Sebas G. Mouret torna a Avilés pa inaugurar el nuevu ciclu del Club Xuvenil de Llectura

Esti sábadu a les 18.00 hores na Sala Allegro del hotel 40 Nudos, Sebas G. Mouret torna a Avilés pa inaugurar el nuevu ciclu del Club Xuvenil de Llectura, que va teer periodicidá mensual y les sos sesiones van cuntar cola presencia d’autores destacaos na cultura xuvenil.

Sebas G. Mouret torna esti sábadu a les 18 hores al Club Xuvenil de Llectura d’Avilés que se va celebrar na Sala Allegro del hotel 40 nudos, tres l’ésitu que llogró l’añu pasáu na sesión d’inauguración d’esta actividá. Los y les moces asistentes amosaron un altu interés pol so trabayu, especialmente’l que realiza nel videoblog lliterariu “El Coleccionista de Mundos”, que l’añu pasáu cuntaba con 180.000 suscripciones y na actualidá yá ronda les 210.000.

El Club Xuvenil de Llectura construyó a lo llargo de les 6 sesiones que se llevaron a cabu en 2017 una audiencia constante d’alredor de mediu centenar d’asistentes per sesión. Amás de Sebas G. Mouret, pasaron per Avilés en 2017 pa falar de lliteratura xuvenil, l’oficiu d’escribir y diverses temes rellacionaes cola so obra Iria G.  Parente, Alba Quintes Garciandia, Martitara, Francisco Miguel Espinosa y Xema Bonnín

El Club ta impulsáu pola Conceyalía de Cultura y entamáu pola biblioteca Bárganos Candamo cola collaboración de l’Asociación Cultural Celsius 232. Tien una periodicidá mensual y siempres cunta cola participación d’una figura destacada nel ámbitu de la cultura xuvenil, na mayoría de los casos rellacionada cola so proyección nes redes sociales.

Sebastián García Mouret nació en 1996 n’Uviéu. Pel branu de 2012 decidió empezar un proyectu en YouTube combinando les sos dos pasiones (lo audiovisual y la lliteratura) que camudaría la so vida ensin precedentes. Anguaño’l so conteníu na rede llega a cientos de miles de persones, y nun para de crecer. Tien trés canales de Youtube, una páxina en Facebook y cuentes en Twitter ya Instagram al traviés de les qu’atiende a les sos fans. Amás de compaxinar los sos estudios de Periodismu na Universidá Carlos III de Madrid, trabaya nuna editorial, nuna revista online, da conferencies y sigue creando conteníu diariamente.

N’agostu de 2012 empieza un proyectu lliterario y audiovisual. Tan solo cuntaba con 16 años, la cámara del so teléfonu móvil y una pila de llibros a manera de trébedes, pero’l guxanucu de compartir les sos idees y vivencies col mundu comíalu por dientro. Too esto, xuntáu col deséu de falar de llibros (rompiendo una llanza en favor de el llectores y llectores nueves), dio llugar a “El coleccionista de Mundos“: un videoblog lliterariu onde espón tou aquello que la lliteratura faía-y (y fai-y) sentir.