Cine Antón Reixa va falar sobre la situación del sector audiovisual nuna conferencia n’Uviéu by asturnet 27 de payares, 2007 El músicu gallegu, antiguu llider de Os Resentidos y artista multimedia. Antón Reixa va falar estí martes 27 de payares n’Uvieu sobre’l panorama audiovisuial d’anguaño dende’l puntu de vista de la so esperiencia en Galicia. La conferencia entamará a les 20:00 hores nel Auditoriu Príncipe Felipe d’Uvieu y ta organizada pola Asociación de Productores de Televisión d’Asturies dientru d’un ciclu que entama cola intervención de Reixa. Antón Reixa, vigues de nacimientu, ye un de los músicos más prolíficos de Galicia y de tola escena estatal como llider de Os Resentidos y como artista en solitariu. Amás ye articulista y contertuliu, productor de cine y televisión col Grupu Filmanova y presidente del Cluster Audiovisual Galego dende 2005. Reixa vien a dar conocer la esperiencia del modelu audiovisual gallegu, un de los referentes del sector audiovisual en toda España. El vigues falará sobre les beneficioses consecuencies económiques, llaborales y creatives que puen esperimentase nuna rexón por mor de cuntar con un sector audiovisual potente 27 de payares, 2007 0 FacebookTwitterPinterestEmail
Cine LABoral collabora col Festival de Cine con un ciclu de proyecciones de vidiu esperimental by asturnet 27 de payares, 2007 LABoral Centru dArte y Creación Industrial va entamar esti martes 27 un ciclu de proyecciones de videu esperimental que, col nome “Imágenes Concretas”, va desendolcase nel Centru dArte y nel Centru de Cultura Antiguu Institutu Xovellanos, respectivamente. “Imágenes Concretas” ye una contribución de LABoral al Festival Internacional de Cine de Xixón y los sos comisarios son Erich Berger, comisariu xefe de LABoral Centru dArte y Creación Industrial, y Erwin vant Hart, cineasta, programador y comisariu independiente. La primer sesión va ser esti martes 27 de payares, de 19:00 a 20:15 hores en LABoral Centru dArte y Creación Industrial, y la segunda, esti miércoles 28 de payares, a les 19:45 nel Centru de Cultura Antiguu Institutu Xovellanos. 27 de payares, 2007 0 FacebookTwitterPinterestEmail
Cine “El Paraísu de Hafner”, de Günter Schwaiger, proyectase güei en Xixón by asturnet 27 de payares, 2007 Esti martes, día 27, a les 19:45, na Sala 1 de los Cines Centro (C.C. San Agustín) y organizao pol Atenéu Obreru de Xixón en collaboración col Festival Internacional de Cine, va tener llugar la proyección del documental “El Paraísu de Hafner, de Günter Schwaiger, al que se-y otorgó’l Primer Premiu Tiempo de Historia na pasada edición del Festival de Cine de Valladolid Seminci 2007. Günter Schwaiger nació en 1965 en Neumarkt (Salzburgo). Estudió Etnoloxía y Arte Dramáticu en Viena y dende l’aniciu de los 90 trabaya en Madrid como director de cine y teatro. En 2005 rodó con Hermann Peseckas el documental “Der Mord von Santa-Cruz” y al año siguiente organizó, xunta Tom Lavin, la exposición Massengrab, que se ocupaba de la caída del réximen de Franco. El director, Günter Schwaiger, va tar presente na proyección del documental y va participar nun alcuentru-coloquio col públicu asistente. 27 de payares, 2007 0 FacebookTwitterPinterestEmail
Cine La web del Festival de Cine de Xixón retransmite diariamente toles ruedes de prensa y los alcuentros con protagonistes by asturnet 26 de payares, 2007 El Festival Internacional de Cine de Gijón, a traves de su página web , ta retransmitiendo tolos díes en direutu les ruedas de prensa, los diálogos y los “cafes con”, que mos averen a los protagonistes del certamen. Toles retransmisiones de Festival TV son anunciaes na propia Web con antelación, ya entamen a les 12.30 y a las 16.00 hores. Los participantes d’esto llunes son Diablo Cody, guionista de Juno; Jose Luis Guerín y Nuria Esquerra, director y productora, d'”Unas fotos de la ciudad de Sylvia”; asina como l’actriz Verónica Sánchez y la directora Roser Aguilar, miembros del Xuráu Internacional. 26 de payares, 2007 0 FacebookTwitterPinterestEmail
Cine ASBRU ta esibiendo los meyores curtios asturianos na Casa d’Asturies de Bruseles by asturnet 23 de payares, 2007 ASBRU (Asturianos en Bruseles) ta esibiendo ayeri xueves 22 y güei 23 de noviembre na Casa d’Asturies de Bruseles el II° Ciclu de Curtiometraxes y documentales asturianos en Bruseles. Embaxó’l nome de “Rellumes” y en collaboración cola organización del Festival Internacional de Cine de Xixón, esta esbilla de trabayos d’artistes asturianos pertenez al certame de cine xixones del añu 2006. Ayeri tuvo llugar el primer pase de curtios con “Pomiedzy”, de Jose Enrique Iglesias, “Matar el Tiempu”, de Santos Hevia, “La Marea”, d’Iván Sáinz-Pardo, Dirk Soldner y Jim-Box, y “Longaniza con Patatas”, de Xuan Acosta. Una de les particularidaes de la edición d’esti añu ye l’atención especial que se-y va prestar al formatu documental y ya n’esti primer pase ava esibiose “AsturianUS”, una comparación ente’l pueblu castrillones d’Arnao y la ciudá estaunidense de Spelter al cargu de Luis Agreo. Estes dos poblaciones tan emparentaes por surdir al abellu de la Real Compañ´çia de Mines. La segunda sesión d’esti vienres 23 22 acoyerá la esibición del documental documental “Resistencia” de l’asturiana Lucinda Torre sobre’l conflictu llaboral de los trabayadores de Duro Felguera. Tres la proyección, Torre va debatir col públicu asistente alredor de la situación d’anguaño na producción audiovisual d’Asturies y la so proyección nel estranxeru. ASBRU lleva dende 2005 divulgando la cultura asturiana en Bruseles ya ufiertando a los asturianos de la ciudá y al restu d’habitantes la posibilidá de conocer dalgo de la xera cultural más innovadora del Principáu. No va d’añu, l’asociación organizó delles iniciatives como l’homenaxe al poeta Antonio Gamoneda o les II Xornaes Gastronómiques sobre la nueva cocina asturiana que tuvieren llugar lo caberu de xunu. 23 de payares, 2007 0 FacebookTwitterPinterestEmail
Cine Morrió Fernando Fernán-Gómez, creador del premiu de novela Café Gijón by asturnet 22 de payares, 2007 Ayeri pela tarde conocíemos la noticia de la muerte de Fernando Fernán-Gómez, actor y escritor venceyáu con Asturies dende va munchos años y per distintes razones. La más conocía, quiciabes, foi fundador del premiu de Novela Café Gijón en 1949 nel chigre madrialanu col mesmu nome, asitiáu nel Paséu de Recoletos, un premiu prestixosu que, col pasul tiempu cayerá nel escaezu y que recuperó lAyuntamientu de Xixón nel añu 1989. Lalcaldesa de Xixón, Paz Fernández Felgueroso, mandó esta tarde un telegrama de condolencia a la familia del actor, según informaron fontes de la Casa Conceyu, destacando limportante llabor de publicidá de la ciudá que fizol premiu creáu pol autor nos últimos cuasi sesenta años. Lactor y escritor, muertu güei a los 86 años, protagonizó va unos años una película que tuvo como escenariu Asturies El Abuelo, na quinterpretaba a un indianu que tornaba cola maleta al agua, una película del director asturianu Garci, que tuvo un gran ésitu y llegó a tar nominada a un Oscar de lAcademia del cine americana. Amás, en 1995, Fernán-Gómez recibiól Premiu Principe dAsturies de les Artes. La comunidá dactores española ta de llutu y Asturies vive especialmente esti dolor. 22 de payares, 2007 0 FacebookTwitterPinterestEmail
