Cine El Festival de Xixón estrena’l viernes l’asturiana “Subir al cielo” by asturnet 19 de payares, 2013 Esti vienres, 22 de noviembre, el Festival Internacional de Cine de Xixón va acoyer l’estrenu de la película Subir al cielo, dirixida pola realizadora asturiana Lucía Herrera, dientro de la sección competitiva Gran Angular.La proyección va tener llugar nel teatru de la Universidá Llaboral de Xixón a les 20:15 hores. La película ta realizada so llicencia Creative Commons, de forma que cada miembru del equipu de trenta persones apurre una pequena parte pa producila. La película, que ta rodada íntegramente n’Asturies, con más de 30 localizaciones esteriores, afonda nes relaciones personales de xente que va a la gueta d’afayar la so identidá, la certidume y les respuestes, pero sobremanera, afayase a sigo mesmos. Los protagonistes, Murias, Lois, Deva y Longrey, viven la so vida dientro de contradicciones inevitables: la edá, el pasu del tiempu, la maternu-paternidá. Amistá y relaciones de pareya metanes decisiones intermitentes. Tou ello cola perspectiva xeneracional que repasa les relaciones a los 20, 30 y 40 años. La directora Lucía Herrera, y Juan Luis Ruiz, amigu, codirector y director de fotografía, empiecen a escribir dende la ficción. Sigún la nota de prensa d’anuncia del estrenu hasta esta película “yeren dos llocos filmando realidá dende la realidá. Agora nada y daqué ye real; tou y parte son ficción. Les sos referencies son Deseyando amar y 2046 de Wong Kar-Wai, El Sur de Víctor Erice, escritores como Julio Cortázar, Vila-Matos y John Berger, y directores de fotografía como Cristopher Doyle y, ¿por qué non?, el mesmu Juan Luis Ruiz”. “Subir al cielo” ye un proyectu d’estructura y presupuestu minimalistas, que trata de romper coles convenciones de la industria cinematográfico. Nun cunta con ayuda pública dalguna, pero llogró texer una rede d’entidaes que sofiten el proyectu ufiertando los sos espacios, servicios o productos. Realizada so llicencia Creative Commons, cada miembru del equipu de trenta persones apurre una pequena parte pa producir un gran tou. Internet, les nueves formes de distribución y les redes sociales van conformar la esperiencia S.A.C.-acrónimo del títulu- más allá de la gran pantalla. COLLABORACIONES La película cunta cola collaboración d’Elle Belga y Nachu Vegues, quien interpreta’l papel de Vigo. Amás d’actuar, el xixonés toca xuntu cola so banda’l cantar La ciudá más murnia, con lletra afecha a la hestoria de los protagonistes. Y ye que la música de “Xubir al cielu” ye la so propia xénesis, constrúi espacios y personaxes colos cantares del propiu Nachu Vegues, Elle Belga, The School, Love of Lesbian, La bien quería, Kitten cake, etc., y la fisicidad d’una fotografía que nos asitia dientro de la hestoria. 19 de payares, 2013 0 FacebookTwitterPinterestEmail
Cine La gala del vienres del FICX va cuntar con Loquillo by asturnet 13 de payares, 2013 La 51ª. edición del Festival Internacional de Cine de Xixón (FICX) suma nueves cares conocíes pa una gala d’inauguración con mayor relieve, na que va tar José María Sanz, más conocíu por Loquillo, pa sumase estyi vienres 15 al homenaxe qu’esi día va recibir l’actor Carmelo Gómez, a quien se-y va apurrir el premiu Nachu Martínez” en reconocencia non yá a so consistente y premida trayectoria como intérprete, sinón tamién a la so disposición pa collaborar con realizadores nuevos. La del vienres, va Ser una gala con muncha presencia de cineastes, hasta una cincuentena, que quieren acompañar y homenaxear a dos de los profesionales más carismáticos del cine español: Vicente Aranda, que va recibir el premiu d’homenaxe del FICX a toa una carrera, y la montadora Carmen Fríes, a quien se-y concede’l premiu de l’asociación “Muyer de Cine”. El premiu a Carmelo Gómez va apurrilu’l cineasta y escritor asturianu Gonzalo Suárez, que dirixió al actor en “El porteru”, pero tamien anunciaron la so presencia nel teatru Xovellanos directores de como Fernando Trueba, Jaime Chávarri o Fernando Méndez-Leite. 13 de payares, 2013 0 FacebookTwitterPinterestEmail
