Sariegu celebra una Esfoyaza Popular esti vienres

by asturnet | noviembre 20, 2009 11:54 am

[1]

Güei, vienres 20 de payares el Polideportivu de Vega en Sariegu va acoyer a partir de les siete la Esfoyaza Popular, que llega esti añu a la so sétima edición. L’Ayuntamientu collabora col Grupu Deportivu 6 Conceyos pa esti eventu, nel que van facese llabores como la esfueya de panoyes o enrestrar con blimes, entamase xuegos d’antaño, espadañes y bilortos. Amás, va entamase un amagüestu con sidra del duernu, amenizáu polos cuentos y cosadielles de Milio’l del Nido. Toes estes actividaes van ser gratuítes y los organizadores piden a los participantes na esfoyaza que vaigan «vistíos d’época».

Endnotes:
  1. [Image]: http://asturnews.com/bancofotos/fotos/2/4542.jpg

Source URL: http://asturnews.com/sariegu-celebra-una-esfoyaza-popular-esti-vienres/