Cine Arranca’l Festival de Cine de Xixón cola proyección de “The Darjeeling Limited”, de Wes Anderson by asturnet 22 de payares, 2007 Esti xueves 22 de payares, a les 20:30 hores, el Teatru Xovellanos de Xixón va acoyer la inauguración oficial del 45º Festival Internacional de Cine, con un actu inaugural, nel que van actuar en directo James Taylor Quartet y que va cuntar tamién cola proyección de “The Darjeeling Limited”, de Wes Anderson. Xunta esta película, van estrenase 22 títulos na Sección Oficial, de los que 18 entren a competición. El vienres 23, nel Teatru Xovellanos, siguen les proyecciones de tarde de la sección, tanto en llargumetraxes como en curtiumetraxes, anque pela mañana, dende les 9:30 hores, tamién se proyecten películes d’otres secciones como la popular “Enfant terribles”. 22 de payares, 2007 0 FacebookTwitterPinterestEmail
Cine La FNAC ufre dos películes de la cinemateca de Cuba esta selmana by asturnet 21 de payares, 2007 El fórum de la FNAC nel centru comercial Parque Principado de Siero ta esibiendo esta selmana una esbilla de películes pertenecientes a la Cinemateca de Cuba. Ayeri proyectose “Una pelea cubana contra los demonios”, del cineasta Tomás Gutierrez Alea y esti miercoles ye’l turnu de “El siglo de las luces”, del cineasta Humberto Solás. La entrada al pase, como davezu, va ser de baldre y entamará s a les 19:00 hores. “El siglo de las luces” (1992) d’Humberto Solás narra la vida de dos herederos d’un empresariu cubanu ya’l viaxe qu’entamen pol Caribe, Francia y la España del levantamientu del 2 de Mayu. 21 de payares, 2007 0 FacebookTwitterPinterestEmail
Cine “Taxidermia”, la historia de tres xeneraciones d’una familia húngara, esíbese esta nueche en Sama by asturnet 21 de payares, 2007 Participante nel Festival de Cine de Sundance, el de Sitges ya’l de Cannes “Taxidermia” llega esti miercoles 21 de payares al Cine Felgueroso de Sama de Llangreu a les 20:00 hores dientro de les esibiciones cinematográfiques que Cajastur programa durante tol añu. La cinta ye una cooproducción ente Hungría, Austria y Francia y ta dirixida ya interpretada por György Pálfi. “Taxidermia” ta encadarmada alredor de tres histories que se correspuenden coles tres xeneraciones d’una familia perespecial. Esta cinta, la tercera na carrare del director, algamó’l prmer premio del p úblicu nel festival Fantasporto. 21 de payares, 2007 0 FacebookTwitterPinterestEmail
Cine El concursu de curtios con móvil de les Mocedaes Socialistes amplía’l plazu d’entrega al 30 de payares by asturnet 20 de payares, 2007 Los responsables del concursu de curtiometraxes pa telefonu movil organizáu poles Mocedaes Socialistes d’Uvieu dientro de les xornaes culturales “Jovetense 07” ta acabante d’ampliar el plazu de recepción de trabayos pa la edición d’esti año hasta’l prósimu 30 de payares. Al concursu puen presentase obres grabaes en telefonos móviles con una duración másima de dos minutos y medio y de temática llibre. Nel casu de que se usen imáxenes de fechos reales o de actualidá ye necesario que les imáxenes sían del conceyu d’Uvieu. El xuráu, que ta compuestu por críticos cinematográficos, espertos en imagen, y miembros de Mocedaes, otorga tres premios consistentes en 1º Premio: Vale FNAC 60€ + Lote DVD’s; 2º Premio: Vale FNAC 30€ + Lote DVD’s; 3º Premio: Vale FNAC 30 €. Más información 20 de payares, 2007 0 FacebookTwitterPinterestEmail