. La gala tamien va cuntar cola participación músical d’un habitual de la escena xixonesa, Pedro Vigil. El llider d’Edwin Moses va remocicar en directu los sones del compositor Mychael Danna y les sos pieces pa los films “El Precio de la Verdad” y “Pequeña Miss Sunshine” cola collaboración d’otros diez músicos n’escena. Pa pone-y el ramu a la velada va tar sobre les tables Marisa Paredes que recoyerá’l premiu Nacho Martínez, entregáu n’otres ediciones a Asumpta Serna, Maribel Verdú o Eusebio Poncela. Per otru lláu, va proyectase “Eagle vs Shark”, una comedia de la directora de Nueva Zelanda Taika Waititi pa poner puntu y final a esta edición del festival. 30 de payares, 2007 0 FacebookTwitterPinterestEmail
Cine El documental Fronteiras va echase nel Festival Internacional de Cine de Xixón by asturnet 29 de payares, 2007 Dientro de la sección Esbilla del Festival Internacional de Cine de Xixón, va poder vese el documental Fronteiras, un documentu emitíu yá pela televisión gallega y que causó polémica nAsturies. Nel documental fálase de les zones que dalgunos consideren de fala gallega fuera de les fronteres de Galicia. Na páxina web del Festival Internacional de Cine de Xixón recuéyese la siguiente nota La mestura de Fala y Asturianu que se fala na llende ente Galicia y Asturies ye casi una neo llingua, un híbridu que garra de la una y del otru y a vegaes hasta se confunden. Una visión dende Galicia d’esti fenómenu cultural na llende.. Nel documental opinen los políticos, llingüístes, hestoriadores y la xente de la cai, según cuenta la productora los que lo falen con total naturalidá, ensin dramatismos ideolóxicos y dende siempre. Dalgunos de los personaxes más destacos son Xosé Lluis Méndez Ferrín, Xosé Manuel Beiras, Manuel Fraga y dende Asturies, la Presidenta de l’Academia de la Llingua Asturiana, Ana Cano y lex Xefe de la Oficina de Política Llingüística del Principáu, Ramón d’Andrés ente otros. El documental va poder vese na sala 3 de los Cines Centro de Xixón, el 29 de payares a les 19:45 hores y el día 30 nel CMI Xixón-Sur, a les cinco la tarde. Páxina n’asturianu del Festival Internacional de Cine de Xixón 29 de payares, 2007 0 FacebookTwitterPinterestEmail
Cine El Festival de Cine ya dispón del so espaciu en Flickr pa que los espectadores compartan les sos semeyes by asturnet 29 de payares, 2007 El Festival de Cine de Xixón ufre al públicu una galería colos cartelos d’esta y d’anteriores ediciones al travies del sistema Flickr, un de los sitios pa compartir semeyes más popular de la rede. Los organizadores pretenden qu’esti espaciu en Flickr sía alimentáu polos propios espectadores del festival y pa ello permiten que cualquiera que tenga una semeya rellacionada col festival o coles películes que se tan esibiendo pueda subila a dicha cuenta de Flickr. L’únicu preseu ye mandar la foto embaxo la etiqueta 45festivalcinegijon, pa que se pueda atopar más facilmente. Flickr del Festival Internacional de Cine de Xixón 29 de payares, 2007 0 FacebookTwitterPinterestEmail
Cine Radio 3 emite parte de la so programación güei dende’l festival de cine de Xixón by asturnet 29 de payares, 2007 Radio Nacional d’España al travies de la programación de Radio 3 va averase a l’actualidá del 45º Festival Internacional de Cine de Xixón cola retransmisión de los conciertos de “The Ettes”, güai xueves 29 de payares a la 1:00 y de les bandes “Wonderfool Cosmetic” y ” Facto de la fe y las flores azules”, la nueche del vienres 30 a la mesma hora. Los dos recitales van ser comentaos pol periodista musical Julio Ruiz. L’atención de Radio 3 pol festival asturianu va tar completada con programación esclusiva nos programes “El Septimo vicio”, “Disco grande”, “En un mundo feliz” y la “Ciudad Invisible” que van dedica-y parte del tiempu de programa a falar del festival y que cuntarán cola presencia del públicu. RNE va instalar un camión movil na Plaza’l Parchis de Xixón pa facer toles retransmisiones. 29 de payares, 2007 0 FacebookTwitterPinterestEmail
Cine “A golpe de tacón” revisa’l papel de la muyer na fuelga minera del 62 nel Festival de Cine by asturnet 29 de payares, 2007 Esti xueves 29 a les 19:45 hores na sala 3 de los Cines Centro el Festival de Cine de Xixón acoye’l pase de la película “A golpe de tacón”, curtiumetraxe de la directora asturiana Amanda Castro que va repetise mañana vienres 30 a les 17:00 hores nel Centru Municipal Xixón Sur-Pumarín. La película revisa’l papel de les muyeres na fuelga minera de 1962 a partir de les vivencies de les llangreanes Anita Sirgo y la fallecía Constantina Perez, “Tina la de La Xuecara”, que foron deteníes y torturaes durante los episodios del 1962. Esti curtiumetraxe, que se va proyectar diantro del ciclu “Esbilla”. ta rodáu principalmente en Llangreu y Santa Cruz de Mieres y foi realizáu a partir d’un guión del periodista entreguín Pedro Alberto Marcos, que tamien ye l’autor del testu del primer trabayu cinematográficu d’Amanda Castro “Tierra de guerrilleros”. Nel elencu d’actores de la cinta figuren Cristina Marcos, Lola Herrera, Belen Ponce de León, Fernando Andina y el llangreanu Fran Sariego. Festival de Cine de Xixón 29 de payares, 2007 0 FacebookTwitterPinterestEmail