Cine La XDLA llama cosmopaletu al director de FICXixón y critical pasotismu de Carlos Rubiera como conceyal de Cultura by asturnet 12 de payares, 2013 Nun duru comunicáu asoleyáu esti día, la Xunta pola Defensa de la Llingua Asturiana califica de “cosmopaletu” a Nacho Carballo, director del Destival de Cine de Xixón y critica les desafortunaes declaraciones “pasotas” del conceyal de Cutlura, Carlos Rubiera, d’un llargu historial de compromisu cola llingua y la cultura d’Asturies. El Festival Internacional de Cine de Xixón (FICXixón) acaba de camudar el nome de dos de los sos ciclos más importantes. Asina, Esbilla conviértese en Gran Angular y Llendes pasa a ser Límites. Y pa la Xunta pola Defensa de la Llingua Asturiana (XDLA) “trátase dun fechu llamentable al ser una castellanización que supón un pasu atrás grave na visibilización del nuestru idioma. La XDLA considera una muestra de cosmopalestismu la xustificación del cambiu: según Nacho Carballo, director del certame, fuera dAsturies naide sabe lo que significa llendes, pero sí límites. Hai que tener en cuenta que FICXixón ye ún de los festivales de más prestixu nel ámbitu del cine independiente internacional y lusu del asturianu nestos detalles yá taba aceptáu como dalgo normal ensin quen nengún momentu supunxere dalgún problema”. Mesmamente, recuerda la XDLA “hai unos meses, una auditoría sobrel turismu en Xixón señaló como dalgo positivo y digno de meyora la valoración del patrimoniu cultural al traviés del usu del asturianu nesi ámbitu. Sicasí, Carballo da un pasu atrás y quita les referencies asturianes del eventu con más repercusión mediática de la ciudá. Y ye que los sos argumentos caen con un solu exemplu: el Festival de Cine de San Sebastián o Zinemaldia- tien secciones con nomes como Zabaltegi, lo que nun quita pa quel certame síal más importante de tol Estáu y ún de los más prestixosos del ámbitu européu amás dun de los eventos culturales más importantes dEspaña-“. A la XDLA choca-y tovía más “lactitú del conceyal de Cultura, Carlos Rubiera, que siempre repite que ye un defensor del asturianu: nun sé pue entender cómo un representante públicu pue dicir eso mentes permite que se dea un pasu atrás na visibilidá del nuestru patrimoniu llingüísticu. Patrimoniu que, amás, ta amparáu y protexíu pola llei y que les alministraciones tienen que potenciar y visibilizar. Pa la XDLA, les palabres de Rubiera muestren el so pasotismu na defensa de los derechos llingüísticos de tolos asturianos, una defensa quhai que demostrar con fechos y non con palabres”. Por eso, la organización solicita al Festival Internacional de Cine de Xixón que “restituya la denominación de siempre de les secciones. Amás, reclama al responsable de Cultura xixonés coherencia ente les palabres y los fechos”. 12 de payares, 2013 0 FacebookTwitterPinterestEmail
Cine Un director asturianu llucha por formar parte de The ABCs of Death 2 by asturnet 6 de payares, 2013 El direutor mozu Álvaro Núñez ye unu de los candidatos a formar parte del recopilatorio de curtiumetraxes de terror The ABC’s of Death, nel que participaron Nachu Vigalondo, Álex de la Iglesia o Vincenzo Natali (Cube). Na cuenta trás pa rematar la primer etapa del concursu The ABC’s of Death 2, el director asturianu Álvaro Núñez ta mui cerca de consiguir qu’el so curtiumetraxe M IS FOR MIRACLE sía incluyíu dientro del recopilatorio The ABCs of Death 2, del que na so primer edición participaron directores de sonadía como Nachu Vigalondo, Álex de la Iglesia o Vincenzo Natali (Cube), ente otros. A pocos díes del zarru oficial de les votaciones del públicu, el concursu va rematar el 14 de payares, el curtiumetraxe del asturianu M IS FOR MIRACLE atopar ente los venti primeros, siendo’l segundu curtiumetraxe español más votáu dientro d’esti concursu d’ámbitu internacional. Pal mozu director, que yá unvió dellos de los sos trabayos a distintos festivales de cine y participó en diversos concursos de curtiumetraxes, que la so última creación forme parte del recopilatorio The ABCs of Death 2 ye la so nueva meta. P’algamar esti propósitu ye necesariu llograr el máximu de votos per parte del públicu al traviés de la páxina http://26th.abcsofdeathpart2.com/entry/m-is-for-miracle-1/, onde se puede visionar el curtiumetraxe. M IS FOR MIRACLE dirixíu por Álvaro Núñez, producíu por Karmacoma Films y protagonizáu pol tamién asturianu David Blanka, narra una esmolecedora hestoria de tres minuto na que s’amuesa la desidia humana llevada al estremu pol so protagonista, un home qu’ante la más bederre de les visiones escueye la fuxida ante la llucha. 