Música Sean Keane nel Centru Cultural Caxastur d’Uviéu by asturnet 12 d'avientu, 2006 written by asturnet 12 d'avientu, 2006 29 El cantante folk irlandés Sean Keane va presentar güei, martes 12 d’avientu, a partir de les 20,00 hores el so últimu trabayu, You’ve got gold” na sala del Centru Cultural Caxastur d’Uviéu. El nuevu trabayu que Keane va presentar n’Uviéu tien once cortes nos que s’axunta la música folk americana col folk irlandés, dexando un bon espaciu pal amuese de les capacidaes vocales de Keane. Sean Keane nació nuna familia vinculada a la música irlandesa nel Condáu de Galway. Los sos primeros antecedentes musicales remóntense a cuando yera bien neñu. Actualmente y con una década de trabayu en solitariu tien publicaos seyes discos con material que va dende canciones tradicionales ensin acompañamientu, pasando por temes de folk al country, con escales nel blues. Ente toes elles destaca ensin dulda’l so sellu personal que ye la so inconfundible voz, capaz d’axustase a los diferentes rexistros qu’esixen los estilos musicales de los sos temes. Del so últimu trabayu, “You’ve got gold”, destaquen ente otros “The penny falls” escrita ente Anth y Gerry Kaley, que ye una balada na que Sean Keane amuesa los perbonos rexistros de la so voz; o “Even heaven has to cry”, compuesta por Mary Greener, nel que se fai un mediu country. Ente les demás canciones del albúm alcuéntrense bien d’elles meciendo la tradición del folk americanu cola llírica irlandesa, como “The wining side” de Robby O’Connell, tema nel que se cuenta la historia de los 5 de Rossport, xente encarcelao n’Irlanda por negase a que les multinacionales estrozaren la natura del país y qu’a la fin algamron el so propósitu. 0 FacebookTwitterPinterestEmail Anterior La Campa Torres y les Termes de Campu Valdés declaraes museos siguiente Pablo Rodríguez Medina y Pablo Texón ganen el premiu “Teodoro Cuesta” Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón