Cine Tom Fernández presenta una edición meyorada del guión de “La Torre de Suso” na Universidá by asturnet 24 de xineru, 2008 Tom Fernández, director y guionista de la película “La Torre de Suso” va tar presentando, esti xueves 24 de xineru, la nueva edición del guión cinematográficu del esitosu film, nel Salón d’Actos de la Facultad de Filoloxía d’Uvieu (campus del Milán) a les 13:15 hores. La edición d’esti guión cuerre al gargu de la Universidá d’Uvieu en collaboración cola productora Mediapro y recueye a más de les pallabres de autor, dellos debuxos del storyboard orixinal y una esbilla del trabayu fotográficu de la mesma. Al actu van asistir, amás del propiu cineasta, la profesora de la Universidá d’Uvieu, Magdalena Cueto, que tamien participó nel llibrui faciendo la presentación; los productores Lola Salvador y Javier Mendez ya’l actor Cesar Vea. Esti llibru ta disponible nel serviciu d’espublizaciones de la Universidá. 24 de xineru, 2008 0 FacebookTwitterPinterestEmail
Cine Continua el ciclu cinematográficu sobre la comedia nel centru de El Coto by asturnet 23 de xineru, 2008 La Fundación Municipal de Cultura, Educación y Universidá Popular de Xixón continua col ciclu de cine alredor del xeneru de comedia americana col pase de “Más fuerte que el orgullo” con Laurence Olivier y Edna May. La cinta va poder vese esti miercoles 23 de xineru nel salón d’actos del centru municipal de El Coto a les 19:30 hores cola entrada llibre y de baldre. La película, obra del cineasta Robert Z. Leonard estrenada en 1940, cunta la vida de cinco hermanes na Inglaterra del sieglu XIX y los sos esmolecimientos por alcontrar maríu. 23 de xineru, 2008 0 FacebookTwitterPinterestEmail
Cine La sociedá Gesto ufre la proyección de “El caballeru Verde”, con Sean Connery by asturnet 22 de xineru, 2008 La sociedá cultural Gestode Xixón continua col so programa de proyecciones cinematográfiques nos centros municipales de Xixón col pase de “El Caballeru Verde”, film alredor de la figura del Rei Arturo y los Caballeros de la Tabla Redonda dirixíu por Stephen Weeks en 1884 y protagonizáu por Sean Conery. La xornada que propón Gesto, en collaboración cola Fundación Municipal de Cultura, Educación y Universidá Popular de Xixón va entamar a les 19:30 hores col primer pase y finará a les 21:30 col segundu. La entrada nes dos ocasiones ye de baldre. 22 de xineru, 2008 0 FacebookTwitterPinterestEmail
Cine La filmoteca d’Asturies ufre esti llunes la película “El ladrón de Bagdag” by asturnet 21 de xineru, 2008 La filmoteca d’Uvieu ufre un nuevu llunes de cine nel Teatru Filarmonica col pase de la película “El ladrón de Bagdag”, producción d’Alexander Korda dirixida a medies en 1940 polos cineastas Ludwig Berger, Michael Powell y Tim Whelan. Enantes d’entamar la sesión, a les 20:30 hores, va haber una charra al cargu del director de la Filmoteca d’Asturies, Juan Bonifacio Lorenzo. “El ladrón de Bagdag”, precursora del xeneru fantásticu ya inspiradora del “Aladdin” de Disney, ye una adaptación del cuentu “Les mil y una nueches” y tuvo una nominación al oscar poles músiques que compuso pa la ocasión Miklós Rózsa. 21 de xineru, 2008 0 FacebookTwitterPinterestEmail
Cine “El Orfanato” quedó finalmente fuera de la carrera a los Oscar by asturnet 17 de xineru, 2008 Yá ye oficial. L’academia de Hollywood asoleyó los nueve trayos que van competir pol oscar a la meyor película fecha en fala non inglesa y “El Orfanato” quedó fuera d’esa llista. La obra del director Juan Antonio Bayona, rodada en gran parte n’Asturies y con guión del asturianu Sergio G. Sánchez, ta siendo a pesar de nun entrar finalmente na carrera pola estatuilla dorada, la película más taquillera nes sales españoles y un productu d’ésitu nel mercáu internacional. Les nueve finalistes son “The Year My Parents Went on vacation” de Brasil, “Katyn” de Polonia, “The Counterfeiter” d’Austria, “L’âge des ténèbres” de Canadá, “L’inconnue” d’Italia, “Mongol” de Kazaxitán, “The trap” de Serbia y “Beaufort” d’Israel. Dempués d’una última esbilla, l’academia escoyerá cinco d’estos nueve llargometraxes pa optar al premiu final na gala del 24 de febreru nel Teatru Kodak de Los Ánxeles. 17 de xineru, 2008 0 FacebookTwitterPinterestEmail