6 de payares, 2013 0 FacebookTwitterPinterestEmail
Cine El FIC presenta’l xueves una programación de reconocida calidá by asturnet 6 de payares, 2013 El Festival de Cine de Xixón consigue axuntar en dos de les sos secciones, Rellumes y Llendes, títulos de reconocida calidá y apuestes de riesgu nel ámbitu cinematográficu, dos vertientes que completen y vertebren la ufierta del FICX. Con Rellumes, el FICX presenta un total de 11 títulos con destacaos elementos a nivel cinematográficu onde s’entemecen talentos consagraos como Jiri Menzel (Oscar a la meyor película estranxera) presentando’l so últimu trabayu The Don Juans; y mozos realizadores como Jan Ole Gerster que presenta Oh, Boy, un trabayu pol que yá recibió 19 premios y 10 nominaciones en festivales internacionales, daqué que dexa claro’l talentu d’esti debutante en llargumetraxes de ficción. La selección toma tou tipu de filmografíes, dende les más cercanes y conocíes como Alemaña, Estaos Xuníos o Francia hasta otres muncho más exótiques y estrañes pal públicu xeneral como son la filipina o la coreana. Toles películes qu’integren Rellumes pueden consultase nel siguiente enllaz: http://www.gijonfilmfestival.com/page/12707-rellumes Llindes ye otra sección que preséntase como una selección d’apuestes ventureres que busquen la llende, reponiendo la identidá que tenía la sección orixinalmente: ye’l pasu a un cine qu’amplía les fronteres del espectador. La sección qu’enantes se conocía como Llendes presenta un total de 7 llargumetraxes, na que s’inclúi la producción gallega El murniu golor de la carne, una película rodada nun solu planu secuencia, obra del chilenu Cristóbal Arteaga y financiada gracies al crowdfunding. Tamién va formar parte de la selección un llargumetraxe como La Piscina del realizador cubanu Carlos Machado Quintela, un trabayu que narra l’entrenamientu de cuatro discapacitaos cubanos y que participó na Sección Panorama del últimu Festival de Berlín. La cinta preséntase agora en Llendes tres la so reconocencia internacional n’otros festivales como L’Habana o Miami. Toles películes qu’integren Llindes pueden consultase nel siguiente enllaz: http://www.gijonfilmfestival.com/page/12707-rellumes El Festival Internacional de Cine de Xixón ta entamáu pol Teatru Xovellanos, patrocináu pol Gobiernu del Principáu d’Asturies, l’Institutu de les Ciencies y les Artes Audiovisuales del Ministeriu d’Educación, Cultura y Deporte, el Programa Media de la Unión Europea y Liberbank-Cajastur. Collabora Coca Cola. 6 de payares, 2013 0 FacebookTwitterPinterestEmail
Cine Un ciclu sobre’l cine de Michael Haneke abre los actos venceyaos a los Premios Príncipe by asturnet 17 d'ochobre, 2013 Un ciclu de cine dedicáu al director Michael Haneke, Premio Príncipe d’Asturies de les Artes 2013, va abrir mañana los actos venceyaos a los Premios Príncipe d’Asturies d’anguaño, según informa la Universidá d’Uviéu.Once proyecciones en sesiones dobles n’Uviéu, Xixón y Avilés van percorrer la filmografía completa del cineasta distinguíu col galardón de les Artes por aciu una iniciativa entamada pola Fundación Príncipe d’Asturies en collaboración cola institución académica del Principáu. El Cinefórum empieza con “El tiempu del llobu” y “El vídeu de Benny”, nel Centru Cultural d’Estensión Universitaria LAUDEO (Aula Severu Ochoa), a les 19:00 y a les 21:30 hores. A estes mesmes hores, nel Centru Pumarín Xixón Sur proxectaránse Códigu Desconocíu” y “La pianista”, ente que nel Centru Niemeyer d’Avilés, “Funny games” y “El Castiellu”. Toles sesiones, ente’l 14 y el 22 d’ochobre, van ser d’accesu llibre hasta completar aforu. Amás, el públicu comenenciudu va poder escuchar la interpretación en directu d’obres de Juan Sebastian Bach y Frank Schubert presentes nes bandes sonores de les películes “Amor” y “La pianista”. Va Ser nel Teatru Filarmónica, antes de les proyecciones, el 15 y 16 d’ochobre, a les 20:00 hores. 17 d'ochobre, 2013 0 FacebookTwitterPinterestEmail