Cine Amenorguen los espectadores cinematográficos by asturnet 16 de xineru, 2008 El cine sigue perdiendo espectadores por tercer añu consecutivu en tol Estáu, al pasar de casi 102 millones de persones, 20 millones menos que la cifra del 2007 y lloñe de los 144 millones d’espectadores de 2004. Los datos ufiertaos pol Ministerio de Cultura, que van del 1 de Xineru al 27 d’Avientu, amuesen que casi 13 de los 102 millones de persones que pasaron peles sales españolas ficieronlo pa ver una película española, mientres que los 89 millones restantes escoyeron el cine extranxeru. La perda d’espectadores axúntase al descensu nel númberu de sales d’exhibición, que pasa de les 936 del 2006 a las 889 del 2007, anque’l númberu de pantalles seya asemeyáu y pasa de les 4.299 a les 4.250. Tampocu nun hai sorpresa no que cinca a la nacionalidá de los llargometraxes exhibíos, una clasificación que domina dafechu Estaos Xuníos, con 611 producciones estrenaes durante l’añu pasáu y más de 380 millones de euros acumulaos, seguido por España, con 337 títulos que llograren una recaudación conxunta de 70,8 millones de euros. 16 de xineru, 2008 0 FacebookTwitterPinterestEmail
Cine La FNAC continua repasando lo meyor del giallo italianu con la pelicula “Seis muyeres pal asesinu” by asturnet 16 de xineru, 2008 Esti miercoles a les 19:00 hores los responsables del fórum de la FNAC, nel centru comercial Parque Principado de Siero, continuen ufriendo un pequeñu repasu a la obra de los cineastas más importantes de la escena italiana del cine de terror y suspense. Nesta ocsión la película esbillada, “Seis muyeres pal asesinu (Sei donne per l’assasino)”: un thriller policiacu, o giallo usando les pallabres propies del xeneru, que ye una de les cimes de la obra de Mario Bava. Enentes de la proyección d’esta tarde tamien pasaron pol espaciu cultural del centru comercial de Paredes dos clásicos de la producción italiana como son “I vampiri” de Riccardo Freda y “El diablu lleva a los muertos”, tamien de Mario Bava. 16 de xineru, 2008 0 FacebookTwitterPinterestEmail
Cine El local Cambalache d’Uviéu agospia la proyección del documental “Paraiso Industrial” alredor de la contaminación n’Asturies by asturnet 11 de xineru, 2008 El local Cambalache d’Uvieu (Cai Martínez Vigil, 30-baxu) dedica la xornada del vienres al documental “Paraiso Industrial” cola proyección del mesmu y la cellebración d’un alderique cola directora Konchi Rodríguez ya’l representante de la Coordinadora Ecoloxista, Fructuoso pontigo. L’actu, con entrada llibre y de baldre como davezul, entama a les 20:00 hores. “Paraiso Industrial”, de Kela Coto y Konchi Rodríguez, fala en cincuenta minutos sobre les consecuencies que pue traer el cambiu climáticu y la contaminación al planeta y plantega una entruga nidia: ¿Cómo pue conxugase una Asturies Paraísu Natural cola permisividá hacia la especulación industrial?. La obra participó recientemente na 45 edición del Gijón Film Festival. 11 de xineru, 2008 0 FacebookTwitterPinterestEmail
Cine “Luna Nueva” de Howard Hawks ye la ufierta pa esti miércoles nel ciclu de comedia en Xixón by asturnet 9 de xineru, 2008 “Luna Nueva” de Howard Hawks, una de les pieces clásiques de la comedia americana de tolos tiempos, ye’l platu qu’ufierta esti miercoles 9 de xineru la Fundación Municipal de Cultura, Educación y Universidá Popular de Xixón nel cliclu que dedica a repasar lo meyor de la comedia nel cine. Les cites, con entrada llibre y de valdre, cola obra de Hawks van ser a les 19:30 y a les 21:30 nel Salón d’Actos del Centru Municipal Integráu de El Coto. Estrenada en 1940, “Luna Nueva” entama xusto cuando un afamada reportera, interpretada por Rosalind Russell, dexa’l trabayu na redacción pa dedicase a les llabores del hogar ya’l so home. Per otra parte, el director del diariu onde trabaya y ex.maríu de Hildy, papel que fai Cary Grant, va intertar retenala en plantilla a base d’engaños. 9 de xineru, 2008 0 FacebookTwitterPinterestEmail
Cine El local Cambalache d’Uviéu agospia la proyección del documental “Paraiso Industrial” alredor de la contaminación n’Asturies by asturnet 8 de xineru, 2008 El local Cambalache d’Uvieu (Cai Martínez Vigil, 30-baxu) dedica la xornada del vienres al documental “Paraiso Industrial” cola proyección del mesmu y la cellebración d’un alderique cola directora Konchi Rodríguez ya’l representante de la Coordinadora Ecoloxista, Fructuoso pontigo. L’actu, con entrada llibre y de baldre como davezul, entama a les 20:00 hores. “Paraiso Industrial”, de Kela Coto y Konchi Rodríguez, fala en cincuenta minutos sobre les consecuencies que pue traer el cambiu climáticu y la contaminación al planeta y plantega una entruga nidia: ¿Cómo pue conxugase una Asturies Paraísu Natural cola permisividá hacia la especulación industrial?. La obra participó recientemente na 45 edición del Gijón Film Festival. 8 de xineru, 2008 0 FacebookTwitterPinterestEmail