Cine El primer llargumetraxe transmedia ya interactivu tendrá so estrenu mundial en Xixón by asturnet 10 d'ochobre, 2013 El primer llargumetraxe transmedia ya interactivu simultáneamente, “Panzer chocolate”, va tener el so estrenu mundial nel marcu de la 51ª edición del Festival de Cine de Xixón, nun eventu que va tener llugar el próximu 22 de noviembre nuna sesión especial a les 22:30h nel Teatru Xovellanos. Empobinada y escrita por Robert Figueres y producida por Silenciu Rodamos al traviés de capital priváu (con un presupuestu de 1,5 millones d’euros), la película encuadrar nun proyectu únicu nel que’l llargumetraxe complementar con un videoxuegu pa iOS y Android, una novela gráfica, interactividad por móvil y un doble final. El gran apueste ye’l grau d’interacción al traviés del teléfonu móvil que xune al espectador y la película d’una manera nunca antes amosada: antes, demientres ya inclusive una vegada rematada la proyección. Gracies a una aplicación instalada nel móvil por aciu un códigu QR, l’espectador non yá va poder interactuar colos protagonistes mientres la proyección sinón qu’una vegada rematada va tener la posibilidá d’escoyer un final alternativu al narráu al traviés d’un videoxuegu. Panzer chocolate ye un proyectu independiente y revolucionariu qu’amiesta a la perfección col espíritu del FICX. Narra la hestoria d’un grupu de mozos que s’enfusen nun bunker de la Segunda Guerra Mundial en busca de muertos nazis pero’l llugar, aparentemente abandonáu, va revelase como una trampa mortal. 10 d'ochobre, 2013 0 FacebookTwitterPinterestEmail
Cine L’Atenéu Llibertariu entama un ciclu de cine sobre la crisis by asturnet 1 d'ochobre, 2013 L’Atenéu Llibertariu d’Uviéu pon en marcha esti martes el so cinefórum, que va presentar selmanalmente películes sobre la tema “Crisis y movimientos sociales”. A lo llargo de tolos martes del mes d’Ochobre van a proyeutase películes y documentales alrodiu distintos movimientos, asina como les causes que los xeneraron. Posteriormente habrá un alderique nel que se pondrán en comuña les distintes reflexones y analizaranse les sos aportaciones a la llucha pola emancipación obrera. Esti martes el ciclu entama cola proyeición “La Plaza. La xestación del movimientu 15-M”, un documental alrodiu d’esti movimientu creáu recién, y que nel alderique posterior va a cuntar con integrantes del mesmu. L’actividá ye na Biblioteca d’El Fontán (Uviéu), de magar les 19 hores. 1 d'ochobre, 2013 0 FacebookTwitterPinterestEmail
Cine La Fundación Nuberu y lAyuntamientu de Llangréu organicen otra vuelta les xornaes culturales De Castilletes y Carbón by asturnet 1 d'ochobre, 2013 Per cuartu añu consecutivu, la Fundación Nuberu y lAyuntamientu de Llangréu organicen les xornaes culturales De Castilletes y carbón. Trátase de la cuarta edición duna actividad de dinamización cultural questes dos entidaes ponen en marcha como consecuencia del conveniu de collaboración firmáu ente elles. Estes xornaes culturales, De Castilletes y carbón, xiren alredor de les interrellaciones ente cine, mina, música, lliteratura, economía, gastronomía y sarticulen nun ciclu de películes, Baxando a la Galería, que va echase los miércoles del mes dochobre nel Cine Felgueroso de Sama, una serie de ponencies sobre estos temes, Los Xueves de Castilletes y Carbón, que van ponese los xueves del mes de payares na Casa los Alberti, y, como remate, un conciertu del grupu Nuberul en La Pola Llavianal día de Santa Bárbara. Esti conciertu tuvo llugar va dos años nel Nuevu Teatru La Felguera y lañu pasáu nel Teatru de LEntregu, la idea ye da-y movilidá per tol Vallel Nalón manteniendol Centru de Referencia de la Cultura y la Llingua Asturiana Casa de los Alberti y el Cine Felgueroso como centros principales de lactividá cultural. Cine nel Felgueroso/p> La programación que va desendolcase nel Cine Felgueroso de Sama va facese cola programación que vien darréu: dochobre, 20:00 hores Tocando el viento (1997) Dirixida por Mark Herman y protagonizada por Ewan McGregor, Tara Fitzgerald, Pete Postlethwaite, Jim Carter, Stephen Tompkinson. Nel gobiernu de Margaret Thatcher, la mina carbón dun pueblu del norte dInglaterra ta pa cerrar. La banda música de los mineros, toa una institución con más dun sieglu historia, tamién cuerrel peligru de desapaecer. Pese a ello, Danny, el líder de la banda, consigue afalar a los sos compañeros pa siguir compitiendo nel concursu nacional. 9 dochobre, 20:00 hores La sal de la Tierra (1954) Dirixida por Herbert J. Biberman y protagonizada por Juan Chacón, Will Geer, Rosaura Revueltas, Mervin Williams, Frank Talavera. La güelga que protagonizaron unos mineros de Nuevo México supunxo una dura y amarga batalla, pero contaron en tou momentu col apoyu de les sos muyeres. Discutíu melodrama semidocumental nel quintervienen personaxes reales, pero que tuvo quencarar munchos problemes demientres y dempués del rodaxe: el director, el productor, el guionista, el compositor y lactor Will Geer figuraben entós na “llista negra” del Comité dActividaes Antiamericanes del senador McCarthy. Hoi, en cambiu, ye una de les poques películes que se conserven na Biblioteca del Congresu de los Estaos Xuníos pol so valor históricu y cultural. 16 dochobre, 20:00 hores Las aguas bajan negras (1948) Dirixida por José Luis Sáenz de Heredia y protagonizada por Charito Granados, Adriano Rimoldi, Mary Delgado, José María Lado. Trescurre na 1er Guerra Carlista nAsturies, nun llugar onde esiste una mina de carbón. Beatriz, la fía dun coronel isabelín casa en secretu con un capitán carlista. Ello va enfrentala al pá y tamién al so maríu nuna aventura dramática. Plantégasel dilema ente lAsturies tradicional del campu y la de la minería. 23 dochobre, 20:00 hores Subterra (2003) Dirixida por Marcelo Ferrari, protagonizada por Francisco Reyes y Paulina Gálvez. La historia trescurre nel pueblu chilenu de Lota, 1897. No más fondo del Chiflón del Diablo, la mina carbón más grande del mundu, una gran rebelión se xesta nel corazón dun home. Mientres, laristocrática familia Cousiño Goyenechea sueña cola llegada del del progresu, los mineros del carbón lluchen por imponese a les sos condiciones de trabayu indignes. 30 dochobre, 20:00 hores En tierra de hombres (2005) Dirixida por Niki Caro y protagonizada por Charlize Theron, Frances McDormand, Sissy Spacek, Woody Harrelson, Sean Bean. Josey Aimes (Charlize Theron), una madre soltera, regresa al so pueblu natal nel norte de Minnesota y, pa salir alantre, busca trabayu nes mines de fierru. Nun simaxina a qué clase dhumildaciones tán sometíes les muyeres nel trabayu. 1 d'ochobre, 2013 0 FacebookTwitterPinterestEmail
Cine Avientu estrenará la segunda parte de The Hobbit by asturnet 1 d'ochobre, 2013 “El Hobbit: L’Ablayamientu de Smaug va llegar a los cines de too el mundu’l 13 d’avientu d’esti 2013. Un añu más tarde el 17 d’avientu de 2014, va estrenase “El Hobbit: Partida y regresu”, la cinta que va poner puntu y final a la nueva triloxía de Peter Jackson. Y como prolegómenu vieno acabante estrenase na rede un nuevu trailer que s’axunta al que ya ufrieran pa celebrar el 40 aniversariu de la muerte de Tolkien hai un mes. Naquel trailer ufríennos imáxenes nes que víamos a vieyos conocíos de la primer película como Bilbo (Martin Freeman), Gandalf (Sir Ian McKellen), Thorin Escudo de Roble (Richard Armitage) o Légolas (Orlando Bloom), el príncipe elfu al que ya viéramos na Triloxía del Aniellu. Y esta vegada los protagonistes tornen otra vuelta xunta vieyos conocíos como Ella L’Araña y el nuevu protagonista del filme que s’estrena n’Uviéu, el Dragón Smaug. 1 d'ochobre, 2013 0 FacebookTwitterPinterestEmail